ᑯᕆᓐᑎᐊᒥᐅᓄᑦ ᐂᑉᐸᖏᑦ 9
9
ᐅᒃᐱᕐᑐᑦ ᐃᑲᔪᕐᑕᐅᑦᔪᑎᒃᓴᖏᓐᓄᑦ
1ᑎᑎᕋᕐᕕᒋᔭᕆᐊᖃᓐᖏᓚᑦᓯ ᐃᑲᔪᕐᓯᕆᐊᕈᑎᒃᓴᓂᒃ ᐃᑦᔪᕐᓁᑎᑕᐅᓯᒪᔪᓄᑦ. 2ᖃᐅᔨᒪᒐᒪ ᐅᐸᓗᖕᒊᕐᓯᒪᓂᑦᓯᓐᓂᒃ, ᐅᐱᒍᓱᖕᓂᕋᓚᐅᕋᒪ ᐃᓕᑦᓯᓐᓂᒃ ᒫᓯᑑᓂᐊᒥᐅᓄᑦ ᐅᓐᓂᕐᓯᐅᑎᒋᓪᓗᓯ, ᐅᖃᐅᑎᓚᐅᕐᐸᒃᑲ ᐊᕐᕌᓂᓂᑦ ᐊᑬᐊᒥᐅᖑᔪᓯ ᑐᓂᓯᔪᒪᓂᕋᕐᓗᓯ; ᑕᒪᓐᓇ ᒫᓯᑑᓂᐊᒥᐅᓂᒃ ᐊᐅᓚᑦᔧᓯᒪᕗᖅ ᑲᔪᖏᕐᓴᕐᑕᐅᓪᓗᑎᒃ. 3ᒫᓐᓇᓕ ᙭ᔅᑑᓯᒥᐅᑕᐅᖃᑎᕗᑦ ᐃᓕᑦᓯᓐᓄᑦ ᑎᓕᕙᒃᑲ ᐃᓕᑦᓯᓐᓂᒃ ᐱᑦᓯᐊᕐᓂᕅᓂᕋ ᑕᒪᐅᖕᒊᓐᓈᖁᓇᒍ, ᐅᐸᓗᖕᒊᕐᓯᒪᖁᓪᓗᓯᓗ ᐃᑲᔪᕆᐊᒃᓴᖅ, ᑍᒫᒃ ᐅᖃᐅᑎᒋᓯᒪᒐᑦᓯ. 4ᑕᕝᕙᓕ ᒫᓯᑑᓂᐊᒥᐅᒥᒃ ᐃᓚᖃᕐᓗᖓ ᐃᓕᑦᓯᓐᓄᑦ ᑎᑭᒃᑯᒪ ᐅᐸᓗᖕᒊᕐᓯᒪᖏᑦᑐᓯ ᖃᐅᔨᔭᐅᒍᑦᓯ, ᑲᓐᖑᓱᒃᑎᑕᐅᒐᔭᕐᐳᒍᑦ ᐃᓕᑦᓯᓐᓂᒃ ᖁᓚᖏᑦᔪᑎᖃᓗᐊᓚᐅᕐᓂᑦᑎᓐᓄᑦ. 5ᑍᒤᒻᒪᑦ ᐱᔭᕆᐊᖃᕋᓱᒋᓚᐅᕋᒃᑯ ᙭ᔅᑑᓯᒥᐅᑕᐅᖃᑎᕗᑦ ᐃᓕᑦᓯᓐᓄᐊᖁᓪᓗᒋᑦ ᓯᕗᓂᑦᑎᓐᓂ, ᐱᔭᕇᕐᓯᑦᓯᐊᖁᓪᓗᒋᑦ ᑐᓂᕐᕈᑎᓂᒃ ᐃᑲᔫᑎᒃᓴᓂᒃ ᑐᓂᓂᐊᕐᓂᕋᓚᐅᕐᑕᑦᓯᓐᓂᒃ, ᐊᑐᐃᓐᓇᐅᑦᓯᐊᕐᑐᒧᑦ ᑎᑭᖁᓪᓗᖓ ᑐᓂᓯᔭᕆᐊᖃᕐᓂᕐᒨᖏᑦᑐᖅ ᐃᑲᔪᕈᒪᓂᕐᒧᓪᓕ ᑐᓂᔭᑦᓯᓐᓄᑦ.
6ᐅᓇ ᐃᖅᑲᐅᒪᓯᐅᒃ; ᐅᓄᖏᑦᑐᓂᒃ ᑲᓐᖓᕐᓱᐃᔪᖅ ᐅᓄᖏᑦᑐᓂᒃ ᑲᑎᕐᓱᐃᔪᒫᕐᐳᖅ, ᐅᓄᕐᑐᓂᒡᓗ ᑲᓐᖓᕐᓱᐃᔪᖅ ᐊᒥᓱᓂᒃ ᑲᑎᕐᓱᐃᔪᒫᕆᕗᖅ. 7ᐃᓄᐃᑦ ᐊᑐᓂᑦ ᐃᓱᒪᒥᖕᓂᒃ ᑐᓂᓯᓕᑦ, ᑐᓂᓯᔪᒪᑦᓯᐊᖏᓪᓗᑎᒃ ᑐᓂᓯᔪᒃᓴᐅᓐᖏᓚᑦ ᐱᖁᔭᐅᑐᐃᓐᓇᕐᓂᕐᒧᓪᓘᓐᓃᑦ, ᖁᕕᐊᓱᒡᓗᓂ ᑐᓂᓯᔪᖅ ᒎᑎᐅᑉ ᓇᒡᓕᒋᖕᒪᒍ. 8ᒎᑎᐅᓪᓗ ᑐᓂᓯᕕᒋᔪᓐᓇᕐᐹᓯ ᓮᒻᒪᕐᑎᑕᐅᓂᕐᓂᒃ ᐊᒥᒐᖏᑦᑐᓂᒃ, ᑕᒤᓐᓂᒃ ᓈᒻᒪᒃᑐᓂᒃ ᓱᓇᑐᐃᓐᓇᕐᓂᒃ ᐱᑕᕾᓐᓇᖁᓪᓗᓯ ᑐᓂᓯᔪᓐᓇᖁᓪᓗᓯᓗ ᓈᒻᒪᒃᑐᓂᒃ ᐱᐅᔪᒧᑦ ᐱᓇᓱᐊᕈᑎᒃᓴᐅᔪᓂᒃ. 9#ᐃᓐᖏᕈᑦ 112:9.ᑎᑎᕋᕐᓯᒪᖕᒪᑦ,
“ᐊᔪᕐᓴᕐᑐᓄᑦ ᐊᓐᓂᕈᓱᒐᓂ ᑐᓂᓯᔫᑉ;
ᑖᑦᓱᒪ ᐃᓗᐊᕐᑐᓕᓂᖓ ᐃᓱᖃᖏᑦᑐᒧᑦ ᑐᕌᖓᕗᖅ.”
10 #
ᐂᓮᐊᓯ 55:10. ᑖᑦᓱᒪ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᔪᒧᑦ ᑐᓂᓯᔫᑉ, ᓂᐊᖂᔭᒥᒡᓗ ᓂᕿᒃᓴᒥᒃ ᑐᓂᓯᔫᑉ, ᑐᓂᓯᕕᒋᔪᒫᕆᕚᓯ ᐱᕈᕐᓯᐊᒃᓴᓂᒃ ᐊᒥᓱᓂᒃ ᐱᕈᕐᑎᑦᓯᑦᓯᐊᕈᓐᓇᖁᓪᓗᓯ, ᐱᕈᕐᑎᑕᐅᔪᓂᒃ ᐊᓐᓂᕈᓱᒐᓯ ᑐᓂᓯᓂᑦᓯᓐᓄᑦ. 11ᐊᔪᕐᓴᕐᑎᑕᐅᓂᐊᓐᖏᓚᓯ ᑕᒤᑎᒍᑦ ᐊᓐᓂᕈᓱᒐᓯ ᑐᓂᓯᔪᓐᓇᖁᓪᓗᓯ, ᐅᕙᑦᑎᒍᓪᓗ ᒎᑎᒧᑦ ᖁᔭᓕᑦᔪᑕᐅᓂᐊᕐᐳᓯ ᐊᓐᓂᕈᓱᒐᓯ ᑐᓂᓯᓂᑦᓯᓐᓄᑦ; 12ᐃᑲᔪᕐᓂᑦᓯᓐᓄᑦ ᑕᒪᑐᒧᖓ ᐃᑦᔪᕐᓁᑦᑐᑦ ᐱᔭᕆᐊᖃᕐᓂᖏᓐᓂᒃ ᐃᑲᔪᑐᐃᓐᓇᓐᖏᓚᓯ ᐊᒥᓱᓄᓪᓕ ᐊᖏᔪᒥᒃ ᖁᔭᓕᑦᔪᑕᐅᕗᓯ ᒎᑎᒧᑦ. 13ᑕᒪᑐᒨᓇ ᐃᑲᔪᕐᓂᑦᓯᓐᓂᒃ ᓇᓗᓁᕐᓯᒐᑦᓯ, ᐅᓄᕐᑐᓪᓗ ᒎᑎᒥᒃ ᓂᕐᑐᐃᓂᐊᕐᐳᑦ ᓈᓚᑦᓯᐊᕐᓂᑦᓯᓐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ, ᐋᓐᓂᕈᓱᒐᓯᓗ ᑐᓂᓯᓂᑦᓯᒍᑦ ᐊᓯᓯ ᐱᓇᓱᐊᖃᑎᒋᒐᑦᓯᐅᒃ. 14ᑍᒃᑯᐊᓗ ᐃᓕᑦᓯᓐᓂᒃ ᑐᒃᓯᐅᑦᔨᓂᐊᕐᐳᑦ, ᑐᓱᓗᑎᒡᓗ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᓄᑦ ᐃᑲᔪᕐᓯᒪᖕᒪᓯ ᐊᖏᔪᕐᔪᐊᒥᒃ. 15ᒎᑎ ᖁᔭᒋᓚᐅᕐᓚᕗᑦ ᑐᓂᕐᕈᑎᖓ ᐅᖃᐅᑎᒋᔭᒃᓴᐅᖏᑦᑐᖅ ᐱᓪᓗᒍ!
Currently Selected:
ᑯᕆᓐᑎᐊᒥᐅᓄᑦ ᐂᑉᐸᖏᑦ 9: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
