ᑯᕆᓐᑎᐊᒥᐅᓄᑦ ᐂᑉᐸᖏᑦ 6
6
1ᑖᑦᓱᒥᖓ ᐱᓇᓱᐊᖃᑎᖃᕋᑦᑕ, ᑍᒤᒻᒪᑦ, ᐃᓇᑉᐸᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓚᓕᐅᕐᓯᒪᔭᓯ ᑕᒪᐅᖓᑐᐃᓐᓈᕐᑎᑦᑍᓕᓯᐅᒃ. 2#ᐂᓮᐊᓯ 49:8.ᒎᑎ ᐅᖃᕐᓯᒪᖕᒪᑦ,
“ᓇᓪᓕᐅᓐᓂᖅ ᐊᑲᐅᓈᑦᓯᐊᓕᕐᑎᓪᓗᒍ ᑐᓴᓚᐅᕐᐸᒋᑦ,
ᐃᑲᔪᓚᐅᕐᐸᒋᓪᓗ ᐅᓪᓗᖅ ᐱᐅᓕᔭᐅᕕᒃ ᓇᓪᓕᐅᑎᑎᓪᓗᒍ.”
ᑕᑯᒋᑦ, ᒫᓐᓇ ᐊᑲᐅᓈᑦᓯᐊᕐᑐᖅ ᓇᓪᓕᐅᑎᕗᖅ; ᑕᑯᒋᑦ, ᒫᓐᓇ ᐅᓪᓗᖅ ᐱᐅᓕᔭᐅᕕᒃ ᓇᓪᓕᐅᑎᕗᖅ.
3ᐊᒡᕕᐊᕈᑎᒃᓴᒥᒃ ᐃᓕᓯᔪᒪᖏᓐᓇᑦᑕ ᐊᖅᑯᑎᒋᔭᐅᓂᐊᕐᑐᒧᑦ, ᐱᓇᓱᐊᕐᓂᕗᑦ ᐸᓯᔭᐅᑦᔪᑎᒃᓴᖃᖁᓇᒍ ᓱᓇᑐᐃᓐᓇᒧᑦ. 4ᖃᓄᓕᒫᕐᓕ ᒎᑎᒧᑦ ᐱᔨᐅᓂᑦᑎᓐᓂᒃ ᓴᖅᑭᔮᕐᑎᑦᓯᕗᒍᑦ: ᕿᓄᐃᓵᒻᒪᕆᒃᓗᑕ ᑲᑉᐱᐊᓇᕐᑐᒃᑰᓕᕌᖓᑦᑕ, ᐊᒃᓱᕈᕐᓇᕐᑐᒃᑰᓕᕌᖓᑦᑕ, ᕿᒃᓵᓕᕌᖓᑦᑕᓗ, 5#ᐋᐴᓯᑕᓖᑦ 16:23.ᐋᓐᓂᕐᓯᕐᑕᐅᓕᕌᖓᑦᑕ, ᑎᒍᔭᐅᓯᒪᕕᖕᒦᓕᕌᖓᑦᑕ, ᒥᑕᐅᑎᒋᔭᐅᓕᕌᖓᑦᑕ; ᐊᒃᓱᕈᕐᑎᑕᐅᓪᓗᑕ ᐱᓇᓱᐊᕐᑎᑕᐅᓗᐊᓕᕌᖓᑦᑕ, ᓯᓂᓱᐃᑦᑑᓕᕌᖓᑦᑕ, ᓂᕿᒃᓴᖃᕈᓐᓃᕌᖓᑦᑕᓗ; 6ᐃᒃᖠᒎᕐᓂᕐᒧᑦ ᓵᓚᐅᑦᑍᓕᓪᓗᑕ, ᖃᐅᔨᒪᑦᓯᐊᕐᓗᑕ, ᕿᓄᐃᓵᕐᓗᑕ, ᐱᑦᓯᐊᕐᓗᑕ, ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ, ᓱᓕᔪᒥᒃ ᓇᒡᓕᖕᓂᖃᕐᓗᑕ, 7ᓱᓕᔪᒥᒃ ᐅᖃᐅᓯᖃᕐᓗᑕ, ᒎᑎᒥᓪᓗ ᐱᔪᓐᓇᕐᓂᖃᕐᑎᑕᐅᓪᓗᑕ; ᐃᓗᐊᕐᑐᓕᓂᕐᒥᒃ ᐅᓇᑕᐅᑎᖃᕐᓗᑕ ᑕᓕᕐᐱᑦᑎᒍᑦ ᓴᐅᒥᑦᑎᒍᓪᓗ; 8ᐅᐱᒋᔭᐅᓕᕌᖓᑦᑕ ᓇᕐᕈᒋᔭᐅᓕᕌᖓᑦᑕᓗ, ᐊᔪᕐᓂᕋᕐᑕᐅᔭᕌᖓᑦᑕ ᐊᔪᖏᓐᓂᕋᕐᑕᐅᔭᕌᖓᑦᑕᓗ. ᓴᒡᓗᑐᓂᕋᕐᑕᐅᕙᒃᑐᒍᑦ, ᓱᓕᔪᒥᒃ ᐅᖃᓪᓚᖃᑦᑕᕋᓗᐊᕐᑐᒍᑦ; 9ᐊᒡᓛᑦ ᖃᐅᔨᒪᔭᐅᖏᑦᑑᔮᕐᐸᒃᐳᒍᑦ, ᖃᐅᔨᒪᔭᐅᑦᓯᐊᕋᓗᐊᕐᓗᑕ ᑕᒤᓐᓄᑦ; ᑐᖁᓕᕐᑐᑎᑐᑦ ᐱᔭᐅᕙᒃᐳᒍᑦ, ᑕᑯᒋᓪᓗ ᐃᓅᕗᒍᑦ; ᓱᒋᐊᕐᑕᐅᕙᒃᐳᒍᑦ ᑐᖁᑕᐅᓇᑕᓕ; 10ᕿᒃᓵᒃᑎᑕᐅᕙᒃᐳᒍᑦ, ᖁᕕᐊᓱᑦᓮᓐᓇᕐᐳᒍᓪᓕ; ᐊᔪᕐᓴᕋᓗᐊᕐᐳᒍᑦ, ᐊᓯᕗᓪᓕ ᐊᒥᓱᑦ ᐊᔪᕐᓴᕈᓐᓃᑎᑉᐸᕗᑦ; ᐱᖃᖏᑦᑑᔮᕐᐳᒍᑦ, ᑕᒤᓐᓂᒡᓕ ᐱᖃᕋᓗᐊᕐᐳᒍᑦ.
11ᐃᓕᑦᓯᓐᓄᑦ ᑯᕆᓐᑎᒥᐅᓄᑦ ᓱᓇᒥᒡᓘᓐᓃᑦ ᐃᔨᕐᓯᓯᒪᓇᑕ ᐅᖃᓪᓚᓚᐅᕐᐳᒍᑦ; ᐃᓕᑦᓯᓐᓄᑦ ᐅᒃᑯᐃᖓᑦᓯᐊᕐᓗᑕ. 12ᐅᕙᑦᑎᓐᓄᑦ ᓄᖅᑲᖓᑎᑕᐅᓐᖏᓚᓯ, ᐃᓕᑦᓯᓐᓂᒡᓕ ᓄᖅᑲᖓᑎᑉᐳᓯ. 13ᐃᓕᑦᓯᓐᓄᑦ ᐅᖃᓪᓚᒃᐳᖓ ᓲᕐᓗ ᕿᑐᕐᖓᓐᓄᑦ; ᐅᕙᑦᑎᑐᑦᑕᐅᖅ ᐅᒃᑯᐃᖓᑦᓯᐊᕐᑐᒃᓴᐅᕗᓯ.
ᒎᑎᓐᖑᐊᓖᑦ ᐃᓕᖅᑯᓯᖏᓐᓂᒃ ᓯᕘᕋᓵᕆᓂᖅ
14ᐅᒃᐱᖏᑦᑐᑦ ᐱᓂᐊᕐᓂᖏᑦ ᐃᓚᒋᓂᐊᕋᓯᒋᒃ, ᖃᓄᖅ ᐃᓗᐊᕐᑐᓕᓂᖅ ᐱᐅᖏᑦᑐᓕᓂᕐᓗ ᐃᓚᒌᒍᓐᓇᕐᐹᒃ? ᖃᓄᕐᓗ ᖃᐅᒪᔪᖅ ᑖᕐᑐᕐᓗ ᐃᓚᒌᒍᓐᓇᕐᐹᒃ? 15ᖃᓄᕐᓕ ᙭ᔅᑑᓯᓗ ᐱᓔᐊᓕᓗ#6:15 ᐱᓔᐊᓕ ᐅᕝᕙᓗ ᓵᑖᓇᓯ ᐊᑕᐅᓯᐅᖃᑎᒌᒍᓐᓇᕐᐹᒃ? ᐅᕝᕙᓗ ᖃᓄᖅ ᐅᒃᐱᕐᑐᕐᓗ ᐅᒃᐱᖏᑦᑐᕐᓗ ᑲᑐᑦᔨᖃᑎᒌᒍᓐᓇᕐᐹᒃ. 16#1 ᑯᕆᓐᑎ 3:16; 6:19; ᒨᓯᓯ ᐱᖓᔪᖏᑦ 26:12; ᐃᓯᑭᐊᓕ 37:27.ᓱᓇᒥᒡᓗ ᐊᖏᖃᑎᒌᒍᓐᓇᕐᐹᒃ? ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᒎᑎᓐᖑᐊᕐᓗ? ᐅᕙᒍᓪᓕ ᒎᑎᐅᑉ ᐃᓅᖏᓐᓇᕐᑑᑉ ᑐᒃᓯᐊᕐᕕᒡᔪᐊᖁᑎᒋᕚᑎᒍᑦ. ᒎᑎ ᐅᖃᕐᓯᒪᖕᒪᑦ:
“ᐃᓂᒋᓂᐊᕐᐸᒃᑲ ᐃᓅᖃᑎᒋᓗᒋᓪᓗ,
ᑖᒃᑯᓄᖓ ᒎᑎᒋᔭᐅᓂᐊᕐᐳᖓ, ᑖᒃᑯᐊᓗ ᐃᓄᖁᑎᒋᓂᐊᕐᐸᒃᑲ.”
17 #
ᐂᓮᐊᓯ 52:11. ᑍᒤᒻᒪᑦ ᐊᑕᓂᖅ ᐅᖃᕐᐳᖅ,
“ᑍᒃᑯᓇᓐᖓ ᐊᓂᒋᑦᓯ ᐃᓚᒋᔪᓐᓃᕐᓗᒋᓪᓗ.
ᒎᑎᒧᑦ ᓇᕐᕈᓇᕐᑐᓂᒃ ᐱᓇᓱᐊᕐᓂᐊᕋᓯ,
ᑕᕝᕙ ᐃᓚᓕᐅᕐᓂᐊᕐᐸᑦᓯ.
18 #
ᓴᒧᐃᓕ ᐂᑉᐸᖏᑦ 7:14; ᑯᕉᓂᑲ ᓯᕗᓪᓖᑦ 17:13; ᐂᓮᐊᓯ 43:6; ᔨᕆᒤᐊ 31:9. ᐃᓕᑦᓯᓐᓄᑦ ᐊᑖᑕᒋᔭᐅᓂᐊᕐᐳᖓ,
ᐅᕙᖓᓕ ᐃᕐᓂᕆᓂᐊᕐᐸᑦᓯ ᐸᓂᒋᓗᓯᓗ,
ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᐳᖅ.”
Currently Selected:
ᑯᕆᓐᑎᐊᒥᐅᓄᑦ ᐂᑉᐸᖏᑦ 6: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
