ᑯᕆᓐᑎᐊᒥᐅᓄᑦ ᐂᑉᐸᖏᑦ 13
13
ᐃᓂᕐᑎᕆᓃᑦ ᑭᖑᓪᓕᕐᐹᑦ
1 #
ᒨᓯᓯ ᑕᓪᓕᒪᖏᑦ 17:6; 19:15. ᑕᕝᕙ ᐱᖓᔪᒋᓕᕐᑕᖓᓂᒃ ᐃᓕᑦᓯᓐᓄᑦ ᑎᑭᓛᓕᕐᐳᖓ. “ᒪᕐᕉᒃᐸᑎᒃ ᖃᐅᔨᓯᒪᔫᒃ ᐱᖓᓱᓪᓘᓐᓃᑦ, ᐸᓯᔭᒃᓴᓐᖑᕐᑎᑦᓯᔪᓐᓇᕐᐳᑦ.”#13:1 5 ᒨᓯᓯ 19:15 2ᐅᖃᐅᑎᔭᕇᓚᐅᕐᐸᑦᓯ ᐃᓂᕐᑎᕐᓗᓯ ᑭᖑᓪᓕᕐᒥᒃ ᐃᓕᑦᓯᓐᓄᑦ ᑎᑭᓯᒪᓪᓗᖓ, ᐃᓂᕐᑎᒃᑲᓐᓂᓕᕐᐸᑦᓯ ᓇᔫᑎᓇᖓ ᐃᓕᑦᓯᓐᓄᑦ, ᑎᑭᓕᕐᒥᒍᒪ ᐊᑦᑕᕆᓂᐊᓐᖏᓚᒃᑲ ᓯᕗᓂᖓᓂ ᐊᔪᕐᑐᓕᓚᐅᕐᑐᑦ ᐊᓯᖏᓪᓘᓐᓃᑦ, 3ᖃᐅᔨᑎᑕᐅᔪᒪᒐᑦᓯᓕ ᙭ᔅᑑᓯ ᐅᕙᒃᑯᑦ ᐅᖃᓪᓚᖕᒪᖔᑦ. ᑖᓐᓇ ᓵᓐᖐᑦᑐᓐᖏᓚᖅ ᐃᓕᑦᓯᓐᓄᑦ ᐱᓇᓱᐊᓕᕈᓂ; ᐱᔪᓐᓇᕐᓂᕐᒥᓂᒡᓕ ᑕᑯᑎᓐᓂᐊᕐᐹᓯ. 4ᓴᓐᖐᓐᓂᕐᒥ ᑭᑭᐊᒃᑐᕐᑕᐅᓚᐅᕐᐳᖅ, ᐆᒪᕗᕐᓕ ᒎᑎᐅᑉ ᐱᔪᓐᓇᕐᓂᖓᒍᑦ. ᑍᒫᒃᑕᐅᖅ ᑖᑦᓱᒪᓂ ᓴᓐᖐᑦᑑᕗᒍᑦ, ᒎᑎᐅᓪᓕ ᐱᔪᓐᓇᕐᓂᖓᒍᑦ ᑖᓐᓇ ᐃᓅᖃᑎᒋᓂᐊᕐᐸᕗᑦ ᐱᓇᓱᐊᓕᕈᑦᑕ ᐃᓕᑦᓯᓐᓄᑦ.
5ᐃᓕᑦᓯᓐᓂᒃ ᖃᐅᔨᓴᕆᑦᓯ ᐅᒃᐱᕐᓂᕐᒦᒻᒪᖔᑦᓯ. ᐆᒃᑐᕆᑦᓯ ᐃᓕᑦᓯᓐᓂᒃ; ᖃᐅᔨᒪᓐᖏᓚᓰ ᔩᓱᓯ ᙭ᔅᑑᓯ ᐃᓗᑦᓯᓐᓃᒻᒪᑦ? ᐅᒃᐱᕐᓂᕐᒥ ᓱᓕᖏᒃᑯᑦᓯ ᑭᓯᐊᓂ ᖃᐅᔨᒐᔭᓐᖏᓚᓯ. 6ᖃᐅᔨᓂᐊᕋᓱᒋᕙᑦᓯ ᐅᒃᐱᕐᓂᕐᒥᒃ ᓱᓕᖏᑦᑐᒥᒃ ᐱᓯᒪᖏᓐᓂᑦᑎᓐᓂᒃ. 7ᒫᓐᓇᓗ ᑐᒃᓯᐊᕐᐳᒍᑦ ᒎᑎᒧᑦ ᑕᒻᒪᖁᓇᓯ ᓱᓇᑐᐃᓐᓇᕐᒥᒃ; ᐃᓄᖕᓄᑦ ᖃᐅᔨᔭᐅᔪᒪᑐᐃᓐᓇᕐᓂᕐᒧᑦ ᓇᔪᕐᑕᐅᓂᑦᑎᓐᓂᒃ ᐱᓇᑕ, ᓈᒻᒪᓈᕐᑐᒥᒡᓕ ᐱᖁᓪᓗᓯ, ᐅᕙᒍᑦ ᑲᔪᓯᖏᑦᑑᔮᕋᓗᐊᕐᑎᓪᓗᑕ. 8ᓱᓕᓂᖅ ᐊᑭᕋᕐᑐᕈᓐᓇᓐᖏᓚᕗᑦ, ᓱᓕᓂᒃᑯᓪᓕ ᑭᓯᐊᓂ ᐱᓇᓱᐊᕈᓐᓇᕐᐳᒍᑦ. 9ᖁᕕᐊᓱᒃᐳᒍᑦ ᓴᓐᖐᑦᑑᓕᕌᖓᑦᑕ ᓴᓐᖏᔫᑎᓪᓗᓯ. ᑐᒃᓯᐊᕐᐳᒍᓪᓗ ᓈᒻᒪᒃᓯᑎᑕᐅᑦᓯᐊᖁᓪᓗᓯ. 10ᑍᒫᒃ ᑎᑎᕋᕐᐳᖓ ᐊᑦᓯᒪᓪᓗᖓ ᐃᓕᑦᓯᓐᓂᑦ, ᑎᑭᒃᑯᒪ ᐃᓕᕋᓇᕈᒪᓇᖓ ᐱᔪᓐᓇᕐᓂᖃᕐᑎᑕᐅᓂᓐᓄᑦ, ᐱᔪᓐᓇᕐᓂᕐᒧᑦ ᐊᑕᓂᕐᒥᑦ ᐱᓯᒪᔭᓐᓄᑦ ᐋᖅᑭᒃᐸᓪᓕᐊᖁᓪᓗᓯ ᓱᕋᒍᑎᒃᓴᑦᓯᓐᓅᖏᑦᑐᖅ.
11ᒫᓐᓇᓕ ᙭ᔅᑑᓯᒥᐅᑕᐅᑎᒃᑲ ᑕᕝᕙᐅᕗᓯ. ᐃᓅᓯᓯ ᐋᖅᑭᒃᓱᕐᓯᐅᒃ, ᐱᖁᔨᓂᒃᑲ ᓈᓚᒃᓯᒋᒃ, ᐃᓱᒪᖃᖃᑎᒌᒋᑦᓯ ᐊᑭᕋᕐᑑᑎᖏᓪᓗᓯ, ᒎᑎᐅᓪᓗ ᓇᒡᓕᖕᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓂᐊᕐᐹᓯ.
12ᑕᕝᕙᐅᕗᑏᖃᑎᒌᒋᑦᓯ ᑯᓂᖕᓂᕐᒧᑦ ᐃᑦᔪᕐᓁᑦᑐᒧᑦ. 13ᐃᑦᔪᕐᓁᑎᑕᐅᓯᒪᔪᓕᒫᑦ ᑕᕝᕙᐅᕗᑏᕐᐹᓯ.
14ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᒎᑎᐅᓪᓗ ᓇᒡᓕᖕᓂᖓᑕ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐃᓚᖃᕐᓂᖓᑕ ᐃᓚᒋᓕᓯ ᑕᒪᑦᓯ.
Currently Selected:
ᑯᕆᓐᑎᐊᒥᐅᓄᑦ ᐂᑉᐸᖏᑦ 13: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
