ᓴᒧᐃᓕ ᓯᕗᓪᓖᑦ 17
17
ᒎᓕᐊᑉ ᐃᓴᕆᐊᓕᒥᐅᓂᒃ ᐅᓇᑕᖃᑎᖃᕈᒪᓂᖓ
1ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖏᑦ ᐅᓇᑕᕆᐊᕐᐸᓪᓕᐊᓪᓗᑎᒃ; ᑲᑎᕗᑦ ᓄᓇᒥ ᓲᑯᒥ, ᔫᑕᐅᑉ ᓄᓇᖓᓃᑦᑐᒥ; ᑕᖕᒫᕐᐳᓪᓗ ᓲᑰᓪᓗ ᐊᔨᑲᐅᓪᓗ ᐊᑯᓐᓂᖓᓂ, ᐃᐱᔅ-ᑕᒥᒻᒥ. 2ᓴᐅᓕᓗ ᐃᓴᕆᐊᓕᒥᐅᓪᓗ ᐃᓄᖏᑦ ᑲᑎᕗᑦ, ᑕᖕᒫᕐᑎᕐᐳᓪᓗ ᐃᓚᐅᑉ ᓇᕐᓴᖓᓂ, ᐋᖅᑭᒃᑎᕐᐳᓪᓗ ᐅᓇᑕᕐᓂᒃᓴᒥᖕᓂᒃ ᐱᓕᔅᑍᓂᒥᐅᓂᒃ. 3ᐱᓕᔅᑍᓂᒥᐅᓪᓗ ᖃᖅᑲᐅᑉ ᖄᖓᑕ ᐃᑎᕕᐊᓃᑉᐳᑦ, ᐃᓴᕆᐊᓕᒥᐅᓪᓗ ᖃᖅᑲᐅᑉ ᖄᖓᑕ ᐃᑎᕕᐊᓃᒻᒥᑎᓪᓗᒋᑦ, ᐊᑯᓐᓂᖓᒍᑦ ᓇᕐᓴᖃᕐᓗᓂ.
4ᐱᓕᔅᑍᓂᒥᐅᓪᓗ ᑕᖕᒫᕐᓯᒪᕕᖓᓂᑦ ᓴᖅᑭᑦᑐᖃᕐᐳᖅ ᐱᓯᑎᐅᓂᕐᐹᒥᒃ ᒍᓔᐊᒥᒃ ᐊᑎᓕᖕᒥᒃ, ᒑᑎᒥᐅᑕᕐᒥᒃ, ᑖᓐᓇᓗ ᐊᖏᓂᖃᕐᐳᖅ ᐃᑎᒐᓂᒃ 9ᓂᒃ. 5ᓇᓴᖃᕐᐳᕐᓗ ᑲᓐᓄᔭᒥᒃ, ᐊᓐᓄᕌᖃᕐᐳᕐᓗ ᓴᐴᓗᑕᕆᓪᓗᒍ ᑲᓐᓄᔭᓂᑦ ᓴᓇᓯᒪᔪᒥᒃ ᕿᑐᒪᔪᒥᒃ, ᐊᓐᓄᕌᖓᓗ ᑲᓐᓄᔭ ᐅᖁᒤᓐᓂᖃᕐᐳᖅ 125ᐸᐅᒥᒃ. 6ᓂᐅᖏᒡᓗ ᖄᐹᕐᓯᒪᕘᒃ ᑲᓐᓄᔭᒥᒃ, ᓴᕕᒡᔪᐊᖃᕐᓗᓂᓗ ᑲᓐᓄᔭᒥᒃ ᑐᐃᖏᒃᑕ ᐊᑯᓐᓂᖓᓂ ᑐᓄᖓᓃᑦᑐᒥᒃ. 7ᖃᓗᒋᐊᖓᓗ ᓄᕕᕐᓴᕐᕕᐅᑉ ᓇᐸᔪᐊᑐᑦ ᐊᖏᑎᒋᕗᖅ, ᓄᕗᐊᓗ ᓴᕕᕋᔭᒃ ᐅᖁᒤᓐᓂᖃᕐᐳᖅ 15ᐸᐅᓐᒥᒃ, ᓴᐴᓗᑕᖓᓂᒡᓗ ᐊᒡᔭᕐᓯᔨᖓ ᓯᕗᕌᓃᑉᐳᖅ. 8ᓇᖏᕐᓗᓂ ᕾᒐᓛᕐᐳᖅ ᐃᓴᕆᐊᓕᒥᐅᑦ ᐅᓇᑕᕐᑎᖏᓐᓄᑦ, ᐅᖃᕐᓗᓂ, “ᖃᓄᐃᒻᒪᑦ ᓴᓂᓕᕇᒡᓗᓯ ᐅᓇᑕᕆᐊᕐᐱᓰ? ᐱᓕᔅᑍᓂᒥᐅᑕᐅᓐᖏᓚᖔ, ᓴᐅᓕᐅᑉ ᐱᔨᒋᓐᖏᓛᓰ? ᐊᖑᒻᒥᒃ ᓂᕈᐊᓕᕆᑦᓯ, ᐅᕙᓐᓄᑦ ᐅᓇᑕᕆᐊᕐᓂᐊᕐᑐᒥᒃ. 9ᐅᕙᓐᓂᒃ ᐅᓇᑕᕈᓐᓇᕐᐸᑦ ᑐᖁᓪᓗᓂᖓᓗ, ᑕᕝᕙ ᐃᓕᑦᓯᓐᓄᑦ ᐱᔨᑖᕆᔭᐅᓂᐊᕐᐳᒍᑦ; ᓵᓚᖃᕈᒪᓕ ᑐᖁᓪᓗᒍᓗ, ᑕᕝᕙ ᐱᔨᑖᕆᔭᐅᓂᐊᕐᐳᓯ ᐱᔨᑦᓯᓕᕐᓗᓯᓗ ᐅᕙᑦᑎᓐᓂᒃ.” 10ᐱᓕᔅᑍᓂᒥᐅᕐᓗ ᐅᖃᕐᐳᖅ, “ᐃᓴᕆᐊᓕᒥᐅᑉ ᐅᓇᑕᕐᑎᖏᑦ ᐅᓪᓗᒥ ᐆᒃᑐᕋᓪᓚᕆᖁᕙᒃᑲ; ᐊᖑᒻᒥᒃ ᕾᑎᑦᓯᓚᐅᕆᑦᓯ ᐅᓇᑕᖃᑎᒋᓂᐊᕐᑕᓐᓂᒃ.” 11ᓴᐅᓕᓗ ᐃᓴᕆᐊᓕᒥᐅᓪᓗ ᐱᓕᔅᑍᓂᒥᐅᑉ ᐅᖃᐅᓯᖏᓐᓂᒃ ᑐᓴᕋᒥᒃ, ᓯᕘᕋᓕᕐᐳᑦ ᑲᑉᐱᐊᓱᒻᒪᕆᓕᕐᓗᑎᒡᓗ.
ᑍᕕᑎ ᓴᐅᓕᐅᑉ ᑕᖕᒫᕐᓯᒪᕕᖓᓄᐊᕐᓂᖓ
12ᑍᕕᑎ ᐃᕐᓂᕆᔭᐅᕗᖅ ᐃᕗᕅᒥᐅᑕᕐᒧᑦ ᐱᑦᓕᐊᒥ ᔫᑕᒦᑦᑐᒥ, ᔨᓯᒥᒃ ᐊᑎᓕᖕᒧᑦ, ᑖᓐᓇ ᐃᕐᓂᖃᕐᐳᖅ ᓯᑕᒪᐅᔪᕐᑐᓂᒃ. ᐃᓄᑐᖃᐅᓕᕐᐳᖅ ᐊᕐᕌᒍᖃᓕᕐᓗᓂᓗ ᐅᓄᕐᑐᓂᒃ, ᑍᑦᓱᒪᓂ ᓴᐅᓕ ᐊᖓᔪᖅᑳᕐᔪᐊᖑᑎᓪᓗᒍ. 13ᔨᓯᐅᑉ ᐃᕐᓂᖏᑦ ᐱᖓᓱᑦ ᐊᖓᔪᒃᓖᑦ ᒪᓕᓚᐅᕐᐳᑦ ᓴᐅᓕᒥᒃ ᐅᓇᑕᕆᐊᕐᓗᑎᒃ; ᑖᒃᑯᐊ ᐱᖓᓱᑦ ᐅᓇᑕᕆᐊᓚᐅᕐᑐᑦ ᐅᑯᐊᖑᕗᑦ ᐃᓔᐊᑉ ᐊᖓᔪᒃᓯᕐᐹᖅ, ᑐᖓᓕᐊ ᐊᐱᓇᑕᑉ, ᐱᖓᔪᖓᑦ ᓴᒪ. 14ᑍᕕᑎᓕ ᓄᑲᕐᓯᕐᐸᐅᕗᖅ; ᐊᖓᔪᕐᓯᕐᐹᑦ ᑖᒃᑯᐊ ᐱᖓᓱᑦ ᓴᐅᓕᒥᒃ ᒪᓕᓚᐅᕐᐳᑦ. 15ᑍᕕᑎᓕ ᐃᓛᓐᓂᑦ ᐃᓚᒥᓄᑦ ᐅᑎᖃᑦᑕᓚᐅᕐᐳᖅ ᓴᐅᓕᒥᓐᖔᕐᓗᓂ ᐊᑖᑕᖓᑕ ᓰᐱᖁᑎᖏᑦ ᓂᕆᑎᑦᓴᕐᑐᕐᓗᒋᑦ ᐱᑦᓕᐊᒧᑦ.
16ᐱᓕᔅᑍᓂᒥᐅᕐᓕ ᖃᒡᓕᒋᐊᖃᑦᑕᓚᐅᕐᐳᖅ ᐃᒻᒥᓂᒡᓗ ᒪᓂᕙᒃᓗᓂ, ᑍᒤᓕᐅᖃᑦᑕᓚᐅᕐᐳᕐᓗ ᐅᓪᓛᒃᑯᑦ ᐅᓐᓄᒃᑯᓪᓗ ᐅᓪᓗᓂᒃ 40ᓂᒃ.
17ᔨᓯᓗ ᐃᕐᓂᕐᒥᓄᑦ ᑍᕕᑎᒧᑦ ᐅᖃᕐᐳᖅ, “ᐅᑯᐊ ᐊᖓᔪᖕᓄᐊᕈᑎᓚᐅᒃᑭᑦ ᓂᐊᖂᔭᒃᓮᑦ ᖁᓕᑦ ᐸᓂᕐᑐᓪᓗ ᓂᐅᖂᔧᑦ, ᐅᓪᓚᒡᓗᑎᑦ ᐊᖓᔪᖕᓄᐊᕈᑎᓚᐅᒃᑭᑦ ᑕᖕᒫᕐᓯᒪᕕᒋᔭᖏᓐᓄᑦ. 18ᐅᑯᐊᓗ ᓰᓰᑦ ᖁᓕᑦ ᑐᓂᒃᑭᑦ ᐅᓇᑕᕐᑐᒃᓴᓄᑦ ᐊᖓᔪᖅᑳᖑᔪᒧᑦ 1,000ᓄᑦ, ᐊᖓᔪᑎᓪᓗ ᖃᓄᐃᖏᑦᓯᐊᕋᓗᐊᕐᒪᖔᑕ ᖃᐅᔨᒋᐊᕐᓂᐊᕐᐸᑎᑦ, ᑕᑯᔪᕕᓂᐅᓂᕐᓂᒡᓗ ᓇᓗᓁᕐᓯᑦᔪᑎᒥᒃ ᐅᑎᐅᑦᔨᓂᐊᕐᐳᑎᑦ ᑖᒃᑯᓇᓐᖓᑦ.” 19ᓴᐅᓕᓕ ᐃᓴᕆᐊᓕᒥᐅᓕᒫᓪᓗ, ᓇᕐᓴᒦᓚᐅᕐᐳᑦ ᐃᓚᒻᒥ, ᐅᓇᑕᕐᓗᑎᒃ ᐱᓕᔅᑍᓂᒥᐅᓂᒃ.
20ᑍᕕᑎᓗ ᒪᑭᑉᐳᖅ ᐅᓪᓛᒻᒪᕆᒃᑯᑦ, ᓰᐱᓪᓗ ᕿᒪᒃᐰᑦ ᑲᒪᔨᒧᑦ, ᔨᓯᐅᓪᓗ ᑐᔫᑎᖏᑦ ᑎᒍᓪᓗᒋᑦ ᐊᐅᓪᓚᕐᐳᖅ, ᔨᓯᐅᑉ ᑎᓕᓚᐅᕐᒪᒍ; ᑎᑭᑉᐳᓪᓗ ᑕᖕᒫᕐᓯᒪᕕᖓᓐᓄᑦ ᐅᓇᑕᕐᑏᑦ ᐅᓇᑕᕆᐊᕐᐸᓪᓕᐊᓕᕐᑎᓪᓗᒋᑦ, ᕾᒐᓛᕐᓗᑎᒡᓗ ᐅᓇᑕᕆᐊᓕᕐᑐᕐᓯᐅᒻᒥᒃ. 21ᐃᓴᕆᐊᓕᒥᐅᓪᓗ ᐱᓕᔅᑍᓂᒥᐅᓪᓗ ᐅᓇᑖᕐᑎᖏᑦ ᐋᖅᑭᒃᓱᕐᐳᑦ ᐃᓂᒋᓂᐊᕐᑕᒥᖕᓄᑦ, ᐅᓇᑕᕐᑏᑦ ᐊᑭᓕᕇᒡᓗᑎᒃ. 22ᑍᕕᑎᐅᓪᓗ ᑐᔪᑏᑦ ᓇᒃᓴᕐᑕᓂ ᕿᒪᒃᐰᑦ ᐱᖁᑎᓕᕆᔨᒧᑦ, ᐅᓪᓚᒡᓗᓂᓗ ᐅᓇᑕᕆᐊᕐᐸᓪᓕᐊᔪᓄᑦ ᐊᓐᖑᑎᕗᖅ, ᐊᖓᔪᓂᓗ ᐅᐸᒃᓗᒋᑦ ᓂᓪᓕᐅᑎᕔᑦ. 23ᐅᖃᖃᑎᒋᓕᕐᑎᓪᓗᓂᒋᑦ, ᑕᑯᒋᑦ ᐱᒃᑲᐅᓂᕐᐹᖓᑦ ᓴᖅᑭᑉᐳᖅ, ᐱᓕᔅᑍᓂᒥᐅᖅ ᒑᑎᒥᐅᑕᖅ, ᒍᓔᐊᒥᒃ ᐊᑎᓕᒃ, ᐱᓕᔅᑍᓂᒥᐅᑦ ᐅᓇᑕᕐᑎᖏᓐᓂᑦ ᐱᓪᓗᓂ, ᐅᖃᕐᓗᓂᓗ ᑍᒫᑦᓮᓐᓇᖅ ᐅᖃᐅᓯᕐᓂᒃ ᐅᖃᐅᓯᕆᓚᐅᕐᑕᒥᑐᑦ. ᐅᖃᐅᓯᕆᔭᖏᓪᓗ ᑍᕕᑎᐅᑉ ᑐᓴᕐᐰᑦ. 24ᐃᓴᕆᐊᓕᒥᐅᓕᒫᑦ, ᑖᑦᓱᒥᖓ ᐊᖑᒻᒥᒃ ᑕᑯᒐᒥᒃ, ᕿᒫᕗᑦ ᑖᑦᓱᒪᓐᖓᑦ ᑲᑉᐱᐊᓱᒻᒪᕆᒃᓗᑎᒃ. 25ᐃᓴᕆᐊᓕᒥᐅᓪᓗ ᐊᖑᑏᑦ ᐅᖃᕐᐳᑦ, “ᐊᖑᑦ ᑖᓐᓇ ᑕᑯᓚᐅᕐᐱᓯᐅᒃ? ᑖᓐᓇ ᐃᓴᕆᐊᓕᒥᐅᓂᒃ ᒥᑕᐅᑎᖃᕐᐳᖅ; ᐃᒤᓕᖓᕗᖅ ᓇᓪᓕᐊᑦ ᑖᑦᓱᒥᖓ ᑐᖁᑦᓯᔪᖅ, ᐊᖓᔪᖅᑳᕐᔪᐊᑉ ᐊᑭᓕᕈᒫᕐᐹ ᐊᔪᕐᓴᖏᑦᔪᑎᒃᓴᓂᒃ, ᐸᓂᓂᓗ ᑖᑦᓱᒧᖓ ᑐᓂᔪᒫᕐᐹ, ᐊᑖᑕᒃᑯᖏᓪᓗ ᐊᑭᓖᖃᑦᑕᕈᓐᓃᕋᔭᕐᐳᖅ ᑖᒃᓰᕈᑎᓂᒃ ᐃᓴᕆᐊᓕᒥᐅᓂ.”
26ᑍᕕᑎᐅᓪᓗ ᐊᖑᑏᑦ ᓇᖏᖃᑎᓂ ᐅᖃᐅᑎᕔᑦ, “ᖃᓄᐃᑕᐅᔪᒫᕐᐹ ᐊᖑᑦ ᑍᓐᓇ ᑐᖁᑦᓯᔪᖅ ᑖᑦᓱᒥᖓ ᐱᓕᔅᑍᓂᒥᐅᒥᒃ, ᐃᓴᕆᐊᓕᒥᐅᓪᓗ ᑲᓐᖑᓇᕐᑐᒦᑎᐅᓂᖓᓂᒃ ᐲᕐᓯᔪᖅ? ᑖᓐᓇ ᖃᓄᐃᑦᑑᕙ ᑭᐱᔭᐅᓯᒪᖏᑦᑐᖅ ᐱᓕᔅᑏᓂᒥᐅᑖᖅ, ᒥᑕᐅᑎᖃᕐᑐᖅ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ?” 27ᐃᓄᐃᑦ ᑭᐅᕚ ᐅᖃᕐᓗᑎᒃ, “ᑍᒫᒃ ᑕᕝᕙ ᐱᔭᐅᒐᔭᕐᐳᖅ ᐊᖑᑦ ᑖᑦᓱᒥᖓ ᑐᖁᑦᓯᔪᖅ.”
28ᐊᖓᔪᐊᓕ ᐃᓔᐊᑉ ᐊᖓᔪᒃᓕᕐᐹᑉ ᑕᒪᒃᑯᓂᖓ ᐅᖃᕐᑎᓪᓗᒍ ᐊᖑᑎᓄᑦ ᑐᓴᕐᐳᖅ; ᐃᓔᐊᓗ ᓂᓐᖓᒃᐳᖅ ᑍᕕᑎᒧᑦ, ᐅᖃᕐᓗᓂᓗ, “ᖃᓄᐃᒻᒪᑦ ᑕᒪᐅᓐᖓᓚᐅᕐᐲᑦ? ᑭᓇᒧᓪᓕ ᓰᐲᑦ ᕿᒪᒃᐱᒌᑦ ᐃᓄᖃᔪᐃᑦᑐᒦᑦᑐᑦ? ᐱᐅᔪᕆᓃᑦ ᖃᐅᔨᒪᕙᕋ ᐅᖃᒻᒥᓂᐅᓃᓪᓗ ᐆᒻᒪᑎᒃᑯᑦ, ᕾᓚᐅᕐᐳᑎᑦ ᐅᓇᑕᕐᑐᓂᒃ ᑕᑯᔭᕐᑐᑐᐃᓐᓇᕐᓗᑎᑦ.”
29ᑍᕕᑎᓕ ᐅᖃᕐᐳᖅ, “ᖃᓄᐃᓕᐅᕋᒫ? ᐊᐱᕆᑐᐃᓐᓇᓚᐅᓐᖏᓚᖔ?” 30ᑖᑦᓱᒪᓐᖓᑦ ᑐᓄᓪᓗᓂ ᐊᓯᐊᓄᑦ ᓵᓪᓗᓂ ᐅᖃᕐᐳᖅ ᑍᒫᑦᓮᓐᓇᖅ; ᐃᓄᐃᓪᓗ ᑭᐅᕗᑦ ᑍᒫᑦᓮᓐᓇᖅ ᓯᕗᓪᓖᑦ ᑭᒡᒍᓯᖓᑐᑦ.
31ᑍᕕᑎᐅᓪᓗ ᐅᖃᐅᓯᖏᓐᓂᒃ ᑐᓴᕐᑐᑦ, ᐅᖃᕆᐊᕐᑐᕐᐳᑦ ᓴᐅᓕᒧᑦ; ᑖᑦᓱᒪᓗ ᕾᖁᕚ. 32ᑍᕕᑎᓗ ᐅᖃᕐᐳᖅ ᓴᐅᓕᒧᑦ, “ᓇᓪᓕᐊ ᐊᖑᑦ ᐆᒻᒪᑎᒥᒍᑦ ᓴᐱᓕᕐᑍᓕᓕ ᑖᓐᓇ ᐱᓪᓗᒍ; ᐱᔩᑦ ᐅᓇᑕᕆᐊᕐᓂᐊᕐᐳᖅ ᑖᑦᓱᒥᖓ ᐱᓕᔅᑍᓂᒥᐅᑕᕐᒥᒃ.”
33ᓴᐅᓕ ᐅᖃᕐᐳᖅ ᑍᕕᑎᒧᑦ, “ᑖᓐᓇ ᐱᓕᔅᑍᓂᒥᐅᑕᖅ ᐅᓇᑕᕈᓐᓇᓐᖏᓚᑦ; ᐃᓅᓱᒃᑑᓗᐊᕋᕕᑦ, ᑖᓐᓇᓕ ᐅᓇᑕᖃᑦᑕᓕᕐᓯᒪᕗᖅ ᐃᓅᓱᖕᓂᕐᒥᓂᑦ.”
34ᑍᕕᑎᓕ ᓴᐅᓕᒧᑦ ᐅᖃᕐᐳᖅ, “ᐱᔩᑦ ᐊᑖᑕᒥᓄᑦ ᒥᐊᓂᕐᓯᔨᐅᖕᒪᑦ ᓰᐱᓂᒃ; ᓛᔭᓘᓐᓃᑦ ᓇᓄᕐᓘᓐᓃᑦ, ᐊᐅᓪᓚᐅᑦᔨᓕᑐᐊᕐᒪᑕ ᓰᐱᐅᑉ ᓄᕐᕋᖓᓂᒃ, 35ᒪᓕᒃᓴᖃᑦᑕᕐᐸᒃᑲ ᐊᓇᐅᓪᓗᒋᓪᓗ, ᓄᕐᕋᕐᓗ ᐱᐅᓕᓪᓗᒍ ᖃᓂᖓᓂᑦ; ᐅᕙᓐᓂᒡᓗ ᐱᒋᐊᑐᐊᕐᒪᑦ, ᒥᖅᑯᖓᒍᑦ ᑎᒍᓪᓗᒍ, ᐊᓇᐅᓪᓗᒍᓗ ᑐᖁᑉᐸᕋ. 36ᐱᔩᑦ ᑐᖁᑦᑎᓯᒪᕗᖅ ᓛᔭᓂᒃ ᓇᓄᕐᓂᒡᓗ; ᑖᓐᓇᓗ ᑭᐱᔭᐅᓯᒪᖏᑦᑐᖅ ᐱᓕᔅᑍᓂᒥᐅᑕᖅ ᑖᒃᑯᑎᑐᓇᖅ ᐊᑦᔨᑐᐃᓐᓇᐅᓂᐊᕐᐳᖅ, ᒥᑕᐅᑎᖃᕐᒪᑦ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ.” 37ᑍᕕᑎᓗ ᐅᖃᒃᑲᓐᓂᕐᐳᖅ, “ᐊᑕᓂᐅᑉ ᐱᐅᓕᓚᐅᕐᐹᖓ ᓛᔭᑦ ᑯᑭᖏᓐᓂᑦ ᓇᓅᓪᓗ ᑯᑭᖏᓐᓂᑦ, ᐱᐅᓕᓂᐊᕆᕚᖓ ᐱᓕᔅᑍᓂᒥᐅᑉ ᐊᒡᒐᖓᓂᑦ.” ᓴᐅᓕᐅᓪᓗ ᑍᕕᑎ ᐅᖃᐅᑎᕚ, “ᐂᓕᕆᑦ ᐊᑕᓂᐅᑉ ᐃᓚᒋᓛᑎᑦ.” 38ᑕᕝᕙ ᓴᐅᓕᐅᑉ ᑍᕕᑎ ᐊᓐᓄᕋᕐᐹ ᐅᓇᑕᐅᑎᒥᓂᒃ; ᓇᓴᕐᓗᒍᓗ ᑲᓐᓄᔭᒥᒃ, ᐊᓐᓄᕌᕐᐹᓗ ᓴᐴᓗᑕᓕᖕᓂᒃ. 39ᑍᕕᑎᐅᑉ ᓴᕕᒡᔪᐊᓂ ᐃᓕᓪᓗᒍ ᐊᓐᓄᕌᒥᓄᑦ, ᐱᓱᒋᐊᕋᓗᐊᕋᒥ ᐱᓱᒍᓐᓇᓐᖏᓚᖅ, ᑍᒤᑦᑐᓂᒃ ᐊᑐᓚᐅᕐᓯᒪᖏᓐᓇᒥ. ᑕᕝᕙ ᑍᕕᑎ ᐅᖃᓕᕐᐳᖅ ᓴᐅᓕᒧᑦ, “ᐱᔪᓐᓇᑦᔮᓐᖏᓚᖓ ᐅᑯᐊ ᐊᑐᕐᓗᒋᑦ; ᓱᖏᐅᓯᒪᖏᓐᓇᒃᑭᑦ.” ᑍᕕᑎᐅᓪᓗ ᐲᔭᕐᐰᑦ. 40ᓰᐱᓕᕆᔪᕐᓯᐅᑎᓂᓗ ᐊᔭᐅᑉᐱᐊᖅ ᑎᒍᕚ; ᑰᖕᒥᓪᓗ ᓄᐊᑦᓯᕗᖅ ᐅᔭᕋᖕᓂᒃ ᑕᓪᓕᒪᓂᒃ ᒪᓂᕋᑦᑐᓂᒃ, ᐴᕐᓗᒋᓪᓗ ᓰᐱᓕᕆᔨᓯᐅᑎᒧᑦ ᐃᒃᐱᐊᕐᔪᖕᒥᓄᑦ ᓇᒃᓴᕐᑕᒥᓄᑦ; ᐃᓪᓘᓂᓗ ᑎᒍᒥᐊᕐᐹ, ᐱᓕᔅᑍᓂᒥᐅᕐᓗ ᐅᐸᓕᕐᓗᒍ.
ᑍᕕᑎᐅᑉ ᓵᓚᖃᕐᓂᖓ ᒎᓕᐊᒥᒃ
41ᐱᓕᔅᑍᓂᒥᐅᕐᓗ ᐱᓱᓕᕐᐳᖅ ᑍᕕᑎ ᖃᒡᓕᓕᕐᓗᒍ, ᐊᖑᓪᓗ ᓴᐴᓗᑕᖓᓂᒃ ᐊᒡᔭᕐᓯᔪᖅ ᓯᕗᓪᓕᐅᕗᖅ ᑖᑦᓱᒪᓐᖓᑦ. 42ᐱᓕᔅᑍᓂᒥᐅᕐᓗ ᑕᑯᓴᕋᒥ ᑍᕕᑎ ᑕᑯᕚ, ᐃᔪᕆᕚᓗ ᒥᑕᐅᑎᒋᓪᓗᒍ; ᓄᑲᑉᐱᐊᕕᓂᐅᖕᒪᑦ, ᐊᐅᐸᓛᖓᓪᓗᓂᓗ ᑕᑯᒥᓇᕐᑑᖕᒪᑦ. 43ᐱᓕᔅᑍᓂᒥᐅᕐᓗ ᐅᖃᕐᐳᖅ ᑍᕕᑎᒧᑦ, “ᕿᒻᒥᐅᕗᖔ, ᕾᒐᕕᑦ ᐊᔭᐅᑉᐱᐊᓕᔭᕐᓗᑎᑦ?” ᑍᕕᑎᓗ ᐅᖃᕐᓂᕐᓘᑎᒋᕚ ᒎᑎᒋᔭᓂ ᑍᓪᓗᓂᐅᒃ. 44ᐱᓕᔅᑍᓂᒥᐅᕐᓗ ᑍᕕᑎᒧᑦ ᐅᖃᕐᐳᖅ, “ᕾᒋᑦ, ᑎᒦᑦ ᑐᓂᓂᐊᕋᒃᑯ ᑎᖕᒥᐊᓄᑦ ᖃᖓᑕᖃᑦᑕᕐᑐᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ.”
45ᑕᕝᕙ ᑍᕕᑎ ᐅᖃᕐᐳᖅ ᐱᓕᔅᑍᓂᒥᐅᒧᑦ, “ᕾᕗᑎᑦ ᓴᕕᒡᔪᐊᖃᕐᓗᑎᑦ ᖃᓗᒋᐊᖃᕐᓗᑎᓪᓗ ᐅᓈᖃᕐᓗᑎᓪᓗ; ᐅᕙᖓᓕ ᕾᕗᖓ ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑕ ᐊᑎᖓᓂ, ᒎᑎᐅᔪᒧᑦ ᐃᓴᕆᐊᓕᒥᐅᑦ ᐅᓇᑕᕐᑐᒃᓴᖏᓐᓄᑦ, ᑖᓐᓇ ᓇᕐᕈᓇᕐᓯᑎᓚᐅᕐᑍᑦ. 46ᐅᓪᓗᒥ ᑕᕝᕙᓂ ᐊᑕᓂᐅᑉ ᑐᓂᓂᐊᕐᐹᑎᑦ ᐱᔪᓐᓇᕐᓂᓐᓄᑦ, ᐱᒋᐊᕐᓂᐊᕐᐸᒋᑦ, ᓂᐊᖁᐃᓪᓗ ᓇᑲᓐᓂᐊᕐᐸᕋ; ᐅᓪᓗᒥᓗ ᐱᓕᔅᑍᓂᒥᐅᑦ ᑕᖕᒫᕐᓯᒪᕕᖓᓂ ᑎᒥᕕᓃᑦ ᑐᓂᓂᐊᕐᐸᕋ ᑎᖕᒥᐊᓄᑦ ᖃᖓᑕᖃᑦᑕᕐᑐᓄᑦ ᐅᒫᔪᓄᓪᓗ ᓄᓇᒦᑦᑐᓄᑦ; ᓄᓇᕐᔪᐊᕐᒥᐅᓕᒫᑦ ᖃᐅᔨᖁᓪᓗᒋᑦ ᐃᓴᕆᐊᓕᒥ ᒎᑎᑕᖃᕐᒪᑦ. 47ᐅᑯᐊᓗ ᑲᑎᒪᔪᓕᒫᑦ ᖃᐅᔨᖁᓪᓗᒋᑦ ᐊᑕᓂᖅ ᐱᐅᓕᒃᓯᖏᒻᒪᑦ ᓴᕕᒡᔪᐊᒃᑯᑦ ᖃᓗᒋᐊᒃᑯᓪᓗ; ᐅᓇᑕᕐᓂᖅ ᐊᑕᓂᐅᑉ ᐅᓇᑕᕐᓂᕆᕚ ᑐᓂᓂᐊᕐᐹᑎᓪᓗ ᐱᔪᓐᓇᕐᓂᑦᑎᓐᓄᑦ.”
48ᐱᓕᔅᑍᓂᒥᐅᖅ ᕾᓕᕐᒪᑦ ᖃᒡᓕᒋᐊᕐᓗᓂ ᑍᕕᑎ ᐅᐸᓕᕐᓗᒍ, ᑍᕕᑎ ᑐᐊᕕᕐᓗᓂ ᐅᓪᓚᒃᓯᕗᖅ ᐅᓇᑕᕐᕕᐅᕙᒃᑐᒧᑦ ᐱᓕᔅᑍᓂᒥᐅᖅ ᐅᐸᓕᕐᓗᒍ. 49ᑍᕕᑎᓗ ᐃᒃᐱᐊᕐᔫᑉ ᐃᓗᐊᓂᑦ ᑎᒍᓯᕗᖅ ᐅᔭᕋᖕᒥᒃ; ᐃᓪᓘᕆᐊᕐᓗᓂᓗ ᑖᑦᓱᒧᖓ, ᐃᓪᓘᕐᐹᓗ ᐱᓕᔅᑍᓂᒥᐅᖅ ᖃᐅᖓᒍᑦ; ᐅᔭᕋᒡᓗ ᐃᑎᕐᐳᖅ ᖃᐅᖓᓄᑦ, ᓯᕗᒧᓪᓗ ᐅᕐᕈᓪᓗᓂ ᓄᓇᒧᑦ. 50#ᓴᒧᐃᓕ ᐂᑉᐸᖏᑦ 21:19.ᑕᕝᕙ ᑍᕕᑎ ᓵᓚᖃᕐᐳᖅ ᐱᓕᔅᑍᓂᒥᐅᑕᕐᒥᒃ ᐃᓪᓘᕐᒧᑦ ᐅᔭᕋᖕᒧᓪᓗ, ᐱᓕᔅᑍᓂᒥᐅᑕᕐᓗ ᐃᓪᓘᕐᐹ ᑐᖁᓪᓗᒍᓗ; ᑍᕕᑎᓕ ᓴᕕᒡᔪᐊᓕᔭᓚᐅᓐᖏᓚᖅ. 51#ᓴᒧᐃᓕ ᐂᑉᐸᖏᑦ 21:19.ᑕᕝᕙ ᑍᕕᑎ ᐅᒡᓚᒃᓯᓪᓗᓂ ᐱᓕᔅᑍᓂᒥᐅᑕᖅ ᐅᐸᒃᐹ, ᓴᕕᒡᔪᐊᖓᓗ ᐊᒧᓪᓗᒍ ᐴᖓᓂᑦ, ᑐᖁᑉᐹ, ᓂᐊᖁᐊᓗ ᓇᑲᓪᓗᒍ ᑖᑦᓱᒧᖓ. ᐱᓕᔅᑍᓂᒥᐅᓪᓕ ᑕᑯᒐᒥᒃ ᐱᒃᑲᖁᑎᖓᑕ ᑐᖁᑕᐅᓂᖓᓂᒃ, ᕿᒪᒃᓯᕗᑦ. 52ᐊᖑᑏᓪᓗ ᐃᓴᕆᐊᓕᒥᐅᑦ ᔫᑕᒥᐅᓪᓗ ᒪᑭᑉᐳᑦ ᓂᓪᓕᐊᓪᓗᑎᒡᓗ ᐱᓕᔅᑍᓂᒥᐅᑦ ᒪᓕᒃᓴᕐᐰᑦ ᐃᑯᕋᓂᐅᑉ ᐃᑎᕐᑕᕐᕕᖓ ᓇᕐᓴᒦᑦᑐᖅ ᑎᑭᓪᓗᒍ, ᐃᑭᓕᕐᑕᐅᔪᓪᓗ ᐱᓕᔅᑍᓂᒥᐅᑦ ᐊᖅᑯᑖᓂ ᐅᕐᕉᕋᕐᐳᑦ ᓵ-ᐊᕅᒻ ᐊᖅᑯᑖᓂ ᒑᑎᓗ ᐃᑯᕋᓂᓗ ᑎᑭᓪᓗᒋᑦ. 53ᐃᓴᕆᐊᓕᒥᐅᓪᓗ ᐅᑎᕐᐳᑦ ᒪᓕᓚᐅᕐᓗᑎᒃ ᐱᓕᔅᑍᓂᒥᐅᓂᒃ, ᑐᐱᖏᓪᓗ ᓇᒃᕚᕐᑕᕐᕕᒋᓕᕐᐰᑦ. 54ᑍᕕᑎᐅᓪᓗ ᐱᓕᔅᑍᓂᒥᐅᑉ ᓂᐊᖁᐊ ᑎᒍᕚ ᓇᒃᓴᕐᓗᒍᓗ ᔨᕉᓴᓕᒧᑦ; ᓴᕕᒡᔪᐊᖓᓕ ᐅᓇᑕᐅᑎᖓ ᑐᐱᕐᒥᓄᐊᕈᑎᕚ.
ᑍᕕᑎᐅᑉ ᓴᐅᓕᒧᐊᕈᑦᔭᐅᓂᖓ
55ᓴᐅᓕᓕ ᑍᕕᑎᒥᒃ ᑕᑯᓐᓇᕋᒥ ᐱᓕᔅᑍᓂᒧᑦ ᐂᓕᕐᑎᓪᓗᒍ, ᐋᑉᓄᒧᑦ ᐅᖃᕐᐳᖅ, ᐅᓇᑕᕐᑐᒃᓴᓄᑦ ᐊᖓᔪᖅᑲᐅᔪᒧᑦ, “ᐋᑉᓅ ᑭᐊᖑᓇ ᐃᕐᓂᖓ ᐃᓅᓱᒃᑐᖅ?”
ᐋᑉᓄ ᐅᖃᕐᐳᖅ, “ᐊᖓᔪᖅᑳᕐᔪᐊᖅ, ᖃᐅᔨᒪᓐᖏᓚᖓ.”
56ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᐊᑏ ᖃᐅᔨᒋᐊᓕᕆᑦ ᑭᓇᒧᑦ ᑖᓐᓇ ᐃᕐᓂᕆᔭᐅᖕᒪᖔᑦ ᐃᓅᓱᒃᑐᖅ.”
57ᑍᕕᑎᓗ ᐅᑎᕐᒪᑦ ᑐᖁᑦᓯᓚᐅᕐᓗᓂ ᐱᓕᔅᑍᓂᒥᐅᒥᒃ, ᐋᑉᓅᑉ ᓴᐅᓕᒧᐊᕈᑎᕚ, ᐱᓕᔅᑍᒥᐅᑕᐅᑉ ᓂᐊᖁᐊᓂᒃ ᑎᒍᒥᐊᕐᑎᓪᓗᒍ. 58ᓴᐅᓕᐅᓪᓗ ᐅᖃᐅᑎᕚ, “ᐃᓅᓱᒃᑑᖅ, ᑭᐊ ᐃᕐᓂᕆᕚᑎᑦ?”
ᑍᕕᑎ ᑭᐅᕗᖅ, “ᐱᔨᕕᑦ ᔨᓯᐅᑉ ᐱᑦᓕᐊᒥᐅᑕᐅᑉ ᐃᕐᓂᕆᕚᖓ.”
Currently Selected:
ᓴᒧᐃᓕ ᓯᕗᓪᓖᑦ 17: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
