ᑎᓴᓗᓁᑲᒥᐅᓄᑦ ᓯᕗᓪᓖᑦ 5
5
ᐊᑐᐃᓐᓇᐅᔭᕆᐊᖃᕐᓂᖅ ᐊᑕᓂᐅᑉ ᑎᑭᕝᕕᒃᓴᖓᓄᑦ
1᙭ᔅᑑᓯᒥᐅᑕᐅᖃᑎᒃᑲ, ᓇᓪᓕᐅᑦᑐᒃᓴᓂᒃ ᖃᖓᐅᓂᒃᓴᖏᓂᒃᓗ ᐅᓪᓗᓪᓘᓐᓃᑦ ᓇᓪᓕᐊᓐᓂ ᑎᑎᕋᕐᕕᒋᔭᕆᐊᖃᓐᖏᓚᑦᓯ. 2#ᒫᑎᐅᓯ 24:43; ᓘᑲᓯ 12:39; 2 ᐲᑦᑐᕉᓯ 3:10.ᐃᓕᑦᓯ ᓇᖕᒥᓂᖅ ᖃᐅᔨᒪᑦᓯᐊᕋᑦᓯ ᐊᑕᓂᐅᑉ ᐅᓪᓗᖓ ᓇᓪᓕᐅᑎᔪᒫᕐᒪᑦ ᑎᒡᓕᒋᐊᑐᕐᑐᑐᑦ ᐅᓐᓄᐊᒃᑯᑦ. 3ᐃᓄᐃᑦ ᐅᖃᕐᐸᑕ, “ᐅᐃᒪᓇᕐᑐᖃᓐᖏᓚᖅ ᓯᕘᕋᓇᕐᑐᖃᕋᓂᓗ,” ᑕᕝᕙ ᑕᕝᕔᓐᓇ ᐊᓯᕈᕐᓇᕐᑑᑉ#5:3 ᓱᒃᑯᑕᐅᑲᓚᓇᕐᑑᑉ ᑎᑭᑦᓱᒫᕐᐰᑦ ᓲᕐᓗ ᑕᕝᕔᓐᓇᖅ ᐋᓐᓂᐊᓇᕐᑐᒧᑦ ᐊᕐᓇᐅᑉ ᑎᑭᑕᐅᓂᖓᑐᑦ ᐃᕐᓂᓱᓕᕐᑎᓪᓗᒍ, ᕿᒫᔪᓐᓇᕐᑐᖃᕈᒫᓐᖏᓚᕐᓗ. 4ᐃᓕᑦᓯᓕ ᐅᒃᐱᕐᑑᖃᑎᒃᑲ, ᑖᕐᑐᒦᓐᖏᓚᓯ, ᑍᒤᒻᒪᑦ ᐅᓪᓘᑉ ᑍᑦᓱᒪ ᑎᒡᓕᒊᔭᕕᓂᕐᑐᑦ ᐅᐸᓗᐃᓂᐊᓐᖏᓛᓯ. 5ᑕᒪᑦᓯ ᑕᕝᕙ ᖃᐅᒪᔫᑉ ᕿᑐᕐᖓᕆᕚᓯ ᐅᓪᓗᒧᑦ ᕿᑐᕐᖓᐅᓪᓗᓯ; ᐅᓐᓄᐊᒧᑦ ᐱᒋᔭᐅᓐᖏᓚᒍᑦ ᑖᕐᑐᒧᓪᓘᓐᓃᑦ. 6ᑍᒤᒻᒪᑦ ᓯᓂᒃᑐᒃᓴᐅᓐᖏᓚᒍᑦ ᐊᓯᑦᑎᑐᑦ; ᐃᖅᑯᒪᔪᒃᓴᐅᕗᒍᓪᓕ ᐃᒃᐱᒍᓱᑦᓯᐊᕐᓗᑕᓗ. 7ᐅᓐᓄᐊᒃᑯᑦ ᐃᓄᐃᑦ ᓯᓂᓲᖑᕗᑦ; ᐋᖓᔮᕐᑐᓪᓗ ᐅᓐᓄᒃᑯᑦ ᐋᖓᔮᓲᖑᓪᓗᑎᒃ. 8#ᐂᓮᐊᓯ 59:17; ᐃᐱᓯ 6:13-17.ᐅᕙᒍᓪᓕ ᐅᓪᓘᑉ ᕿᑐᕐᖓᕆᖕᒪᑎᒍᑦ, ᑍᒤᒻᒪᑦ ᖃᐅᔨᒪᓇᓱᐊᑦᓯᐊᕐᑐᒃᓴᐅᕗᒍᓪᓕ, ᐅᒃᐱᕐᓂᖅ ᓇᒡᓕᖕᓂᕐᓗ ᓴᒡᕕᖕᒥᐅᑕᕐᑎᑐᑦ ᐱᔭᐅᒌᒃᑯᑕᕆᓗᒍ, ᓇᓴᕐᓯᒪᓗᑕᓗ ᓂᕆᐅᖕᓂᕐᒥᒃ ᐱᐅᓕᔭᐅᕕᖕᒥᒃ. 9ᒎᑎᐅᑉ ᓯᕗᓂᖃᕐᑎᓚᐅᖏᒻᒪᑎᒍᑦ ᓂᓐᖓᐅᑎᔭᒃᓴᓕᐊᕆᓗᑕ, ᐱᐅᓕᔭᐅᓂᕐᒥᒡᓕ ᐱᖁᓚᐅᕐᐹᑎᒍᑦ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ, 10ᑖᓐᓇ ᑐᖁᓚᐅᕐᐳᖅ ᐱᑦᔪᑎᒋᓪᓗᑕ ᐃᓅᑎᓪᓗᑕ ᑐᖁᖓᓕᕐᑎᓪᓗᑕᓘᓐᓃᑦ ᐃᓅᖃᑎᖃᕈᓐᓇᕐᓯᔪᒫᖁᓪᓗᑕ ᑖᑦᓱᒥᖓ. 11ᑍᒤᒻᒪᑦ ᒪᓂᒍᕐᑎᒌᒋᑦᓯ#5:11 ᓮᒻᒪᕐᓴᖃᑦᑕᐅᑎᒋᑦᓯ ᐃᓕᑦᓯᓐᓄᑦ ᐊᑐᓂᑦ ᐃᑲᔪᕐᑎᒌᒡᓗᓯᓗ ᐊᑐᓂᑦ ᐃᓕᑦᓯᓐᓄᑦ, ᓲᕐᓗ ᑍᒫᒃ ᐱᓇᓱᐊᕋᑦᓯ.
ᐅᖃᐅᑦᔪᐃᓃᑦ ᑭᖑᓪᓕᕐᐹᑦ ᑕᕝᕙᐅᕗᑏᕐᓃᓪᓗ
12᙭ᔅᑑᓯᒥᐅᑕᐅᖃᑎᕗᑦ, ᕿᓄᕕᒋᕙᑦᓯ, ᑲᒪᒋᑦᓯᐊᕐᓯᒋᒃ ᑕᓯᐅᕐᑎᒋᔭᓯ ᐊᖓᔪᖅᑳᕆᔭᓯᓗ ᐊᑕᓂᕐᒥ ᐊᔪᕆᕐᑐᐃᔨᒋᔭᓯᓗ, 13ᐅᐱᒋᑦᓯᐊᕆᐊᖃᕐᐸᓯ ᓇᒡᓕᒋᑦᓯᐊᕐᓗᒋᓪᓗ ᐱᓇᓱᐊᖃᑦᑕᕐᓂᖏᑦ ᐱᑦᔪᑎᒋᓗᖏᑦ. ᐃᓕᑦᓯᓐᓄᑦ ᐊᑐᓂᑦ ᐃᓅᖃᑎᒌᑦᓯᐊᕆᑦᓯ.
14᙭ᔅᑑᓯᒥᐅᑕᐅᖃᑎᕗᑦ, ᐃᓇᑉᐸᑦᓯ, ᐱᓇᓱᐊᒐᖃᕋᓱᐊᓐᖏᑦᑐᑦ ᐱᓇᓱᐊᖁᓗᒋᑦ ᐊᔪᕆᕐᑐᕐᓯᒋᒃ, ᓴᓐᖐᓕᓯᒪᔪᑦ ᐱᕙᓪᓕᕐᓇᕐᑐᓂᒃ ᐅᖃᐅᑎᓯᒋᒃ, ᓴᓐᖐᑦᑐᑦ ᐃᑲᔪᕐᓯᒋᒃ, ᑕᒤᓐᓄᑦ ᕿᓄᐃᓵᕐᓂᖃᕆᑦᓯ. 15ᑲᒪᑦᓯᐊᕆᑦᓯ ᐱᐅᖏᑦᑐᖅ ᐊᑭᓂᐊᕐᑍᓕᓗᒍ ᐱᐅᖏᑦᑑᖕᒥᔪᒧᑦ, ᐱᑦᓯᐊᕈᒪᓂᕐᒥᒡᓕ ᑍᒪᓐᖓᑦ ᐱᓇᓱᐊᕈᒪᔭᖃᕆᑦᓯ ᐃᓅᖃᑎᑦᓯᓐᓄᑦ ᐃᓄᓕᒫᓄᓪᓗ.
16ᖁᕕᐊᓱᑦᓮᓐᓇᕆᑦᓯ, 17ᑍᒪᓐᖓᑦ ᑐᒃᓯᐊᑦᓮᓐᓇᕆᑦᓯ, 18ᓱᓇᓕᒫᑦᓯᐊᑦ ᖁᔭᓕᑦᔪᑎᒋᓯᒋᒃ; ᑕᒪᑦᔭ ᒎᑎᐅᑉ ᐱᓇᓱᐊᕐᑕᐅᖁᔭᖓ ᐃᓕᑦᓯᓐᓄᑦ ᙭ᔅᑑᓯ ᔩᓱᓯᒥ.
19ᐊᓂᕐᓂᖅ ᐃᑦᔪᕐᓁᑦᑐᖅ ᖃᒥᑎᑦᑍᓕᓯᐅᒃ; 20ᓇᕐᕈᒋᓂᐊᕋᓯᒋᒃ ᒎᑎᐅᑉ ᐅᖃᐅᓯᐅᖁᔭᖏᓐᓂᒃ ᐅᖃᐅᓯᓖᑦ. 21ᑕᒤᑕᓕ ᖃᐅᔨᓴᕐᓯᒋᒃ; ᐱᐅᔪᑦ ᐱᓯᒪᑦᓯᐊᕐᓗᒋᑦ. 22ᐱᐅᖏᑦᑐᐊᓗᐃᑦ ᖃᓄᐃᑦᑐᑐᐃᓐᓁᑦ ᐊᑐᕐᑍᓕᒪᓯᒋᑦ.#5:22 ᐅᓗᕆᐊᒋᓯᒋᒃ
23ᒎᑎᐅᑉ ᓮᒪᓂᕐᑖᕐᑎᑦᓯᔫᑉ ᐃᑦᔪᕐᓁᑎᓪᓕᓯ ᐃᓘᓐᓈᒍᑦ ᐃᓗᑦᓯᒍᑦ; ᐊᓂᕐᓂᑦᓯᒍᑦ ᑕᕐᓂᑦᓯᒍᑦ ᑎᒥᑦᓯᒍᓪᓗ ᓴᐳᑎᑦᓮᓐᓇᕐᓕᓯ ᐸᓯᔭᒃᓴᐅᓂᖃᖁᓇᓯ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᑎᑭᕝᕕᐊᓂ. 24ᑖᓐᓇ ᐃᓕᑦᓯᓐᓂᒃ ᕾᖁᔨᓚᐅᕐᑐᖅ ᓱᖁᓯᔪᐃᑦᑑᒐᒥ, ᑖᑦᓱᒪ ᑕᒪᓐᓇ ᐱᓇᓱᐊᕐᓂᐊᕐᐹ.
25ᐅᒃᐱᕐᑑᖃᑎᕗᑦ, ᑐᒃᓯᐅᑎᑎᒍᑦ.
26ᐅᒃᐱᕐᑑᖃᑎᒌᓕᒫᑦ ᑕᕝᕙᐅᕗᑏᕐᐸᕗᑦ ᑯᓂᒡᓗᒋᓪᓗ ᐃᑦᔪᕐᓁᑦᑐᒧᑦ.
27ᐃᓇᒻᒪᕆᒃᐸᑦᓯ ᐊᑕᓂᐅᑉ ᐱᔪᓐᓇᕐᓂᖃᕐᑎᑦᓯᓂᖓᒍᑦ ᑖᒃᑯᐊ ᑎᑎᖅᑲᑦ ᐊᑐᐊᕐᑕᐅᖁᓪᓗᒋᑦ ᖃᑕᓐᖑᑎᒌᓕᒫᓄᑦ.
28ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ.
Currently Selected:
ᑎᓴᓗᓁᑲᒥᐅᓄᑦ ᓯᕗᓪᓖᑦ 5: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
