ᑎᓴᓗᓁᑲᒥᐅᓄᑦ ᐂᑉᐸᖏᑦ 1
1
1 #
ᐋᐴᓯᑕᓖᑦ 17:1. ᐸᐅᓗᓯᒥᑦ, ᓯᓪᕙᓅᓯᒥᑦ ᑎᒧᑎᒥᓪᓗ,
ᐅᒃᐱᕐᑑᖃᑎᒌᓄᑦ ᑎᓴᓗᓁᑲᒦᑦᑐᓄᑦ ᒎᑎᒧᑦ ᐊᑖᑕᑦᑎᓐᓄᑦ ᐊᑕᓂᑦᑎᓐᓄᓪᓗ ᔩᓱᓯ ᙭ᔅᑑᓯᒧᑦ ᐃᓄᖁᑎᒋᔭᐅᔪᓄᑦ:
2ᒎᑎᐅᑉ ᐊᑖᑕᑦᑕ ᐊᑕᓂᑦᑕᓗ ᔩᓱᓯᐅᑉ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕᓗ ᖃᓄᐃᖏᑦᓯᐊᕐᓂᐅᓪᓗ ᐃᓚᒋᓕᓯ.
ᐃᖅᑲᕐᑐᕐᑕᐅᕕᒃᓴᖅ ᙭ᔅᑑᓯᐅᑉ ᑎᑭᕝᕕᐊᓂ
3ᒎᑎᒧᑦ ᖁᔭᓕᑦᔪᑎᒌᓇᕆᐊᖃᕐᐸᑦᑎᒋᑦ, ᙭ᔅᑑᓯᒥᐅᑕᐅᖃᑎᕗᑦ, ᑍᒤᓕᐅᕈᑦᑕᓗ ᓈᒻᒪᖕᒪᑦ, ᐅᒃᐱᕐᓂᒃᑯᑦ ᐱᕈᕐᐸᓪᓕᐊᒻᒪᕆᒃᑲᑦᓯ, ᓇᒡᓕᒃᑎᒌᖕᓂᓯᓗ ᐃᓕᑦᓯᓐᓄᑦ ᐊᑐᓂᑦ ᐊᖏᓕᕙᓪᓕᐊᓪᓗᓂ. 4ᑍᒤᒻᒪᑦ ᑕᕝᕙ ᐅᕙᒍᑦ ᓇᖕᒥᓂᖅ ᓂᕐᑑᑎᑦᔪᑎᖃᕐᐸᒃᐳᒍᑦ#1:4 ᐱᒃᑯᓕᑦᔪᑎᖃᕐᐳᒍᑦ ᐃᓕᑦᓯᓐᓂᒃ ᒎᑎᐅᑉ ᐃᓚᒌᒃᑐᖁᑎᖏᓐᓄᑦ ᕿᓄᐃᓵᕐᓂᕐᒥᒃ ᐅᒃᐱᕐᓂᖃᑦᓯᐊᕐᓂᕐᒥᒡᓗ ᑲᔪᓯᑦᓯᐊᓚᐅᕋᑦᓯ ᐊᑭᕋᕐᑐᕐᑕᐅᒐᓗᐊᕐᑎᓪᓗᓯ ᐅᑯᒤᒃᓴᕐᑎᑕᐅᑎᓪᓗᓯᓗ.
5ᑕᒪᓐᓇ ᓇᓗᓁᕐᓯᕗᖅ ᒎᑎᐅᑉ ᓇᓛᒎᑦᓯᐊᕐᑐᒥᒃ ᐃᖅᑲᕐᑐᐃᓂᖓᓂᒃ, ᑕᒪᑐᒨᓇ ᒎᑎᐅᑉ ᐊᑕᓂᐅᕕᖓᓄᑦ ᐱᔪᓐᓇᕐᓯᑎᑕᐅᓛᕋᑦᓯ, ᐊᒃᓱᕈᕐᑎᑕᐅᑦᔪᑎᒋᔭᑦᓯᓐᓄᑦ. 6ᒎᑎ ᓈᒪᑦᓯᐊᕐᑐᒥᒃ ᐱᓇᓱᐊᕐᓂᐊᕐᐳᖅ ᐊᒃᓱᕈᕐᑎᒋᔭᑦᓯᓐᓄᑦ ᐊᒃᓱᕈᕐᓇᕐᑐᒧᑦᑕᐅᖅ ᐊᑭᓂᐊᕐᕕᒋᓂᐊᕐᐰᑦ, 7ᐃᓕᑦᓯᓕ ᐊᒃᓱᕈᕐᓇᕐᑐᑰᕐᑎᑕᐅᓂᓯᓂᒃ ᐊᓂᒍᐃᑎᑕᐅᓂᐊᕐᐳᓯ ᐅᕙᒍᓪᓗᑕᐅᖅ, ᑕᒪᑐᒥᖓ ᐱᓇᓱᐊᕈᒫᕐᐳᖅ ᐊᑕᓂᖅ ᔩᓱᓯᐅᑉ ᓴᖅᑭᑉᕕᖓᓂ ᕿᓚᖕᒥᑦ ᐂᖏᓕᖁᑎᓂ ᐱᔪᓐᓇᕐᑐᕐᔪᐊᑦ ᐃᓚᒋᓗᒋᑦ. 8ᐃᑯᒪᒧᑦ ᐃᑯᐊᓚᔪᒧᑦ, ᓱᒋᐊᕈᒫᕐᐰᑦ ᒎᑎᒥᒃ ᖃᐅᔨᒪᖏᑦᑐᑦ ᐅᖃᐅᓯᕐᓂᒡᓗ ᑐᓴᕈᒥᓇᕐᑐᓂᒃ ᐊᑕᓂᑦᑎᓐᓂᒃ ᔩᓱᓯᒥᒃ ᓈᓚᓚᐅᖏᑦᑐᑦ. 9#ᐂᓮᐊᓯ 2:10.ᑍᒃᑯᐊ ᐋᓐᓂᐊᔪᒫᕐᐳᑦ ᓱᒋᐊᕐᑕᐅᓕᕈᑎᒃ ᐱᕖᕈᑦᔭᐅᓇᕐᑐᒧᑦ ᐃᓱᖃᖏᑦᑐᒧᑦ ᐊᑕᓂᐅᓪᓗ ᓇᔪᒐᖓᓂᑦ ᐲᕐᑕᐅᓪᓚᕆᒃᓗᑎᒃ ᐱᓐᓇᕐᓇᕐᓂᕐᔪᐊᖓᓂᑦ ᐱᔪᓐᓇᕐᓂᖓᓂᓪᓗ, 10ᑎᑭᒃᑯᓂ ᐱᓐᓇᕐᓇᕐᑎᑕᐅᓗᓂ ᐅᐱᓐᓇᕐᑎᑕᐅᓗᓂ, ᐅᒃᐱᕈᓱᒃᑐᓕᒫᓂᓪᓗ ᑲᒪᓂᐊᕆᔭᐅᔪᒫᕐᐳᖅ, ᐃᓕᑦᓯᑦᑕᐅᖅ ᐃᓚᒋᔭᐅᔪᒫᕐᐳᓯ ᐅᖃᐅᓰᑦ ᓇᓗᓁᕐᓯᓂᕆᔭᕗᑦ ᐅᒃᐱᕆᓚᐅᕋᑦᓯᐅᒃ.
11ᑍᒤᒻᒪᑦ ᐃᓕᑦᓯᓐᓂᒃ ᑐᒃᓯᐅᑦᔨᖃᑦᑕᕐᐳᒍᑦ, ᒎᑎᑦᑎᓐᓄᑦ ᕾᖁᔨᑦᔪᑎᒋᔭᖓᓂᒃ ᑲᔪᓯᑎᑕᐅᔪᓐᓇᖁᓪᓗᓯ, ᑐᓂᓯᕕᐅᖁᓪᓗᓯ ᐱᓇᓱᐊᑦᓯᐊᕈᑎᒃᓴᑦᓯᓐᓂᒃ ᐅᒃᐱᕐᓂᑦᓯ ᐃᓱᓕᑎᑕᐅᑦᓯᐊᑯᓪᓗᒍ ᑖᑦᓱᒪ ᐱᔪᓐᓇᕐᓂᖓᓄᑦ. 12ᐊᑕᓂᑦᑕ ᔩᓱᓯᐅᑉ ᐊᑎᖓ ᐃᓕᑦᓯᑎᒍᑦ ᓂᕐᑐᕐᓇᕐᑎᑕᐅᖁᓪᓗᒍ, ᐃᓕᑦᓯᓗ ᑖᑦᓱᒪᓂ, ᒎᑎᑦᑕ ᐊᑕᓂᑦᑕᓗ ᔩᓱᓯᐅᑉ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.
Currently Selected:
ᑎᓴᓗᓁᑲᒥᐅᓄᑦ ᐂᑉᐸᖏᑦ 1: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.