ᑯᕆᓐᑎᐊᒥᐅᓄᑦ ᐂᑉᐸᖏᑦ 11
11
ᐸᐅᓗᓯᓗ ᐋᐴᓯᑕᓕᐅᓐᖑᐊᕐᑐᓪᓗ
1ᓯᓔᑦᑐᑎᑐᑦ ᐃᓕᖅᑯᓯᖃᑬᓐᓇᕐᑎᓪᓗᖓ ᕿᓄᐃᓵᕈᑎᒋᓚᐅᕐᓯᓐᖓ, ᓇᓗᓐᖏᓚᖓ ᕿᓄᐃᓵᕈᑎᒋᓂᐊᕋᑦᓯᓐᖓ. 2ᒎᑎᒥᑦ ᐱᔪᒥᒃ ᓯᖕᓇᓂᕐᒥᒃ ᐃᒃᐱᒍᓱᒃᑲᒪ ᐃᓕᑦᓯᓐᓄᑦ, ᐊᕐᓇᑐᑦ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑎᑐᑦ ᓄᓕᐊᒃᓴᐅᖁᓪᓗᓯ ᑐᓂᔪᒪᒐᑦᓯ ᙭ᔅᑑᓯᒧᑦ ᑖᑦᓱᒥᖓ ᐅᐃᑖᖁᓪᓗᓯ. 3#ᒨᓯᓯ ᓯᕗᓪᓖᑦ 3:1-5,13.ᐄᕕ ᖁᒡᓗᒋᐊᒧᑦ ᐱᖏᑦᓯᕐᑐᕐᑐᒧᑦ ᐅᐃᕕᕆᔭᐅᓚᐅᕐᒪᑦ, ᓯᕘᕋᕗᖓᓕ ᐃᓱᒪᓯᑦᑕᐅᖅ ᓴᖑᑎᑕᐅᓂᐊᕋᓱᒋᓪᓗᒋᑦ ᓱᓕᑦᓯᐊᕐᓂᕐᒥᑦ ᐃᒃᐱᒍᓱᒍᓐᓃᕐᑎᑕᐅᓂᕐᒧᑦ ᙭ᔅᑑᓯᒥᒃ. 4ᐃᓕᑦᓯᓐᓄᑦ ᑎᑭᑦᑐᖃᕐᐸᑦ ᔩᓱᓯᐅᑉ ᐊᓯᐊᓂᒃ ᐊᔪᕆᕐᑐᐃᑦᔪᑎᖃᕐᑐᒥᒃ ᐊᔪᕆᕐᑐᐃᑦᔪᑎᒋᓚᐅᓐᖏᑕᑦᑎᓐᓂᒃ, ᐅᕝᕙᓗ ᐊᓂᕐᓂᕐᒥᒃ ᐃᓚᓕᐅᕐᓯᒍᑦᓯ ᐱᓯᒪᔭᑦᓯ ᐊᑦᔨᒋᓐᖏᑕᖓᓂᒃ, ᐅᕝᕙᓗ ᐅᖃᐅᓰᑦ ᑐᓴᕈᒥᓇᕐᑐᑦ ᐊᓯᐊᓂᒃ ᐃᓚᓕᐅᕐᓯᒍᑦᓯ ᐃᓚᓕᐅᕐᓯᒪᔭᑦᓯ ᐊᑦᔨᒋᓐᖏᑕᖓᓂᒃ, ᑍᒤᑦᑐᓂᒃ ᖃᓄᐃᒃᓴᕋᓯ ᐱᕕᖃᕐᑎᑦᓯᓲᖑᒐᑦᓯ.
5ᒥᑭᓐᓂᕐᓴᐅᓇᓱᒋᖏᓐᓇᒪ ᑍᒃᑯᓇᓐᖓᑦ ᐋᐴᓯᑕᓕᖁᑎᑦᓯᓐᓂᑦ ᐱᔪᓐᓇᕐᓂᖃᕐᓂᕋᕐᑕᑦᓯᓐᓂᑦ. 6ᐅᖃᓪᓚᒃᓯᑎᐊᓘᖏᒃᑲᓗᐊᕈᒪ, ᖃᐅᔨᒪᖏᒃᑲᓗᐊᕈᒪᓗ; ᖃᓄᓕᒫᕐᓕ ᓇᓗᓁᕐᓯᑦᓯᐊᓚᐅᕐᐳᒍᑦ ᐃᓕᑦᓯᓐᓄᑦ ᓱᓇᓕᒫᓂᒃ.
7ᐊᔪᕐᑐᓕᓚᐅᕐᐳᖔ ᒥᑭᒡᓕᑎᕋᒪ ᐅᕙᓐᓂᒃ ᐃᓕᑦᓯ ᐊᖏᔪᕈᕐᑎᑕᐅᖁᓪᓗᓯ, ᐊᔪᕆᕐᑐᐃᖃᑦᑕᓚᐅᕋᒪ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᑦ ᐱᔪᓂᒃ ᐊᑭᓖᔭᕆᐊᖃᕐᑎᓚᐅᓐᖏᓚᑦᓯᓘᓐᓃᑦ? 8ᐊᓯᓯ ᐅᒃᐱᕐᑑᖃᑎᒌᑦ ᑎᒡᓕᒡᕕᒋᓚᐅᕐᐸᒃᑲ ᑍᒃᑯᓇᓐᖓᑦ ᐊᑭᓕᕐᑕᐅᓚᐅᕋᒪ ᐱᔨᑦᓯᕈᓐᓇᖁᓪᓗᖓ ᐃᓕᑦᓯᓐᓂᒃ. 9#ᐱᓕᐱ 4:15-18.ᐃᓕᑦᓯᓐᓃᑎᓪᓗᖓᓗ ᑮᓇᐅᔭᒥᒃ ᐱᔭᕆᐊᖃᓕᕌᖓᒪ, ᐃᓕᑦᓯᓐᓄᑦ ᓇᓕᑦᓯᓐᓄᑦ ᐃᑲᔪᕐᑕᐅᔪᒪᓗᖓ ᐅᖃᓚᐅᓐᖏᓚᖓ, ᐅᒃᐱᕐᑑᖃᑎᒌᓪᓕ ᒫᓯᑑᓂᐊᒥᑦ ᐱᓯᒪᔪᑦ ᐱᔭᕆᐊᖃᕐᑕᓐᓂᒃ ᐅᕙᓐᓄᑦ ᑐᓂᓯᓚᐅᕐᐳᑦ. ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᔪᒪᖏᓐᓇᒪ ᑕᒤᑎᒍᑦ; ᓱᓕᓗ ᑕᒪᑐᒪ ᑭᖑᓂᖓᒍᑦ ᐅᖁᒤᑦᔪᑕᐅᔪᒪᖏᓐᓂᕗᖓ. 10᙭ᔅᑑᓯᐅᑉ ᓱᓕᑦᓯᐊᕐᓂᖓ ᐅᕙᓐᓃᒻᒪᑦ, ᐊᑬᐊᒦᑦᑐᓕᒫᑦ ᓄᖅᑲᕐᑎᑦᓱᓐᓇᓐᖏᓛᖓ ᑕᒪᑐᒥᖓ ᓂᕐᑑᑎᒋᔭᓐᓂᒃ. 11ᓱᖕᒪᑦ ᑍᒤᓕᐅᕐᐳᖔ? ᓇᒡᓕᒍᓱᖏᓐᓇᒫ ᐃᓕᑦᓯᓐᓂᒃ? ᒎᑎ ᖃᐅᔨᒪᕗᖅ ᐃᓕᑦᓯᓐᓂᒃ ᓇᒡᓕᒍᓱᒃᑲᒪ!
12ᑍᒫᒡᓗ ᐱᐅᓯᕾᓐᓇᕐᓂᐊᕐᐳᖓ, ᑍᒃᑯᐊ ᐅᕙᑦᑎᓐᓄᑦ ᐊᑦᔨᐅᑎᓐᓇᓱᐊᕐᑐᑦ ᐃᒻᒥᖕᓂᒃ ᓂᕐᑐᕈᑎᒃᓴᖃᕈᒪᓪᓗᑎᒃ; ᓂᕐᑑᑎᕕᒃᓴᖃᖁᓇᒋᑦ. 13ᑍᒤᓕᐅᕐᑐᑦ ᐋᐴᓯᑕᓕᐅᓐᖑᐊᕐᒪᑕ, ᓱᓕᖏᑦᑐᒥᒃ ᐱᓇᓱᐊᕐᓗᑎᒃ, ᙭ᔅᑑᓯᐅᑉ ᐋᐴᓯᑕᓕᖏᑎᑐᑦ ᐃᒻᒥᖕᓂᒃ ᑕᐅᑦᑐᖃᕋᓱᐊᕐᓗᑎᒃ. 14ᑕᒪᓐᓇᓗ ᑲᒪᓇᓐᖏᓚᖅ ᓵᑖᓇᓯ ᐊᒡᓛᑦ ᓇᖕᒥᓂᖅ ᓴᖅᑭᔮᕈᓐᓇᕐᒪᑦ ᖃᐅᒪᔫᑉ ᐂᖏᓕᖏᑎᑐᑦ. 15ᑍᒤᒻᒪᑦ ᑲᒪᓇᖏᓐᓂᕗᖅ ᓵᑖᓇᓯᐅᑉ ᐱᔨᖏᑦ ᐃᓗᐊᕐᑐᑎᑐᑦ ᐱᔨᒋᔭᐅᓐᖑᐊᕈᓐᓇᕆᐊᖏᑦ. ᐱᓂᐊᕐᓂᖏᑦ ᒪᓕᒡᓗᒋᑦ ᐃᓱᐊᓂ ᐱᓇᓱᐊᕐᕕᐅᔪᒫᕐᐳᑦ.
ᐸᐅᓗᓯᐅᑉ ᐅᑯᒤᑦᑐᒦᑎᑕᐅᓂᖓ ᐋᐴᓯᑕᓕᐅᓂᕐᒥᓄᑦ
16ᐅᖃᒃᑲᓐᓂᕐᐳᖓ, ᓯᓔᑦᑑᓇᓱᒋᔭᐅᓂᐊᕐᓇᖓ; ᓯᓔᑦᑑᓇᓱᒋᒍᑦᓯᓐᖓᓕ, ᓯᓔᑦᑐᑎᑐᑦ ᐃᓚᓕᐅᕐᓯᓐᖓ, ᐅᕙᓐᓂᒃ ᓂᕐᑑᑎᔪᓐᓇᖁᓪᓗᖓ ᒥᑭᔪᒥᒃ. 17ᒫᓐᓇᓕ ᐅᖃᐅᓯᕆᔭᒃᑲ ᐊᑕᓂᕐᒥᑦ ᐱᔪᓐᓇᕐᓂᖃᕐᑎᑕᐅᓂᕐᒧᑦ ᐅᖃᐅᓯᕆᓐᖏᓚᒃᑲ, ᓯᓔᑦᑐᑎᑐᓪᓕ ᐅᖃᓪᓚᒃᐳᖓ; 18ᐅᓄᕐᒪᑕ ᓂᕐᑑᑎᑦᔪᑎᖃᕐᑐᑦ ᓯᓚᕐᔪᐊᑉ ᐱᖏᓐᓄᑦ, ᐅᕙᖓᑦᑕᐅᖅ ᐅᕙᓐᓂᒃ ᓂᕐᑑᑎᓂᐊᕆᕗᖓ; 19ᓯᓔᑦᑐᓂᒃ ᖃᓄᐃᒃᓴᓐᖏᓚᓯ, ᓇᖕᒥᓂᖅ ᓯᓚᑐᔫᒐᑦᓯ! 20ᐊᒡᓛᑦ ᖃᓄᐃᒃᓴᓐᖏᓚᓯ ᐃᓕᑦᓯᓐᓄᑦ ᐊᖓᔪᖅᑲᐅᓯᕐᑐᓂᒃ, ᐱᒋᔭᓯᓐᓂᒃ ᐊᕐᓵᕐᓯᔪᓂᒃ, ᐃᓕᑦᓯᓐᓂᒃ ᓵᓚᓯᐊᖃᕐᑐᓂᒃ,#11:20 ᓱᓇᐅᓴᖏᑐᒐᓱᐊᕐᑐᓂᒃ ᐃᒻᒥᖕᓂᒃ ᐊᖓᔪᖅᑳᖑᔪᒪᔪᓂᒃ, ᑮᓇᑦᓯᒍᓪᓘᓐᓃᑦ ᑎᒡᓗᒃᓯᔪᓂᒃ,#11:20 ᒥᖏᑏᔪᓂᒃ 21ᑲᓐᖑᓱᒃᐳᖓᓘᓐᓃᑦ ᐅᖃᕆᐊᒃᓴᖅ, ᐃᓕᕋᓱᓚᐅᕐᐳᒍᓪᓕ ᐊᒡᓛᑦ ᑍᒤᓕᐅᕆᐊᒃᓴᖅ!
ᓱᓇᒥᒃ ᓂᕐᑑᑎᑦᔪᑎᖃᕈᒪᔪᖃᕐᐸᑦ; ᓯᓔᑦᑐᑎᑐᑦ ᐅᖃᕐᐳᖓ; ᐅᕙᖓᑦᑕᐅᖅ ᑕᒪᒃᑯᓂᖓ ᓂᕐᑑᑎᔪᒪᕗᖓ. 22ᐄᑉᕉᐃᖑᕚᑦ? ᐅᕙᖓᑦᑕᐅᖅ. ᐃᓴᕆᐊᓕᒥᐅᑕᐅᕚᑦ? ᐅᕙᖓᓗᑕᐅᖅ. ᐂᑉᕋᕼᐋᒻ ᑭᖑᕚᕆᕔᑦ? ᐅᕙᖓᑦᑕᐅᖅ. 23#ᐋᐴᓯᑕᓖᑦ 16:23.᙭ᔅᑑᓯᐅᑉ ᐱᔨᒋᕔᑦ? ᐃᓱᒤᕈᑎᓯᒪᔪᑎᑐᑦ ᐅᖃᕋᓗᐊᕐᐳᖓ ᐅᕙᖓᓕ ᐊᖏᓂᕐᓴᒥᒃ ᐱᔨᑦᓯᕐᓯᒪᕗᖓ ᙭ᔅᑑᓯᒥᒃ, ᐱᓇᓱᐊᕐᓂᕐᒥᒃ ᐊᒃᓱᕈᕐᓂᕐᓴᐅᓯᒪᕗᖓ, ᐅᓄᕐᑐᐃᕐᓱᕐᓂᕐᓴᐅᕗᖓ ᑎᒍᔭᐅᓯᒪᕕᖕᒦᓪᓗᖓ, ᐅᓄᕐᓂᕐᓴᓂᒡᓗ ᑏᒐᕐᑐᕐᑕᐅᖃᑦᑕᕐᓯᒪᕗᖓ, ᐅᓄᕐᑐᐃᕐᓱᕐᓗᖓᓗ ᑐᖁᒦᖃᑦᑕᕐᓯᒪᕗᖓ. 24#ᒨᓯᓯ ᑕᓪᓕᒪᖏᑦ 25:3.ᑕᓪᓕᒤᕐᑐᕐᓗᖓ ᑏᒐᕐᑐᕐᑕᐅᓯᒪᕗᖓ ᔫᑎᓄᑦ ᐱᐅᓯᖏᑎᑐᑦ 39ᖏᕐᑐᕐᓗᑎᒃ ᑏᒐᕐᑐᐃᔪᓄᑦ. 25#ᐋᐴᓯᑕᓖᑦ 16:22; ᐋᐴᓯᑕᓖᑦ 14:19.ᐱᖓᓱᐃᕐᑐᕐᓗᖓ ᐊᓇᐅᓕᕐᑕᐅᓯᒪᕗᖓ; ᐊᑕᐅᓯᐊᕐᓗᖓ ᒥᓪᓗᕐᑕᐅᓯᒪᕗᖓ ᐅᔭᖅᑲᓄᑦ. ᐱᖓᓱᐃᕐᑐᕐᓗᖓ ᐅᒦᔭᖃᑕᐅᓯᒪᕗᖓ ᐅᒥᐊᕐᔪᐊᒥ; ᐃᒫᓃᓚᐅᕐᓯᒪᓪᓗᖓᓗ ᐅᓐᓄᐊᕐᓗ ᐅᓪᓗᕐᓗ ᓈᓪᓗᒋᒃ ᐃᒤᓐᓇᕐᒥ; 26#ᐋᐴᓯᑕᓖᑦ 9:23; ᐋᐴᓯᑕᓖᑦ 14:5.ᓇᒧᑐᐃᓐᓇᖅ ᐃᖏᕐᕋᑎᓪᓗᖓ ᐅᓄᕐᑐᐃᕐᓱᕐᓗᖓ ᑲᑉᐱᐊᓇᕐᑐᒦᓯᒪᕗᖓ ᑰᖕᒥ, ᑲᑉᐱᐊᓇᕐᑐᒦᓯᒪᕗᖓ ᑎᒡᓕᒃᑎᓂ, ᑲᑉᐱᐊᓇᕐᑐᒦᓯᒪᕗᖓ ᓇᖕᒥᓂᖅ ᐃᓅᖃᑎᓐᓂ, ᑲᑉᐱᐊᓇᕐᑐᒦᓯᒪᕗᖓ ᔫᑎᐅᖏᑦᑐᓂ; ᑲᑉᐱᐊᓇᕐᑐᒦᓯᒪᕗᖓ ᓄᓇᓕᒡᔪᐊᓂ, ᑲᑉᐱᐊᓇᕐᑐᒦᓯᒪᕗᖓ ᐃᓄᖃᖏᑦᑐᒥ, ᑲᑉᐱᐊᓇᕐᑐᒦᓯᒪᕗᖓ ᐃᒫᓂ, ᑲᑉᐱᐊᓇᕐᑐᒦᓯᒪᕗᖓ ᐅᒃᐱᕐᑑᓐᖑᐊᕐᑐᓂ; 27ᐱᓇᓱᐊᕐᓂᕐᒧᓪᓗ ᐊᒃᓱᕈᖃᑦᑕᕐᓯᒪᕗᖓ, ᐅᓄᕐᑐᐃᕐᓱᕐᓗᖓ ᓯᓂᔪᐃᑦᑑᖃᑦᑕᕐᓯᒪᕗᖓ ᐅᓐᓄᐊᒃᑯᑦ, ᑳᖃᑦᑕᕐᓯᒪᕗᖓ ᐃᒥᕈᖃᑦᑕᕐᓯᒪᓪᓗᖓᓗ; ᐅᓄᕐᑐᐃᕐᓱᓪᓗᖓ ᓂᕆᔭᒃᓴᖃᖃᑦᑕᕐᓯᒪᓐᖏᓚᖓ, ᐃᒃᑮᕐᓇᕐᑐᒦᖃᑦᑕᕐᓯᕗᖓ ᐊᓐᓄᕌᒃᓴᖃᕐᓇᖓᓗ. 28ᑕᒪᒃᑯᐊ ᐱᒐᓗᐊᕐᑎᓪᓗᒋᑦ, ᖃᐅᑕᒫᑦ ᐃᓱᒪᔮᕈᑎᖃᕐᐳᖓ ᐅᒃᐱᕐᑑᖃᑎᒌᓕᒫᓂᒃ. 29ᑭᓇ ᓴᓐᖐᑦᑑᒃᐸᑦ ᓴᓐᖐᑦᑑᖃᑎᒋᓐᖏᓚᕌ? ᑭᓇᓗ ᐊᔪᕐᓂᕐᒧᑦ ᑲᑕᒃᑎᑕᐅᒃᐸᑦ, ᐃᓗᒃᑯᑦ ᐅᖁᒤᒃᓴᕈᑎᒋᓐᖏᓚᕌ?
30ᓂᕐᑑᑎᔭᕆᐊᖃᕈᒪ, ᓴᓐᖏᑦᑑᑦᔪᑎᒃᑲ ᓂᕐᑑᑎᒋᔪᒪᕙᒃᑲ. 31ᒎᑎᐅᑉ ᐊᑕᓂᑦᑕ ᔩᓱᓯᐅᑉ ᐊᑖᑕᖓᑕ, ᑖᑦᓱᒪ ᓂᕐᑐᕐᑕᐅᔭᕆᐊᖃᕐᑑᑉ ᐃᓱᖃᖏᑦᑐᒧᑦ, ᖃᐅᔨᒪᕚᖓ ᓴᒡᓗᖏᓐᓇᒪ. 32#ᐋᐴᓯᑕᓖᑦ 9:23-25.ᑕᒫᓯᑰᓯᒦᑎᓪᓗᖓ ᓄᓇᓖᑦ ᐊᐅᓚᑦᓯᔨᖓᑦ ᐊᖓᔪᖅᑳᕐᔪᐊᒧᑦ ᐊᕇᑕᓯᒧᑦ ᐱᖁᔭᐅᓪᓗᓂ ᑕᒫᓯᑰᓯᐅᑉ ᐃᑎᕐᑕᕐᕕᖏᑦ ᖃᐅᔨᓴᕐᑕᐅᖁᓚᐅᕐᐰᑦ ᑎᒍᔭᐅᖁᓪᓗᖓ. 33ᐊᓂᑎᑕᐅᓚᐅᕐᐳᖓᓕ ᐃᕕᐅᔭᒃᑯᑦ ᓂᖏᑎᑕᐅᓪᓗᖓ ᐊᕙᓗᕐᔪᐊᑉ ᐊᖕᒪᔪᖓᒍᑦ, ᑖᒃᑯᓇᓐᖓᓪᓗ ᕿᒫᓚᐅᕐᐳᖓ.
Currently Selected:
ᑯᕆᓐᑎᐊᒥᐅᓄᑦ ᐂᑉᐸᖏᑦ 11: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
