ᑯᕆᓐᑎᐊᒥᐅᓄᑦ ᐂᑉᐸᖏᑦ 7
7
1ᓇᒡᓕᒋᔭᒃᑳ, ᑖᒃᑯᐊ ᐅᕙᑦᑎᓐᓄᑦ ᐊᖏᕈᑕᐅᓯᒪᖕᒪᑕ, ᑍᒤᒻᒪᑦ ᐅᕙᑦᑎᓐᓂᒃ ᓴᓗᒻᒪᕐᓴᓕᕐᑕ ᓱᓇᓕᒫᓂᑦ ᐅᒃᐱᕐᓂᒃᑯᑦ ᓴᓗᒪᑎᑦᓯᖏᑦᑐᓂᑦ ᑎᒥᒥᒃ ᑕᕐᓂᕐᒥᒡᓗ, ᐃᑦᔪᕐᓁᓕᕙᓪᓕᐊᓕᕐᑕᓕ ᒎᑎᒥᒃ ᐃᒃᐱᒍᓱᑦᓯᐊᕐᓂᑦᑎᒍᑦ.
ᐸᐅᓗᓯᐅᑉ ᖁᕕᐊᓲᑎᖃᕐᓂᖓ ᐅᒃᐱᕐᑑᖃᑎᒌᑦ ᖃᕿᐊᓕᕐᓂᖓᓐᓂᒃ
2ᐆᒻᒪᑎᑦᓯᓐᓂ ᐃᓂᒃᓴᖃᕐᑎᑎᒍᑦ, ᑭᓇᒥᒡᓘᓐᓃᑦ ᐊᑲᐅᖏᑦᑐᓕᕕᖃᓚᐅᓐᖏᓚᒍᑦ, ᐱᐅᔪᓐᓃᕐᑎᑦᓯᓚᐅᕋᑕᓗ, ᓵᓚᓯᐊᖃᓚᐅᕋᑕᓘᓐᓃᑦ. 3ᐸᓯᓗᓯ ᑍᒫᒃ ᐅᖃᓐᖏᓚᖓ; ᐅᖃᕐᓯᒪᕗᖓᓕ ᐱᓐᓇᕆᔭᒻᒪᕆᐊᓗᒋᒐᑦᓯ ᑍᒪᓐᖓᑦ ᐃᓚᒌᖏᓐᓇᕐᓂᐊᕐᐳᒍᑦ ᐃᓅᖃᑎᒋᓗᓯ ᑐᖁᖃᑎᒋᓗᓯᓘᓐᓃᑦ. 4ᐃᓕᑦᓯᓐᓂᒃ ᖁᓚᕈᑎᖃᖏᑦᓯᐊᕋᒪ; ᖁᕕᐊᒋᒻᒪᕆᒃᓗᓯᓗ. ᒪᓂᒍᕐᑕᐅᓂᕐᒥᒃ ᐃᓗᒻᒥᕐᑕᐅᕗᖓ; ᖁᕕᐊᓱᓗᐊᕐᓗᖓ ᐊᒡᓛᑦ, ᐅᖁᒤᑦᑐᑎᒎᕋᓗᐊᕐᑎᓪᓗᑕ.
5 #
2 ᑯᕆᓐᑎ 2:13. ᒫᓯᑑᓂᐊᒧᓪᓕ ᑎᑭᓐᓇᑦᑕ, ᑎᒥᕗᑦ ᐃᓂᓪᓚᖓᔪᓐᓇᓚᐅᓐᖏᓚᖅ, ᐅᖁᒤᒃᓴᕐᓇᕐᑐᓄᑦ ᐊᕙᓗᔭᐅᓯᒪᓚᐅᕋᑦᑕ ᓯᓚᑎᑦᑎᒍᑦ, ᐂᕙᔭᕆᐊᖃᖃᑦᑕᕐᓗᑕ ᐃᓗᑦᑎᒍᑦ ᓯᕘᕋᓂᖃᕐᓗᑕ. 6ᒎᑎᐅᓪᓕ, ᒪᓂᒍᕐᑎᑦᓯᔨᐅᑉ ᓴᓐᖐᓕᓯᒪᔪᓂᒃ, ᒪᓂᒍᓚᐅᕐᐹᑎᒍᑦ ᑍᑑᓯᐅᑉ ᑎᑭᓐᓂᖓᒍᑦ, 7ᑎᑭᓐᓂᖓᓄᑐᐃᓐᓇᐅᖏᑦᑐᕐᓕ; ᑖᑦᓱᒪᓕ ᐅᓐᓂᕐᓯᐅᕐᓂᖓᒍᑦ ᐃᓕᑦᓯᓐᓄᑦ ᒪᓂᒍᕐᑕᐅᓚᐅᕐᓂᕐᒥᓂᒃ. ᐅᖃᐅᑎᓚᐅᕐᒪᑎᒍᑦ ᐅᕙᓐᓂᒃ ᑕᑯᔪᒪᓕᕐᓂᑦᓯᓐᓂᒃ, ᕿᒃᓵᕕᒡᔪᐊᕐᓂᑦᓯᓐᓂᒃ, ᐅᕙᓐᓂᒡᓗ ᓴᐳᓐᓂᐊᕈᒪᓂᑦᓯᓐᓂᒃ, ᑕᒪᑐᒧᖓ ᐊᖏᔪᒥᒃ ᖁᕕᐊᓱᒃᑎᑕᐅᒃᑲᓐᓂᓚᐅᕐᐳᖓ.
8ᕿᒃᓵᒃᑎᓚᐅᕋᓗᐊᕈᑦᓯ ᑎᑎᕋᓚᐅᕐᑕᓐᓄᑦ, ᐅᒡᒍᐊᕈᑎᒋᓐᖏᓚᒃᑲ. ᐅᒡᒍᐊᓚᐅᕋᓗᐊᕐᐳᖓ ᖃᐅᔨᒐᒪ ᑎᑎᕋᕐᑕᓐᓄᑦ ᐋᓐᓂᕐᑕᐅᓚᐅᕋᑦᓯ, ᐊᑯᓂᐅᖏᑦᑐᕐᓕ ᕿᒃᓵᓚᐅᕐᐳᓯ. 9ᒫᓐᓇᓕ ᖁᕕᐊᓱᓕᕐᐳᖓ, ᕿᒃᓵᒃᑎᑕᐅᓚᐅᕐᓂᓯ ᐱᓇᒍ, ᕿᒃᓵᓂᑦᓯᒍᓪᓕ ᖃᕿᐊᓕᓚᐅᕋᑦᓯ. ᕿᒃᓵᖕᓂᓯ ᒎᑎᐅᑉ ᐊᑐᓚᐅᕐᒪᒍ, ᐊᓯᕈᕐᑕᐅᓚᐅᓐᖏᓐᓇᑦᓯᓗ ᑍᒤᑎᑦᓯᓂᑦᑎᓐᓄᑦ. 10ᕿᒃᓵᒃᑎᑕᐅᓂᖅ ᒎᑎᒥᑦ ᐱᔪᖅ ᖃᕿᐊᓕᕐᓂᖃᕐᑎᑦᓯᖕᒪᑦ ᐱᐅᓕᔭᐅᓂᕐᒧᑦ ᑭᖑᓂᖓᒍᓪᓗ ᐅᒡᒍᐊᕐᓇᕐᓂᖃᕋᓂ, ᕿᒃᓵᒃᑎᑕᐅᓂᕐᓕ ᓯᓚᕐᔪᐊᕐᒥᑦ ᐱᔪᖅ ᑐᖁᑎᑦᓯᕗᖅ. 11ᑕᕝᕙ ᖃᐅᔨᓕᕆᑦᓯ ᑕᒪᓐᓇ ᕿᒃᓵᒃᑎᑕᐅᓂᓯ ᖃᓄᖅ ᒎᑎᒧᑦ ᐊᑐᕐᑕᐅᓯᒪᓂᖓᓂᒃ; ᐱᒋᐊᒃᑲᓐᓂᕈᑎᒋᒐᑦᓯᐅᒃ ᐸᓯᔭᒃᓴᐅᔪᒪᖏᓐᓂᑦᓯᓐᓄᓪᓗ ᓇᓗᓁᕐᓯᑦᔪᑎᒋᓪᓗᒍ, ᓯᕘᕋᓂᖃᕐᑎᓚᐅᕐᒪᓯ ᓇᒡᓕᒍᓱᖕᓂᖃᕐᑎᒻᒪᓯᓗ ᐃᓱᒪᔮᕈᑎᖃᕐᑎᒻᒪᓯᓗ, ᐊᑲᐅᔪᒥᒃ ᐃᖅᑲᕐᑐᐃᓂᖅ ᓴᖅᑭᖁᓪᓗᒍ. ᑕᕝᕙ ᑕᒤᑎᒍᑦ ᓇᓗᓁᕐᐳᓯ ᐸᓯᔭᒃᓴᐅᖏᓐᓂᑦᓯᓐᓂᒃ. 12ᑎᑎᕋᕐᕕᒋᓚᐅᕋᓗᐊᕐᐸᑦᓯ, ᐊᔪᕐᑐᓕᔪᕐᓕ ᑎᑎᕋᕈᑎᒋᓚᐅᓐᖏᓚᕋ, ᐊᔪᕐᑐᓕᕕᐅᔪᕐᓘᓐᓃᑦ, ᓇᖕᒥᓂᕐᓕ ᓇᓗᓁᕐᓯᕕᐅᖁᓪᓗᓯ ᐅᕙᑦᑎᓐᓄᑦ ᑐᓂᓯᒪᑦᓯᐊᓪᓚᕆᖕᓂᑦᓯᓐᓂᒃ ᒎᑎᐅᑉ ᓵᖓᓂ. 13ᑍᒤᒻᒪᑦ ᑕᒪᑐᒨᓇ ᐱᕙᓪᓕᕐᑎᑕᐅᕗᒍᑦ.
ᐱᕙᓪᓕᕐᑎᑕᐅᒐᓗᐊᕋᑦᑕ ᐊᖏᓂᕐᓴᒥᒡᓕ ᖁᕕᐊᓱᒃᑎᑕᐅᕗᒍᑦ ᑍᑑᓯᐅᑉ ᖁᕕᐊᓱᖕᓂᖓᓄᑦ, ᑖᑦᓱᒪ ᐊᓂᕐᓂᖓ ᑕᒪᑦᓯ ᖁᕕᐊᓱᒃᑎᓚᐅᕋᑦᓯᐅᒃ. 14ᑖᑦᓱᒧᖓ ᐅᖃᐅᑎᒋᓚᐅᕋᑦᓯ ᐃᓕᑦᓯᓐᓂᒃ ᐅᐱᒍᓲᑎᖃᕐᓂᕋᕐᓗᖓ, ᑲᓐᖑᓱᒃᑎᓚᐅᓐᖏᓚᑦᓯᓐᖓ, ᐃᓕᑦᓯᓐᓄᑦ ᐅᖃᐅᓯᕆᓚᐅᕐᑕᕗᑦ ᑕᒪᕐᒥᒃ ᓱᓕᖕᒪᑕ, ᐃᓕᑦᓯᓐᓂᒃ ᐅᐱᒍᓲᑎᖃᓚᐅᕐᓂᕗᑦ ᑍᑑᓯᒧᑦ ᓴᖅᑭᑕᐅᕗᑦ ᓴᒡᓗᓯᒪᖏᓐᓇᑦᑕ. 15ᑍᑑᓯᓗ ᐃᓕᑦᓯᓐᓂᒃ ᓇᒡᓕᒍᓱᓕᒃᑲᓐᓂᕐᐳᖅ, ᐃᖅᑬᔭᕌᖓᒥ ᑕᒪᑦᓯ ᓈᓚᑦᓯᐊᓚᐅᕋᑦᓯ, ᓯᕘᕋᓪᓗᓯᓗ ᓴᔪᒡᓗᓯ ᐃᓚᓕᐅᓚᐅᕋᑦᓯᐅᒃ. 16ᖁᕕᐊᓲᑎᖃᕐᐳᖓ, ᐱᔪᓐᓇᑦᓯᐊᓕᕐᓂᑦᓯᓐᓂᒃ ᐃᓘᓐᓈᒍᑦ.
Currently Selected:
ᑯᕆᓐᑎᐊᒥᐅᓄᑦ ᐂᑉᐸᖏᑦ 7: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
