ᐊᑕᓃᑦ ᐂᑉᐸᖏᑦ 22
22
ᔪᓮᐊᐅᑉ ᐊᖓᔪᖅᑳᕐᔪᐊᖑᓂᖓ ᔫᑕᒥᐅᓄᑦ
ᑯᕉᓂᑲ ᐂᑉᐸᖏᑦ 34:1-2
1 #
ᔨᕆᒤᐊ 3:6. ᔫᓮᐊ 8ᓂᒃ ᐊᕐᕌᒍᖃᓚᐅᕐᐳᖅ ᐊᖓᔪᖅᑳᕐᔪᐊᓐᖑᕋᒥ ᔫᑕᒧᑦ, ᐊᐅᓚᑦᓯᓚᐅᕐᐳᕐᓗ ᐊᕐᕌᒍᓂᒃ 31ᓂᒃ ᔨᕉᓴᓕᒥ. ᐊᓈᓇᖃᓚᐅᕐᐳᖅ ᔨᑎᑕᒥᒃ ᐊᑍᐊᐅᑉ ᐸᓂᖓᓂᒃ ᓄᓇᓕᖕᓂᑦ ᐳᔾᑲᑦᒥᐅᓂᑦ ᐱᓯᒪᔪᒥᒃ. 2ᔫᓮᐊ ᐊᑕᓂᐅᑉ ᓵᖓᓂ ᐱᐅᔪᒥᒃ ᐱᓇᓱᐊᓚᐅᕐᐳᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᐱᓂᐊᕐᓂᖃᓚᐅᕐᐳᕐᓗ ᓯᕗᓕᖓᑕ ᑍᕕᑎᐅᑉ ᐊᖓᔪᖅᑳᕐᔪᐊᑉ ᐱᓂᐊᕐᓂᕆᓚᐅᕐᑕᖏᑎᑐᑦ, ᓴᖑᓚᐅᖏᓚᕐᓗ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ.
ᐱᖁᔧᑦ ᑎᑎᕋᕐᓯᒪᔪᑦ ᓇᓂᔭᐅᓂᖏᑦ
ᑯᕉᓂᑲ ᐂᑉᐸᖏᑦ 34:8-28
3ᐊᖓᔪᖅᑳᕐᔪᐊᑉ ᔫᓮᐊᐅᑉ ᐊᐅᓚᑦᓯᓂᖏᑕ ᐊᕐᕌᒍᐃᑦ 18ᖓᓐᓂ ᐊᖓᔪᖅᑳᕐᔪᐊᑉ ᑲᑎᒪᔨᖏᑕ ᑎᑎᕋᕐᑎᖓᑦ ᓴᕙᓂ, ᐊᔭᓔᐊᐅᑉ ᐃᕐᓂᖓ, ᒥᓱᓛᓐᒥᐅᑉ ᐃᕐᓂᖓ, ᐊᑕᓂᐅᑉ ᐃᒡᓗᖓᓃᑦᑐᓄᑦ ᑎᓕᕚ ᐅᖃᐅᑎᓪᓗᒍ, 4“ᑐᓂᕐᕈᓯᕐᑎᑦᓯᔨᒧᐊᕐᓗᑎᑦ ᕼᐃᓪᑬᐊᒧᑦ ᖃᐅᔨᒋᐊᕐᕕᒋᒍᒃ ᐊᑕᓂᐅᑉ ᐃᒡᓗᖓᑕ ᐃᑎᕐᕕᖓᓂ ᑮᓇᐅᔧᔭᕐᑎᑦᓯᔩᑦ ᖃᑦᓯᓂᒃ ᑲᑎᕐᓱᐃᓯᒪᓕᕐᒪᖔᑕ ᐃᓄᖕᓂᑦ. 5ᑮᓇᐅᔧᑦ ᑐᓂᔭᐅᖁᓗᒋᑦ ᐊᑕᓂᐅᑉ ᐃᒡᓗᖓᓂ ᓴᓇᔪᑦ ᐊᖓᔪᖅᑳᖏᓐᓄᑦ; ᑖᒃᑯᓇᓐᖓᑦ ᑐᓂᔭᐅᖁᓪᓗᒋᑦ ᐊᑕᓂᐅᑉ ᐃᒡᓗᖓᓂ ᓴᓇᔪᓄᑦ. 6ᐊᑭᓖᖁᓪᓗᒋᑦ, ᕿᔪᓕᕆᔨᓄᑦ, ᐃᒡᓗᓕᐅᕐᑎᓄᓪᓗ ᐅᔭᕋᓕᕆᔨᓄᓪᓗ, ᕿᔪᖕᓂᒃ ᐅᔭᕋᖕᓂᒡᓗ ᓂᐅᕕᖁᓗᒋᑦ ᐃᒡᓗ ᓴᓇᔭᐅᖁᓪᓗᒍ. 7#ᐊᑕᓃᑦ ᐂᑉᐸᖏᑦ 12:15.ᑮᓇᐅᔧᑦ ᑐᓂᔭᐅᔪᑦ ᑎᑎᕋᕐᓯᒪᓂᖏᑦ ᑎᑎᕋᕐᑕᐅᓯᒪᓂᐊᓐᖏᓚᑦ ᑖᒃᑯᓄᖓ, ᑖᒃᑯᐊ ᐱᕋᔭᒃᑎᐅᖏᒻᒪᑕ.”
8ᕼᐃᓪᑬᐊ ᑐᓂᕐᕈᓯᕐᑎᑦᓯᔨ ᓴᕙᓂᒧᑦ ᐅᖃᕐᐳᖅ, “ᓇᓂᓯᓚᐅᕋᒪ ᐊᒡᓚᖕᓂᒃ ᐱᖁᔭᕐᑕᓕᖕᓂᒃ ᐊᑕᓂᐅᑉ ᐃᒡᓗᖓᓂ.” ᕼᐃᓪᑬᐊᐅᑉ ᐊᒡᓔᑦ ᓴᕙᓂᒧᐊᕐᒪᒋᑦ ᐅᖃᓕᒫᕐᐰᑦ. 9ᓴᕙᓂᓕ ᑎᑎᕋᕐᑎ ᐊᖓᔪᖅᑳᕐᔪᐊᕐᒧᐊᕐᐳᖅ, ᐅᓂᒃᑳᕐᓗᓂᓗ ᐊᖓᔪᖅᑳᕐᔪᐊᕐᒧᑦ “ᐱᔨᑎᑦ ᑮᓇᐅᔧᑦ ᑲᒪᒋᓪᓗᒋᑦ ᐱᓯᒪᕔᑦ ᐊᑕᓂᐅᑉ ᐃᒡᓗᖓᓂ.” 10ᓴᕙᓂᓗ ᐅᖃᒃᑲᓐᓂᕐᐳᖅ: “ᐊᒡᓚᖕᓂᒃ ᐱᓯᒪᒐᒪ ᑐᓂᕐᕈᓯᕐᑎᑦᓯᔨᐅᑉ ᕼᐃᓪᑬᐊᐅᑉ ᕾᑕᖏᓐᓂᒃ.” ᐅᖃᓕᒫᕐᐰᓪᓗ ᐊᖓᔪᖅᑳᕐᔪᐊᕐᒧᑦ.
11ᐊᖓᔪᖅᑳᕐᔪᐊᑉ ᐊᒡᓔᑦ ᐱᖁᔭᓂᒃ ᑎᑎᕋᕐᕕᒋᓯᒪᔪᑦ ᑐᓴᕇᕋᒥᒋᑦ, ᐊᓐᓄᕌᓂ ᐊᓕᒃᐰᑦ ᖁᕕᐊᓱᖏᓐᓂᕐᒧᑦ. 12ᐊᖓᔪᖅᑳᕐᔪᐊᓪᓗ ᐅᖃᐅᑎᔭᐅᖁᕔᑦ ᕼᐃᓪᓚᑬᐊ ᑐᓂᕐᕈᓯᕐᑎᑦᓯᔨ, ᐊᕼᐂᑲᒻ ᓴᕙᓂᐅᑉ ᐃᕐᓂᖓ, ᐊᒃᐳᕆᓗ ᒥᑬᐊᐅᑉ ᐃᕐᓂᖓ, ᓴᕙᓂᓗ ᐊᖓᔪᖅᑳᕐᔪᐊᑉ ᑲᑎᒪᔨᖏᑕ ᑎᑎᕋᕐᑎᖓ; ᐊᓮᐊᓗ ᐊᖓᔪᖅᑳᕐᔪᐊᑉ ᐱᔨᖓ ᐅᖃᕐᓗᓂ: 13“ᐊᑕᓂᕐᒥᒃ ᖃᐅᔨᒋᐊᕈᑦᔭᐅᔪᒪᓕᕐᐳᖓ ᐃᓄᖏᓪᓗ ᐱᓪᓗᒋᑦ, ᔫᑕᒥᐅᓪᓗ ᐱᑦᔪᑎᒋᓪᓗᒋᑦ, ᐊᒡᓔᑦ ᑖᒃᑯᐊ ᓇᓂᔭᐅᔪᕕᓃᑦ ᐊᔪᕆᕐᑐᐃᑦᔪᑎᒋᔭᖏᓐᓂᒃ; ᐊᑕᓂᐅᑉ ᐊᖏᔪᒥᒃ ᓂᓐᖓᒡᕕᒋᓯᒪᕚᑎᒍᑦ ᓯᕗᓕᑦᑕ ᑖᒃᑯᐊ ᐊᒡᓔᑦ ᐊᔪᕆᕐᑐᐃᑦᔪᑎᒋᔭᖏᑦ ᒪᓕᓚᐅᖏᒻᒪᑦᔪᒃ, ᐱᓂᐊᕐᓂᖃᓚᐅᕋᑎᒡᓗ ᑎᑎᕋᕐᓯᒪᔪᑦ ᒪᓕᒡᓗᒋᑦ.”
14ᑕᕝᕙ ᕼᐃᓪᑬᐊ ᑐᓂᕐᕈᓯᕐᑎᑦᓯᔨ, ᐊᕼᐂᑲᒻᓗ, ᐊᒃᐳᕆᓗ, ᓴᕙᓂᓗ, ᐊᓮᐊᓗ ᐂᕗᑦ ᑐᑭᓯᒋᐊᕐᕕᖃᕈᒪᓪᓗᑎᒃ ᐊᕐᓇᒥᒃ ᐊᑎᖃᕐᑐᒥᒃ ᕼᐅᓪᑕᒥᒃ, ᒎᑎᒧᑦ ᐅᖃᕐᑎᐅᔪᒥᒃ ᐃᒡᓗᖃᕐᑐᒥᒃ ᔨᕉᓴᓕᐅᑉ ᐃᓚᖓᓂ, ᑖᓐᓇ ᐅᐃᖃᕐᐳᖅ ᓴᓗᒻᒥᒃ ᐊᑎᖃᕐᑐᒥᒃ, ᑎᒡᕙᐅᑉ ᐃᕐᓂᖓᓂᒃ, ᕼᐊᕋᕼᐊᔅᒧᑦ ᐃᕐᖑᑕᕆᔭᐅᔪᒥᒃ ᑐᒃᓯᐊᕐᕕᒡᔪᐊᕐᒥ ᐊᓐᓄᕌᖃᐅᑎᒧᑦ ᑲᒪᔨᐅᔪᒧᑦ ᐅᖃᖃᑎᒋᕚᓪᓗ. 15ᕼᐅᓪᑕᐅᓪᓗ ᐅᖃᐅᑎᕔᑦ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐃᒫᒃ ᐅᖃᕐᐳᖅ: ‘ᐊᖑᑦ ᐅᖃᐅᑎᓯᐅᒃ ᐃᓕᑦᓯᓐᓂᒃ ᑎᓕᓯᓚᐅᕐᑐᖅ, 16ᐊᑕᓂᖅ ᐃᒫᒃ ᐅᖃᕐᐳᖅ, ᑕᑯᒋᑦ, ᓄᓇᒥ ᑕᒫᓂ ᐱᐅᖏᑦᑐᒥᒃ ᐱᑕᖃᕐᑎᑦᓯᔪᒫᕐᐳᖓ ᐃᓄᖏᓐᓄᓪᓗ, ᐊᖓᔪᖅᑳᕐᔪᐊᑉ ᐊᒡᓚᖕᓂᒃ ᐅᖃᓕᒫᖅᑲᐅᔭᖏᓐᓂ ᐅᖃᐅᓯᕆᓯᒪᔭᒃᑲ ᒪᓕᒡᓗᒋᑦ. 17ᐅᕙᓐᓂᒃ ᕿᒤᓯᒪᖕᒪᑕ ᐊᓯᓐᓄᑦ ᒎᑎᒥᖕᓄᑦ ᐃᓯᕐᓗᐊᕐᓂᑎᑦᓯᖃᑦᑕᕐᒪᑕ, ᓂᓐᖓᒍᑎᒋᔪᓐᓇᕐᑕᓐᓂᒃ ᐱᓇᓱᐊᖃᑦᑕᕐᓯᒪᖕᒪᑕ, ᔨᕉᓴᓕᒥᐅᓂᒃ ᓂᓐᖓᒃᓮᓯᒪᖕᒪᑕ ᐅᕙᓐᓂᒃ ᐊᒡᒐᖕᒥ ᓴᓇᔭᖏᓐᓄᑦ, ᑍᒤᒻᒪᑦ ᓂᓐᖓᐅᒪᔪᒫᓕᕐᐳᖓ ᑕᒫᓂ ᓄᓇᒥ, ᑭᓇᒧᓪᓘᓐᓃᑦ ᓄᖅᑲᕐᑎᑕᐅᓂᐊᖏᑦᑐᒥᒃ. 18ᔫᑕᐅᓪᓕ ᐊᖓᔪᖅᑳᕐᔪᐊᖓᓄᑦ, ᐃᓕᑦᓯᓐᓂᒃ ᖃᐅᔨᒋᐊᕐᑎᑦᓯᓚᐅᕐᑐᒧᑦ ᐊᑕᓂᕐᒥᒃ, ᐃᒫᒃ ᐅᖃᐅᑎᔭᒃᓴᕆᕙᓯ, ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐃᒫᒃ ᐅᖃᕐᐳᖅ: ᐅᖃᐅᓰᑦ ᑐᓴᓚᐅᕐᑕᖏᑦ ᐱᑦᔪᑎᒋᓪᓗᒋᑦ, 19ᖃᕿᐊᓕᕋᕕᑦ, ᒥᑭᒡᓕᑎᕐᓗᑎᓪᓗ ᐊᑕᓂᐅᑉ ᓵᖓᓂ, ᑐᓴᓚᐅᕐᓂᕐᓄᑦ ᓄᓇᒋᔭᑦᓯ ᓱᒋᐊᕐᑕᐅᔪᒃᓴᐅᓂᖓᓂᒃ, ᐃᓄᖏᑕᓗ, ᐃᓄᐃᕈᑦᔭᐅᔪᒃᓴᐅᓂᖏᓐᓂᒃ ᓇᕐᕈᓇᕐᓯᔪᒃᓴᐅᓂᖏᓐᓂᒡᓗ, ᐊᓐᓄᕌᑎᑦ ᐊᓕᒃᑲᕕᒋᑦ ᕿᐊᓪᓗᑎᓪᓗ ᓵᓐᓂ, ᑐᓴᓚᐅᕐᐸᒋᑦ ᐊᑕᓂᖅ ᐅᖃᕐᐳᖅ. 20ᑍᒤᒻᒪᑦ ᑕᑯᒋᑦ, ᓯᕗᓕᕐᑎᑦ ᑲᑎᓕᕈᕕᒋᑦ, ᐃᓗᕕᕐᑕᐅᔪᒫᓕᕐᐳᑎᑦ ᓮᒪᓇᕐᑐᒥᒃ, ᑕᑯᔪᒫᓐᖏᓚᑎᑦ ᐱᐅᖏᑦᑐᓂᒃ ᓄᓇᒧᑦ ᑕᒪᑐᒧᖓ ᐅᖃᐅᓯᕆᔭᓐᓂᒃ.’”
ᑕᒪᒃᑯᐊ ᐅᖃᐅᓰᑦ ᑎᓕᔭᐅᓯᒪᔪᑦ ᐅᖃᐅᓯᕆᕔᑦ ᐊᖓᔪᖅᑳᕐᔪᐊᕐᒧᑦ.
Currently Selected:
ᐊᑕᓃᑦ ᐂᑉᐸᖏᑦ 22: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
