ᓴᒧᐃᓕ ᐂᑉᐸᖏᑦ 11
11
ᑍᕕᑎᓗ ᐸᓰᐸᓗ
1 #
ᑯᕉᓂᑲ ᓯᕗᓪᓖᑦ 20:1. ᐊᕐᕌᒍᒥ ᑕᕝᕙᓂ ᐅᐱᕐᖓᕐᑎᓪᓗᒍ, ᐊᖓᔪᖅᑳᕐᔪᐊᑦ ᐅᓇᑕᕆᐊᖃᑦᑕᕐᑎᓪᓗᒋᑦ, ᑍᕕᑎᐅᑉ ᔪᐊᐱ ᑎᓕᓚᐅᕐᐹ ᐊᖓᔪᖅᑳᖁᑎᖏᓪᓗ, ᐃᓴᕆᐊᓕᒥᐅᓪᓗ ᐅᓇᑕᕐᑐᒃᓴᖏᑦ; ᐊᒧᓁᑎᒥᐅᓪᓗ ᓵᓚᒋᓚᐅᕐᐰᑦ, ᕌᐸᐅᓪᓗ ᐃᒡᓗᒐᓴᖏᑦ ᑎᒍᓪᓗᒋᑦ. ᑍᕕᑎᓕ ᔨᕉᓴᓕᒦᖏᓐᓇᓚᐅᕐᐳᖅ.
2ᐅᓪᓗᐃᑦ ᐃᓚᖓᓐᓂ, ᐅᓐᓄᓴᓕᕐᑎᓪᓗᒍ, ᑍᕕᑎ ᓯᓂᒃᑐᕕᓂᐅᓪᓗᓂ ᒪᑭᓚᐅᕐᐳᖅ ᐃᒡᓗᖓᑕᓗ ᖁᓛᓄᑦ ᐊᓃᕋᔮᕐᕕᖓᓄᐊᓚᐅᕐᐳᖅ, ᐊᕐᓇᒥᒡᓗ ᑕᑯᕗᖅ ᐃᒡᓗᒥᓂ ᐅᕕᓂᖕᓂᐊᕐᑐᒥᒃ; ᐊᕐᓇᕐᓗ ᑖᓐᓇ ᐃᓂᖁᓇᕐᑐᒻᒪᕆᐅᕗᖅ. 3ᑕᕝᕙ ᑍᕕᑎ ᑎᓕᓯᕗᖅ ᐊᕐᓇᖅ ᑭᓇᐅᖕᒪᖔᑦ ᑲᐅᔨᔭᕐᑐᕐᑐᒥᒃ, ᖃᐅᔨᕗᕐᓗ ᐹᓯᐸᐅᓂᖓᓂᒃ, ᐃᓕᐊᒻ ᐸᓂᖓ, ᔪᕅᐊᐅᑉ ᓄᓕᐊᖓ ᕼᐃᑍᑎᒥᐅᑕᐅᑉ. 4ᑍᕕᑎᓗ ᐅᖃᕆᐊᕐᑐᕐᑎᑦᓯᕗᖅ ᐱᔪᒪᓪᓗᓂᐅᒃ; ᑖᓐᓇᓗ ᑕᕝᕗᓐᖓᕐᐳᖅ, ᐃᓐᓇᖓᖃᑎᒋᕚᓗ. (ᑕᖅᑭᑕᒫᕐᓯᐅᑎᒥᓂᒃ ᓴᓗᒻᒪᕋᑖᕐᑎᓪᓗᒍ.) ᑭᖑᓂᖓᒍᓪᓗ ᐊᖏᕐᕋᒥᓄᑦ ᐅᑎᕐᐳᖅ. 5ᑭᖑᓂᐊᒍᑦ ᖃᐅᔨᓕᕐᐳᖅ ᓄᑕᕋᒃᓴᖃᓕᕐᓂᕐᒥᓂᒃ; ᐅᖃᕆᐊᕐᑐᕐᑎᑦᓯᕗᕐᓗ ᑍᕕᑎᒧᑦ.
6ᑕᕝᕙ ᑍᕕᑎ ᑎᓕᓯᓚᐅᕐᐳᖅ ᐅᖃᕆᐊᕐᑐᕐᑐᒥᒃ ᔪᐊᐱᒧᑦ, “ᔪᕅᐊ ᕾᖁᓚᐅᕈᒃ ᕼᐃᑍᑎᒥᐅᖅ.” ᔪᐊᐱᐅᓪᓗ ᑍᕕᑎᒧᐊᕐᑎᑉᐹ. 7ᔪᕅᐊ ᑎᑭᒻᒪᑦ, ᑍᕕᑎᐅᑉ ᐊᐱᕆᕚ ᔪᐊᐱᒃᑯᑦ ᐅᓇᑕᕐᑐᒃᓮᓪᓗ ᖃᓄᐃᖏᒃᑲᓗᐊᕐᒪᖔᑕ, ᐅᓇᑕᕐᓂᕆᔭᖓᓪᓗ ᖃᓄᐃᒻᒪᖔᑦ. 8ᑕᕝᕙ ᑍᕕᑎ ᔪᕅᐊᒧᑦ ᐅᖃᕐᐳᖅ, “ᐊᖏᕐᕋᓕᕆᑦ ᐃᑎᒐᑎᑦ ᐅᐊᓴᕆᐊᕐᑐᕐᓗᒋᑦ.” ᔪᕅᐊᓗ ᐊᖓᔪᖅᑳᕐᔪᐊᑉ ᐃᒡᓗᖓᓂᑦ ᐊᓂᑎᓪᓗᒍ, ᑍᕕᑎ ᑐᓂᕐᕈᑎᒥᒃ ᐋᑕᐅᑎᑦᓯᕗᖅ ᐃᒡᓗᖓᓄᑦ. 9ᔪᕅᐊᓕ ᐊᖏᕐᕋᓚᐅᓐᖏᓚᖅ, ᓯᓂᒃᑕᓚᐅᕐᐳᕐᓕ ᐊᖓᔪᖅᑳᕐᔪᐊᖃᕐᕕᐅᑉ ᐃᑎᕐᑕᕐᕕᖓᓂ ᐊᖓᔪᖅᑳᕐᔪᐊᑉ ᖃᐅᔨᓴᕐᑎᖏᑦ ᐱᖃᑎᒋᓪᓗᒋᑦ. 10ᑍᕕᑎᓕ ᐅᖃᐅᑦᔭᐅᒐᒥ ᔪᕅᐊᐅᑉ ᐊᖏᕐᕋᓚᐅᖏᓐᓂᖓᓂᒃ, ᑍᕕᑎᐅᑉ ᐅᖃᐅᑎᕚ, “ᐅᑎᕋᑖᑦᓯᐊᕋᕕᑦ ᐊᑯᓂᐊᓗᒃ ᐊᐅᓪᓚᕐᓯᒪᓚᐅᕐᓗᑎᑦ; ᓱᖕᒪᓪᓕ ᐊᖏᕐᕋᓚᐅᓐᖏᓚᑎᑦ?”
11ᔪᕅᐊ ᑍᕕᑎᒧᑦ ᑭᐅᕗᖅ, “ᐃᓴᕆᐊᓕᒥᐅᑦ ᔫᑕᒥᐅᓪᓗ ᐅᓇᑕᕆᐊᕐᓯᒪᖕᒪᑕ, ᐊᑕᓂᐅᓪᓗ ᐃᒃᓯᕐᕕᖁᑎᖓ ᑍᑲᓃᒻᒪᑦ; ᐊᖓᔪᖅᑳᕋᓗ ᔪᐊᐱ ᐅᓇᑕᕐᑐᒃᓴᖁᑎᖏᓪᓗ ᑕᖕᒫᕐᓯᒪᓪᓗᑎᒃ ᑕᒫᓂᑐᐃᓐᓇᖅ; ᓱᖕᒪᓪᓕ ᐊᖏᕐᕋᕆᐊᖃᕐᐳᖓ, ᓂᕆᓗᖓᓗ ᐃᒥᕐᓗᖓᓗ, ᓄᓕᐊᕋᓗ ᓯᓂᖃᑎᒋᓗᒍ? ᑕᒪᓐᓇ ᐃᑦᔪᕐᓁᑦᑑᖕᒪᑦ, ᑍᒤᓕᐅᕐᓂᐊᖏᒻᒪᕆᒃᐳᖓ!”
12ᑍᒤᒻᒪᑦ ᑍᕕᑎᐅᑉ ᐅᖃᐅᑎᕚ, “ᑕᕝᕙᓃᑐᐃᓐᓇᓕᕆᑦ ᐅᓪᓗᓕᒫᖅ, ᖃᐅᒃᐸᓪᓗ ᐊᐅᓪᓚᕐᑎᓐᓂᐊᕐᐸᒋᑦ.” ᑕᕝᕙ ᔪᕅᐊ ᔨᕉᓴᓕᒦᓚᐅᕐᐳᖅ ᐅᓪᓗᒥ ᑕᕝᕙᓂ, ᖃᐅᖓᓂᓗ. 13ᑍᕕᑎᐅᑉ ᕾᖁᓪᓗᒍ ᓂᕆᔭᕐᑐᖁᕚ, ᓂᕆᓚᐅᕐᐳᖅ ᐃᒥᕐᓗᓂᓗ, ᐋᖓᔮᓕᕐᑎᑉᐹᓗ; ᐅᓐᓄᒥᓕ ᑍᑦᓱᒪᓂ ᐊᖏᕐᕋᓚᐅᓐᖏᓚᖅ; ᓯᓂᓚᐅᕐᐳᕐᓕ ᕿᐱᒃᓯᒪᓪᓗᓂ ᐊᖓᔪᖅᑳᕐᔪᐊᖃᕐᕕᐅᑉ ᑲᐅᔨᓴᕐᑎᖏᑕ ᐃᒡᓗᕈᓯᖏᓐᓂ.
14ᖃᐅᑎᓪᓗᒍ ᐅᓪᓛᒃᑯᑦ ᑍᕕᑎ ᑎᑎᕋᓚᐅᕐᐳᖅ ᔪᐊᐱᒧᑦ, ᓇᒃᓴᕐᑕᐅᑎᓪᓗᒋᓪᓗ ᔪᕅᐊᒧᑦ. 15ᐃᒫᒃ ᑎᑎᕋᓚᐅᕐᐳᖅ, “ᔪᕅᐊ ᓯᕗᓪᓕᕐᐸᐅᑎᓪᓗᒍ ᑎᓕᓚᐅᕈᒃ ᐅᓇᑕᕐᕕᐅᓂᕐᐹᒧᑦ, ᕿᒪᒡᓗᒍᓗ ᑐᖁᑕᐅᖁᓪᓗᒍ.” 16ᔪᐊᐱᓗ ᓴᐱᓯᓯᒪᓕᕋᒥ ᐃᒡᓗᒐᓴᖕᓂᒃ, ᔪᕅᐊ ᑎᓕᕚ ᖃᐅᔨᒪᔭᒥᓄᑦ ᐊᑭᕋᖏᑕ ᓲᖑᓂᕐᐹᖓᓄᑦ. 17ᐊᑭᕋᖏᑦ ᐃᒡᓗᒐᓴᖕᓂᑦ ᐊᓂᓪᓗᑎᒃ ᐅᓇᑕᕆᐊᕐᐳᑦ ᔪᐊᐱᐅᑉ ᐅᓇᑕᕐᑐᒃᓴᖁᑎᖏᓐᓂᒃ; ᑍᕕᑎᐅᓪᓗ ᐅᓇᑕᕐᑐᒃᓴᖁᑎᖏᑕ ᐃᓚᖏᑦ ᑐᖁᑕᐅᕗᑦ. ᔪᕅᐊᓗᑦᑕᐅᖅ ᕼᐃᑍᑎᒥᐅᖅ ᑐᖁᑕᐅᒋᕗᖅ.
18ᔪᐊᐱᓗ ᐅᖃᕆᐊᕐᑐᕐᑎᑦᓯᕗᖅ ᑍᕕᑎᒧᑦ ᐅᓇᑕᕐᓂᖏᑕ ᖃᓄᐃᑉᐸᓪᓕᐊᓂᓕᒫᖏᓐᓂᒃ; 19ᐃᒤᓕᐅᖁᓚᐅᕐᐹᓗ ᐅᖃᕆᐊᕐᑐᕐᑐᖅ, “ᐊᖓᔪᖅᑳᕐᔪᐊᖅ ᐅᖃᐅᑎᔭᕇᑐᐊᕈᕕᐅᒃ ᐅᓇᑕᕐᓂᐅᑉ ᖃᓄᐃᑉᐸᓪᓕᐊᓂᖓᓂᒃ, 20ᓂᓐᖓᑐᐃᓐᓇᕆᐊᖃᕐᒪᑦ ᐊᐱᕆᓗᓂᓗ, ‘ᖃᓄᐃᒻᒪᑦ ᐃᒡᓗᒐᓮᑦ ᖃᓂᒋᔭᖓᓄᐊᓗᐊᕐᐱᓰ ᐅᓇᑕᕆᐊᕐᓗᒋᑦ? ᖃᐅᔨᒪᓚᐅᓐᖏᓚᓰ ᖃᕐᔪᓄᑦ ᐱᒋᐊᑐᐃᓐᓇᕆᐊᖃᕐᓂᖏᓐᓂᒃ ᐊᕙᓗᐊᓂᑦ? 21#ᐃᓗᐊᕐᓮᔩᑦ 9:53.ᐃᖅᑲᐅᒪᓐᖏᓚᓰ ᑍᒫᒃ ᐊᐱᒥᓕᒃ ᔨᕈᐱᑎᐅᑉ ᐃᕐᓂᖓ ᑐᖁᑕᐅᓚᐅᕐᓯᒪᖕᒪᑦ? ᑍᑲᓂ ᑎᐱᔾᒥ, ᐊᕐᓇᒧᑦ ᓯᖃᓪᓕᓯᕕᖕᒧᑦ ᒥᓗᕐᑕᐅᓚᐅᕐᓯᒪᖕᒪᑦ ᐊᕙᓗᕐᔪᐊᑉ ᑭᒡᓕᖓᓂᑦ ᑐᖁᓪᓗᒍᓗ. ᓱᖕᒪᑦ ᐊᕙᓗᕐᔪᐊᑉ ᖃᓂᒋᔭᖓᓄᐊᓗᐊᕐᐱᓰ?’ ᑍᒫᒃ ᐊᖓᔪᖅᑳᕐᔪᐊᑉ ᐊᐱᕆᒃᐹᑎᑦ, ᐅᖃᐅᑎᓂᐊᕐᐸᑦ, ‘ᐅᓇᑕᕐᑐᒃᓴᖁᑏᑦᑕᐅᖅ ᔪᕅᐊ ᕼᐃᑍᑎᒥᐅᑕᖅ ᑐᖁᑕᐅᓚᐅᕆᕗᖅ.’”
22ᑕᕝᕙ ᐅᖃᕆᐊᕐᑐᕐᑎᑕᐅᔪᖅ ᑍᕕᑎᒧᐊᕐᐳᖅ ᐅᖃᐅᑎᓪᓗᒍᓗ ᔪᐊᐱᐅᑉ ᐅᖃᐅᓯᐅᖁᔭᓕᒫᖏᓐᓂᒃ. 23ᑍᕕᑎᒧᑦ ᐅᖃᕐᓗᓂ, “ᐊᑭᕋᕗᑦ ᓴᓐᖏᓂᕐᓴᐅᖅᑲᐅᖕᒪᑕ ᐅᕙᑦᑎᓐᓂᑦ ᐃᒡᓗᒐᓴᖕᓂᓪᓗ ᐊᓂᓪᓗᑎᒃ ᐅᓇᑕᕆᐊᓚᐅᕐᐳᑦ ᓄᓇᑐᐃᓐᓇᕐᒥ, ᐅᑎᕐᑎᓚᐅᕐᐸᕗᓪᓕ ᐃᒡᓗᒐᓮᑦ ᐃᑎᕐᑕᕐᕕᖓᓄᑦ. 24ᖃᕐᔪᓄᓪᓗ ᐱᒋᐊᕐᑕᐅᓚᐅᕐᐳᒍᑦ ᐊᕙᓗᕐᔪᐊᒥᑦ, ᐊᖓᔪᖅᑳᕐᔪᐊᓪᓗ ᐅᓇᑕᕐᑐᒃᓴᖁᑎᖏᑕ ᐃᓚᖏᑦ ᑐᖁᑕᐅᓚᐅᕐᐳᑦ, ᐅᓇᑕᕐᑐᒃᓴᖁᑏᑦᑕᐅᖅ ᔪᕅᐊ ᕼᐃᑍᑎᒥᐅᖅ ᑐᖁᑕᐅᓚᐅᕆᕗᖅ.”
25ᑍᕕᑎᐅᑉ ᐅᖃᕆᐊᕐᑐᕐᑎᑕᐅᔪᖅ ᐅᖃᐅᑎᕚ, “ᑲᔪᖏᕐᓴᑦᓯᐊᕈᒃ ᔪᐊᐱ ᐃᓱᒫᓗᖁᖏᓪᓗᒍ ᑕᒪᑐᒥᖓ, ᖃᐅᔨᒪᔪᖃᕈᓐᓇᖏᒻᒪᑦ ᑭᓇ ᑐᖁᑕᐅᓂᐊᕐᒪᖔᑦ ᐅᓇᑕᕐᑐᓂ; ᐅᖃᐅᑎᒍᒃ ᐊᒃᓱᕈᒃᑲᓐᓂᕐᓗᓂ ᐱᒋᐊᖁᓗᒍ ᐃᒡᓗᒐᓴᖕᓂᒃ, ᓵᓚᒋᓗᒍᓗ.”
26ᐸᓰᐸᓕ ᑐᓴᕋᒥ ᐅᐃᖓᑕ ᔪᕅᐊᐅᑉ ᑐᖁᑕᐅᓂᖓᓂᒃ, ᕿᒃᓵᒍᑎᒋᓚᐅᕐᐹ. 27ᕿᒃᓵᖕᓂᖓᓕ ᐊᓂᒍᕐᒪᑦ, ᑍᕕᑎ ᑎᓕᓯᕗᖅ ᐊᖓᔪᖅᑳᕐᔪᐊᖃᕐᕕᖕᒧᐊᖁᓪᓗᒍ; ᓄᓕᐊᕐᑖᕆᓪᓗᓂᐅᒡᓗ ᐃᕐᓂᕐᑖᓚᐅᕐᐴᒃ. ᐊᑕᓂᐅᓪᓕ ᑕᒪᓐᓇ ᖁᕕᐊᒋᓚᐅᓐᖏᓛ ᑍᕕᑎᐅᑉ ᐱᓂᐊᕐᓂᖓ.
Currently Selected:
ᓴᒧᐃᓕ ᐂᑉᐸᖏᑦ 11: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
