ᐊᑕᓃᑦ ᐂᑉᐸᖏᑦ 4
4
ᐃᓔᓴᐅᑉ ᐃᑲᔪᕐᓂᖓ ᐅᐃᒡᒐᕐᓂᕐᒥᒃ ᐊᒃᓗᔪᒥᒃ
1ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓄᑦ ᐃᓚᒋᔭᐅᔪᒥᒃ ᐅᐃᒡᒐᕐᓂᑯᒥᒃ ᐃᓔᓴ ᐅᐸᒃᑕᐅᕗᖅ ᐅᖃᕐᓗᓂᓗ, “ᐅᐃᒐ ᑐᖁᓚᐅᕐᒪᑦ ᖃᐅᔨᒪᔪᑎᑦ ᒎᑎᒥᒃ ᓯᕘᕋᒋᔭᖃᕐᓗᓂ ᐃᓅᓚᐅᕐᑐᖅ, ᑭᓯᐊᓂ ᐊᖑᒻᒥᒃ ᐊᑭᓕᒃᓴᖃᕐᕕᖃᕐᓂᕐᒪᑦ, ᑖᑦᓱᒪ ᐃᕐᓃᒃᑲᒃ ᐱᑖᕆᔪᒪᓕᕐᒪᒋᒃ ᐊᑭᓕᒃᓴᖏᓐᓄᑦ ᐊᑭᓕᐅᑎᒋᔭᐅᖁᓪᓗᓂᒋᒃ.” 2ᐃᓔᓴᐅᑉ ᐊᐱᕆᕚ, “ᖃᓄᖅ ᐃᑲᔪᕐᑕᐅᔪᒪᕖᑦ? ᐊᖏᕐᕋᕐᓂ ᓱᓇᓂᒃ ᐱᖃᕐᐱᑦ?” ᐊᕐᓇᐅᑉ ᑭᐅᕚ, “ᓱᓇᖃᖏᑦᑐᖓ, ᐸᐅᕐᖎᑦ ᐅᕐᓱᖓᓂᒃ ᒥᑭᔪᒥᒃ ᐱᑕᖄᕐᔪᒃᑲᓗᐊᕐᑐᖓ ᑍᒪᑐᐊᖑᖕᒥᔪᒥᒃ.” 3ᐃᓔᓴᐅᑉ ᐅᖃᐅᑎᕚ, “ᓯᓚᖅᑲᑎᖕᓄᑦ ᕿᓄᕋᓪᓗᑎᒃ ᐊᑐᕆᐊᕐᑐᕆᑦ ᐃᒪᖃᐅᑎᓂᒃ ᐃᓗᓕᖃᖏᑦᑐᓂᒃ ᐅᓄᓈᕐᓗᒋᑦ, 4ᐃᕐᓃᒃᑭᒃ ᐃᒡᓗᓯᓐᓄᑦ ᐃᑎᖃᑎᒋᓗᒋᒃ ᐃᒡᓗᓯ ᐅᒃᑯᐊᑦᓯᐊᕐᓗᒍ ᑖᒃᑯᐊ ᐃᒪᖃᐅᑏᑦ ᐃᓗᓕᖃᖏᑦᑐᑦ ᐃᒻᒥᕐᓱᕐᓂᐊᕐᐸᑎᑦ ᐅᕐᓱᒥᒃ ᑕᑕᑉᐸᓪᓕᐊᔪᑦ ᓴᓂᕐᕙᒃᐸᒡᓗᒋᑦ.” 5ᑕᕝᕙ ᐊᕐᓇᖅ ᐊᖏᕐᕋᕐᐳᖅ ᐃᕐᓃᖕᓂ ᐱᖃᑎᒋᓪᓗᒋᒃ, ᐅᒃᑯᐊᑎᒃ ᐅᒃᑯᐊᕐᓗᒍ ᐅᕐᓱᖁᑎᑯᓗᓂ ᒪᕐᕋᐅᔭᒦᑦᑐᖅ ᑯᕕᐅᖅᑲᓕᕐᐹ ᒪᕐᕋᐅᔭᓄᑦ ᐃᕐᓂᖏᒃᑕ ᕾᑉᐸᓪᓕᐊᔭᖏᓐᓄᑦ. 6ᐴᒃᓴᕐᑖᕆᖅᑲᐅᔭᓂ ᒪᕐᕋᐅᔧᑦ ᐃᒻᒥᕐᑍᓐᓇᕆᒐᒥᒋᑦ ᐃᕐᓃᖕᓂ ᐊᐱᕆᕚᒃ ᓱᓕ ᐱᑕᖃᕐᒪᖔᑦ ᐃᒪᖃᖏᑦᑐᒥᒃ ᐃᕐᓂᖏᒃᑕ ᐅᖃᐅᑎᕚ: “ᑖᓐᓇ ᑕᕝᕙ ᑭᖑᓪᓕᕐᐹᖅ.” ᑕᕝᕙ ᐅᕐᓱᖁᑎᖓ ᑯᕕᔪᓐᓃᕐᐳᖅ. 7ᐅᐃᒡᒐᕐᓂᖅ ᒎᑎᐅᑉ ᐃᓄᖁᑎᖓᓄᑦ ᐅᑎᕐᓗᓂ ᐅᓂᒃᑲᐅᑎᕚ, ᐃᓔᓴᐅᑉ ᐅᖃᐅᑎᕚ, “ᐅᕐᓱᒥᒃ ᐃᒻᒥᕐᓱᖅᑲᐅᔭᑎᑦ ᓂᐅᕐᕈᑎᒋᓗᒋᑦ ᐊᑭᓕᒃᓴᓯ ᐊᑭᓕᕐᓱᑭᑦ, ᐊᒥᐊᑯᖏᓐᓄᑦ ᐃᕐᓂᕇᖑᓗᓯ ᐃᓅᑦᔪᑎᒋᓕᕐᓯᐅᒃ.”
ᓲᓇᒥᐅᑕᐅᑉ ᐃᕐᓂᖓᑕ ᐆᒻᒪᕐᑎᑕᐅᓂᖓ
8ᐅᓪᓗᐃᑦ ᐃᓚᖓᓐᓂ ᐃᓔᓴ ᓲᓂᒧᐊᕐᐳᖅ. ᑕᕝᕙᓂ ᐊᕐᓇᕐᑕᖃᓚᐅᕐᐳᖅ ᐊᔪᕐᓴᖏᑦᑐᒥᒃ, ᑖᑦᓱᒪᓗ ᐃᒻᒥᖕᓄᑦ ᓂᕆᔭᕐᑐᖁᕚ, ᓄᓇᓕᖕᓄᐊᕌᖓᒥ ᓂᕆᔭᕐᑐᕕᒋᕙᓕᓚᐅᕐᐹ. 9ᐅᐃᓂ ᐅᖃᐅᑎᓕᕐᐹ, “ᑕᑯᒋᑦ, ᖃᐅᔨᒪᕗᖓ ᐊᖑᑦ ᑍᓐᓇ ᐅᕙᑦᑎᓐᓄᑦ ᓂᕆᔭᕐᑐᖃᑦᑕᕐᑐᖅ ᐊᖅᑯᓵᕋᖓᒥ ᒎᑎᒧᑦ ᐃᓄᖁᑎᒋᔭᐅᒐᒥ ᐃᑦᔪᕐᓁᑦᑑᖕᒪᑦ. 10ᐃᓂᑖᕐᑎᓚᐅᕐᓚᕗᒃ ᐃᒡᓗᑦᑕ ᖁᓛᓂ ᓯᓂᒃᕕᒃᑖᕐᓗᒍ ᓵᑖᕐᓗᒍᓗ ᐃᒃᓯᕙᐅᑕᖃᕐᑐᒥᒃ ᓇᓂᕈᐊᓕᕐᓗᒍᓗ ᐃᓂᒋᖃᑦᑕᕐᓂᐊᕐᒪᒍ ᐅᕙᑦᑎᓐᓄᑦ ᐊᖅᑯᓵᕌᖓᒥ.” 11ᐅᓪᓗᐃᑦ ᐃᓚᖓᓐᓂ ᐃᓔᓴ ᑍᒃᑯᓄᓐᖓᓕᓚᐅᕆᕗᖅ ᐃᒡᓗᕈᓯᕐᒥᓄᐊᕐᓗᓂ ᖁᓛᓃᑦᑐᒧᑦ ᓇᓪᓚᓚᐅᕐᐳᖅ. 12ᐃᑲᔪᕐᑎᓂ ᒋᕼᐋᓯ ᐅᖃᐅᑎᓕᕐᐹ, “ᓲᓇᒤᑎᒥᐅᑕᖅ ᕾᖁᓚᐅᕈᒃ.” ᑕᕝᕙ ᕾᖁᔭᕐᑐᕐᒪᒍ ᐊᕐᓇᖅ ᑕᕝᕗᓐᖓᕐᐳᖅ. 13ᐃᓔᓴᐅᑉ ᐃᑲᔪᕐᑎᓂ ᐅᖃᐅᑎᕚ, “ᐅᖃᐅᑎᓚᐅᕈᒃ, ᐅᕙᑦᑎᓐᓂᒃ ᐱᓇᓱᐊᕈᑦᔨᓯᒪᒐᕕᑦ, ᖃᓄᕐᓕ ᐃᑲᔪᕈᓐᓇᕐᐱᑖ ᐃᓕᖕᓂᒃ ᑭᖒᒪᔭᖃᕈᕕᓪᓘᓐᓃᑦ ᐊᖓᔪᖅᑳᕐᔪᐊᕐᒧᑦ ᐅᖃᕈᑎᒋᔪᓐᓇᕐᑕᕗᑦ ᐅᓇᑕᕐᑐᒃᓮᓪᓘᓐᓃᑦ ᐊᖓᔪᖅᑳᖓᓐᓄᑦ?” ᐊᕐᓇᐅᑉ ᑭᐅᕚ, “ᐃᓅᖃᑎᓐᓂ ᐊᖏᕐᕋᖃᕋᒪ ᓈᒻᒪᒋᔭᕋ.” 14ᐃᓔᓴ ᐊᐱᕆᓕᕆᕗᖅ, “ᖃᓄᕐᖑᓇ ᐃᑲᔪᓚᐅᕐᓂᐊᕐᑕᕗᒃ?” ᒋᕼᐋᓯᐅᑉ ᐅᖃᐅᑎᕚ, “ᐃᕐᓂᖃᖏᑦᑐᕐᖏᓐᓇ ᐅᐃᖓᓗ ᐃᑦᑑᓕᕐᓗᓂ.” 15ᐃᓔᓴ ᐅᖃᕐᐳᖅ, “ᕾᖁᓚᐅᕈᒃ.” ᑕᕝᕙ ᒋᐊᓯᐅᑉ ᐊᕐᓇᖅ ᕾᖁᖕᒪᒍ ᐹᒥ ᓇᖏᓕᕐᐳᖅ. 16#ᒨᓯᓯ ᓯᕗᓪᓖᑦ 18:14.ᐃᓔᓴᐅᑉ ᐅᖃᐅᑎᓕᕐᐹ, “ᑍᒤᓪᓗᐊᓕᕐᐸᑦ ᐊᕐᕌᒍ ᐃᕐᓂᑯᓗᖕᒥᒃ ᑎᒍᒥᐊᕈᒫᕐᐳᑎᑦ.” ᐊᕐᓇᖅ ᐃᓔᓴᒧᑦ ᐅᖃᕐᐳᖅ, “ᒎᑎᒧᑦ ᐃᓄᖁᑎᒋᔭᐅᒐᕕᑦ ᓴᒡᓗᕿᓐᓇᓱᓐᖏᓚᐅᓐᖓ!” 17ᐊᕐᓇᕐᓕ ᓄᑕᕋᒃᓴᕐᑖᓚᐅᕐᐳᖅ, ᐅᖃᐅᑎᔭᐅᕕᒋᓚᐅᕐᑕᖓᓗ ᓇᓪᓕᐅᑎᖕᒪᑦ ᐃᕐᓂᕐᑖᕐᐳᖅ. ᐃᓔᓴᐅᑉ ᐅᖃᓚᐅᕐᑕᖓ ᐊᑐᑦᓯᐊᕐᓗᓂ. 18ᕿᑐᕐᖓᕐᑖᕆᓚᐅᕐᑕᖓᑦ ᐱᕈᕐᓯᒪᓕᕐᑎᓪᓗᒍ, ᐅᓪᓗᐃᑦ ᐃᓚᖓᓐᓂ ᐊᑖᑕᒥᓄᐊᓚᐅᕐᐳᖅ, ᐊᑖᑕᖓ ᓂᕿᒃᓴᓂᒃ ᑲᑎᕐᓱᐃᔪᓃᑎᓪᓗᒍ. 19ᐊᑖᑕᓂᓗ ᐅᖃᐅᑎᓪᓗᓂᐅᒃ, “ᓂᐊᖁᓐᖑᔪᐊᓘᓕᕐᐳᖓ, ᓂᐊᖁᖑᔪᐊᓘᓕᕐᐳᖓ!” ᐊᑖᑕᖓᑕ ᐱᔨᓂ ᐅᖃᐅᑎᕚ, “ᐊᓈᓇᖓᓄᑦ ᐊᒡᔭᓚᐅᕈᒃ.” 20ᐱᔨᐅᑉ ᐊᒡᔭᕐᓗᒍ ᐊᓈᓇᖓᓄᐊᕈᑎᖕᒪᒍ, ᐊᓈᓇᖓᑕ ᓴᕐᓕᐊᓚᐅᕐᐹ ᕿᑎᕋᓕᕐᒧᑦ ᑎᑭᓪᓗᒍ, ᑭᖑᓂᖓᒍᓪᓕ ᐃᓅᔪᓐᓃᕐᐳᖅ. 21ᒎᑎᐅᑉ ᐃᓄᖁᑎᖓᑕ ᐃᒡᓗᕈᓯᖓᓄᑦ ᐊᒡᔭᕐᓗᒍ ᓇᓪᓚᕐᑎᑉᐹ ᐹᖓᓗ ᒪᑐᓪᓗᒍ ᐃᒡᓗᒥᖕᓂᑦ ᐊᓂᕗᖅ. 22ᐅᐃᓂ ᕾᖁᓪᓗᒍ ᐅᖃᐅᑎᕚ, “ᐱᔨᒥᒃ ᕾᖁᔨᓚᐅᕆᑦ ᓯᐅᑎᖅᑯᕐᑐᔪᒥᒃ ᓇᒃᓴᕐᓗᓂ, ᒎᑎᐅᑉ ᐃᓄᖁᑎᖓᓄᑦ ᐂᓂᐊᕋᒪ ᑐᐊᕕᕐᓗᖓ, ᐅᑎᕐᓂᐊᕆᕗᖓ.” 23ᐅᐃᖓᑕ ᐅᖃᐅᑎᕚ, “ᓱᖕᒪᑦ ᐅᓪᓗᒥ ᐊᐅᓪᓚᕋᓱᒃᐱᑦ? ᑕᖅᑭᓂᕋᑖᖑᓐᖏᒻᒪᑦ, ᓴᐸᑎᐅᓇᓂᓗ.” ᐅᐃᓂ ᑭᐅᕚ, “ᖃᓄᐃᖏᑦᑐᖅ.” 24ᐊᕐᓇᐅᑉ ᓯᐅᑎᖅᑯᕐᑐᔪᖅ ᐃᒃᓯᕙᐅᑦᓯᕋᒥᐅᒃ ᐱᔨ ᐅᖃᐅᑎᕚ, “ᓯᕗᓪᓕᐅᓕᕆᑦ, ᐅᕙᓐᓂᒃ ᐃᓱᒪᖏᓪᓗᑎᑦ ᐅᑕᖅᑭᖃᑦᑕᕐᑍᓕᒋᑦ, ᐅᖃᕐᓂᐊᕐᐳᖓ ᐅᑕᕿᔭᐅᔪᒪᓕᕈᒪ.” 25ᐃᖏᕐᕋᓯᒐᒥᒃ ᒎᑎᐅᑉ ᐃᓄᖁᑎᖓᓄᑦ ᑎᑭᑉᐴᒃ ᖃᖅᑲᒥ ᑳᕐᒥᐊᓕᒦᒻᒪᑦ, ᐃᓔᓴᐅᑉ ᓱᓕ ᐅᖓᓯᒃᑎᓪᓗᒋᑦ ᑕᑯᒐᒥᒋᑦ ᐃᑲᔪᕐᑎᓂ ᒋᕼᐋᓯ ᐅᖃᐅᑎᕚ, “ᑕᑯᒋᑦ ᐊᕐᓇᖅ ᓲᓇᒤᑎᒥᐅᑕᖅ ᕾᓕᕐᐳᖅ. 26ᐅᓪᓚᒡᓗᑎᑦ ᐸᕐᕆᐊᒃᑭᑦ ᐊᐱᕆᓂᐊᕐᐰᑦ, ᖃᓄᐃᒻᒪᖔᑦ, ᐅᐃᖓᓗ ᖃᓄᐃᖏᒃᑲᓗᐊᕐᒪᖔᑦ ᐃᕐᓂᖓᓪᓘᓐᓃᑦ ᖃᓄᐃᖏᒃᑲᓗᐊᕐᒪᖔᑦ?” ᐊᕐᓇᐅᑉ ᑭᐅᕚ, “ᖃᓄᐃᖏᑦᑐᐃᓐᓇᐅᔪᒍᑦ.” 27ᒎᑎᐅᑉ ᐃᓄᖁᑎᖓ ᑎᑭᓐᓇᒥᐅᒃ ᖃᖅᑲᐅᑉ ᖄᖓᓂ ᐅᑯᓪᓗᓂ ᐃᑎᒐᖏᑦ ᑎᒍᕔᑦ, ᒋᕼᐋᓯᐅᑉ ᐅᐸᒡᓗᒍ ᐲᕐᑎᒋᐊᕋᓗᐊᕐᒪᒍ. ᒎᑎᐅᑉ ᐃᓄᖁᑎᖓᑕ ᐅᖃᐅᑎᕚ, “ᑲᒪᒋᖏᓪᓗᒍ, ᖁᕕᐊᓱᖏᑦᑐᖅ ᐅᒡᒍᐊᕐᕙᓗᖕᒪᑦ, ᐊᑕᓂᐅᑉ ᖃᐅᔨᑎᖏᒻᒪᖓ ᓱᖕᒪᖔᑦ.” 28ᐊᕐᓇᖅ ᐅᖃᓕᕐᐳᖅ, “ᐊᑕᓃᖅ, ᐃᕐᓂᕐᑖᕈᒪᓪᓗᖓ ᐅᖃᐅᑎᓚᐅᕐᐱᒌᑦ? ᐅᖃᐅᑎᓚᐅᓐᖏᓚᒌᑦ? ᓯᓔᕐᕆᔭᐅᔪᒪᓇᖓ.” 29ᐃᓔᓴᐅᑉ ᒋᕼᐋᓯ ᐅᖃᐅᑎᕚ, “ᐅᓖᑦ ᕿᑎᕈᑎᖕᓄᑦ ᕿᕐᓗᑦᔪᑦᓯᐊᕐᓗᒍ ᐊᔭᐅᑉᐱᐊᕋ ᑎᒍᓗᒍ ᐅᓪᓚᒃᓯᓕᕆᑦ. ᑲᑎᓯᒐᓗᐊᕈᕕᑦ ᓂᓪᓕᐅᑦᔨᑦᑍᓕᒋᑦ, ᓂᓪᓕᐅᑎᔭᐅᒐᓗᐊᕈᕕᓪᓗ ᑭᐅᓂᐊᓐᖏᓚᑎᑦ ᐊᔭᐅᑉᐱᐊᕋ ᓄᑲᑉᐱᐊᑉ ᑮᓇᖓᓄᑦ ᐃᓕᓂᐊᕐᐸᑦ.” 30ᐊᓈᓇᖓᓕ ᐅᖃᕐᐳᖅ, “ᓇᓗᓇᖏᒻᒪᑦ ᒎᑎ ᐆᒪᖕᒪᑦ, ᐃᕝᕕᓪᓗ ᐆᒪᒐᕕᑦ, ᕿᒤᑦᔮᓐᖏᓚᖓ ᐃᓕᖕᓂᒃ.” ᑕᕝᕙ ᐃᓔᓴ ᒪᑭᑉᐳᖅ ᑖᑦᓱᒥᖓᓗ ᒪᓕᓕᕐᓗᓂ. 31ᒋᕼᐋᓯ ᓯᕗᓂᖓᓐᓂ ᑐᐊᕕᕐᓗᓂ, ᓄᑲᑉᐱᐊᑉ ᑮᓇᖓᓄᑦ ᐊᔭᐅᑉᐱᐊᖅ ᐃᓕᔭᕐᑐᕐᐹ ᐃᓕᒐᓗᐊᕐᒪᒍ ᓂᓪᓕᓐᖏᓚᖅ ᐊᐅᓚᑦᔭᒐᓂᓗ. ᒋᕼᐋᓯ ᐊᒻᒪ ᐃᓔᓴ ᐅᑎᕐᕕᒋᓪᓗᒍ ᐅᖃᐅᑎᕚ, “ᓄᑲᑉᐱᐊᖅ ᐃᖁᒻᒪᖏᒻᒪᑦ.” 32ᐃᓔᓴ ᐃᒡᓗᖓᓐᓄᑦ ᑎᑭᓐᓇᒥ ᓄᑲᑉᐱᐊᖅ ᑕᑯᕚ ᑐᖁᖓᔪᖅ ᓯᓂᒡᕕᒋᖃᑦᑕᕐᑕᖓᓂ. 33ᐃᑎᕐᕕᒋᓪᓗᒍ ᐹ ᐅᒃᑯᐊᕐᐹ ᐃᓚᒋᕋᑖᕐᑕᖏᑦ ᐹᖓᑕ ᓯᓚᑖᓃᑎᓪᓗᒋᑦ, ᑐᒃᓯᐊᕐᐳᖅ ᐊᑕᓂᕐᒧᑦ. 34#ᐊᑕᓃᑦ ᓯᕗᓪᓖᑦ 17:21.ᐊᒻᒪ ᐃᒡᓕᐅᑉ ᖄᖓᓄᐊᕐᓗᓂ ᓄᑲᑉᐱᐊᖅ ᐹᒻᒪᒡᕕᒋᕚ, ᖃᓂᓂ ᖃᓂᖓᓄᑦ ᐊᒃᑐᕐᑎᓪᓗᒍ, ᐃᔩᖕᓂᓗ, ᐃᔨᖏᖕᓄᑦ ᐊᒃᑐᕐᑎᓪᓗᒋᑦ ᐊᒡᒐᓂᓗ ᐊᒡᒐᖏᓐᓄᑦ ᐊᒃᑐᕐᑎᓪᓗᒋᑦ ᖄᖓᓂ ᐃᓯᓐᖓᑦᓯᐊᕐᓗᓂ ᑍᒤᓕᖓᕕᒋᓕᕐᑎᓪᓗᓂᐅᒃ ᓄᑲᑉᐱᐊᑉ ᑎᒥᖓ ᐅᓇᕐᓯᓕᕐᐳᖅ. 35ᐃᓔᓴ ᓂᑯᕕᓪᓗᓂ, ᐃᒡᓗᕈᓯᐅᑉ ᐃᓗᐊᓂ ᐊᕙᒻᒧᑲᑕᓚᐅᕐᓗᓂ, ᐊᒻᒪ ᖄᖓᓄᑦ ᐃᓯᕕᑦᓯᐊᕐᓗᓂ ᑍᒤᓕᖓᓕᕆᕗᖅ, ᓄᑲᑉᐱᐊᖅ ᑕᒋᐅᕐᓴᓚᐅᕐᓗᓂ 7ᑐᕐᓗᓂ, ᐅᐃᑉᐳᖅ. 36ᐃᓔᓴᐅᑉ ᒋᕼᐋᓯ ᕾᖁᕚ, ᐅᖃᐅᑎᓪᓗᓂᐅᒡᓗ, “ᐊᕐᓇᖅ ᓲᓇᒤᑎᒥᐅᑕᖅ ᕾᖁᒍᒃ.” ᑕᕝᕙ ᕾᖁᕚ, ᐊᕐᓇᖅ ᑕᕝᕗᓐᖓᕐᒪᑦ, ᐃᓔᓴᐅᑉ ᐅᖃᐅᑎᕚ, “ᐃᕐᓃᑦ ᐱᓕᕈᒃ.” 37ᐊᕐᓇᕐᓗ ᐃᓯᕋᒥ ᐃᓔᓴᐅᑉ ᐃᑎᒐᖏᓐᓄᑦ ᐅᕐᕈᕗᖅ ᐹᒻᒪᒡᓗᓂᓗ ᓇᑎᕐᒧᑦ. ᑕᕝᕙᓗ ᐃᕐᓂᓂ ᐱᓪᓗᓂᐅᒃ ᐊᓂᕗᖅ.
ᐅᒃᑯᓯᐅᑉ ᐃᓗᐊᓂ ᑐᖁᓐᓇᕐᑐᖅ
38ᐃᓔᓴ ᑎᑭᓚᐅᕆᕗᖅ ᒋᐅᓪᒐᐅᓪᒧᑦ ᓄᓇᖓᑦ ᑳᖕᓇᕐᑐᕐᔪᐊᖃᓕᕐᐳᖅ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ ᑲᑎᒪᖃᑎᖃᕐᓗᓂ ᐃᓔᓴᐅᑉ ᐱᔨᓂ ᐅᖃᐅᑎᕚ, ᐅᒃᑯᓯᐊᓗᖕᒧᑦ ᐃᒐᓗᑎᑦ ᖃᔪᓕᐅᓚᐅᕆᑦ ᐅᑯᐊ ᓂᕆᓂᐊᕐᑕᖏᓐᓂᒃ. 39ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑦᑕ ᐃᓚᖓᑦ ᐃᓚᐅᕈᑎᒃᓴᓂᒃ ᓄᓇᒥᑦ ᕿᓂᕆᐊᕐᐳᖅ ᑕᑯᓪᓗᓂᓗ ᐅᕐᐱᒐᕐᓂᒃ ᐸᐅᕐᖎᑦ ᕔᓂᒃᓮᑦ ᐱᕈᕐᕕᒋᕙᒃᑕᖓᓐᓂᒃ, ᐱᕈᕐᑐᖏᓐᓂ ᑲᑎᑦᓯᓪᓗᓂ ᑭᓂᕐᒥᐊᕐᓗᓂᒋᑦ ᐅᓕᖕᒥᓄᑦ ᐊᒡᔭᕐᐰᑦ, ᐅᑎᕋᒥ ᓯᖃᓪᓕᓪᓗᓂᒋᑦ ᖃᔪᓕᐊᒥᓄᑦ ᐃᓚᒋᓕᐅᑎᕔᑦ ᖃᐅᔨᒪᔪᖃᕋᓂ ᐃᓚᓕᐅᑦᔨᓂᖓᓂᒃ ᑍᒤᑦᑐᓂᒃ. 40ᑕᕝᕙᓐᖓᑦ ᐊᖑᑏᑦ ᓂᕆᓂᐊᕐᑕᖏᓐᓂᒃ ᑐᓂᐅᕋᕐᑕᐅᓪᓗᑎᒃ, ᓂᕆᓯᒋᐊᕋᓗᐊᕐᓗᑎᒃ ᓂᓪᓕᕐᑐᖃᕐᐳᖅ, “ᒎᑎᐅᑉ ᐃᓄᖁᑎᖓ! ᑐᖁᓐᓇᕐᑐᓕᐊᓗᒃ ᐅᒃᑯᓯᒃ!” ᑕᕝᕙ ᓂᕆᔪᓐᓇᓐᖏᓛᑦ. 41ᐃᓔᓴ ᐅᖃᕐᐳᖅ, “ᓂᐊᖂᔭᒥᒃ ᐆᓯᒪᖏᑦᑐᒥᒃ ᕾᑦᓯᔪᖃᓚᐅᕐᓕ.” ᕾᑦᓯᔪᖃᕐᒪᑦ ᖃᔪᓕᐊᕆᔭᐅᔪᒧᑦ ᓈᕕᓚᐅᕐᓗᓂᐅᒃ ᐅᖃᕐᐳᖅ, “ᐊᑏ ᑐᓂᓗᒋᑦ ᓂᕆᓕᕆᑦᓯ.” ᖃᔪᕐᓗ ᖃᓄᐃᖏᑦᓯᐊᓕᓚᐅᕐᕆᕗᖅ ᑐᖁᓐᓇᕐᑐᖃᕈᓐᓃᕐᓗᓂ.
ᐃᓔᓴᐅᑉ ᓂᕆᑎᑦᓯᓂᖓ 100ᓂᒃ
42ᐊᖑᒻᒥᑦ ᑎᑭᑦᑐᖃᕐᐳᖅ ᐰᓕ-ᓴᓕᓴᒥᑦ, ᒎᑎᐅᑉ ᐃᓄᖁᑎᖓ ᑐᓂᓯᕕᒋᓪᓗᒍ ᓂᐊᖂᔭᒃᓴᓂᒃ ᓯᕗᓪᓕᕐᐹᒥᒃ ᐱᕈᕐᑐᕕᓂᕐᓂᒃ, ᐆᓯᒪᔪᓂᒃ ᓂᐊᖂᔭᓂᒃ ᐹᕐᓕᓂᒃ 20ᓂᒃ ᐱᕈᕇᕐᓯᒪᑦᓯᐊᕐᑐᓂᒡᓗ ᓂᐊᖂᔭᒃᓮᑦ ᓄᕗᖏᓐᓂᒃ ᐃᒃᐱᐊᕐᔪᖕᒦᑦᑐᓂᒃ, ᐃᓔᓴ ᐅᖃᕐᐳᖅ, “ᑖᒃᑯᐊ ᐃᓄᖕᓄᑦ ᑐᓂᔭᐅᓕᑦ ᓂᕆᓂᐊᕐᒪᑕ.” 43ᐱᔨᖓᑕ ᐅᖃᐅᑎᕚ, “ᓈᒻᒪᖕᓂᐊᕋᓗᐊᕐᒪᑖ ᐃᓄᖕᓄᑦ 100ᓄ?” ᐃᓔᓴᓕ ᐅᖃᑐᐃᓐᓇᕆᕗᖅ, “ᑖᒃᑯᐊ ᐃᓄᖕᓄᑦ ᑐᓂᔭᐅᓕᑦ ᓂᕆᓂᐊᕐᒪᑕ, ᐃᒫᒃ ᐊᑕᓂᖅ ᐅᖃᕐᒪᑦ ᓂᕆᒐᓗᐊᕐᐸᑕ ᓱᓕ ᐊᒥᐊᒃᑯᓂᐊᕐᐳᑦ.” 44ᑕᕝᕙ ᑖᒃᑯᐊ ᑐᓂᕔᑦ ᑖᒃᑯᓄᖓ, ᑖᒃᑯᐊ ᓂᕆᕗᑦ, ᐊᒥᐊᒃᑯᓪᓗᑎᒡᓗ, ᐊᑕᓂᐅᑉ ᐅᖃᐅᓯᖓ ᒪᓕᒡᓗᒍ.
Currently Selected:
ᐊᑕᓃᑦ ᐂᑉᐸᖏᑦ 4: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
