ᐊᑕᓃᑦ ᓯᕗᓪᓖᑦ 20
20
ᐅᓇᑕᕐᓂᖅ ᓯᕆᐊᒥᐅᓂᒃ
1ᓯᕆᐊᒥᐅᑦ ᐊᖓᔪᖅᑳᕐᔪᐊᖓ ᐱᓐ-ᕼᐊᑖᑦ ᐅᓇᑕᕐᑎᖁᑎᓕᒫᒥᓂᒃ ᑲᑎᕐᓱᐃᕗᖅ, ᐊᖓᔪᖅᑳᕐᔪᐊᓪᓗ 32 ᐃᓚᒋᕔᑦ, ᕿᒻᒥᕐᔪᐊᖏᓪᓗ ᐅᓇᑕᐅᑎᖏᓪᓗ ᐊᒃᓴᓗᐊᓖᑦ; ᒪᔪᐊᕋᒥᓗ ᐅᓇᑕᕆᐊᕐᐳᖅ ᓴᒥᐊᕆᐊᓗ ᓵᓚᒋᓪᓗᒍ. 2ᐅᖃᕆᐊᕐᑐᕐᑎᑦᓯᕗᓪᓗ ᐃᒡᓗᒐᓴᖕᓄᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᑦ ᐂᕼᐊᑉᒧᑦ, ᐅᖃᐅᑎᓪᓗᒍ, “ᐱᓐ-ᕼᐊᑖᑎ ᐃᒫᒃ ᐅᖃᕐᒪᑦ: 3‘ᓯᐅᓪᕕᕆᑎᑦ ᒎᓗᑎᓪᓗ ᐱᒋᕙᒃᑲ; ᐱᐅᓂᕐᐹᖁᑎᑎᓪᓗ ᓄᓕᐊᑎᑦ ᕿᑐᕐᖓᑎᓪᓗ ᑖᒃᑯᐊᑦᑕᐅᖅ ᐱᒋᒋᕙᒃᑲ.’”
4ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓ ᑭᐅᕗᖅ, ᐅᖃᕐᓗᓂ, “ᓲᕐᓗ ᐅᖃᕋᕕᑦ ᐊᑕᓃᖅ, ᐊᖓᔪᖅᑳᕐᔪᐊᒃ, ᑍᒤᓕᕐᓕ, ᐃᓕᖕᓄᑦ ᐱᖁᑕᐅᕗᖓ, ᐱᖁᑎᓕᒫᒃᑲᓗ ᐱᒋᕙᑎᑦ.”
5ᐅᖃᕆᐊᕐᑐᕐᑎ ᐅᑎᕋᒥ ᐅᖃᕐᐳᖅ, “ᐱᓐ-ᕼᐊᑖᑦ ᐅᖃᕐᐳᖅ, ‘ᐃᓛᒃ ᐅᖃᕐᑎᑦᓯᓚᐅᕐᐳᖓ, ᐅᖃᕐᑐᒥᒃ, “ᓯᐅᓪᕕᕆᑎᑦ ᒎᓗᑎᑦ ᓄᓕᐊᑎᑦ ᕿᑐᕐᖓᑎᓪᓗ ᕾᒃᑭᑦ,” 6ᐱᔨᒃᑲ ᑎᓕᓛᕐᐸᒃᑲ ᖃᐅᒃᐸᑦ ᑍᒤᓪᓗᐊᓕᕐᐸᑦ, ᕿᓂᕆᐊᕈᒫᕐᐳᑦ ᐃᒡᓗᖕᓄᑦ, ᐱᔨᕕᓪᓗ ᐃᒡᓗᖏᓐᓂᒃ, ᐃᒤᓕᐅᓛᕐᐳᖅ, ᐱᐅᒋᔭᓕᒫᒥᖕᓂᒃ ᐱᓗᑎᒃ ᐊᐅᓪᓚᕈᑎᔪᒫᕐᐰᑦ.’”
7ᑕᕝᕙ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓ ᑲᑎᖁᔨᕗᖅ ᐊᖓᔪᖅᑳᓂᒃ ᓯᕗᓕᕐᑎᐅᔪᓕᒫᓂᒃ ᓄᓇᒥᖕᓂ, ᐅᖃᐅᑎᓪᓗᒋᑦ, “ᑐᓴᕆᑦᓯ, ᒫᓐᓇ ᐊᖑᑦ ᐅᕙᑦᑎᓐᓂᒃ ᓱᕅᓇᓱᐊᕐᑐᖅ, ᐅᖃᐅᑦᔭᐅᔭᕐᑐᕐᑎᓚᐅᕐᒪᖓ ᓄᓕᐊᒃᑲ ᕿᑐᕐᖓᒃᑲᓗ, ᓯᐅᓪᕕᕇᑦ ᒎᓗᐃᓪᓗ ᐱᔪᒪᓪᓗᒋᑦ, ᕿᐱᓗᓚᐅᓐᖏᓚᕋᓗ.”
8ᐊᖓᔪᖅᑳᓕᒫᓪᓗ ᐃᓄᓕᒫᓪᓗ ᐅᖃᕐᐳᖅ, “ᓈᓚᒃᑍᓕᒍᒃ, ᐊᖏᕐᑍᓕᓗᒍᓗ.”
9ᑍᒤᒻᒪᑦ ᐱᓐ-ᕼᐊᑖᑎᐅᑉ ᐅᖃᕆᐊᕐᑐᕐᑎᑕᖏᓐᓄᑦ ᐅᖃᕐᐳᖅ, “ᐊᑕᓂᕋ ᐊᖓᔪᖅᑳᕐᔪᐊᖅ ᐅᖃᐅᑎᒍᒃ, ‘ᓯᕗᓪᓕᕐᒥ ᐱᔪᒪᓚᐅᕐᑕᑎᑦ ᐊᖏᓚᕐᐸᒃᑲ; ᑭᓯᐊᓂᓕ ᑭᖑᓪᓕᕐᓄᑦ ᐊᖏᕈᓐᓇᓐᖏᓚᖓ.’” ᐅᖃᕆᐊᕐᑐᕐᑎᓗ ᐅᖃᕆᐊᕐᑐᓚᐅᕐᓗᓂ ᐅᑎᕐᒥᒐᒥ ᐅᖃᕐᐳᖅ. 10ᐱᓐ-ᕼᐊᑖᑎᐅᑉ ᐅᖃᕆᐊᕐᑐᕐᑎᑉᐹᖓ ᐅᖃᕐᓗᓂ, “ᒎᑎᓐᓄᑦ ᐱᒋᐊᕐᑕᐅᓗᖓ, ᓱᒋᐊᕐᑕᐅᓂᐊᕐᐳᖓ, ᓴᒥᐊᕆᐊ ᓄᖑᑕᐅᑎᓐᓂᐊᖏᒃᑯᒃᑯ ᐃᓄᖕᓄᑦ ᒪᓕᒃᑐᓄᑦ ᐅᕙᓐᓂᒃ!”
11ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓ ᑭᐅᕗᖅ ᐅᖃᕐᓗᓂ, “ᐅᖃᐅᑎᒍᒃ, ‘ᓴᐴᓗᑕᒥᓂᒃ ᐊᑎᔪᖅ ᐃᒻᒥᓂᒃ ᐱᐅᔪᕆᓐᖏᓚᐅᕐᓕ, ᓴᐴᓗᑕᒥᓂᒃ ᐲᕐᓯᔪᑎᑐᑦ.’”
12ᐱᓐ-ᕼᐊᑖᑎᐅᑉ ᑕᒪᓐᓇ ᑐᓴᕋᒥᐅᒃ ᐅᖃᐅᓯᕆᔭᐅᔪᖅ ᐊᖓᔪᖅᑳᕐᔪᐊᑉ ᐱᖃᑎᒋᓪᓗᒋᑦ ᐃᒥᕐᑎᓪᓗᒋᑦ ᓇᔪᕐᑕᒥᓂ, ᐃᓚᒥᓄᑦ ᐅᖃᕐᐳᖅ, “ᐊᑐᐃᓐᓇᕈᓕᕆᑦᓯ.” ᑕᕝᕙ ᐊᑐᐃᓐᓇᕈᕐᐳᑦ ᐅᓇᑕᕆᐊᕈᒪᓪᓗᑎᒃ ᐃᒡᓗᒐᓴᖕᓄᑦ.
13ᑕᑯᒋᓪᓗ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᐅᐸᒍᑎᕗᖅ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᑦ ᐂᕼᐊᑉᒧᑦ, ᐅᖃᐅᑎᓪᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ‘ᑕᑯᓚᐅᕐᐱᒌᑦ ᐃᓄᒐᓴᒡᔪᐊᑦ? ᑕᑯᒋᑦ, ᐊᒡᒐᖕᓄᑦ ᑐᓂᓂᐊᕐᐸᒃᑲ ᐅᓪᓗᒥ; ᖃᐅᔨᓂᐊᕋᕕᑦ ᐅᕙᖓ ᐊᑕᓂᐅᒐᒪ.’”
14ᐂᕼᐊᑉᓗ ᐊᐱᕆᕗᖅ, “ᑭᓇ ᐅᓇᑕᕐᑐᓂᒃ ᓯᕗᓕᕐᓂᐊᕐᐸ?”
ᐅᖃᐅᑎᕚ, “ᐊᑕᓂᖅ ᐅᖃᕐᐳᖅ, ᐃᓅᓱᒃᑐᑦ ᐅᓇᑕᕐᑏᑦ ᐊᖓᔪᖅᑳᖃᕐᓗᑎᒃ ᓄᓇᓕᖕᓂ ᐊᐅᓚᑦᓯᔨᓂᒃ.”
ᐊᖓᔪᖅᑳᕐᔪᐊᕐᓗ ᐊᐱᕆᕗᖅ, “ᑭᓇ ᐅᓇᑕᕐᑐᓕᒫᓄᑦ ᐊᖓᔪᖅᑳᖑᓂᐊᕐᐹᑦ?”
ᑭᐅᕚ, “ᐃᕝᕕᑦ.”
15ᑕᕝᕙ ᐃᓅᓱᒃᑐᑦ ᐅᓇᑕᕐᑏᑦ ᓄᓇᓕᖕᓂᑦ ᐊᐅᓚᑦᓯᔩᑦ ᐱᔨᖏᑦ ᑲᑎᑎᑉᐰᑦ, ᑲᑎᓪᓗᒋᑦ 232ᖑᕗᑦ, ᑖᒃᑯᐊ ᑭᖑᓂᖓᓐᓂ ᐃᓴᕆᐊᓕᒃᑯᑦ ᐅᓇᑕᕐᑎᖏᑦ ᑲᑎᓪᓗᒋᑦ, ᐅᓄᕐᓂᖃᕐᑐᑦ 7,000ᓂᒃ.
16ᐊᐅᓪᓚᕐᐳᓪᓗ ᐅᓪᓗᖅ ᕿᑎᕋᓕᕐᑎᓪᓗᒍ, ᑍᒤᓕᐅᕐᑎᓪᓗᒋᑦ ᐱᓐ-ᕼᐊᑖᑎᒃᑯᑦ ᐊᖓᔪᖅᑳᕐᔪᐊᓪᓗ 32ᖑᔪᑦ ᐃᒥᖃᑎᒌᒃᐳᑦ ᐋᖓᔮᓕᕐᓗᑎᒃ ᓇᔪᕐᑕᒥᓂ ᐊᖓᔪᖅᑲᐅᕕᖕᒥᓂ.
17ᑕᕝᕙ ᐃᓅᓱᒃᑐᑦ ᐅᓇᑕᕐᑏᑦ ᓄᓇᓕᖕᓂᑦ ᐊᐅᓚᑦᓯᔩᑦ ᐱᔨᖏᑦ ᐊᐅᓪᓚᕐᐳᑦ. ᐱᓐ-ᕼᐊᑖᑦ ᑎᓕᓯᕗᖅ ᖃᐅᔨᓴᕆᐊᕐᑐᓂᒃ, ᑖᒃᑯᐊᓗ ᐅᖃᐅᑎᕚᑦ, “ᐊᖑᑏᑦ ᓴᒥᐊᕆᐊᒥᑦ ᐊᓂᕗᑦ!” 18ᑕᕝᕙ ᑎᓕᓪᓗᒋᑦ ᐅᖃᐅᑎᕔᑦ, “ᐅᓇᑕᕆᐊᖏᓪᓗᑎᒃ ᕾᒃᐸᑕ, ᐅᓇᑕᕆᐊᕋᓗᐊᕐᐸᑕᓗ, ᑐᖁᖏᓪᓗᒋᑦ ᑎᒍᓂᐊᕐᐸᓯ.”
19ᑕᕝᕙ ᐃᓅᓱᒃᑐᑦ ᐅᓇᑕᕐᑏᑦ ᓄᓇᓕᖕᓂᑦ ᐊᐅᓚᑦᓯᔩᑦ ᐱᔨᖏᑦ ᐃᒡᓗᒐᓴᖕᓂᑦ ᐊᓂᕗᑦ, ᒪᓕᒃᑕᐅᓪᓗᑎᒃ ᐅᓇᑕᕐᑐᒃᓴᓄᑦ. 20ᐊᑐᓂᑦ ᐊᑭᓕᒥᖕᓂᒃ ᐊᖑᑎᓂᒃ ᑐᖁᑦᓯᕗᑦ; ᑍᒤᒻᒪᑦ ᓯᕆᐊᒥᐅᑦ ᕿᒫᕗᑦ, ᐃᓴᕆᐊᓕᒥᐅᓪᓗ ᒪᓕᒃᐰᑦ, ᐱᓐ-ᕼᐊᑖᑎᓕ ᓯᕆᐊᒥᐅᑦ ᐊᖓᔪᖅᑳᕐᔪᐊᖓ ᕿᒫᕗᖅ ᕿᒻᒥᕐᔪᐊᒃᑯᑦ ᐊᓐᓇᒃᓗᓂ ᕿᒻᒥᕐᔪᐊᒃᑰᕐᑐᑦ ᐃᓚᒋᓪᓗᒋᑦ. 21ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓ ᒪᓕᒃᓴᕐᐳᖅ, ᕿᒻᒥᕐᔪᐊᓕᖕᓂᒃ ᑲᓕᒐᓕᖕᓂᒡᓗ ᐊᒃᓴᓗᐊᓕᖕᓂᒃ ᓵᓚᒋᓪᓗᒋᓪᓗ, ᓯᕆᐊᒥᐅᓪᓗ ᑐᖁᕋᕐᐰᑦ ᐅᓄᕐᑐᕐᔪᐊᑦ.
22ᑕᕝᕙ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᕾᕗᖅ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᑦ, ᐅᖃᐅᑎᓪᓗᒍᓗ, “ᐅᑎᕐᓗᑎᑦ ᑕᕾᕐᓯᕆᐊᕐᑐᓕᕆ, ᑲᒪᑦᓯᐊᕐᓗᑎᓪᓗ ᐱᔭᕆᐅᕐᓮᑦᓯᐊᕐᓂᐊᕐᐳᑎᑦ; ᐅᐱᕐᖔᖑᓕᕐᐸᑦ ᓯᕆᐊᒥᐅᑦ ᐊᖓᔪᖅᑳᕐᔪᐊᖓ ᐅᓇᑕᕆᐊᓛᕐᒥᖕᒪᑦ ᐃᓕᖕᓂᒃ.”
ᓯᕆᐊᒥᐅᑉ ᑭᖑᓪᓕᕐᒥᒃ ᐅᓇᑕᕆᐊᒃᑲᓐᓂᕐᓂᖏᑦ
23ᓯᕆᐊᒥᐅᓪᓗ ᐊᖓᔪᖅᑳᕐᔪᐊᖓᑕ ᐱᔨᖏᑕ ᐊᖓᔪᖅᑳᓂ ᐅᖃᐅᑎᕚᑦ, “ᒎᑎᖏᑦ ᒎᑎᐅᕗᑦ ᖃᖅᑲᒥᐅᓄᑦ, ᑍᒤᒻᒪᑦ ᐅᕙᑦᑎᓐᓂᑦ ᓲᖑᓂᕐᓴᐅᓚᐅᕐᐳᖅ; ᑭᓯᐊᓂᓕ ᐅᓇᑕᕈᑦᑎᒍᑦ ᓇᑎᕐᓇᒥ, ᖁᓚᕐᓇᓐᖏᓚᖅ ᑖᒃᑯᓇᓐᖓᑦ ᓲᖑᓂᕐᓴᐅᓛᕐᐳᒍᑦ. 24ᐃᒤᓕᐅᓚᐅᕆᑦ, ᐊᖓᔪᖅᑳᕐᔪᐊᑦ ᓄᖅᑲᕐᑎᓚᐅᒃᑭᑦ ᐃᓂᒋᔭᖏᓐᓂᑦ, ᑭᖑᕝᕕᖔᕐᓗᒋᑦ ᐅᓇᑕᕐᑐᒃᓴᓄᑦ ᐊᖓᔪᖅᑳᓂᒃ, 25ᑲᑎᕐᓱᐃᓗᑎᓪᓗ ᐅᓇᑕᕐᑐᒃᓴᓂᒃ ᐊᓯᐅᔨᓚᐅᕐᑕᕐᑐᑦ ᐅᓄᕐᑎᒋᔪᓂᒃ, ᕿᒻᒥᕐᔪᐊᓂᒃ ᑲᓕᒐᕐᓂᒡᓗ ᐊᒃᓴᓗᐊᓕᖕᓂᒃ; ᐅᓇᑕᕐᑕᒃᓴᕆᕙᕗᑦ ᓇᑎᕐᓇᒥ, ᖁᓚᕐᓇᓐᖏᓚᖅ ᑖᒃᑯᓇᓐᖓᑦ ᓲᖑᓂᕐᓴᐅᓛᕐᐳᒍᑦ.”
ᑖᒃᑯᐊᓗ ᐅᖃᐅᓯᖏᑦ ᓈᓚᒃᓗᒋᑦ, ᑍᒤᓕᐅᓕᕐᐳᖅ. 26ᑍᒤᓕᐅᓕᓚᐅᕐᐳᖅ, ᐊᕐᕌᒍᑎᓪᓗᒍ ᐅᐱᕐᖓᒃᑯᑦ, ᐱᓐ-ᕼᐊᑖᑎᐅᑉ ᓯᕆᐊᒥᐅᑦ ᑲᑎᕐᓱᓚᐅᕐᓗᒋᑦ, ᐊᐱᒃᒧᓪᓗ ᑎᑭᑉᐳᑦ, ᐃᓴᕆᐊᓕᒥᐅᓂᒃ ᐅᓇᑕᕆᐊᕐᓗᑎᒃ. 27ᐃᓴᕆᐊᓕᒥᐅᑉ ᐃᓄᖏᑦ ᑲᑎᕐᓱᕆᕗᑦ ᐃᓂᒃᓴᒥᓅᖅᑲᕐᓗᑎᒡᓗ, ᐅᓇᑕᕆᐊᓕᕐᓗᑎᒃ ᑖᒃᑯᓂᖓ; ᐃᓴᕆᐊᓕᒥᐅᑦ ᐃᓄᖏᑦ ᑕᖕᒫᕋᒥᒃ ᒎᑦᓯᑎᑐᑦ ᒪᕐᕈᐃᓕᖅᑲᖔᔪᒃᑎᑐᑦ ᑲᑎᓐᖓᔪᑎᑐᑦ ᑍᒤᓚᐅᕐᐳᑦ, ᓯᕆᐊᒥᐅᓪᓕ ᓄᓇᓕᒫᒥᒃ ᓈᔨᓯᒪᑎᓪᓗᒋᑦ.
28ᒎᑎᐅᑉ ᐃᓄᖁᑎᖓ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᓄᐊᕋᒥ ᐅᖃᐅᑎᕚ, “ᐊᑕᓂᖅ ᐃᒫᖅ ᐅᖃᕐᐳᖅ, ‘ᓯᕆᐊᒥᐅᑦ ᐃᒫᒃ ᐅᖃᓚᐅᕐᒪᑕ, “ᐊᑕᓂᖅ ᒎᑎᐅᕗᑦ ᖃᖅᑲᒥᐅᓄᑦ ᓇᕐᓴᒥᐅᓄᓪᓕ ᒎᑎᐅᓐᖏᓚᖅ,” ᑍᒤᒻᒪᑦ ᑖᒃᑯᐊ ᐅᓄᕐᑐᕐᔪᐊᑦ ᐃᓕᖕᓄᑦ ᑐᓂᓂᐊᕐᐸᒃᑲ, ᖃᐅᔨᖁᓪᓗᑎᑦ ᐅᕙᖓ ᐊᑕᓂᐅᒐᒪ.’”
29ᑕᖕᒫᕐᓯᒪᓚᐅᕐᐳᑦ ᐊᑭᓕᕇᒡᓗᑎᒃ ᐅᓪᓗᓂᒃ 7ᓂᒃ. ᐅᓪᓘᑉ 7ᖓᓐᓂ ᐅᓇᑕᕆᐊᕐᐳᑦ; ᐃᓴᕆᐊᓕᒥᐅᓪᓗ ᐃᓄᖏᑦ ᓯᕆᐊᒥᐅᓂᒃ ᐱᓱᒃᑎᓂᒃ ᑐᖁᑦᓯᕗᑦ 100,000ᓂᒃ ᐅᓪᓗᒥ ᐊᑕᐅᓯᕐᒥ. 30ᐊᓯᖏᓪᓗ ᕿᒫᕗᑦ ᐊᐱᒃ ᐃᒡᓗᒐᓴᖏᓐᓄᑦ; ᑖᒃᑯᐊᓗ ᐊᒥᐊᒃᑯᐃᑦ ᐊᕙᓗᕐᔪᐊᒧᑦ ᑲᑕᒡᕕᐅᕗᑦ 27,000ᓮᑦ.
ᐱᓐ-ᕼᐊᑖᑎᑦᑕᐅᖅ ᕿᒫᒋᕗᖅ ᐃᒡᓗᒐᓴᖕᓄᑦ, ᐃᒡᓗᐃᑦ ᐃᓗᓪᓕᕐᐹᖏᓐᓃᑦᑐᓄᑦ. 31ᐊᖓᔪᖅᑳᖁᑎᖏᑕᓗ ᐅᐸᒡᓗᒍ ᐅᖃᐅᑎᕚᑦ, “ᑕᑯᒋᑦ ᒫᓐᓇ, ᑐᓴᐅᒪᕗᒍᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖏᑦ ᓂᑲᒍᓱᓲᖑᖕᒪᑕ; ᐊᑏ ᐃᒃᐱᐊᕐᔪᖕᓂᒃ ᖃᕿᐊᓕᕐᑐᕐᓯᐅᑎᓂᒃ ᕿᑎᕉᓯᕐᓗᑕ ᐊᒃᓗᓈᒥᒡᓗ ᖁᖓᓯᑦᑎᓐᓄᑦ ᕿᓚᒃᓯᓗᑕ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᐊᓚᐅᕐᑕ; ᐃᒻᒪᖄ ᑐᖁᓐᓂᐊᓐᖏᓛᑎᑦ.” 32ᑍᒤᒻᒪᑦ ᐃᒃᐱᐊᕐᔪᖕᓂᒃ ᖃᕿᐊᓕᕐᑐᕐᓯᐅᑎᓂᒃ ᕿᑎᕉᓯᕐᐳᑦ ᐊᒃᓗᓈᒥᒡᓗ ᖁᖓᓯᕐᒥᖕᓄᑦ ᕿᓚᒃᓱᐃᕗᑦ, ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓᓄᐊᕋᒥᒃ ᐅᖃᐅᑎᕚᑦ, “ᐱᔩᑦ ᐱᓐ-ᕼᐊᑖᑦ ᐅᖃᕐᒪᑦ, ‘ᕿᓄᕕᒋᕙᒋᑦ ᐃᓅᑎᓚᐅᓐᖓ.’”
ᐂᕼᐊᐱᓗ ᐅᖃᕐᐳᖅ, “ᐃᓅᖕᒪᓱᓖ? ᖃᑕᓐᖑᑎᒋᔮᑐᐃᓐᓇᕐᑕᕅᓐᓇ.”
33ᐊᖑᑏᓪᓗ ᑖᒃᑯᐊ ᖃᐅᔨᓴᑦᓯᐊᕐᐳᑦ ᖃᓄᐃᓐᓂᐊᕐᒪᖔᑦ ᓂᑲᒍᓱᖕᓂᐊᕐᒪᖔᑦ, ᐅᖃᐅᓯᖓᓗ ᒪᓕᒡᓗᒍ ᐅᖃᑲᐅᕐᑐᕐᐳᖅ, “ᖃᑕᓐᖑᑏᓂᓐᓇ ᐱᓐ-ᕼᐊᑖᑎ.”
ᐅᖃᕐᐳᖅ, “ᐂᓗᓯ ᕾᑎᓯᐅᒃ.” ᑕᕝᕙ ᐱᓐ-ᕼᐊᑖᑎᐅᑉ ᐅᐸᒃᐹ, ᐃᑭᑎᑉᐹᓗ ᕿᒧᒃᓯᐅᑎᒧᑦ ᐊᒃᓴᓗᐊᓕᖕᒧᑦ. 34ᐱᓐ-ᕼᐊᑖᑎᐅᓪᓗ ᐅᖃᐅᑎᕚ, “ᐃᒡᓗᒐᓮᑦ ᐊᑖᑕᒪ ᑎᒍᓚᐅᕐᑕᖏᑦ ᐊᑖᑕᖕᓂᑦ ᐋᖅᑭᒋᐊᑦᓯᐊᕈᒫᕐᐸᒃᑲ; ᓇᖕᒥᓂᒃᓴᕐᓂᒡᓗ ᓂᐅᕕᕐᕕᓕᐅᕈᓐᓇᕐᐳᑎᑦ ᑕᒫᓯᑰᓯᒥ, ᐊᑖᑕᒐᑐᑦ ᑍᒤᓕᐅᓚᐅᕐᒪᑦ ᓴᒥᐊᕆᐊᒥ.”
ᐂᕼᐊᐱ ᑭᐅᕗᖅ, “ᐊᐅᓪᓚᕐᑎᑦᓱᒪᕙᒋᑦ ᐊᖏᖃᑎᒋᓗᑎᑦ ᑕᒪᒃᑯᓂᖓ ᑐᓐᖓᕕᖃᕐᑎᓪᓗᒍ.” ᐊᓱᐃᓛᒃ ᖃᓄᐃᓕᐅᕈᑎᒃᓴᒥᖕᓂᒃ ᐊᖏᖃᑎᒌᒃᐴᒃ ᐊᐅᓪᓚᕐᑎᑉᐹᓗ.
ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᐂᕼᐊᐱ ᓯᕗᓂᕐᓗᖕᓂᕋᕐᑕᐅᓂᖓ
35ᐊᖑᑎᖃᓚᐅᕐᐳᖅ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐃᕐᓂᖓᓂᒃ ᐅᖃᕐᑎᐅᖃᑎᒥᓄᑦ ᐅᖃᕐᐳᖅ ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ, “ᑎᒡᓗᓚᐅᓐᖓ” ᐊᖑᑎᐅᓪᓕ ᑎᒡᓗᒍᒪᓐᖏᓛ. 36#ᐊᑕᓃᑦ ᓯᕗᓪᓖᑦ 13:24.ᑕᕝᕙ ᑖᑦᓱᒪ ᐅᖃᐅᑎᕚ, “ᐊᑕᓂᐅᑉ ᓂᐱᖓᓂᒃ ᓈᓚᓚᐅᖏᓐᓇᕕᑦ, ᑕᑯᒋᑦ, ᕿᒪᑐᐊᕈᒃᑭᑦ ᓛᔭᒧᑦ ᑐᖁᑕᐅᓂᐊᕐᐳᑎᑦ.” ᑕᕝᕙ ᕿᒪᑐᐊᕐᒪᒍ ᓛᔭᒧᑦ ᐅᐸᒃᑕᐅᒐᒥ ᑐᖁᑕᐅᕗᖅ.
37ᐊᖑᒻᒥᒃ ᓱᓕ ᑕᑯᖕᒥᒐᒥ ᐅᖃᐅᑎᕚ, “ᑎᒡᓗᓚᐅᓐᖓ.” ᐊᖑᑎᐅᓪᓗ ᐊᒃᓱᕈᕐᓗᓂ ᑎᒡᓗᖕᒪᒍ, ᐊᐅᓈᓕᕐᑎᑉᐹ. 38ᑕᕝᕙ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᑕᕝᕙᖓᑦ ᐊᐅᓪᓚᕐᐳᖅ, ᐅᑕᖅᑭᓕᕐᓗᓂᓗ ᐊᖓᔪᖅᑳᕐᔪᐊᒥᒃ ᐊᖅᑯᑎᐅᑉ ᑭᒡᓕᖓᓂ, ᐃᒻᒥᓂᒡᓗ ᐃᓕᑕᕐᓇᕈᓐᓃᕐᑎᑉᐳᖅ ᐃᔨᓂ ᒪᑦᑐᓯᕐᓗᓂᐅᒃ ᐊᓐᓄᕌᕐᒧᑦ. 39ᐊᖓᔪᖅᑳᕐᔪᐊᖅ ᐊᖅᑯᓵᓕᕐᒪᑦ, ᐊᖓᔪᖅᑳᕐᔪᕐᒧᑦ ᕾᒐᓛᕐᓗᓂ ᐅᖃᕐᐳᖅ, “ᐱᔩᑦ ᐅᓇᑕᕐᑐᓃᓚᐅᕐᐳᖅ, ᑕᑯᒋᓪᓗ, ᐅᓇᑕᕐᑎ ᕾᓪᓗᓂ ᐅᕙᓐᓄᑦ ᐊᖑᒻᒥᒃ ᕾᑦᓯᓚᐅᕐᐳᖅ, ᐅᖃᕐᓗᓂᓗ, ‘ᐅᓇ ᐊᖑᑦ ᑲᒪᒋᒍᒃ; ᕿᒪᒃᓯᑐᐊᕐᐸᑦ, ᐃᓅᓯᖓ ᐃᓅᓯᕐᓄᑦ ᐊᑭᓕᕐᑕᐅᔪᒃᓴᐅᕗᖅ, ᐅᕝᕙᓘᓐᓃᑦ ᐊᑭᓖᔪᒃᓴᐅᕗᑎᑦ ᓯᐅᓪᕕᕆᒥᒃ ᐊᑕᐅᓯᕐᒥᒃ.’ 40ᐱᔩᑦ ᐱᔭᒃᓴᖃᕐᑎᓪᓗᒍ ᐊᓯᐊᓂᒃ ᐅᕙᓂᓗ ᑖᕙᓂᓗ, ᐊᖑᑦ ᕿᒪᒃᓯᓚᐅᕐᐳᖅ.”
ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᑕ ᐅᖃᐅᑎᕚ, “ᑕᕝᕙ ᓯᕗᓂᒃᓴᖃᕐᑎᑕᐅᓂᕐᒧᑦ ᑕᒪᑐᒧᖓ ᐃᓕᖕᓂᒃ ᐅᖃᐅᓯᕆᕗᑎᑦ, ᐃᕝᕕᑦ ᑕᕝᕙ ᓇᖕᒥᓂᖅ ᐊᑭᓖᔭᕆᐊᖃᕐᓂᐊᕐᐳᑎᑦ.”
41ᑕᕝᕙ ᑐᐊᕕᕐᓗᓂ ᒪᑦᑐᑎᓂ ᐃᔨᒥᓂᑦ ᐲᕐᐹ; ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓᑕ ᐃᓕᑕᕆᕚ ᐅᖃᕐᑎᐅᖃᑕᐅᓂᖓᓂᒃ. 42ᐅᖃᐅᑎᓕᕐᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ‘ᐊᖑᒻᒥᒃ ᑐᖁᑕᐅᖁᓚᐅᕐᑕᓐᓂᒃ ᑐᖁᑦᓯᖏᓪᓗᑎᑦ ᐊᐅᓪᓚᕐᑎᑦᓯᓚᐅᕋᕕᑦ, ᑍᒤᒻᒪ ᐃᓅᓯᑦ ᐃᓅᓯᖓᓄᑦ ᐃᓇᖏᐅᑎᔪᒃᓴᐅᕗᖅ, ᐃᓄᖁᑎᖏᓪᓗ ᐃᓄᖁᑎᖕᓄᑦ.’”
43ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓ ᐊᖏᕐᕋᐅᕗᖅ ᓴᒥᐊᕆᐊᒧᑦ ᐃᓱᒪᔮᕐᓗᓂ ᕿᒃᓵᓕᕐᓗᓂᓗ.
Currently Selected:
ᐊᑕᓃᑦ ᓯᕗᓪᓖᑦ 20: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
