ᑯᕆᓐᑎᐊᒥᐅᓄᑦ ᐂᑉᐸᖏᑦ 1
1
ᐅᖃᐅᓰᑦ ᐱᒋᐊᕈᑎᖏᑦ
1 #
ᐋᐴᓯᑕᓖᑦ 18:1. ᐸᐅᓗᓯᒥᑦ, ᙭ᔅᑑᓯ ᔩᓱᓯᐅᑉ ᐋᐴᓯᑕᓕᖓᓂᑦ ᒎᑎᐅᑉ ᐱᖁᔨᓂᖓᒍᑦ, ᐅᒃᐱᕐᑑᖃᑎᑦᑎᓐᓂᓪᓗ ᑎᒧᑎᒥᑦ.
ᒎᑎᐅᑉ ᐃᓚᒌᒃᑐᖁᑎᖏᓐᓄᑦ ᐅᒃᐱᕐᑐᓄᑦ ᑯᕆᓐᑎᒦᑦᑐᓄᑦ, ᒎᑎᐅᓪᓗ ᐃᓄᖁᑎᖏᓐᓄᑦ ᐊᑬᐊᒦᑦᑐᓄᑦ.#1:1 ᐅᓪᓗᒥᐅᔪᖅ ᑍᔭᐅᓕᕐᑐᖅ ᒍᕇᓯᒥᒃ
2ᒎᑎᐅᑉ ᐊᑖᑕᑦᑕ ᐊᑕᓂᐅᓪᓗ ᔩᓱᓯᐅᑉ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓕᓯ.
ᐸᐅᓗᓯᐅᑉ ᖁᔭᓕᓂᖓ ᒎᑎᒥᒃ
3ᒎᑎ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐊᑖᑕᖓ ᓂᕐᑐᕐᑕᐅᓕ, ᓂᑲᒍᓱᒃᑑᓪᓗᓂ ᐊᑖᑕᐅᖕᒪᑦ, ᒎᑎᐅᓪᓗᓂᓗ ᐃᑲᔪᕐᑕᐅᔭᕆᐊᓕᓕᒫᓄᑦ. 4ᑖᑦᓱᒪ ᐃᑲᔪᕐᒪᑎᒍᑦ ᐅᖁᒤᒃᓴᕈᑎᒋᔭᑦᑎᓐᓂᑦ, ᐅᕙᒍᑦᑕᐅᖅ ᐃᑲᔪᕈᓐᓇᖁᓪᓗᑕ ᐊᓯᑦᑎᓐᓂᒃ ᖃᓄᐃᑦᑐᑐᐃᓐᓇᕐᓄᑦ ᐅᖁᒤᒃᓴᕈᑎᖃᕐᑐᓄᑦ, ᓇᖕᒥᓂᖅ ᐃᑲᔪᕐᑕᐅᑦᔪᑎᒋᓯᒪᔭᑦᑎᓐᓄᑦ ᒎᑎᒥᑦ. 5᙭ᔅᑑᓯᐅᑦᑕᐅᖅ ᐊᖏᔪᒥᒃ ᐋᓐᓂᐊᑎᑕᐅᓯᒪᓂᖓ ᐱᖃᑕᐅᕕᒋᒐᑦᑎᒍ, ᑍᒫᒃᑕᐅᖅ ᙭ᔅᑑᓯᒃᑯᑦ ᐱᖃᑕᐅᒋᕗᒍᑦ ᒎᑎᐅᑉ ᐃᑲᔪᕐᓂᖓᓂᒃ ᐊᒥᒐᖏᑦᑐᒥᒃ. 6ᐋᓐᓂᐊᑎᑕᐅᒍᑦᑕ, ᑍᒤᑕᐅᕗᒍᑦ ᐃᑲᔪᕐᑕᐅᖁᓪᓗᓯ ᐱᐅᓕᔭᐅᕕᒃᓴᖃᖁᓪᓗᓯᓗ; ᐃᑲᔪᕐᑕᐅᒍᑦᑕᓕ, ᐃᑲᔪᕐᑕᐅᒋᕗᓯ ᐱᔪᓐᓇᐅᑎᑖᖁᓪᓗᓯᓗ ᕿᓄᐃᓵᕐᓂᕐᒥᒃ ᐊᑐᕈᓐᓇᕐᓯᖁᓪᓗᓯ, ᐋᓐᓂᐊᑎᑕᐅᑎᓪᓗᑕ ᐊᓂᒍᐃᑦᔪᑎᒋᖃᑦᑕᕐᑕᑦᑎᓐᓄᑦ. 7ᓂᕆᐅᖕᓂᖃᕐᓂᕗᑦ ᐱᓪᓗᓯ ᐊᐅᓚᑦᔭᒃᑕᐅᔪᓐᓇᖏᓚᖅ; ᖃᐅᔨᒪᒐᑦᑕ ᐋᓐᓂᐊᑎᑕᐅᓂᑦᑎᓐᓂᒃ ᐱᖃᑕᐅᖕᒥᒐᑦᓯ, ᐃᑲᔪᕐᑕᐅᑦᔪᑎᒋᔭᑦᑎᓐᓄᑦᑕᐅᖅ ᐃᑲᔪᕐᑕᐅᑦᔪᑎᖃᕐᓂᐊᕐᒥᒐᑦᓯ.
8 #
1 ᑯᕆᓐᑎ 15:32. ᓇᓗᖁᔪᒪᓐᖏᓚᑦᓯᓕ ᐃᓚᒃᑳ, ᐅᖁᒤᒃᓴᕐᑎᑕᐅᓚᐅᕐᓂᑦᑎᓐᓂᒃ ᐂᓯᐊᒥ; ᐅᖁᒤᒃᓴᕐᑎᑕᐅᓚᐅᕋᑦᑕ ᐊᖏᔪᐊᓗᖕᒥᒃ ᐊᒡᓛᑦ ᓴᐱᓕᕐᓇᑲᓴᒃᑐᒥᒃ, ᐃᓅᓂᐊᕆᐊᒃᓴᕐᓘᓐᓃᑦ ᖁᓚᓕᒻᒪᕆᓚᐅᕐᐳᒍᑦ. 9ᐃᒃᐱᒍᓱᓕᓚᐅᕋᑦᑕ ᐊᒡᓛᑦ ᑐᖁᑕᒃᓴᓐᖑᕐᑎᑕᐅᓯᒪᓕᕐᓂᑦᑎᓐᓂᒃ; ᑍᒤᑦᑐᒃᑰᓚᐅᕐᐳᒍᓪᓕ ᐅᕙᑦᑎᓐᓂᑐᐃᓐᓇᖅ ᐊᐅᓚᓐᓇᓱᐊᖁᓇᑕ ᒎᑎᒥᒡᓕ ᑕᑎᖃᖔᖁᓪᓗᑕ ᑐᖁᖓᔪᓂᑦ ᒪᑭᑎᑦᓯᔪᒧᑦ. 10ᑖᑦᓱᒪ ᓴᐳᑎᓚᐅᕐᐹᑎᒍᑦ ᑐᖁᒦᓐᓇᕐᑐᓂᑦ, ᓱᓕᓗ ᓴᐳᑎᓂᐊᕆᕚᑎᒍᑦ; ᑖᑦᓱᒪᓐᖓᑦ ᓂᕆᐅᒃᐳᒍᑦ ᓱᓕ ᓴᐳᑎᓯᒪᓂᐊᕐᒪᑎᒍᑦ. 11ᑐᒃᓯᐅᑦᔨᖃᑦᑕᕐᓂᑦᓯᒍᑦ ᐅᕙᑦᑎᓐᓂᒃ ᐃᑲᔪᕐᓯᓚᐅᕐᐳᓯ, ᐅᓄᕐᑐᓪᓗ ᑐᒃᓯᐅᑦᔨᓂᖏᑕ ᑭᐅᔭᐅᓂᖏᓐᓄᑦ, ᒎᑎᐅᑉ ᓮᒻᒪᕐᑎᓐᓂᐊᕐᐹᑎᒍᑦ ᐅᓄᕐᑐᓪᓗ ᒎᑎᒧᑦ ᖁᔭᓕᓕᕐᓂᐊᕐᐳᑦ ᐱᑦᔪᑎᒋᓗᑕ.
ᐸᐅᓗᓯᐅᑉ ᐃᓱᒪᒋᔭᒥᓂᒃ ᐊᓯᑦᔩᓂᖓ
12ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ. 13ᐃᓕᑦᓯᓐᓄᑦ ᑎᑎᕋᕐᐳᒍᑦ ᐅᖃᓕᒫᕈᓐᓇᕐᑕᑦᓯᓐᓂᒃ ᑐᑭᓯᔪᓐᓇᕐᑕᑦᓯᓐᓂᒡᓗ ᑭᓯᐊᓂ; ᑕᒤᓐᓂᒡᓕ ᑐᑭᓯᑦᓯᐊᖁᒐᓗᐊᕐᐸᑦᓯ. 14ᐃᓔᓐᓇᖓᓂᒃ ᐅᕙᑦᑎᓐᓂᒃ ᑐᑭᓯᓯᒪᒐᑦᓯ, ᑐᑭᓯᓂᑦᓯᒍᑦ ᐅᕙᑦᑎᓐᓂᒃ ᖁᕕᐊᓱᒍᑎᖃᖁᓪᓗᓯ, ᐅᕙᒍᑦᑕᐅᖅ ᐃᓕᑦᓯᓐᓂᒃ ᖁᕕᐊᓱᒍᑎᖃᕈᓐᓇᖁᓪᓗᑕ, ᐊᑕᓂᑦᑕ ᔩᓱᓯᐅᑉ ᐅᓪᓗᒃᓴᖓᓂ.
15ᑕᒪᓐᓇ ᖁᓚᖏᑦᔪᑎᒋᓪᓗᒍ ᐃᓕᑦᓯᓐᓄᑦ ᑎᑭᑦᓱᒪᓚᐅᕋᓗᐊᕐᐳᖓ ᓯᕗᓂᖓᒍᑦ, ᖁᕕᐊᓱᒃᑎᑕᐅᒃᑲᓐᓂᖁᓪᓗᓯ ᓲᕐᓗ ᒪᕐᕈᐃᕐᓱᓪᓗᐊᕐᑐᒥᒃ. 16#ᐋᐴᓯᑕᓖᑦ 19:21.ᐊᖅᑯᓵᕈᒪᓚᐅᕋᓗᐊᕐᐸᑦᓯ ᒫᓯᑑᓂᐊᒧᐊᓕᕐᓗᖓ, ᐊᒻᒪᓗ ᒫᓯᑑᓂᐊᒥᑦ ᐅᑎᓕᕈᒪ ᐃᓕᑦᓯᓐᓄᐊᕈᒪᓪᓗᖓ ᐃᓱᒪᖃᓚᐅᕋᓗᐊᕐᐳᖓ, ᐃᓕᑦᓯᓐᓄᑦ ᐃᑲᔪᕐᑕᐅᔪᒪᓪᓗᖓ ᔫᑎᐊᒧᑦ ᐊᐅᓪᓚᓕᕈᒪ. 17ᑍᒫᒃ ᐃᓱᒪᑎᓪᓗᖓ ᓴᖑᓴᕅᑦᑐᑎᑐᑦ ᐱᐅᓯᖃᓚᐅᕐᐳᖔ? ᐅᕝᕙᓘᓐᓃᑦ ᓯᓚᕐᔪᐊᕐᒥᐅᑦ ᐱᐅᓯᖏᓐᓂᒃ ᒪᓕᓚᐅᕐᐳᖔ? ᐅᖃᕐᐸᒃᑐᑎᑐᑦ ᐊᑕᐅᑦᓯᒃᑯᑦ ᐊᖏᕐᓗᑎᒡᓗ ᐊᖏᖏᓪᓗᑎᒡᓘ?
18ᒎᑎ ᓱᕐᕋᔪᐃᑦᑑᖕᒪᑦ, ᐃᓕᑦᓯᓐᓄᑦ ᑎᑭᑦᓱᒪᓂᕆᔭᕋ ᐊᖏᕐᓂᐅᓗᓂᓗ ᐊᖏᖏᓐᓂᐅᓗᓂᓗ ᐊᑕᐅᑦᓯᒃᑯᑦ ᑍᒤᓕᖓᓚᐅᓐᖏᓚᖅ. 19#ᐋᐴᓯᑕᓖᑦ 18:5.ᒎᑎᐅᑉ ᐃᕐᓂᖓ, ᔩᓱᓯ ᙭ᔅᑑᓯ, ᓮᓚᓯᐅᓪᓗ ᑎᒧᑎᐅᓪᓗ ᐅᕙᖓᓗ ᐃᓕᑦᓯᓐᓄᑦ ᐊᔪᕆᕐᑐᐃᑦᔪᑎᒋᔭᕗᑦ, ᐊᑕᐅᑦᓯᒃᑯᑦ ᐊᖏᕐᓂᐅᓗᓂᓗ ᐊᖏᖏᓐᓂᐅᓗᓂᓗ ᐱᓐᖏᓚᖅ, ᑖᑦᓱᒪᓂᓕ ᑍᒪᓐᖓᑦ ᐊᖏᕐᓂᐅᕗᖅ. 20ᑖᑦᓱᒪᓂ ᒎᑎᐅᑉ ᐊᖏᕈᑎᒋᓯᒪᔭᓕᒫᖏᑦ ᐊᖏᕐᓂᐅᕗᑦ, ᑖᑦᓱᒨᓇ ᑕᕝᕙ “ᐋᒦᓐᕈᓐᓇᕐᐳᒍᑦ”, ᒎᑎᐅᑉ ᓂᕐᑐᕐᑕᐅᑦᔪᑎᒃᓴᖓᓄᑦ. 21ᒎᑎᓕ ᑕᕝᕙ ᐃᓕᑦᓯᓐᓂᒃ ᐅᕙᑦᑎᓐᓂᒡᓗ ᐋᖅᑭᒃᓯᓯᒪᕗᖅ ᙭ᔅᑑᓯᒃᑯᑦ; ᑖᑦᓱᒪᓗ ᑕᕝᕙ ᐅᓱᕐᑎᓚᐅᕐᐹᑎᒍᑦ; 22ᓇᓗᓁᒃᑯᓯᕐᐹᑎᒍᓪᓗ ᓇᕿᑦᔪᑎᒥᓄᑦ ᐅᕙᑦᑎᓐᓂᒃ ᐱᖃᕐᓂᕐᒥᓂᒃ ᓇᓗᓁᕐᓯᔪᒥᒃ, ᐊᓂᕐᓂᕐᓗ ᐃᑦᔪᕐᓁᑦᑐᖅ ᐃᓗᑦᑎᓐᓄᑦ ᐱᑎᑉᐹ, ᓇᓗᓇᖁᓇᒍ ᐊᖏᕈᑎᒋᓯᒪᔭᖏᓐᓂᒃ ᐱᑖᓛᕐᓂᕗᑦ ᑖᑦᓱᒪᓐᖓᑦ.
23ᒎᑎ ᖃᐅᔨᒪᔨᒋᕙᕋ ᐅᖃᐅᓯᕆᓂᐊᕐᑕᒃᑲ ᐱᓪᓗᒋᑦ, ᐅᕙᓐᓂᒃ ᖃᐅᔨᒪᖕᒪᑦ ᓱᓇᑐᐃᓐᓇᕐᒧᑦ ᐅᖁᒤᑦᑐᒦᖁᓇᓯ ᑯᕆᓐᑎᒧᐊᕈᒪᔪᓐᓃᓚᐅᕋᒪ. 24ᐊᖓᔪᖅᑲᐅᓯᕐᕕᖃᕋᓱᐊᓐᖏᓚᒍᑦ ᐅᒃᐱᕐᓂᕆᔭᕆᐊᓕᑦᓯᓐᓄᑦ; ᐅᒃᐱᕐᓂᕐᒧᓪᓕ ᓇᖏᕋᑦᓯ ᐊᐅᓚᖏᑦᑐᒥᒃ. ᐱᓇᓱᐊᕐᕕᒋᕙᑦᓯ ᖁᕕᐊᓱᖕᓂᖃᑦᓯᐊᖁᓪᓗᓯ.
Currently Selected:
ᑯᕆᓐᑎᐊᒥᐅᓄᑦ ᐂᑉᐸᖏᑦ 1: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
