ᓴᒧᐃᓕ ᐂᑉᐸᖏᑦ 1
1
ᑍᕕᑎᐅᑉ ᑐᓴᕐᓂᖓ ᓴᐅᓕᐅᑉ ᑐᖁᓂᖓᓂᒃ
1ᓴᐅᓕᐅᑉ ᑐᖁᓂᖓᑕ ᑭᖑᓂᐊᒍᑦ, ᑍᕕᑎ ᐅᑎᓚᐅᕐᐳᖅ ᓵᓚᖃᕇᕋᒥ ᐊᒪᓕᑬᒥᐅᓂᒃ, ᓄᖅᑲᖓᓚᐅᕐᐳᕐᓗ ᔨᒡᓛᒡᒥ ᐅᓪᓘᖕᓂᒃ ᒪᕐᕉᖕᓂᒃ.
2ᐅᓪᓗᐃᑦ ᐱᖓᔪᖓᓐᓂ ᐅᕕᒃᑲᒧᑦ ᑎᑭᑕᐅᕗᖅ ᓴᐅᓕᐅᑉ ᑕᖕᒫᕐᓯᒪᕕᖓᓂᑦ ᐱᔪᒧᑦ. ᕿᒃᓵᖕᓂᓂ ᓴᖅᑭᔮᖁᓪᓗᒍ, ᐊᓐᓄᕌᓂ ᐊᓕᒃᑐᕐᓯᒪᓚᐅᕐᐰᑦ ᓂᐊᖁᓂᓗ ᐊᕐᔭᓕᓂᓕᕐᓯᒪᓪᓗᒍ. ᑖᓐᓇ ᑍᕕᑎᒧᐊᕋᒥ, ᐹᒻᒪᒃᑎᕐᐳᖅ ᒪᓂᖅᑲᒧᑦ ᐅᐱᒍᓱᖕᓂᕐᒧᑦ. 3ᑍᕕᑎᐅᑉ ᐊᐱᕆᕙ, “ᓇᑭᓐᖔᕐᐲᑦ?”
ᑭᐅᕗᖅ, “ᕿᒪᒃᓯᓚᐅᕐᐳᖓ ᐃᓴᕆᐊᓕᒥᐅᑦ ᑕᖕᒫᕐᓯᒪᕕᖓᓂᑦ.” 4ᑍᕕᑎ ᐅᖃᕐᐳᖅ, “ᐅᖃᐅᑎᓚᐅᓐᖓ ᖃᓄᐃᑦᑐᖃᕐᓂᕐᒪᖔᑦ?”
ᑭᐅᕗᖅ, “ᐅᓇᑕᕐᑐᒃᓴᖁᑎᕗᑦ ᕿᒫᓚᐅᕐᐳᑦ ᐅᓇᑕᕐᑐᓂᑦ, ᐃᓄᖁᑎᕗᓪᓗ ᐅᓄᕐᑐᑦ ᑐᖁᑕᐅᓪᓗᑎᒃ; ᓴᐅᓕᓗ ᐃᕐᓂᖓᓗ ᔫᓇᑕᓂ ᑐᖁᑕᐅᒋᕗᑦ.”
5ᑍᕕᑎᐅᑉ ᐊᐱᕆᕙ, “ᖃᓄᖅ ᖃᐅᔨᒪᕖᑦ ᓴᐅᓕᐅᑉ ᔫᓇᑕᓂᐅᓪᓗ ᑐᖁᓂᖏᖕᓂᒃ?”
6 #
ᓴᒧᐃᓕ ᓯᕗᓪᓖᑦ 31:1-6; ᑯᕉᓂᑲ ᓯᕗᓪᓖᑦ 10:1-6. ᑭᐅᕗᖅ, “ᖃᖅᑲᐅᑉ ᒋᐅᓪᐳᐊᑉ ᖄᖓᓃᓪᓗᐊᓚᐅᕋᒪ; ᑕᑯᓚᐅᕐᐳᖓ ᓴᐅᓕ ᖃᓗᒋᐊᒥᓄᑦ ᐄᒐᖓᑎᓪᓗᒍ ᐊᑭᕋᖏᑦ ᕿᒧᒃᓯᐅᑎᒃᑯᑦ ᐊᒃᓴᓗᐊᓕᒃᑯᒃ ᕿᒻᒥᕐᔪᐊᒃᑯᓪᓗ ᑖᑦᓱᒧᖓ ᖃᒡᓕᕙᓪᓕᐊᓕᕐᑎᓪᓗᒋᑦ. 7ᑕᑯᓴᕋᒥᓗ ᐅᕙᓐᓂᒃ ᑕᑯᒐᒥ, ᕾᖁᓚᐅᕐᐹᖓ. ᑭᐅᕙᕋᓗ. ‘ᐄ, ᐊᖓᔪᖅᑳᒃ.’ 8ᐊᐱᕆᕚᖓ, ‘ᑭᓇᐅᕖᑦ?’ ᐅᖃᐅᑎᕙᕋᓗ, ‘ᐊᒪᓕᑬᑎᒥᐅᑕᐅᕗᖓ.’ 9ᑖᑦᓱᒪᓗ ᐅᖃᐅᑎᕚᖓ, ‘ᕾᒋᑦ, ᑐᖁᓚᐅᓐᖓ; ᐊᒃᓱᐊᓗᒃ ᐋᓐᓂᐊᒐᒪ, ᑐᖁᕙᓪᓕᐊᓂᐊᓕᕐᓗᖓᓗ.’ 10ᑕᕝᕙ ᐅᐸᒃᓱᒍ ᑐᖁᓚᐅᕐᐸᕋ, ᖃᐅᔨᓚᐅᕋᒪ ᐅᕐᕈᑐᐊᕈᓂ ᑐᖁᒐᔭᓕᕐᓂᖓᓂᒃ; ᓂᐊᖂᑎᖓᓗ ᑎᒍᓚᐅᕐᐸᕋ ᓂᐊᖁᐊᓂᑦ ᐊᒡᒐᐅᒻᒥᐅᑕᖏᓪᓗ ᑕᓕᖓᓃᑦᑐᑦ, ᐃᓕᖕᓄᓪᓗ ᑐᓂᕙᒃᑲ ᐊᖓᔪᖅᑳᒃ.”
11ᑕᕝᕙ ᑍᕕᑎᐅᑉ ᐊᓐᓄᕌᓂ ᐊᓕᒃᐰᑦ ᕿᒃᓵᖕᓂᕐᒧᑦ, ᐃᓅᖃᑎᓕᒫᖏᓪᓗ ᑍᒤᓚᐅᕆᕗᑦ; 12ᕿᒃᓵᒡᓗᑎᒡᓗ ᕿᐊᓚᐅᕐᐳᑦ ᓂᕆᑦᑍᓕᓪᓗᑎᒡᓗ ᐅᓐᓄᒧᑦ ᑎᑭᓪᓗᒍ, ᓴᐅᓕ ᔫᓇᑕᓂᓗ ᐃᓴᕆᐊᓕᒥᐅᓕᒫᓪᓗ ᐱᓪᓗᒋᑦ ᐊᑕᓂᐅᑉ ᐃᓄᖁᑎᖏᑦ, ᐅᓇᑕᕐᓂᒃᑯᑦ ᐅᓄᕐᑐᐊᓗᐃᑦ ᑐᖁᑕᐅᓚᐅᕐᒪᑕ.
13ᑍᕕᑎᐅᑉ ᐅᕕᒃᑲᖅ ᑐᓴᕐᕕᒋᓚᐅᕐᑕᓂ ᐊᐱᕆᕚ, “ᓇᓂᒥᐅᑕᐅᕖᑦ?” ᑭᐅᕗᖅ, “ᐊᒪᓕᑬᑎᒥᐅᑕᐅᕗᖓ, ᓄᓇᑦᓯᓐᓂ ᓄᓇᖃᕐᐳᖓ.”
14ᑍᕕᑎᐅᑉ ᐅᖃᐅᑎᕚ, “ᖃᓄᐊᓗᒃ ᑲᑉᐱᐊᓱᖏᑦᓱᑎᑦ ᑐᖁᑦᓯᔪᓐᓇᕐᐲᑦ ᐊᖓᔪᖅᑳᕐᔪᐊᒥᒃ ᐊᑕᓂᐅᑉ ᓂᕈᐊᕐᓯᒪᔭᖓᓂᒃ?” 15ᑕᕝᕙ ᑍᕕᑎ ᕾᖁᔨᕗᖅ ᐊᖑᒻᒥᒃ ᐅᖃᐅᑎᓪᓗᒍᓪᓗ, “ᐅᓇ ᑐᖁᓚᐅᕈᒃ.” ᐊᖑᑎᐅᓪᓗ ᑲᐱᓪᓗᒍ ᐊᒫᓕᑬᒥᐅᑕᖅ ᑐᖁᑉᐹ. 16ᑍᕕᑎᓗ ᐅᖃᕐᐳᖅ ᐊᒫᓕᑬᒥᐅᑕᕐᒧᑦ, “ᓇᖕᒥᓂᖅ ᐱᓂᐊᕐᓯᒪᔭᕐᓄᑦ ᐱᔭᐅᑎᑉᐳᑎᑦ; ᐃᓕᖕᓂᒃ ᓇᖕᒥᓂᖅ ᐅᖃᐅᓯᕆᔭᕐᓄᑦ ᓵᑕᒃᓴᕈᕐᑎᑉᐳᑎᑦ, ᑐᖁᑦᓯᓂᕋᓚᐅᕋᕕᑦ ᐊᑕᓂᐅᑉ ᓂᕈᐊᕐᓗᒍ ᐊᖓᔪᖅᑳᕐᔪᐊᕈᕐᑎᓯᒪᔭᖓᓂᒃ.”
ᑍᕕᑎᐅᑉ ᕿᒃᓵᒍᑎᖃᕐᓂᖓ ᓴᐅᓕᒥᒃ ᔫᓇᑕᓂᒥᒡᓗ
17ᑍᕕᑎᓗ ᐅᒡᒍᐊᕈᑎᒥᒃ ᐃᓐᖏᓚᐅᕐᐳᖅ ᓴᐅᓕᒧᑦ ᐃᕐᓂᖓᓄᓪᓗ ᔫᓇᑕᓂᒧᑦ, 18#ᔮᓱᐊ 10:13.ᐅᖃᓚᐅᕐᐳᕐᓗ ᐃᓕᓮᑦᔪᑕᐅᖁᓪᓗᒍ ᔫᑕᐅᑉ ᐃᓄᖏᓐᓄᑦ; ᑕᑯᒋᓪᓗ ᑖᒃᑯᐊ ᑎᑎᕋᕐᑕᐅᓯᒪᕗᑦ ᔮᓴᐅᑉ ᐊᒡᓚᖏᓐᓂ. ᐅᖃᕐᓗᓂ:
19“ᐃᓴᕆᐊᓕᒥᐅᑉ ᖃᖅᑲᖓᓂ ᓯᕗᓕᕐᑏᑦ ᑐᖁᕗᑦ!
ᐅᓇᑕᕐᑐᒃᓴᖁᑎᑦᑕ ᓯᕘᕋᔪᐃᑦᑑᓂᕐᐹᖏᑦ ᐅᕐᕈᕗᑦ!
20ᐅᖃᐅᓯᐅᑦᑍᓕᓕ ᒑᑎᒥ, ᐊᓯᑭᓗᓂᐅᓪᓗ ᐊᖅᑯᑎᖏᓐᓂ;
ᐱᓕᔅᑍᓂᒥᐅᑦ ᐊᕐᓇᖏᑦ ᖁᕕᐊᓱᒃᑎᑕᐅᖁᓇᒋᑦ;
ᒎᑎᖃᖏᑦᑐᓪᓗ ᐸᓂᖏᑦ ᖁᕕᐊᓱᒃᑎᑕᐅᖁᓇᒋᑦ.
21ᓯᓚᓗᓕᕐᑍᓕᓕ, ᒥᓂᑦᑍᓕᓗᓂᓗ ᒋᐅᓪᐳᐊᑉ ᖃᖅᑲᖏᓐᓂ;
ᐱᕈᕐᓰᕕᖏᓪᓗ ᐱᕈᕐᑐᖃᕐᑍᓕᓕᑦ!
ᓯᕘᕋᖏᑦᑐᑦ ᓴᐴᓗᑕᖏᑦ ᒪᓂᖅᑲᒦᑉᐳᑦ ᑲᓐᖑᓇᕐᑐᒦᑎᑕᐅᓂᒃᑯᑦ;
ᓴᐅᓕᐅᑉ ᓴᐴᓗᑕᖓ ᕿᓪᓕᕐᓴᕐᓯᒪᔫᓐᓃᕐᐳᖅ ᐅᕐᓱᒧᑦ.
22ᔫᓇᑕᓂᐅᑉ ᖃᕐᔪᖏᑦ ᑐᖁᓐᓇᕐᑑᓚᐅᕐᐳᑦ,
ᓴᐅᓕᐅᑉ ᓴᕕᒡᔪᐊᖓ ᓈᒃᑭᒍᓱᖕᓂᖃᓚᐅᓐᖏᓚᖅ,
ᐱᓯᑎᐊᓘᒐᓗᐊᑦ ᔫᓇᑕᓂᐅᑉ ᖃᕐᔪᖏᑕ ᐅᕐᕈᑎᓚᐅᕐᐰᑦ,
ᓴᐅᓕᐅᓪᓗ ᓴᕕᒡᔪᐊᖓ ᐊᑭᕋᒥᓂᒃ ᑐᖁᑦᓯᓚᐅᕐᐳᖅ.
23ᓴᐅᓕᒃᑯᒃ ᔫᓇᑕᓂᒃᑯᒃ, ᐱᐅᒋᔭᐅᓚᐅᕐᐴᒃ ᐅᖓᒋᔭᐅᓪᓗᑎᒡᓗ;
ᐃᓅᖃᑎᒌᓚᐅᕐᐴᒃ, ᑐᖁᓂᕐᒧᑦ ᑎᑭᓪᓗᑎᒃ ᐊᕕᓚᐅᓐᖏᓚᒃ;
ᓇᒃᑐᕋᓕᖕᓂᑦ ᓱᒃᑲᓂᕐᓴᐅᓚᐅᕐᐴᒃ, ᓛᔭᓂᓪᓗ ᓴᓐᖏᓂᕐᓴᐅᓪᓗᑎᒃ.
24ᐃᓴᕆᐊᓕᒥᐅᑦ ᐊᕐᓇᖏᑦ, ᓴᐅᓕ ᕿᒃᓵᒍᑎᒋᓯᐅᒃ,
ᑖᑦᓱᒪ ᐊᓐᓄᕌᕐᑎᓚᐅᕐᒪᓯ ᐊᐅᑉᐸᕆᒃᑐᓂᒃ,
ᑕᑯᒥᓇᕐᑐᓂᒡᓗ ᒎᓗᓂᒃ ᐊᑐᕈᓐᓇᕐᓯᑎᓪᓗᓂᓯ.
25ᐅᓇᑕᕐᑐᒃᓮᑦ ᓯᕘᕋᖏᑦᑐᑦ ᐅᓇᑕᕐᑐᓂ ᐅᕐᕈᕗᑦ,
ᔫᓇᑕᓂ ᓇᓚᕗᖅ ᑐᖁᖓᓪᓗᓂ ᖃᖅᑲᓂ ᐳᕐᑐᔪᓂ.
26ᕿᒃᓴᐅᑎᒋᕙᒋᑦ ᖃᑕᓐᖑᑎᒐ ᔫᓇᑕᓃ;
ᐅᕙᓐᓄᑦ ᐅᖓᓇᕐᑑᓚᐅᕐᐳᑎᑦ;
ᐅᕙᓐᓂᒃ ᓇᒡᓕᒍᓱᖕᓃᑦ ᐱᐅᔪᕐᔪᐊᖑᓚᐅᕐᐳᖅ,
ᐊᕐᓁᑦ ᐊᒡᓛᑦ ᓇᒡᓕᒍᓱᖕᓂᖓᓂᑦ ᐱᐅᓂᕐᓴᐅᓚᐅᕐᐳᖅ.
27ᐅᓇᑕᕐᑐᒃᓮᑦ ᓯᕘᕋᖏᑦᑐᑦ ᐅᕐᕈᕗᑦ,
ᐅᓇᑕᐅᑎᖏᑦ ᕿᒪᒃᑕᐅᕗᑦ ᐊᑐᕉᓐᓃᕐᓱᑎᒃ.”
Currently Selected:
ᓴᒧᐃᓕ ᐂᑉᐸᖏᑦ 1: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
