ᑎᓴᓗᓁᑲᒥᐅᓄᑦ ᓯᕗᓪᓖᑦ 4
4
ᐃᓅᓯᖅ ᒎᑎᐅᑉ ᖁᕕᐊᒋᔭᖓ
1ᑭᖑᓪᓕᕐᐹᒥᒡᓕ, ᙭ᔅᑑᓯᒥᐅᑕᐅᖃᑎᒃᑲ, ᕿᓄᕕᒋᓪᓗᓯ ᐃᓇᑉᐸᑦᓯ ᐊᑕᓂᑦᑎᓐᓂ ᔩᓱᓯᒥ, ᐅᕙᑦᑎᓐᓂᑦ ᐃᓕᓐᓂᐊᓚᐅᕋᑦᓯ ᖃᓄᖅ ᐃᓅᔪᒃᓴᐅᖕᒪᖔᑦᓯ ᒎᑎᒧᑦ ᖁᕕᐊᒋᔭᐅᔪᒥᒃ. ᑍᒫᒃᓗ ᐃᓅᓯᖃᓚᐅᕋᑦᓯ, ᑭᓯᐊᓂᓕ ᐃᓅᓯᖃᑦᓯᐊᓕᖁᕙᑦᓯ. 2ᖃᐅᔨᒪᒐᑦᓯ ᖃᓄᐃᓕᐅᕆᐊᖃᕐᓂᑦᓯᓐᓂᒃ ᐊᔪᕆᕐᓲᑦᔨᓯᒪᒐᑦᑕ ᐊᑕᓂᑦᑎᓐᓂᑦ ᔩᓱᓯᒥᑦ ᐱᔪᓂᒃ. 3ᑕᒪᑦᔭ ᒎᑎᐅᑉ ᐱᔪᒪᔭᖓ, ᐃᑦᔪᕐᓁᖁᓪᓗᓯ: ᐊᕐᓇᕐᓂᐊᕐᓂᖅ ᐊᖑᓐᓂᐊᕐᓂᕐᓗ ᐊᑐᕐᑍᓕᓗᒍ; 4ᐃᓕᑦᓯ ᐊᑐᓂᑦ ᖃᐅᔨᒪᒐᑦᓯ ᖃᓄᖅ ᐊᑐᓂ ᐱᑦᑍᓕᔪᓐᓇᕐᓂᕐᒥᒃ ᐃᑦᔪᕐᓁᖁᓪᓗᓯ ᐅᐱᓐᓇᑦᓯᐊᕐᓗᓯᓗ, 5ᐃᒃᖠᒎᕐᓂᕐᒧᑦ ᐱᔪᒪᓗᐊᕐᓂᖅ ᐊᑐᖏᓪᓗᒍ ᐅᒃᐱᖏᑦᑐᑎᑐᑦ ᒎᑎᒥᒡᓗ ᖃᐅᔨᒪᖏᑦᑐᑎᑐᑦ, 6ᑍᒤᒻᒪᑦ ᐃᓄᒃ ᐅᒃᐱᕐᑑᖃᑎᒥᓂᒃ ᙭ᔅᑑᓯᒥ ᐅᖁᒤᑎᑦᓯᑦᑍᓕᓕ ᓄᓕᐊᕐᓂᕐᒧᑦ ᐅᐃᕕᕐᕆᓇᒍᓗ ᓱᓇᑐᐃᓐᓇᕐᒧᑦ, ᑕᒪᑐᒥᖓ ᐅᖃᐅᑎᓚᐅᕐᐸᑦᓯ, ᐅᓗᕆᐊᓇᕐᓂᖓᓂᒃ ᐊᑕᓂᖅ ᓱᒋᐊᕐᓯᕙᖕᒪᑦ ᑍᒤᓕᐅᕐᑐᓕᒫᓂᒃ. 7ᒎᑎᐅᑉ ᕾᖁᓚᐅᖏᒻᒪᑎᒍᑦ ᐊᑐᕈᒥᓇᖏᑦᑐᓂᒃ ᑕᒪᒃᑯᓂᖓ ᐃᓕᖅᑯᓯᖃᖁᓗᑕ, ᐃᑦᔪᕐᓁᖁᓪᓗᑕᓕ. 8ᑍᒤᒻᒪᑦ ᑕᒪᑐᒥᖓ ᐊᔪᕆᕐᑑᓯᕐᒥᒃ ᓇᕐᕈᔪᖅ, ᐃᓄᖕᒥᒃ ᓇᕐᕈᖏᓚᖅ ᒎᑎᒥᒡᓕ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓕᑦᓯᓐᓄᑦ ᑐᓂᓯᔪᒥᒃ.
9ᐅᒃᐱᕐᑑᖃᑎᒌᓄᓪᓕ ᓇᒡᓕᒃᑎᒌᖕᓂᕐᒥᒃ ᑎᑎᕋᕐᕕᒋᔭᕆᐊᖃᓐᖏᓚᑦᓯ, ᓇᖕᒥᓂᖅ ᒎᑎᒧᑦ ᐊᔪᕆᕐᑐᕐᑕᐅᓯᒪᒐᑦᓯ ᖃᓄᖅ ᓇᒡᓕᒃᑎᒌᒃᑐᒃᓴᐅᖕᒪᖔᑦᓯ. 10ᐅᒃᐱᕐᑑᖃᑎᓕᒫᕗᓪᓗ ᒫᓯᑑᓂᐊᒦᑦᑐᑦ ᑍᒫᒃ ᐱᓂᐊᕐᕕᒋᑦᓯᐊᓚᐅᕐᐸᓯ, ᓱᓕᓕ ᙭ᔅᑑᓯᒥ ᐅᒃᐱᕐᑑᖃᑎᕗᑦ, ᐃᓇᑦᓯᒃᑲᓐᓂᕐᐳᒍᑦ ᑍᒤᓕᐅᑲᓐᓂᖁᓪᓗᓯ ᓱᓕ. 11ᐃᓅᓯᑦᓯᓐᓂ ᑐᕌᒐᖃᕋᓱᐊᕆᑦᓯ ᐅᐃᒪᔮᖏᓪᓗᓯ, ᐱᓂᐊᕋᒃᓴᓯ ᓇᖕᒥᓂᖅ ᐱᓇᓱᐊᕐᓗᒋᑦ, ᓇᖕᒥᓂᕐᓗ ᐱᓇᓱᐊᕐᓂᑦᓯᓐᓄᑦ ᐃᓅᑦᔪᑎᒃᓴᕐᓯᓗᓯ, ᓲᕐᓗ ᑍᒫᒃ ᐱᖁᓚᐅᕋᑦᓯ; 12ᑍᒤᓕᐅᕐᑎᓪᓗᓯ ᑕᕝᕙ ᐃᒃᐱᒋᔭᐅᑦᓯᐊᕈᓐᓇᕐᓯᓂᐊᕐᐳᓯ ᐅᒃᐱᖏᑦᑐᓄᑦ, ᐊᓯᑦᓯᓐᓄᑦ ᐅᑕᖅᑭᑐᐃᓐᓇᕐᓂᐊᓐᖏᓚᓯ.
ᐊᑕᓂᐅᑉ ᑎᑭᑦᑐᒫᕐᓂᖓ
13᙭ᔅᑑᓯᒥᐅᑕᐅᖃᑎᒃᑲ, ᖃᐅᔨᒪᖏᑦᑑᖁᓐᖏᓚᑦᓯ ᓯᓂᓕᕐᓯᒪᔪᓂᒃ,#4:13 ᓯᓂᒃᑐᓂᒃ ᐅᕝᕙᓗ ᑐᖁᖓᔪᓂᒃ ᕿᒃᓵᒍᑎᖃᓗᐊᖁᓇᓯ ᐊᓯᑦᓯᑐᑦ ᓂᕆᐅᒋᔭᒃᓴᖃᖏᑦᑐᑎᑐᑦ. 14ᐅᒃᐱᕋᑦᑕ ᔩᓱᓯ ᑐᖁᓚᐅᕐᒪᑦ ᒪᑭᓚᐅᕆᓪᓗᓂᓗ, ᑍᒫᒃᑕᐅᖅ, ᐅᒃᐱᕆᕗᒍᑦ ᒎᑎᐅᑉ ᔩᓱᓯᒥ ᐅᒃᐱᕈᓱᒃᓗᑎᒃ ᑐᖁᓯᒪᔪᑦ ᓇᒃᓴᕈᒫᕐᒪᒋᑦ ᐃᓚᒋᓕᕐᓗᒋᑦ.
15 #
1 ᑯᕆᓐᑎ 15:51,52. ᒫᓐᓇᓕ ᐅᖃᐅᑦᔨᓕᕐᐳᒍᑦ ᐃᓕᑦᓯᓐᓂᒃ ᐊᑕᓂᕐᒥᑦ ᐱᔪᓂᒃ, ᐅᕙᒍᑦ ᐃᓅᔪᒍᑦ ᐃᓅᑎᓪᓗᑕ ᓱᓕ ᐊᑕᓂᖅ ᑎᑭᓕᕐᐸᑦ, ᑐᖁᖓᔪᓂᒃ ᓯᕗᓕᐅᕆᔪᒫᓐᖏᓚᒍᑦ. 16ᐊᑕᓂᖅ ᓇᖕᒥᓂᖅ ᕿᓚᖕᒥᑦ ᐊᖅᑲᕈᒫᕐᒪᑦ, ᓂᐱᕐᔪᐊᒧᑦ ᕾᖁᔨᔪᒧᑦ, ᐂᖏᓖᑦ ᐊᖓᔪᖅᑳᖓᑦᑕ ᓂᐱᖓᓄᑦ, ᒎᑎᐅᓪᓗ ᑎᑦᑐᓚᐅᑎᖁᑎᖓᓄᑦ, ᙭ᔅᑑᓯᒥᓗ ᑐᖁᖓᔪᑦ ᐃᓅᓯᕐᒧᑦ ᓯᕗᓪᓕᐅᓗᑎᒃ ᒪᑭᖅᑳᕈᒫᕐᐳᑦ; 17ᑕᕝᕙ ᑭᖑᕐᖓᒍᑦ ᐅᕙᒍᑦ ᐃᓅᔪᒍᑦ, ᑕᒪᓐᓇ ᓇᓪᓕᐅᑎᒃᐸᑦ, ᑍᒃᑯᐊ ᐃᓚᒋᓕᕐᓗᒋᑦ ᖁᒻᒧᐊᖃᑎᒋᔪᒫᕐᐸᕗᑦ ᓄᕗᔭᑎᒍᑦ ᐸᕐᕆᐊᓕᕐᓗᑕ ᐊᑕᓂᕐᒥᒃ ᑲᑎᓯᔭᕐᑐᓕᕐᓗᑕ ᓯᓚᒃᑯᑦ ᖁᒻᒧᐊᒡᓗᑕ; ᑕᕝᕙᓗ ᐊᑕᓂᖅ ᓇᔪᑦᓮᓐᓇᓕᕈᒫᕐᐸᕗᑦ. 18ᑍᒤᒻᒪᑦ ᑕᒪᒃᑯᓄᖓ ᐅᖃᐅᓯᕐᓄᑦ ᒪᓂᒍᕐᑎᒌᒋᑦᓯ.#4:18 ᓮᒻᒪᕐᓴᖃᑦᑕᐅᑎᒋᑦᓯ
Currently Selected:
ᑎᓴᓗᓁᑲᒥᐅᓄᑦ ᓯᕗᓪᓖᑦ 4: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
