ᑎᓴᓗᓁᑲᒥᐅᓄᑦ ᓯᕗᓪᓖᑦ 1
1
1 #
ᐋᐴᓯᑕᓖᑦ 17:1. ᐸᐅᓗᓯᒥᑦ, ᓯᓪᕙᓅᓯᒥᓪᓗ, ᑎᒧᑎᒥᓪᓗ,
ᐅᒃᐱᖅᑑᖃᑎᒌᓄᑦ ᑎᓴᓗᓁᑲᒥᐅᓄᑦ, ᒎᑎ ᐊᑖᑕᒥ ᐊᑕᓂᕐᖕᒥᓗ ᔩᓱᓯ ᙭ᔅᑑᓯᒥ:
ᒎᑎᐅᑉ ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᖓᑕ ᓮᓕᓇᖅᑑᓪᓗ ᐃᓚᒋᓕᓯ.
ᑎᓴᓗᓁᑲᒥᐅᑦ ᐃᓅᓯᖏᑕ ᐅᒃᐱᕐᖕᓂᒦᓂᖏᑦ
2ᑍᒪᓐᖓᑦ ᒎᑎ ᖁᔭᒋᕙᒃᐸᕗᑦ ᑕᒪᑦᓯ ᐱᑦᔪᑎᒋᓪᓗᓯ, ᑐᒃᓯᐊᓕᕌᖓᑦᑕᓗ ᑍᒪᓐᖓᑦ ᑐᒃᓯᐅᑎᖃᑦᑕᖅᐸᑦᓯ. 3ᐃᖅᑲᐅᒪᒐᑦᑕ ᒎᑎᑦᑕ ᐊᑖᑕᑦᑕᓗ ᓵᖓᓂ ᐅᒃᐱᕐᖕᓂᖃᕐᓗᓯ ᐱᓂᐊᕐᖕᓂᑦᓯᒍᑦ ᓴᖅᑭᑎᑕᐅᖕᒪᑦ ᓇᒡᓕᖕᓂᕐᖕᒧᓪᓗ ᐊᒃᓱᕈᕐᓗᓯ ᐱᓇᓱᐊᕐᖕᓂᑦᓯᓐᓂᒃ, ᓂᕆᐅᖕᓂᓯᓗ ᓱᕐᕋᔪᐃᑦᑑᓂᖓ ᐊᑕᓂᑦᑎᓐᓂᒃ ᔩᓱᓯ ᙭ᔅᑑᓯᒥ. 4ᐅᒃᐱᖅᑑᖃᑎᕗᑦ, ᖃᐅᔨᒪᒐᑦᑕ ᒎᑎᐅᑉ ᓇᒡᓕᒋᖕᒪᓯ, ᑖᑦᓱᒪᓗ ᓂᕈᐊᖅᓯᒪᖕᒪᓯ; 5ᐅᖃᐅᓯᕐᖕᓂᒃ ᑐᓴᕈᒥᓇᖅᑐᓂᒃ ᐃᓕᑦᓯᓐᓄᑦ ᐅᖃᐅᓯᖃᓚᐅᕋᑦᑕ ᐅᖃᐅᓯᑐᐃᓐᓇᖅᑎᒎᖏᑦᑐᖅ, ᐊᓂᕐᖕᓂᐅᓪᓕ ᐃᑦᔪᕐᖕᓁᑦᑑᑉ ᐱᔪᓐᓇᕐᖕᓂᖓᒍᑦ, ᓱᓕᓂᖓᓗ ᓴᖅᑭᑎᑕᐅᑦᓯᐊᕐᓗᓂ. ᖃᐅᔨᒪᕗᓯ ᖃᓄᖅ ᐃᓅᓯᖃᓚᐅᕐᖕᒪᖔᑦᑕ ᐃᓕᑦᓯᓐᓃᑦᑎᓪᓗᑕ ᐱᕙᓪᓕᖅᑎᑕᐅᖁᓪᓗᓯ. 6#ᐋᐴᓯᑕᓖᑦ 17:5-9.ᐅᕙᑦᑎᓐᓂᒃ ᒪᓕᒃᑎᐅᓕᓚᐅᖅᐳᓯ ᐊᑕᓂᕐᖕᒥᒡᓗ; ᐊᖏᔪᒥᒃ ᐅᖁᒤᒃᓴᖅᑎᑕᐅᒐᓗᐊᖅᑎᓪᓗᓯ, ᐅᖃᐅᓰᑦ ᐃᓚᓕᐅᓚᐅᕋᑦᓯᐅᒃ ᖁᕕᐊᓱᒃᑎᑦᑕᐅᓪᓗᓯ ᐊᓂᕐᖕᓂᕐᖕᒧᑦ ᐃᑦᔪᕐᖕᓁᑦᑐᒧᑦ; 7ᑍᒤᒻᒪᑦ ᒪᓕᒐᒃᓴᐅᓕᖅᐳᓯ ᐅᒃᐱᖅᑑᖃᑎᒌᓕᒫᓄᑦ ᑕᒤᓐᓄᑦ ᒫᓯᑑᓂᐊᒦᑦᑐᓄᑦ ᐊᑬᐊᒦᑦᑐᓄᓪᓗ. 8ᐊᑕᓂᕐᖕᒥᒡᓕ ᐅᖃᐅᓯᖃᕐᖕᓂᓯ ᑐᓴᐅᒪᔭᐅᓕᖅᐳᖅ ᒫᓯᑑᓂᐊᓕᒫᒥ ᐊᑬᐊᓕᒫᒥᓗ, ᑖᒃᑯᑑᓐᖏᓚᓪᓕ, ᒎᑎᒧᓪᓕᑦᑕᐅᖅ ᐅᒃᐱᕐᖕᓂᑦᓯ ᑕᒤᓐᓄᑦ ᑐᓴᐅᒪᔭᐅᓕᖅᐳᖅ, ᑕᒪᑐᒥᖓᓗ ᐅᖃᒃᑲᓐᓂᕆᐊᖃᓐᖏᓚᒍᑦ. 9ᐃᓄᓕᒫᑦ ᐃᓕᑦᓯᓐᓂᒃ ᐅᓐᓂᖅᓯᐅᑎᖃᕐᖕᒪᑕ ᐅᕙᑦᑎᓐᓂᒃ ᑐᓐᖓᓱᒃᑎᑦᓯᓂᕆᓚᐅᖅᑕᑦᓯᓐᓂᒃ ᑎᑭᑎᓪᓗᑕ, ᖃᓄᕐᓗ ᒎᑎᓐᖑᐊᖃᕐᖕᓂᒥᒃ ᕿᒤᓪᓗᓯ ᒎᑎᒧᑦ ᓵᒋᐊᓚᐅᕐᖕᓂᑦᓯᓐᓂᒃ, ᒎᑎ ᓱᓕᔪᑐᐊᖅ ᐱᔨᑦᓯᓕᕐᓗᒍ. 10ᐃᕐᖕᓂᖓᓗ ᓂᕆᐅᒋᓪᓗᒍ ᕿᓚᖕᒥᑦ, ᑖᓐᓇ ᑐᖁᖓᔪᓂᑦ ᒪᑭᑎᓚᐅᖅᑕᖓ, ᔩᓱᓯ ᓴᐳᑦᔨᔨᒋᔭᕗᑦ ᒎᑎᐅᑉ ᓂᓐᖓᐅᓯᖓᓂᑦ ᑎᑭᑦᓱᒫᖅᑐᒥᑦ.
Currently Selected:
ᑎᓴᓗᓁᑲᒥᐅᓄᑦ ᓯᕗᓪᓖᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.