ᐊᑕᓃᑦ ᐂᑉᐸᖏᑦ 12
12
ᔪᐊᓯᐅᑉ ᐊᖓᔪᖅᑳᕐᔪᐊᖑᓂᖓ ᔫᑕᒥᐅᓄᑦ
1ᔨᕼᐅᐊᓯᐅᑉ ᐊᖓᔪᖅᑳᕐᔪᐊᖑᓂᖓᑕ 7ᖓᓐᓂ. ᔪᐊᓯ ᐊᖓᔪᖅᑳᕐᔪᐊᓐᖑᕐᐳᖅ, ᐊᐅᓚᑦᓯᓚᐅᕐᐳᕐᓗ ᐊᕐᕌᒍᓂᒃ 40ᓂᒃ ᔨᕉᓴᓕᒻᒥ. ᐊᓈᓇᖓ ᐊᑎᖃᕐᐳᖅ ᔨᐰᔭᒥᒃ ᐱᐊᕐᓯᐸᒥᐅᑕᖅ. 2ᔨᕼᐅᐊᓯ ᐱᓂᐊᕐᓂᖃᓚᐅᕐᐳᖅ ᒎᑎᐅᑉ ᓵᖓᓂ ᓈᒻᒪᒋᔭᐅᔪᒥᒃ ᐊᔪᕆᕐᑐᐊᖑᓚᐅᕋᒥ ᔨᕼᐅᐃᐊᑕᒧᑦ ᑐᓂᕐᕈᓯᕐᑎᑦᓯᔨᒧᑦ. 3ᒎᑎᓐᖑᐊᓄᑦ ᑐᒃᓯᐊᕐᕕᐅᖃᑦᑕᕐᑐᑦ ᐲᔭᕐᑕᐅᓚᐅᓐᖏᓚᑦ ᓱᓕ. ᐃᓄᐃᓪᓗ ᒪᓕᒃᑐ ᑕᒪᒃᑯᓂᖓ ᑐᓂᕐᕈᓯᕆᐊᕐᑐᖃᑦᑍᓐᓇᓚᐅᕐᐳᑦ ᐳᔫᕐᑎᑦᓯᔭᕐᑐᕐᐸᒡᓗᑎᒡᓗ. 4#ᒨᓯᓯ ᐂᑉᐸᖏᑦ 30:11-16.ᔨᕼᐅᐊᓯᐅᑉ ᑐᓂᕐᕈᓯᕐᑎᑦᓯᔩᑦ ᐅᖃᐅᑎᕔᑦ, “ᑲᑎᑕᐅᓕᑦ ᑮᓇᐅᔧᑦ ᑐᓂᕐᕈᑕᐅᖃᑦᑕᕐᑐᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓄᑦ. ᑮᓇᐅᔧᑦ ᑐᓂᔭᐅᖃᑦᑕᕐᑐᑦ ᐃᓄᐃᑦ ᓈᓴᕐᑕᐅᓂᖏᓐᓂ ᐊᖏᕈᑎᓕᐅᕐᑐᓄᓪᓗ ᑐᓂᔭᐅᖃᑦᑕᕐᑐᑦ, ᑐᓂᓯᔪᒪᔪᓄᓪᓗ ᑐᓂᔭᐅᖃᑦᑕᕐᑐᑦ. 5ᑐᓂᕐᕈᓯᕐᑎᑦᓯᔩᑦ ᐊᑐᓂᑦ ᑎᒎᕐᓯᓕᑦ ᑮᓇᐅᔭᓂᒃ ᑮᓇᐅᔧᕐᕕᖃᑦᑕᕐᑐᓂᑦ ᐊᑐᕐᑕᐅᓗᑎᒡᓗ ᐊᑕᓂᐅᑉ ᐃᒡᓗᖓᑕ ᓯᖁᑦᑎᕐᓯᒪᓂᖏᑕ ᓴᓇᔭᐅᒃᑲᓐᓂᕈᑎᒃᓴᖏᓐᓄᑦ.” 6ᔨᕼᐅᐊᓯ ᐊᕐᕌᒍᓂᒃ 23ᓂᒃ ᐊᖓᔪᖅᑳᕐᔪᐊᖑᓯᒪᓕᕋᓗᐊᕐᑎᓪᓗᒍ ᓱᓕ ᑐᓂᕐᕈᓯᕐᑎᑦᓯᔩᑦ ᐊᑕᓂᐅᑉ ᐃᒡᓗᖓᑕ ᓴᓇᔭᐅᓂᒃᓴᖓᓂᒃ ᐱᒋᐊᓚᐅᓐᖏᓚᑦ. 7ᑕᒪᓐᓇ ᐱᓪᓗᒍ ᐊᖓᔪᖅᑳᕐᔪᐊᑉ ᔨᕼᐅᐊᓯᐅᑉ ᔨᕼᐅᐃᐊᑕ ᑐᓂᕐᕈᓯᕐᑎᑦᓯᔨ ᑐᓂᕐᕈᓯᕐᑎᑦᓯᔨᐅᖃᑎᖏᓪᓗ ᐊᐱᕐᓱᕐᐰᑦ ᐅᖃᕐᓗᓂ, “ᖃᓄᐃᒻᒪᑦ ᐊᑕᓂᐅᑉ ᐃᒡᓗᖓ ᓯᖁᑦᑎᕐᓯᒪᓂᖏᑦ ᓱᓕ ᓴᓇᔭᐅᕙᓪᓕᐊᓐᖏᓛᑦ? ᑮᓇᐅᔭᓂᒃ ᐃᓕᐅᖅᑬᕕᖁᑎᑦᓯᓐᓂᑦ ᐱᖃᑦᑕᕐᓂᐊᕈᓐᓃᕐᐳᓯ ᐊᑕᓂᐅᑉ ᐃᒡᓗᖓ ᓴᓇᔭᐅᒃᑲᓐᓂᕈᑎᒃᓴᖏᓐᓄᑦ ᐊᑐᕐᑕᐅᖔᖃᑦᑕᕐᓂᐊᕐᒪᑕ.” 8ᑐᓂᕐᕈᓯᕐᑎᑦᓯᔩᑦ ᐊᖏᖃᑎᒌᒃᐳᑦ ᑮᓇᐅᔭᓂᒃ ᑲᑎᕐᓱᐃᖃᑦᑕᕈᒪᔪᓐᓃᕐᓗᑎᒃ ᐃᓄᖕᓂᑦ ᓇᖕᒥᓂᕐᓗ ᑲᒪᔪᑑᔪᒪᓐᖏᓛᑦ ᐊᑕᓂᐅᑉ ᐃᒡᓗᖓ ᓴᓇᔭᐅᓂᒃᓴᖓᓂᒃ. 9ᔨᕼᐅᐃᐊᑕ ᑐᓂᕐᕈᓯᕐᑎᑦᓯᔨ ᐃᒃᓯᕕᖕᒥᑦ ᐱᕗᖅ ᒪᑐᖓᒍᑦ ᐊᖕᒪᕐᓗᓂᐅᒃ ᑐᓂᕐᕈᓯᕐᕕᐅᑉ ᓴᓂᐊᓄᑦ ᐃᓕᕚ, ᑐᒃᓯᐊᕐᕕᒡᔪᐊᕐᒧᑦ ᐃᑎᕐᐸᓪᓕᐊᕕᐅᑉ ᑕᓕᕐᐱᐊᓄᑦ. ᑐᓂᕐᕈᓯᕐᑎᑦᓯᔨᓄᑦ ᑲᒪᔨᐅᔪᖅ ᐃᑎᕐᕕᖓᓂ ᐃᓕᓯᖃᑦᑕᕐᓂᐊᕐᑎᓪᓗᒍ ᐃᒃᓯᕐᕕᖕᒧᑦ ᑮᓇᐅᔭᓂᒃ ᑐᒃᓯᐊᕐᕕᒡᔪᐊᕐᒧᑦ ᑐᓂᔭᐅᔪᓂᒃ. 10ᐃᒃᓯᕐᕕᒃ ᑮᓇᐅᔭᓂᒃ ᐃᓕᐅᖅᑬᕕᐅᔪᖅ ᑕᑕᑦᑖᕌᖓᑦ ᑮᓇᐅᔭᓕᕆᔨᐅᑉ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖓᑦᑕ ᑎᒍᓪᓗᒋᑦ ᓇᒃᓴᕐᐸᒃᐰᑦ ᐃᒃᐱᐊᕐᔪᖕᓄᓪᓗ ᐴᖅᑲᕐᐸᒃᓗᒋᑦ. 11ᑮᓇᐅᔧᑦ ᑲᑎᕐᓱᕐᑕᐅᔪᑦ ᓈᒻᒪᒃᓯᔭᕌᖓᑕ ᐊᑕᓂᐅᑉ ᐃᒡᓗᖓ ᓴᓇᔭᐅᓂᖓᓄᑦ ᐱᓇᓱᒃᑎᐅᔪᑦ ᑲᒪᔨᖏᓐᓄᐊᕐᑕᐅᕙᒃᐳᑦ. ᐱᓇᓱᐊᕐᑐᓄᓪᓗ ᐊᑕᓂᐅᑉ ᐃᒡᓗᖓᑕ ᓴᓇᔨᖏᓐᓄᑦ ᑖᒃᑯᐊ ᐊᑭᓕᕐᑐᐃᑦᔪᑕᐅᕗᑦ, ᕿᔪᓕᕆᔨᓄᑦ ᐋᖅᑭᒃᓱᐃᔨᓄᓪᓗ. 12ᐊᑕᓂᐅᑉ ᐃᒡᓗᖓᑕ ᐊᑭᓐᓇᖓᓂᒃ ᐃᓕᐅᖅᑬᔩᑦ ᐅᔭᕋᖕᓂᒡᓗ ᓇᑲᑎᕆᔩᑦ ᐱᓇᓱᐊᕈᑎᒃᓴᒥᖕᓂᒃ ᐊᑕᓂᐅᑉ ᐃᒡᓗᖓᑕ ᓴᓇᔭᐅᓂᖓᓄᑦ ᐊᑭᓕᕐᑐᕆᐊᓕᓕᒫᑦ ᐊᑭᓕᕐᑕᐅᔪᓐᓇᓚᐅᕐᐳᑦ. 13ᑮᓇᐅᔧᑦ ᑐᒃᓯᐊᕐᕕᒡᔪᐊᒧᑦ ᑐᓂᔭᐅᔪᑦ ᐊᑐᕐᑕᐅᓚᐅᓐᖏᓚᑦ ᐴᒍᑕᓕᐅᕐᑎᓄᑦ ᓯᐅᓪᕕᕆᓂᒃ. ᖃᐅᒻᒪᖅᑯᑏᓪᓗ ᒪᓂᖏᓐᓂᒃ ᐋᖅᑭᒃᓱᐃᑦᔪᑎᓄᑦ ᐃᒪᕐᑎᕆᐅᑎᓂᒃ ᐴᒍᑕᓕᐅᕐᑎᓄᑦ ᑎᑦᑐᓚᐅᑎᓕᐅᕐᑎᓄᓪᓗ ᐊᓯᖏᓐᓄᓗ ᑐᒃᓯᐅᕐᕕᒡᔪᐊᑉ ᐱᐅᒃᑯᑎᒃᓴᖏᓐᓄᑦ ᒎᓗᓄᑦ ᓯᐅᓪᕕᕆᓄᓪᓗ. 14ᐊᑭᓕᕐᑐᐃᑦᔪᑎᐅᓚᐅᕐᐳᓪᓕ ᐊᑕᓂᐅᑉ ᐃᒡᓗᖓᑕ ᓯᖁᑦᑎᕐᓯᒪᓂᖏᑕ ᓴᓇᔭᐅᒃᑲᓐᓂᕆᐊᖃᕐᓂᖓᓄᑦ. 15#ᐊᑕᓃᑦ ᐂᑉᐸᖏᑦ 22:7.ᑮᓇᐅᔧᑦ ᐊᐅᓚᑕᐅᓂᖏᑦ ᖃᐅᔨᓴᕐᑕᐅᖃᑦᑕᕆᐊᖃᓚᐅᓐᖏᓚᑦ ᐊᑭᓕᕐᑐᐃᑦᔪᑕᐅᔪᑦ, ᓴᓇᔪᓄᑦ ᐊᐅᓚᑦᓯᔩᑦ ᓈᒻᒪᑦᓯᐊᕐᑐᒥᒃ ᑮᓇᐅᔭᓂᒃ ᐊᐅᓚᑦᓯᓚᐅᕐᒪᑕ. 16#ᒨᓯᓯ ᐱᖓᔪᖏᑦ 7:7.ᑮᓇᐅᔧᑦ ᑐᓂᕐᕈᑕᐅᔪᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᓄᑦ ᐊᔪᕐᑐᓕᓂᕐᒧᓪᓗ ᐃᓱᒪᒋᔪᓐᓁᕐᑕᐅᔪᕐᓯᐅᑏᑦ ᑐᒃᓯᐊᕐᕕᒡᔪᐊᕐᒧᑦ ᑐᓂᕐᕈᑕᐅᓚᐅᓐᖏᓚᑦ ᑐᓂᕐᕈᓯᕐᑎᑦᓯᔨᓄᑦ ᑭᓯᐊᓂ ᑐᕌᖓᓚᐅᕐᒪᑕ. 17ᑍᑦᓱᒪᓂᐅᑎᓪᓗᒍ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᕼᐊᔧᐅᓪ ᐅᓇᑕᕆᐊᕐᑐᓚᐅᕐᐳᖅ ᒑᑎᒥᐅᓂᒃ ᓵᓚᒋᓪᓗᒋᓪᓗ ᑎᒍᕔᑦ, ᑖᒃᑯᓂᖓᓗ ᑎᒍᓯᒐᒥ ᔨᕉᓴᓕᒥᐅᓂᒃᑕᐅᖅ ᐱᓇᓱᐊᕈᒪᓕᓚᐅᕆᕗᖅ. 18ᔨᕼᐅᐊᓯᐅᓪᓕ ᔫᑕᐅᑉ ᐊᖓᔪᖅᑳᕐᔪᐊᖓᑦᑕ ᓯᕗᓕᕕᓂᖏᑕ ᔨᕼᐆᓴᐸᑦᑯᑦ ᔨᕼᐅᕌᒥᐅᓪᓗ, ᐊᕼᐊᔧᐊᐅᓪᓗ ᐊᑕᓂᖅ ᐱᓪᓗᒍ ᑲᑎᕐᓱᕐᑕᕕᓂᖏᑦ ᐱᔪᒥᓇᕐᑐᑦ ᓇᖕᒥᓂᕐᓗ ᑲᑎᕐᓱᐊᕕᓂᓂ ᒎᓗᐃᓪᓗ ᐊᑕᓂᐅᑉ ᐃᒡᓗᖓᓃᑦᑐᑦ ᐊᖓᔪᖅᑳᕐᔪᐊᓪᓗ ᐃᒡᓗᖓᓃᑦᑐᑦ, ᑐᔫᑎᒋᕔᑦ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᕼᐊᔧᐅᓪᒧᑦ, ᑖᒃᑯᓂᖓᓗ ᐱᑎᑕᐅᒐᒥ ᔨᕉᓴᓕᒥᐅᓂᒃ ᑲᒪᓇᓱᐊᕈᓐᓃᓚᐅᕐᐳᖅ. 19ᔪᐊᓯᐅᑉ ᐱᓂᐊᕐᓂᕕᓂᓕᒫᖏᑦ ᐊᐅᓚᑦᓯᑎᓪᓗᒍ ᑎᑎᕋᕐᑕᐅᓯᒪᕗᑦ ᔫᑕᐅᑉ ᐊᖓᔪᖅᑳᕐᔪᐊᖏᑕ ᐱᓂᐊᕐᓂᕕᓂᖏᑕ ᑎᑎᕋᕐᑕᐅᓯᒪᕕᖏᓐᓂ. 20ᔪᐊᓯᐅᑉ ᐊᖓᔪᖅᑳᖁᑎᖏᑕ ᐊᑭᕋᕐᑐᓕᕋᒥᑦᔪᒃ ᑐᖁᑕᐅᑎᓚᐅᕐᐹᑦ ᓄᓇᒥ ᐱᐊᓯ ᒥᓗᒥ, ᓮᓚᒧᓐᖓᐅᒋᐊᑉ ᐊᖅᑯᑎᖓᓃᑦᑐᒥ. 21ᑖᒃᑯᐊ ᐊᖓᔪᖅᑳᖁᑎᖏᑦ ᑐᖁᑦᓯᓚᐅᕐᑐᑦ ᐅᑯᐊᖑᕗᑦ ᔪᓴᑲᕆ ᓯᒥᐊᑎᐅᑉ ᐃᕐᓂᖓ ᔨᕼᐅᔭᐸᓗ ᓲᒥᕆᐅᑉ ᐃᕐᓂᖓ, ᔪᐊᓯ ᑐᖁᖕᒪᑦ ᐃᓗᕕᕐᑕᐅᓚᐅᕐᐳᖅ ᓯᕗᓕᕕᓂᖏᑕ ᐃᓗᕕᖃᕐᕕᖏᓐᓂ ᑍᕕᑎᐅᑉ ᐃᒡᓗᒐᓴᖏᓐᓂ, ᐃᕐᓂᖓᑕᓗ ᐊᒪᔧᐊᐅᑉ ᑭᖑᕝᕕᓚᐅᕐᐹ ᐊᖓᔪᖅᑳᕐᔪᐊᖑᓂᖓ.
Currently Selected:
ᐊᑕᓃᑦ ᐂᑉᐸᖏᑦ 12: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
