ᑎᓴᓗᓁᑲᒥᐅᓄᑦ ᓯᕗᓪᓖᑦ 3
3
1 #
ᐋᐴᓯᑕᓖᑦ 17:15. ᑍᒤᒻᒪᑦ ᐊᑯᓂᒍᓱᓕᕋᑦᑕ, ᕿᒪᒃᑕᐅᒐᓗᐊᕈᑦᑕ ᖃᓄᐃᒃᓴᕈᓐᓃᓚᐅᕐᐳᒍᑦ ᐅᕗᖓ ᐋᑎᓐᓯᒧᑦ, 2ᑎᓕᓯᓚᐅᕐᐳᒍᓪᓗ ᑎᒧᑎᒥᒃ, ᐅᒃᐱᕐᑑᖃᑎᑎᓐᓂᒃ ᐱᓇᓱᐊᖃᑎᒋᔭᕗᓪᓗ ᒎᑎᒧᑦ ᐊᔪᕆᕐᑐᐃᑎᓪᓗᑕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ, ᓲᖑᓯᑎᑕᐅᖁᓪᓗᓯ ᐅᒃᐱᕐᓂᓯ ᐃᑲᔪᕐᑕᐅᒃᑲᓐᓂᖁᓪᓗᒍ. 3ᓴᖑᑎᑕᐅᔪᖃᖁᓇᓯ ᐅᖁᒤᑦᑐᓄᑦ ᑕᒪᒃᑯᓄᖓ, ᓇᖕᒥᓂᖅ ᖃᐅᔨᒪᒐᑦᓯ ᐊᑭᕋᕐᑐᕐᑕᐅᓂᖅ ᑕᒪᓐᓇ ᐅᕙᑦᑎᓐᓄᑦ ᒎᑎᐅᑉ ᐱᖁᔨᓂᖓᑕ ᐃᓚᒋᖕᒪᒍ. 4ᐃᓕᑦᓯᓐᓃᓪᓗᑕ ᓱᓕ, ᓯᕗᕐᖓᒍᑦ ᐃᓕᑦᓯᓐᓂᒃ ᐅᖃᐅᑦᔨᓚᐅᕋᑦᑕ ᐅᖁᒤᒃᓴᕐᑎᑕᐅᓛᕐᓂᑦᑎᓐᓂᒃ; ᑕᒪᓐᓇᓗ ᑍᒤᓚᐅᕐᐳᖅ, ᑕᒪᓐᓇ ᖃᐅᔨᒪᕙᓯ. 5ᑍᒤᒻᒪᑦ ᑎᒧᑎ ᑎᓕᔭᕆᐊᖃᓕᓚᐅᕐᐸᕋ ᕿᓄᐃᓵᕈᓐᓁᓕᒐᒪ ᐅᒃᐱᕐᓂᑦᓯᓐᓂᒃ ᑐᓴᕈᒪᓪᓗᖓ, ᓵᑖᓇᓯᒧᑦ ᐆᒃᑐᕐᓗᒃᑕᐅᓂᑦᓯᓐᓄᑦ ᐱᓇᓱᐊᕐᓂᕆᓯᒪᔭᕗᑦ ᑕᒪᐅᖎᓐᓈᕐᑎᑕᐅᓂᐊᕋᓱᒋᓪᓗᒍ.
6 #
ᐋᐴᓯᑕᓖᑦ 18:5. ᒫᓐᓇᓕ ᑎᒧᑎ ᐅᑎᕐᓯᒪᓕᕐᒪᑦ ᐃᓕᑦᓯᓐᓂᖔᕐᓗᓂ, ᑐᓴᕈᒥᓇᕐᑐᒥᒡᓗ ᐅᓂᒃᑲᐅᑎᖕᒪᑎᒍᑦ ᐅᒃᐱᕐᓂᖃᕐᓂᑦᓯᓐᓂᒃ ᓇᒡᓕᖕᓂᖃᕐᓂᑦᓯᓐᓂᒡᓗ ᐅᖃᐅᑎᓚᐅᕐᒪᑎᒍᑦ ᐅᕙᑦᑎᓐᓂᒎᖅ ᓱᓕ ᐃᓱᒪᕾᓐᓇᕐᐸᒃᑲᑦᓯ ᕿᓚᓈᕐᓗᓯᓗ ᑕᑯᔪᒪᓪᓗᓯ, ᑍᒫᒃᑕᐅᖅ ᐅᕙᒍᑦ ᕿᓚᓈᕐᒥᒐᑦᑕ ᐃᓕᑦᓯᓐᓂᒃ ᑕᑯᔪᒪᓪᓗᑕ. 7ᑍᒤᒻᒪᑦ ᐅᒃᐱᕐᑑᖃᑎᕗᑦ, ᐅᖁᒤᒃᓴᕐᑎᑕᐅᓂᑦᑎᓐᓂ ᐃᓗᐊᖏᑦᔪᑎᒃᓴᖃᕐᓂᑦᑎᓐᓂᓗ ᐃᓕᑦᓯᑎᒍᑦ ᐱᕙᓪᓕᕐᑎᑕᐅᓯᒪᒻᒪᕆᒃᐳᒍᑦ ᐅᒃᐱᕐᓂᑦᓯᓐᓄᑦ. 8ᒫᓐᓇ ᑕᕝᕙ ᐃᓱᒫᓗᐃᕐᐳᒍᑦ, ᓱᖁᓯᔪᐃᑦᑑᓕᕈᑦᓯ ᐊᑕᓂᕐᒥᒃ ᑐᓐᖓᕕᖃᑦᓯᐊᕐᓗᓯ. 9ᒫᓐᓇ ᒎᑎᕗᑦ ᖁᔭᓕᕕᒋᒃᑲᓐᓂᕈᓐᓇᓕᕐᐸᕗᑦ ᐱᓪᓗᓯ, ᐃᓗᑦᑎᒍᑦ ᖁᕕᐊᓱᒃᑎᑕᐅᒐᑦᑕ ᐱᑦᔪᑎᒋᓪᓗᓯ ᒎᑎᐅᑉ ᓵᖓᓂ, 10ᐅᓪᓘᑎᓪᓗᒍ ᐅᓐᓄᐊᒥᓗ ᐃᓗᖏᕐᓱᕐᓗᑕ ᑐᒃᓯᐊᕐᐳᒍᑦ ᓇᖕᒥᓂᖅ ᑕᑯᒃᑲᓐᓂᕈᒪᓪᓗᑕ ᐃᓕᑦᓯᓐᓂᒃ ᐃᑲᔪᒃᑲᓐᓂᕆᐊᖃᕈᑦᑕᓗ ᐅᒃᐱᕐᓂᑦᓯᓂᒃ ᐱᓇᓱᐊᕈᒪᓪᓗᑕ.
11ᒫᓐᓇᓕ ᒎᑎᑦᑕ ᐊᑖᑖᑦᑕ ᓇᖕᒥᓂᖅ, ᐊᑕᓂᑦᑕᓗ ᔩᓱᓯᐅᑉ, ᐋᖅᑭᒃᓲᑎᓕᑎᒍᑦ ᑕᑯᖃᑎᒌᒃᑲᓐᓂᕈᓐᓇᕐᓯᖁᓪᓗᑕ; 12ᐊᑕᓂᐅᓪᓗ ᐱᕈᕐᐸᓪᓕᐊᑎᓪᓕᓯ ᓇᒡᓕᒃᑎᒌᖕᓂᕐᒥ ᐃᓕᑦᓯᓐᓄᑦ ᐃᓄᓕᒫᓄᓪᓗ, ᐃᓕᑦᓯᓐᓄᑦ ᓇᒡᓕᖕᓂᑦᑎᑐᑦ. 13ᑕᕝᕙ ᑖᑦᓱᒪ ᓲᖑᓯᑎᓐᓂᐊᕐᐹᓯ ᐸᓯᔭᒃᓴᐅᓂᖃᖁᓇᓯ ᐃᑦᔪᕐᓁᓪᓗᓯᓗ ᒎᑎᐅᑉ ᐊᑖᑕᑦᑕᓗ ᓵᖓᓂ, ᐊᑕᓂᑦᑕ ᔩᓱᓯᐅᑉ ᑎᑭᕝᕕᐊᓂ ᐃᑦᔪᕐᓁᑦᑐᖁᑎᓂ ᑕᒤᑕ ᐃᓚᒋᓗᒋᑦ.
Currently Selected:
ᑎᓴᓗᓁᑲᒥᐅᓄᑦ ᓯᕗᓪᓖᑦ 3: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
