ᑯᕆᓐᑎᐊᒥᐅᓄᑦ ᓯᕗᓪᓖᑦ 16
16
ᑐᓂᓯᓂᖅ ᐅᒃᐱᕐᑐᓄᑦ ᐃᑲᔪᕐᑕᐅᔭᕆᐊᓕᖕᓄᑦ
1 #
ᕉᒪᒥᐅᓄᑦ 15:25,26. ᒫᓐᓇᓕ ᐅᖃᐅᓯᖃᓕᕐᐳᖓ ᑲᑎᕐᓱᐃᖃᑦᑕᕐᓂᕐᒥᒃ ᑐᓂᔭᒃᓴᓂᒃ ᒎᑎᐅᑉ ᐃᓄᖁᑎᖏᓐᓄᑦ; ᐅᒃᐱᕐᑑᖃᑎᒌᑦ ᒐᓔᑎᐊᒥ ᐊᔪᕆᕐᓱᓚᐅᕋᒃᑭᑦ, ᐃᓕᑦᓯᑦᑕᐅᖅ ᑍᒫᒃ ᐱᔭᕆᐊᖃᕐᐳᓯ. 2ᐱᓇᓱᐊᕈᓯᐅᑉ ᐅᓪᓗᖏᑕ ᓯᕗᓪᓕᕐᐹᖓᓂ ᑕᒫᑦ, ᐊᑐᓂᑦ ᑮᓇᐅᔭᓂᒃ ᓴᓂᕐᕔᖃᑦᑕᕐᑐᒃᓴᐅᕗᓯ ᑮᓇᐅᔭᕐᑖᕆᓯᒪᔭᓯ ᒪᓕᒡᓗᒋᑦ ᑐᓂᔭᐅᔪᒃᓴᓂᒃ, ᐱᕙᓪᓕᐊᔪᓐᓇᖁᓪᓗᓯ, ᑎᑭᒃᑯᒪ ᑲᑎᕐᓱᐃᓇᓱᐊᕈᒪᖏᓐᓇᒪ ᑐᓂᕐᕈᑎᓂᒃ. 3ᑎᑭᒃᑯᒪᓗ, ᑎᑎᖅᑲᓂᒃ ᓇᓗᓁᕐᓯᓯᒪᔪᓂᒃ ᓇᒃᓴᕐᑎᑦᓯᔪᒫᕐᐳᖓ ᐊᖑᑎᓂᒃ ᓇᒃᓴᕐᑎᑕᐅᖁᔭᑦᓯᓐᓂᒃ, ᑐᓂᕐᕈᑎᑦᓯᓐᓂᒃ ᐋᑦᓯᓕᕐᐸᑕ ᔨᕉᓴᓕᒻᒧᑦ. 4ᐊᑲᐅᔫᔭᕐᐸᑦ ᔨᕉᓴᓕᒻᒧᐊᓕᕈᒪ ᑖᒃᑯᐊ ᐃᓚᒋᔪᓐᓇᓛᕋᒃᑭᑦ.
ᐸᐅᓗᓯᐅᑉ ᐃᓱᒪᒋᓯᒪᔭᖏᑦ
5 #
ᐋᐴᓯᑕᓖᑦ 19:21. ᒫᓯᑑᓂᐊᒥᓐᖔᕐᓗᖓ ᐃᓕᑦᓯᓐᓄᐊᓛᕐᐳᖓ, ᒫᓯᑑᓂᐊᒃᑯᑦ ᐊᖅᑯᓵᕈᒪᓪᓗᖓ ᐃᓱᒪᓯᒪᒐᒪ. 6ᐃᒻᒪᖄ ᐊᑯᓂ ᐃᓕᑦᓯᓐᓃᑦᓱᒫᕐᐳᖓ ᐅᕝᕙᓘᓐᓃᑦ ᐅᑮᔪᒫᕐᐳᖓ ᐃᓕᑦᓯᓐᓂ, ᐃᑲᔪᕐᑕᐅᔪᒪᓛᕋᒪ ᐃᓕᑦᓯᓐᓄᑦ ᐊᐅᓪᓚᓕᕐᒥᒍᒪ ᓇᒧᑐᐃᓐᓇᖅ. 7ᐊᖅᑯᓵᑐᐃᓐᓇᕐᓗᓯ ᑕᑯᑬᓐᓇᑐᐃᓐᓇᕈᒪᖏᓐᓇᑦᓯ; ᐊᑯᓂ ᓇᔪᑬᓐᓇᕈᒪᓯᒪᒐᑦᓯ, ᐊᑕᓂᖅ ᐱᖁᔨᒃᐸᑦ. 8#ᒨᓯᓯ ᐱᖓᔪᖏᑦ 23:15-21; ᒨᓯᓯ ᑕᓪᓕᒪᖏᑦ 16:9-11.#ᐋᐴᓯᑕᓖᑦ 19:8-10.ᐅᕙᓂ ᓇᔪᕐᑕᓐᓂ ᐃᐱᓲᓯᒦᑦᓱᒪᕗᖓ ᐱᓐᑎᑰᓯᑎ ᑎᑭᓪᓗᒍ. 9ᐅᒃᑯᐊᒥᒃ ᒪᑐᐃᕐᓯᕕᐅᓯᒪᒐᒪ ᐱᓇᓱᐊᕐᕕᒃᓴᒥᒃ ᐊᑐᕐᓇᕐᑐᒥᒃ, ᐅᓄᕐᑐᓂᒡᓕ ᓱᓕ ᑕᕝᕙᓂ ᐊᑭᕋᕐᑐᕐᑎᖃᕋᓗᐊᕐᑐᖓ.
10 #
1 ᑯᕆᓐᑎ 4:17. ᑎᒧᑎ ᑎᑭᑉᐸᑦ, ᑐᓐᖓᓱᒃᑎᑦᓯᐊᕐᓯᐅᒃ ᐃᓕᑦᓯᓐᓃᓐᓂᖓᓂ, ᐊᑕᓂᐅᑉ ᐱᓇᓱᐊᖁᔭᖓᓂᒃ ᐱᓇᓱᐊᕐᒪᑦ, ᐅᕙᑦᑐᑦᑕᐅᖅ. 11ᓇᓪᓕᐊᓐᓄᑦ ᓇᕐᕈᒋᔭᐅᑦᑍᓕᓕ, ᖃᓄᐃᖏᑦᓯᐊᕐᓗᓂ ᐱᓇᓱᐊᖁᓪᓗᒍ, ᐅᕙᓐᓄᓪᓗ ᐅᑎᕈᓐᓇᖁᓪᓗᒍ; ᐅᒃᐱᕐᑑᖃᑎᕗᑦ ᐃᓚᒋᓪᓗᒋᑦ ᐅᑎᓛᕐᓂᖓ ᓂᕆᐅᒋᒐᑦᑎᒍ.
12ᐅᒃᐱᕐᑑᖃᑎᕗᓪᓕ ᐊᐴᓗᓯ, ᐊᒃᓱᕈᕐᓗᖓ ᐃᓕᑦᓯᓐᓄᑦ ᑕᑯᔭᕐᑐᓪᓚᕆᖁᓪᓗᒍ ᐅᖃᐅᑎᖃᑦᑕᓚᐅᕐᐸᕋ ᐅᒃᐱᕐᑑᖃᑎᑦᑎᓐᓂᒃ ᐃᓚᖃᕐᓗᓂ, ᑭᓯᐊᓂᓕ ᐃᓕᑦᓯᓐᓄᐊᕆᐊᖃᕋᓱᒋᓚᐅᖏᒻᒪᑦ ᒫᓐᓇᐅᔪᒥ. ᐱᕕᒃᓴᖃᓕᕈᓂᓕ ᐃᓕᑦᓯᓐᓄᐊᕈᒫᕐᐳᖅ.
ᐸᐅᓗᓯᐅᑉ ᐅᖃᐅᓯᕆᔭᖏᑦ ᑭᖑᓪᓕᕐᐹᑦ
13ᖃᐅᔨᓴᑦᓯᐊᕆᑦᓯ, ᐅᒃᐱᕐᓂᕐᒥ ᓂᑯᕕᖓᑦᓯᐊᕐᓗᓯ, ᓯᕘᕋᖏᓪᓗᓯ, ᓴᓐᖏᔫᓗᓯᓗ. 14ᖃᓄᐃᓕᐅᕐᓂᓕᒫᓯ ᓇᒡᓕᖕᓂᒃᑯᑦ ᐱᓇᓱᐊᕐᓯᒋᒃ.
15 #
1 ᑯᕆᓐᑎ 1:16. ᐅᒃᐱᕐᑑᖃᑎᒃᑲ, ᖃᐅᔨᒪᒐᑦᓯ ᓯᑎᐹᓇᓯᒃᑯᑦ ᐃᒡᓗᒥᐅᖃᑎᒌᑦ ᐊᑬᐊᒥ ᓵᒋᐊᕐᓗᑎᒃ ᓯᕗᓪᓕᕐᐹᖑᓚᐅᕐᒪᑕ, ᐃᒻᒥᖕᓂᒡᓗ ᑐᓂᓯᒪᕗᑦ ᒎᑎᐅᑉ ᐃᓄᖁᑎᖏᓐᓂᒃ ᐃᑲᔪᕈᒪᓪᓗᑎᒃ; 16ᑍᒤᑦᑐᓄᑦ ᐃᓄᖕᓄᑦ ᐃᓕᑦᓯᓐᓂᒃ ᑐᓂᓯᒪᖁᕙᑦᓯ ᑕᒤᓐᓄᓪᓗ ᐱᓇᓱᐊᖃᑕᐅᔪᓄᑦ ᐱᓇᓱᐊᕐᑎᓄᓪᓗ.
17ᖁᕕᐊᓱᓚᐅᕐᐳᖓ ᓯᑎᐹᓇᓯ, ᕗᐊᕐᑐᓁᑕᓯᓗ ᐊᑬᑲᓯᓗ ᑎᑭᒻᒪᑕ; ᐃᓕᑦᓯᓐᓂᒃ ᑕᑯᖏᒃᑲᓗᐊᕋᒪ ᐱᕙᓪᓕᕈᑎᒻᒪᕆᐊᓗᒋᓚᐅᕋᒃᑭᑦ. 18ᑖᒃᑯᓇᖓᑦ ᖁᕕᐊᓱᓕᕐᑎᑕᐅᓚᐅᕋᒪ ᐃᓕᑦᓯᓐᓂᒡᓗ ᖁᕕᐊᓱᒃᑎᑦᓯᓪᓗᑎᒃ. ᐃᓄᖕᓂᒃ ᑍᒤᑦᑐᓂᒃ ᐃᒃᐱᒍᓱᑦᓯᐊᕐᑐᒃᓴᐅᕗᓯ.
19 #
ᐋᐴᓯᑕᓖᑦ 18:2. ᐃᓚᒌᒃᑐᑦ ᐅᒃᐱᕐᑑᖃᑎᒌᑦ ᐂᓯᐊᒥᐅᑦ ᑕᕝᕙᐅᕗᑏᕐᐹᓯ; ᐊᑯᐃᓚᑉ ᐳᕆᓯᓚᐅᓪᓗ, ᐃᓚᒌᒃᑐᓪᓗ ᑖᒃᑯᓇᓂ ᑲᑎᒪᕙᒃᑐᑦ, ᖁᕕᐊᓱᒡᓗᑎᒃ ᑕᕝᕙᐅᕗᑏᕐᐹᓯ ᐊᑕᓂᕐᒥ. 20ᐅᒃᐱᕐᑑᖃᑎᒌᑦ ᐅᕙᓃᑦᑐᑦ ᑕᒪᕐᒥᒃ ᑕᕝᕙᐅᕗᑏᕐᐹᓯ.
ᑕᕝᕙᐅᕗᑏᖃᑎᒌᒋᑦᓯ ᑯᓂᖕᓂᕐᒧᑦ ᐃᑦᔪᕐᓁᑦᑐᒧᑦ.
21ᑕᕝᕙ ᐅᕙᖓ, ᐸᐅᓗᓯ, ᓇᖕᒥᓂᖅ ᐅᓇ ᑎᑎᕋᕐᑕᕋ; ᑕᕝᕙᐅᕗᓯ ᐸᐅᓗᓯᒥᑦ.
22ᐊᑕᓂᕐᒥᒃ ᐱᓐᓇᕆᔭᖃᖏᑦᑐᖅ ᑖᓐᓇ ᓇᕐᕈᓇᕐᓯᓕᕐᓕ!
ᒪᕋᓈ-ᑕ ᐃᒫᒃ; ᐊᑕᓂᕗᑦ ᕾᓕᕆᑦ!
23ᐊᑕᓂᐅᑉ ᔩᓱᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ.
24ᓇᒡᓕᒍᓱᖕᓂᕐᒪᓗ ᐃᓚᒌᓕᓯ ᑕᒪᑦᓯ ᙭ᔅᑑᓯ ᔩᓱᓯᒥ. ᐋᒦᓐ.
Currently Selected:
ᑯᕆᓐᑎᐊᒥᐅᓄᑦ ᓯᕗᓪᓖᑦ 16: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
