ᐊᑕᓃᑦ ᐂᑉᐸᖏᑦ 2
2
ᐃᓔᑦᔭᐅᑉ ᕿᓚᓕᐊᕈᑦᔭᐅᓂᖓ
1ᐊᑕᓂᐅᑉ ᐃᓔᑦᔭᒥᒃ ᕿᓚᓕᐊᕈᑦᔨᕕᒃᓴᖓ ᐅᓚᓗᔭᒃᑯᑦ ᖃᒡᓕᓕᕐᑎᓪᓗᒍ, ᐃᓔᑦᔭᓗ ᐃᓔᓴᓗ ᒋᐅᓪᒐᐅᓪᒥᓐᖔᕐᓗᑎᒃ ᐱᓱᖃᑎᒌᓚᐅᕐᐴᒃ. 2ᐃᓔᑦᔭᐅᑉ ᐃᓔᓴ ᐅᖃᐅᑎᕚ, “ᑕᒫᓂᒋᑦ, ᐊᑕᓂᐅᑉ ᐱᑎᓕᒧᐊᖁᖕᒪᖓ.” ᐃᓔᓴᐅᓪᓕ ᐅᖃᐅᑎᕚ, “ᐊᑕᓂᖅ ᐃᓅᖕᒪᑦ, ᐃᕝᕕᓪᓗ ᐃᓅᓂᕐᓂ, ᕿᒪᖕᓂᐊᓐᖏᓚᒋᑦ.” ᑕᕝᕙ ᑕᒪᕐᒥᒃ ᐱᑕᓕᓕᐊᓕᕐᐴᒃ. 3ᒎᑎᐅ ᐱᔪᖃᓛᕐᑐᒥᒃ ᐅᖃᕐᑎᖏᑦ ᐱᑎᓕᒦᑦᑐᑦ ᐃᓔᓴ ᐅᐸᒡᓗᒍ ᐅᖃᐅᑎᕚᑦ, “ᖃᐅᔨᒪᕖᑦ ᐊᖓᔪᖅᑳᑦ ᐊᑕᓂᕐᒧᑦ ᐅᓪᓗᒥ ᐂᔭᐅᓂᐊᕐᓂᖓᓂᒃ?” ᐃᓔᓴᐅᑉ ᑭᐅᕔᑦ, “ᖃᐅᔨᒪᔪᖓ, ᐅᖃᐅᓯᕆᑦᑍᓕᓯᐅᒃ.” 4ᐊᒻᒪ ᐃᓔᑦᔭᐅᑉ ᐃᓔᓴ ᐅᖃᐅᑎᓕᕆᕚ, “ᐃᓔᓵ ᑕᒫᓃᒋᑦ, ᐊᑕᓂᐅᑉ ᔨᕆᑯᒧᑦ ᐂᖁᖕᒪᖓ.” ᐃᓔᓴᐅᑉ ᑭᐅᕚ, “ᐊᑕᓂᖅ ᐃᓅᖕᒪᑦ, ᐃᕝᕕᓪᓗ ᐃᓅᓂᕐᓂ ᕿᒪᖕᓂᐊᓐᖏᓚᒋᑦ.” ᑕᒪᕐᒥᒃ ᐊᒻᒪ ᔨᕆᑯᓕᐊᓕᕆᕘᒃ. 5ᐊᒻᒪ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᔨᕆᑯᒦᑦᑐᑦ ᐃᓔᓴ ᐅᐸᒡᓗᒍ ᐅᖃᐅᑎᕚᑦ, “ᖃᐅᔨᒪᕖᑦ ᐊᖓᔪᖅᑳᑦ ᐊᑕᓂᐅᑉ ᐅᓪᓗᒥ ᐊᐅᓪᓚᕈᑎᓂᐊᕐᒪᒍ?” ᑭᐅᒋᕔᑦ, “ᖃᐅᔨᒪᕗᖓ, ᐅᖃᐅᓯᕆᑦᑍᓕᓯᐅᒃ.” 6ᐃᓔᑦᔭᐅᑉ ᐊᒻᒪ ᐅᖃᐅᑎᓕᕆᕚ, “ᑕᒫᓂᒋᑦ, ᐊᑕᓂᐅᑉ ᑰᖕᒧᑦ ᔪᐊᕐᑕᓂᓕᐊᖁᖕᒪᖔ.” ᐃᓔᓴᐅᑉ ᑭᐅᕚ, “ᐊᑕᓂᖅ ᐃᓅᖕᒪᑦ, ᐃᕝᕕᓪᓗ ᐃᓅᓂᕐᓂ, ᕿᒪᖕᓂᐊᓐᖏᓚᒋᑦ.” ᑕᕝᕙ ᑕᒪᕐᒥᒃ ᐱᓱᖃᑎᒌᓕᕐᐴᒃ. 7ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦᑕ ᐃᓚᖏᑦ 50ᑎᐅᓪᓗᑎᒃ ᒪᓕᒃᐳᑦ ᐅᖓᓯᒡᓗᑎᒃ ᓵᓐᖓᓪᓗᑎᒃ ᑖᒃᑯᖕᓄᖓ, ᐃᓔᑦᔭᐅᑉ ᐃᓔᓴᐅᓪᓗ ᓇᔪᕐᑕᖓᑦᑕ ᑰᑉ ᔪᐊᕐᑕᓂᐅᑉ ᓯᓈᓄᐊᕐᓗᑎᒃ ᓄᖅᑲᕐᐳᑦ. 8ᐃᓔᑦᔭᐅᑉ ᐅᓕᓂ ᐲᕐᐹ, ᐃᒧᓚᐅᕐᓗᒍ, ᐃᒪᖅ ᑖᑦᓱᒧᖓ ᑏᒐᕐᐹ, ᑎᒐᕐᒪᒍᓗ ᐃᒪᖅ ᐊᕙᒻᒧᑦ ᐃᕐᐸᕐᐳᖅ, ᐃᕐᐸᕐᒪᑦ ᑖᒃᑯᐊᒃ ᐃᒤᕐᓯᓐᓂᖓᒍᑦ ᓴᓗᐊᖓᔪᒃᑯᑦ ᑰᑉ ᐊᑭᐊᓄᑦ ᐃᑳᕐᐴᒃ. 9#ᒨᓯᓯ ᑕᓪᓕᒪᖏᑦ 21:17.ᐃᑳᕇᕋᒥᒃ, ᐃᓔᑦᔭᐅᑉ ᐃᓔᓴ ᐊᐱᕆᕚ, “ᐅᖃᐅᑎᔪᓐᓇᕐᐱᖔ ᓱᓇᒥᒃ ᐱᑦᔪᑦᔭᐅᔪᒪᖕᒪᖔᕐᐱᑦ ᐃᓕᖕᓂᒃ ᕿᒤᑎᑕᐅᓚᐅᖏᓐᓂᓐᓂ?” ᐃᓔᓴᐅᑉ ᑭᐅᕚ, “ᑭᖑᕐᖑᑦᔨᔪᒪᔪᖓ ᐊᓂᕐᓂᕐᐲᑦ ᒪᕐᕈᐃᕐᑐᓪᓗᐊᕐᓗᓂ ᓇᔫᑎᓂᖓᓂᒃ.” 10ᐃᓔᑦᔭᐅᑉ ᑭᐅᕚ, “ᐱᔭᕐᓂᖏᑦᑐᒥᒃ ᐱᔪᒪᔭᕐᓂᒃ ᐅᖃᐅᑎᕙᕐᒪ, ᑍᒤᒃᑲᓗᐊᕐᑎᓪᓗᒍ ᑕᐅᑐᒍᓐᓇᕐᓂᐊᕈᕕᖓ ᐊᐅᓪᓚᕈᑦᔭᐅᓕᕐᑎᓪᓗᖓ ᐃᓕᖕᓂᑦ, ᐱᔪᒪᔧᑦ ᐱᓂᐊᕐᐸᑦ, ᑕᐅᑐᒍᓐᓇᖏᒃᑯᕕᖓᓕ, ᐱᓂᐊᓐᖏᓔᑦ.” 11ᓱᓕ ᐱᓱᒃᓗᑎᒃ ᐅᖃᖃᑎᒌᒃᑎᓪᓗᒋᒃ, ᑕᑯᒋᑦ, ᓴᖅᑭᑦᑐᖃᑳᓪᓚᒃᐳᖅ ᕿᒧᒃᓯᐅᑎᒥᒃ ᐊᒃᓴᓗᐊᓕᖕᒥᒃ ᐃᑯᐊᓚᔪᒥᒃ ᕿᒻᒥᕐᔪᐊᕐᑕᖏᓪᓗ ᐃᑯᐊᓚᔪᑦ ᐊᖅᑯᓵᕐᒪᒋᒡᓗ ᑖᑦᓱᒧᖓ ᐊᕕᑎᑕᐅᕘᒃ. ᐃᓔᑦᔭᓗ ᕿᓚᓕᐊᕈᑦᔭᐅᕗᖅ ᐅᓚᓗᔨᕋᕐᒧᑦ. 12#ᐊᑕᓃᑦ ᐂᑉᐸᖏᑦ 13:14.ᐃᓔᓴᐅᓪᓗ ᑕᑯᒐᒥᐅᒃ ᓂᐱᖅᑯᕐᑐᓪᓗᓂ ᕾᒐᓛᕐᐳᖅ, “ᐊᑖᑖᒃ! ᐊᑖᑖᒃ! ᐃᓴᕆᐊᓕᒥᐅᑦ ᕿᒧᒃᓯᐅᑎᖏᑦ ᕿᒻᒥᕐᔪᐊᒦᑦᑐᖁᑎᖓᓗ!” ᐃᓔᓴᐅᓪᓗ ᑕᑯᒃᑲᓐᓂᕈᓐᓃᕐᐹ, ᐊᓐᓄᕌᓂ ᓇᖕᒥᓂᖅ ᐊᑐᕐᑕᓂ ᐊᓕᒃᐹ ᒪᕐᕉᓕᓪᓗᒍ. 13ᐃᓔᑦᔭᐅᑉ ᐅᓕᓂ ᑲᑍᓐᓂᕐᒪᒍ ᑎᒍᓪᓗᒍ ᐅᑎᓕᕐᐳᖅ. ᔫᑕᓂ ᑎᑭᓐᓇᒥᐅᒃ ᑰᑉ ᓯᓈᓂ ᓇᖏᓕᕐᐳᖅ. 14ᐅᓕᒃ ᑲᑍᕋᑖᕐᑕᖓ ᑎᒍᓪᓗᓂᐅᒃ ᑖᑦᓱᒧᖓ ᐃᒪᖅ ᑏᒐᕐᐹ, ᐅᖃᕐᓗᓂᓗ, “ᓇᐅᒡᓕ ᑍᒪ ᐊᑕᓂᖅ ᐃᓔᑦᔭᐅᑉ ᒎᑎᖓ?” ᐃᓔᓴᐅᑉ ᐃᒪᖅ ᑏᒐᕐᒪᒍ ᐃᒪᖅ ᐊᕙᒻᒧᑦ ᐃᕐᐸᕐᐳᖅ, ᐃᓔᓴᓗ ᐃᑳᕐᐳᖅ. 15ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᔨᕆᑯᒥᑦ ᐱᓯᒪᔪᑦ ᑕᐅᑐᒃᑲᒥᒃ ᐅᖃᓕᕐᐳᑦ, “ᐊᓂᕐᓂᖅ ᐃᓔᑦᔭᒦᓚᐅᕐᑐᖅ ᐃᓔᓴᒦᓕᕐᐳᖅ.” ᐹᕆᐊᕐᑐᕐᓗᓂᑦᔪᒃ ᓵᖓᓄᐊᕐᓗᑎᒃ ᒪᓂᖅᑲᒧᑦ ᐹᒻᒪᒡᕕᒋᕚᑦ. 16ᑖᒃᑯᐊ ᐅᖃᕐᐳᑦ ᐃᓔᓴᒧᑦ, “ᑕᑯᒋᑦ, ᐱᔪᓐᓇᑦᓯᐊᕐᑐᓂᒃ 50ᓂᒃ ᐊᖑᑎᖁᑎᖃᕋᑦᑕ ᐊᖓᔪᖅᑳᕐᓂᒃ ᕿᓂᕆᐊᕈᓐᓇᕐᐳᑦ, ᐊᑕᓂᐅᑉ ᐊᓂᕐᓂᖓᑕ ᐱᒐᒥᐅᒃ ᓇᒧᑦ ᖃᖅᑲᐅᑉ ᖄᖓᓄᑦ ᓇᕐᓴᒧᓪᓘᓐᓃᑦ ᑲᑕᒃᑎᑕᕕᓂᕆᑐᐃᓐᓇᕆᐊᖃᕐᒪᒍ.” ᐃᓔᓴᐅᑉ ᑭᐅᕔᑦ, “ᕿᓂᕆᐊᕐᑎᓐᖏᓪᓗᒋᑦ.” 17ᐊᔪᐃᓐᓈᕆᓕᕐᒪᑦᔪᒃ, ᐃᓔᓴ ᑲᓐᖑᓲᑎᑐᐃᓐᓇᓕᕋᒥ ᐅᖃᐅᑎᓕᕐᐰᑦ, “ᐊᑏ, ᕿᓂᕆᐊᓕᕐᓕᑦ.” ᐊᓱᐃᓛᒃ ᐊᖑᑎᓂᒃ 50ᓂᒃ ᕿᓂᕆᐊᕐᑎᑦᓯᕗᑦ ᐅᓪᓗᓂᒃ ᐱᖓᓱᓂᒃ ᕿᓈᔭᕋᓗᐊᕋᒥᒃ ᓇᓂᓐᖏᓛᑦ. 18ᐃᓔᓴᒧᑦ ᐅᑎᕐᒪᑕ, ᔨᕆᑯᒦᑎᓪᓗᒍ ᐅᖃᐅᑎᕔᑦ, “ᕿᓂᕆᐊᖁᓇᓯ ᐅᖃᐅᑎᓚᐅᕋᓗᐊᕐᐸᑦᓯ!”
ᐃᓔᓴᐅᑉ ᑲᒪᓇᕐᑎᑦᓯᓂᖓ
19ᐃᓔᓴ ᐊᖑᑎᓄᑦ ᔨᕆᑯᒥᐅᓄᑦ ᐅᐸᒃᑕᐅᕗᖅ ᐅᖃᕐᓗᑎᒡᓗ, “ᑕᑯᒋᑦ, ᓄᓇᕗᑦ ᓄᓇᑦᓯᐊᕚᓘᒐᓗᐊᕐᓗᓂ ᑭᓯᐊᓂ ᐃᒪᑦᑕ ᐱᐅᖏᓐᓂᑯᖓᓄᑦ ᕿᑐᕐᖓᒃᓴᕆᔭᐅᔪᑦ ᐃᓅᔪᓐᓇᖃᑦᑕᖏᒻᒪᑕ.” 20ᑕᕝᕙ ᐃᓔᓴᐅᑉ ᐅᖃᐅᑎᕔᑦ, “ᒪᒃᑲᐅᔭᑯᓗᖕᒥᒃ ᓄᑖᒥᒃ ᑕᕆᐅᕐᒥᒃ ᐃᓗᓪᓕᕐᓗᒍ ᕾᑦᓯᓚᐅᕆᑦᓯ.” ᐃᓔᓴᐅᑉ ᑍᒤᓕᖕᒪᒋᑦ ᑐᓂᓯᕕᐅᕗᖅ. 21ᑕᕝᕙ ᑰᒐᓛᒧᑦ ᐂᕗᖅ ᓄᓇᐅᑉ ᐃᓗᐊᓂᑦ ᑰᒃᑐᒧᑦ ᑕᕆᐅᕐᓗ ᑰᒐᓛᒧᑦ ᑲᑕᒐᕐᑎᑉᐹ, ᐅᖃᕐᓗᓂᓗ, “ᐃᒫᒃ ᐊᑕᓂᖅ ᐅᖃᕐᐳᖅ, ᐃᒪᖅ ᑕᒪᓐᓇ ᐃᒪᑦᓯᐊᕙᓐᖑᕐᑎᑉᐸᕋ ᑐᖁᑎᑦᓯᖃᑦᑕᒃᑲᓐᓂᕐᓂᐊᕈᓐᓃᕐᐳᖅ ᓄᓇᒥᒡᓗ ᐱᕈᕕᐅᔪᓐᓁᓕᑎᑦᓯᕙᒍᓐᓃᕐᓗᓂ.” 22ᐅᓪᓗᒥᒧᑦ ᑎᑭᓪᓗᒍ ᐃᒪᖓᑦ ᐃᒪᑦᓯᐊᕙᐅᖏᓐᓇᓕᕐᐳᖅ ᐃᓔᓴᐅᑉ ᐅᖃᐅᓯᕆᔭᖏᑦ ᒪᓕᒡᓗᒋᑦ. 23ᑕᕝᕙᓐᖓᑦ ᐱᓪᓗᓂ ᐃᓔᓴ ᐱᑎᓕᒧᐊᕐᐳᖅ ᐊᖅᑯᑎᒃᑯᑦ ᐃᓄᑑᓪᓗᓂ ᐱᓱᒃᑎᓪᓗᒍ, ᓄᓇᓕᖕᓂ ᐃᓅᓱᒃᑐᓄᑦ ᐅᐸᒃᑕᐅᓪᓗᓂ ᒥᑕᐅᑎᒋᔭᐅᓕᕐᐳᖅ ᐅᖃᐅᑦᔪᕈᓘᔭᕐᑕᐅᓪᓗᓂᓗ, ᐅᖃᕐᓗᑎᒃ, “ᒥᖅᑯᐃᕐᓯᓂᓖᒃ ᐊᕗᓐᖓᓕᕆᑦ, ᐊᕗᓐᖓᓚᐅᕆᑦ ᒥᖅᑯᐃᕐᓯᓐᓂᓖᒃ!” 24ᓵᕝᕕᒋᓪᓗᓂᒋᑦ, ᐊᑦᑕᕆᓇᒋᑦ ᓱᐊᒃᐰᑦ ᐊᑕᓂᐅᑉ ᐊᑎᖓᓂ ᖃᓄᐃᓕᔭᐅᖁᓪᓗᓂᒋᑦ. ᑕᕝᕙ ᐊᒃᓵᖕᓂᒃ ᒪᕐᕉᖕᓂᒃ ᓇᐹᕐᑐᓂᑦ ᓴᖅᑭᑦᑐᖃᕐᓗᓂ ᑖᒃᑯᐊ ᐃᓅᓱᒃᑐᑦ 42ᖑᔪᑦ ᑕᒪᕐᒥᒃ ᐅᒋᐊᕐᑕᐅᕗᑦ. 25ᑕᕝᕙᓐᖓᓪᓗ ᖃᖅᑲᒧᐊᕐᐳᖅ ᑳᕐᒥᐊᓕᒧᑦ, ᑭᖑᓂᖓᒍᓪᓗ ᓴᒥᐊᕆᐊᒧᑦ ᐅᑎᕆᕗᖅ.
Currently Selected:
ᐊᑕᓃᑦ ᐂᑉᐸᖏᑦ 2: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
