ᐊᑕᓃᑦ ᓯᕗᓪᓖᑦ 19
19
ᐃᓔᑦᔭᐅᑉ ᖃᖅᑲᒥ ᓮᓁᒦᓐᓂᖓ
1ᐂᕼᐊᐱᐅᑉ ᔨᔨᐱᐅᓪ ᐅᓂᒃᑲᐅᑎᕚ ᐃᓔᑦᔭᐅᑉ ᐱᓂᐊᕐᓂᕆᓚᐅᕐᑕᓕᒫᖓᓂᒃ, ᖃᓄᕐᓗ ᓴᕕᒡᔪᐊᒧᑦ ᑐᖁᕅᓂᕆᓚᐅᕐᑕᖓᓂᒃ ᐅᖃᕐᑎᓕᒫᖏᓐᓂᒃ. 2ᑕᕝᕙ ᔨᔨᐱᐅᓪ ᐅᖃᕆᐊᕐᑐᕐᑎᑦᓯᕗᖅ ᐃᓔᑦᔭᒧᑦ, ᐅᖃᕐᓗᓂ, “ᒎᑎᓄᑦ ᓱᒋᐊᕐᑕᐅᓚᖓ ᑐᖁᑕᐅᓗᖓ ᖃᐅᒃᐸᑦ ᑍᒤᓪᓗᐊᓕᕐᑎᓪᓗᒍ ᐱᓂᐊᕐᕕᒋᓂᐊᖏᒃᑯᒃᑭᑦ ᐅᖃᕐᑎᐅᓚᐅᕐᑐᓂᒃ ᐱᓂᐊᕐᓂᕆᓚᐅᕐᑕᕐᑐᑦ.” 3ᑕᕝᕙ ᑲᑉᐱᐊᓱᓕᕐᐳᖅ, ᒪᑭᓪᓗᓂᓗ ᕿᒫᒃᓯᕗᖅ ᐃᓅᓯᓂ ᐊᓐᓂᕆᓪᓗᒍ, ᐂᕗᓪᓗ ᐱᐊᕐᓰᐸᒧᑦ, ᔫᑕᐅᑉ ᓄᓇᖁᑎᖓᓄᑦ.
ᐱᔨᓂᓗ ᑕᕝᕗᖓ ᕿᒪᒃᐹ. 4#ᔫᓇ 4:3.ᐃᓔᑦᔭ ᐃᓄᑑᓪᓗᓂ ᐱᓱᓚᐅᕐᐳᖅ ᐃᓄᖃᖏᑦᑐᒧᑦ ᐅᓪᓗᓕᒫᖅ ᐃᖏᕐᕋᓂᐅᓲᑎᑐᑦ, ᓄᖅᑲᕋᒥ ᐃᖏᑉᐳᖅ ᓇᐹᕐᑑᑉ ᐳᕉᒻᒥᒃ ᐊᑎᓕᐅᑉ ᑕᕐᕋᓕᓂᖓᓄᑦ; ᑕᕝᕙᓂᓗ ᑐᒃᓯᐊᕐᐳᖅ ᑐᖁᔪᒪᓪᓗᓂ, ᐅᖃᕐᓗᓂ, “ᒫᓐᓇ ᑕᒪᓐᓇ ᐊᖏᓗᐊᓕᕐᒪᑦ; ᐊᑕᓃᖅ, ᐃᓅᓯᕋ ᑎᒍᓕᕈᒃ; ᐱᐅᓂᕐᓴᐅᖏᓐᓇᒪ ᓯᕗᓕᕆᓚᐅᕐᑕᓐᓂᑦ.”
5ᑕᕝᕙᓂᓗ ᓇᓚᓪᓗᓂ ᓯᓂᓕᕐᐳᖅ ᓇᐹᕐᑑᑉ ᐳᕉᒻᒥᒃ ᐊᑎᓕᐅᑉ ᑕᕐᕋᓕᓂᖓᓂ; ᑕᑯᒋᓪᓗ, ᐂᖏᓕᐅᑉ ᐊᒃᑐᕐᐹ, ᐅᖃᐅᑎᓪᓗᒍᓗ, “ᒪᑭᓪᓗᑎᑦ ᓂᕆᓕᕆᑦ.” 6ᑕᑯᓴᕋᒥᓗ, ᑕᑯᕗᖅ, ᓂᐊᖁᐊᑕ ᓴᓂᐊᓂ ᓂᐊᖂᔭᒥᒃ ᐆᓯᒪᔪᒥᒃ ᐅᔭᕋᖕᒧᑦ ᐆᓇᕐᑐᒧᑦ ᐃᒥᕐᒥᒡᓗ ᐃᒥᖃᐅᑎᒦᑦᑐᒥᒃ. ᓂᕆᓪᓗᓂᓗ ᐃᒥᕐᐳᖅ, ᓇᓪᓚᕋᒥᓗ ᓯᓂᓕᕆᕗᖅ. 7ᐊᑕᓂᐅᓪᓗ ᐂᖏᓕᖓ ᐂᑉᐸᖓᓂᒃ ᕾᒃᑲᓐᓂᕆᕗᖅ, ᐊᒃᑐᕐᐹᓗ, ᐅᖃᐅᕐᓗᓂᓗ, “ᒪᑭᓪᓗᑎᑦ ᓂᕆᓕᕆᑦ, ᐃᖏᕐᕋᓂᕆᓂᐊᕐᑍᑦ ᐊᔪᓗᐊᑦᓴᕐᓂᐊᕋᕕᐅᒃ.” 8ᒪᑭᓐᓇᒥᓗ ᓂᕆᕗᖅ ᐃᒥᕐᓗᓂᓗ, ᐊᐅᓪᓚᕋᒥᓗ ᓂᕆᔭᓂ ᐱᔪᓐᓇᐅᑎᒋᓚᐅᕐᐰᑦ ᐅᓪᓗᓄᑦ ᐅᓐᓄᐊᓄᓪᓗ 40ᓄᑦ ᖃᖅᑲᖅ ᕼᐆᕆᑉ ᑎᑭᓪᓗᒍ, ᒎᑎᐅᑉ ᖃᖅᑲᖁᑎᖓ. 9ᑍᑲᓂᓗ ᕾᕈᓱᖕᒧᑦ ᑎᑭᓐᓇᒥ, ᐅᓐᓄᐊᒥ ᑕᕝᕙᓂ ᓯᓂᒃᑕᕐᐳᖅ.
ᑕᑯᒋᓪᓗ, ᐊᑕᓂᐅᑉ ᐅᖃᐅᓯᖓ ᑖᑦᓱᒧᖓ ᑎᑭᑉᐳᖅ, ᐅᖃᐅᑎᕚᓗ, “ᐃᓔᑦᔮ ᖃᓄᐃᑉᐱᑦ ᑕᕝᕙᓂ?”
10 #
ᕉᒪᒥᐅᓄᑦ 11:3. ᑭᐅᕚᓗ, “ᐊᒃᓱᕉᑎᕾᓐᓇᕐᐳᖓ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ, ᐃᓴᕆᐊᓕᒥᐅᑦ ᐃᓄᖏᑕ ᐊᖏᖃᑎᒌᒍᑎᒋᓯᒪᔧᑦ ᕿᒪᒃᓯᒪᓕᕐᒪᑦᔪᒃ, ᑐᓂᕐᕈᓯᕐᕕᖁᑎᑎᓪᓗ ᓯᖁᒥᑉᐰᑦ, ᐅᖃᕐᑎᑎᓪᓗ ᑐᖁᕌᕐᐰᑦ ᓴᕕᒡᔪᐊᒧᑦ; ᐅᕙᖓᓗ, ᐅᕙᖓᑐᐊᖅ, ᐊᒥᐊᒃᑯᑑᕗᖓ, ᐅᕙᓐᓂᒡᓗ ᕿᓂᓕᕐᐳᑦ ᑐᖁᑦᓯᔪᒪᓪᓗᑎᒃ.”
11ᐊᑕᓂᐅᓪᓗ ᐅᖃᐅᑎᕚ, “ᐂᓕᕆᑦ, ᓇᖏᕆᐊᕐᑐᕐᓗᑎᑦ ᖃᖅᑲᐅᑉ ᖄᖓᓂ ᐊᑕᓂᐅᑉ ᓵᖓᓂ.” ᑕᑯᒋᓪᓗ, ᐊᑕᓂᖅ ᐊᖅᑯᓵᕐᐳᖅ, ᐊᓄᕆᕐᔪᐊᒧᑦ ᑎᑭᑕᐅᕗᖅ ᐅᔭᕅᓪᓗ ᓯᖁᑦᑎᕐᐰᑦ ᖃᖅᑲᒦᑦᑐᑦ ᐊᑕᓂᐅᑉ ᓵᖓᓂ, ᐊᑕᓂᕐᓕ ᐊᓄᕆᕐᔪᐊᒦᓚᐅᓐᖏᓚᖅ; ᐊᓄᕆᐅᑉ ᑭᖑᓂᖓᒍᑦ ᓄᓇ ᓴᔪᒃᐱᓪᓚᒃᐳᖅ, ᐊᑕᓂᕐᓕ ᓴᔪᒃᐱᓪᓚᖕᒦᓚᐅᓐᖏᓚᖅ. 12ᓴᔪᒃᐱᓪᓚᐅᓪᓗ ᑭᖑᓂᖓᒍᑦ ᐃᑯᒪ ᓄᐃᕗᖅ, ᐊᑕᓂᕐᓕ ᐃᑯᒪᒦᓚᐅᓐᖏᓚᖅ; ᐃᑯᒪᐅᑉ ᑭᖑᕐᖓᒍᑦ ᓂᐱ ᓂᓪᓕᕐᐳᖅ ᓂᐱᑭᑦᑑᓪᓗᓂ. 13ᐃᓔᑦᔭᐅᓪᓗ ᑐᓴᕋᒥᐅᒃ, ᑮᓇᓂ ᐃᒻᒧᓯᕐᐹ ᐅᓕᒡᔪᐊᒥᓄ ᐊᓂᓪᓗᓂᓗ ᕾᕈᓲᑉ ᐃᑎᕆᐊᕐᕕᖓᓄᑦ. ᑕᑯᒋᓪᓗ, ᓂᐱᒧᑦ ᑎᑭᑕᐅᕗᖅ, ᐅᖃᕐᑐᒧᑦ, “ᐃᓔᑦᔮ ᑕᒫᓂ ᖃᓄᐃᑉᐱᑦ?”
14ᑭᐅᕗᖅ, “ᐊᒃᓱᕉᑎᕾᓐᓇᕐᐳᖓ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ, ᐃᓴᕆᐊᓕᒥᐅᑦ ᐃᓄᖏᑕ ᐊᖏᕈᑎᒋᓯᒪᔧᑦ ᕿᒪᒃᓯᒪᓕᕐᒪᑦᔪᒃ, ᑐᓂᕐᕈᓯᕐᕕᖁᑎᑎᓪᓗ ᓯᖁᒥᑉᐰᑦ, ᐅᖃᕐᑎᑎᓪᓗ ᑐᖁᕌᕐᐰᑦ ᓴᕕᒡᔪᐊᒧᑦ. ᐅᕙᖓᓗ, ᐅᕙᖓᑐᐊᖅ, ᐊᒥᐊᒃᑯᑑᕗᖓ, ᐅᕙᓐᓂᒡᓗ ᕿᓂᓕᕐᐳᑦ ᑐᖁᑦᓯᔪᒪᓪᓗᑎᒃ.”
15 #
ᐊᑕᓃᑦ ᐂᑉᐸᖏᑦ 8:7-13. ᐊᑕᓂᐅᓪᓗ ᐅᖃᐅᑎᕚ, “ᐅᑎᓕᕆᑦ, ᑕᒫᓯᑰᓯᐅᑉ ᐃᓄᖃᔪᐃᑦᑐᖓᒎᕐᓗᑎᑦ; ᑎᑭᒃᑯᕕᑦ, ᕼᐊᔧᐅᓪ ᒥᖑᐊᓛᕐᐸᑦ ᐊᖓᔪᖅᑳᕐᔪᐊᓐᖑᖁᓪᓗᒍ ᓯᕆᐊᒧᑦ. 16#ᐊᑕᓃᑦ ᐂᑉᐸᖏᑦ 9:1-6.ᔨᕼᐆᓗ ᒥᖑᐊᕐᑕᒃᓴᕆᕙᑦ ᓂᒻᓮᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓴᕆᐊᓕᒥᐅᓄᑦ; ᐃᓔᓴᓗ ᓴᕚᑎᐅᑉ ᐃᕐᓂᖓ ᐊᐱᐅᓪ-ᒥᕼᐅᓛᒥᐅᑕᖅ ᒥᖑᐊᕐᑕᒃᓴᕆᕙᑦ ᐅᖃᕐᑎᐅᓂᕐᒧᑦ ᐃᓕᖕᓂᒃ ᑭᖑᕝᕖᔪᒃᓴᐅᖁᓪᓗᒍ. 17ᐃᒤᑦᓱᒫᕐᐳᖅ ᕼᐊᔧᐅᓪ ᓴᕕᒡᔪᐊᒧᑦ ᑐᖁᓐᖏᑕᖏᑦ, ᔨᕼᐆᑉ ᑐᖁᑦᓱᒫᕐᐰᑦ, ᔨᕼᐆᓪᓗ ᓴᕕᒡᔪᐊᒧᑦ ᑐᖁᓐᖏᑕᖏᑦ, ᐃᓔᓴᐅᑉ ᑐᖁᑦᓱᒫᕐᐰᑦ. 18#ᕉᒪᒥᐅᓄᑦ 11:4.ᓱᓕ ᐃᓄᖁᑎᖃᕐᐳᖓ ᐃᓴᕆᐊᓕᒥᐅᓂ 7,000ᓂᒃ ᐊᒥᐊᒃᑰᔪᓂᒃ, ᓰᖅᑯᕐᑐᓚᐅᖏᑦᑐᓂᒃ ᐰᓕᒧᑦ, ᑕᖅᑭᑕᒫᕐᓯᐅᑎᒧᓪᓗ ᑯᓂᒃᓯᓚᐅᖏᑦᑐᓂᒃ ᒎᑎᓐᖑᐊᒥᒃ.”
ᐃᓔᓴᐅᑉ ᕾᖁᔭᐅᓂᖓ
19ᑕᕝᕙ ᑕᕝᕙᓐᖓᑦ ᐊᐅᓪᓚᕐᐳᖅ, ᐃᓔᓴᓗ ᓇᓂᕚ ᓴᕚᑎᐅᑉ ᐃᕐᓂᖓ, ᓄᓇᒥᒃ ᐃᑎᕐᓴᑯᑖᓕᐅᕆᔪᖅ 12ᐅᓕᖅᑲᖓᔪᓄᑦ ᐃᒻᒧᒃᓯᐅᒐᕐᓄᑦ, ᑖᑦᓱᒪ ᓯᕗᓂᖓᓃᑉᐳᑦ 11 ᑖᓐᓇᓗ 12ᖓᓃᑉᐳᖅ. ᐃᓔᑦᔭᐅᑉ ᓴᓂᖅᑯᓕᕋᒥᐅᒃ ᐅᓕᒡᔪᐊᓂ ᐲᕐᓗᓂᐅᒃ ᑖᑦᓱᒧᖓ ᐃᒋᑉᐹ. 20ᐃᒻᒧᒃᓯᐅᒐᖁᑎᓂ ᕿᒪᒡᓗᒋᑦ ᐃᓔᑦᔭ ᐅᓪᓚᒡᓗᓂ ᐅᐸᒃᐹ, ᐅᖃᐅᑎᓪᓗᒍᓗ, “ᐊᑖᑕᒐᓗ ᐊᓈᓇᒐᓗ ᑯᓂᒋᐊᕐᑐᑬᓐᓇᕐᓛᒃᑲᒃ, ᑭᖑᕐᖓᒍᓪᓗ ᒪᓕᖕᓂᐊᕐᐸᒋᑦ.” ᐃᓔᑦᔭᐅᑉ ᐅᖃᐅᑎᕚ, “ᐊᑏ ᐅᑎᑬᓐᓇᕆᑦ; ᓄᖅᑲᕐᑎᓐᓂᐊᓐᖏᓚᒋᑦ!”
21ᐃᓔᓴ ᐅᑎᕋᒥ, ᐃᒻᒧᒃᓯᐅᒐᖁᑎᓂ ᒪᕐᕉᓈᕐᑎᕐᓯᒪᓪᓗᑎᒃ ᐅᓂᐊᓲᑦ ᑐᖁᑉᐰᑦ ᐆᔪᓕᐅᕐᓗᒋᓪᓗ, ᑲᓕᒐᖏᑦ ᐃᑯᐊᓪᓚᖅᑯᑎᒋᓪᓗᒋᑦ, ᐃᓄᖕᓄᓪᓗ ᑐᓂᕔᑦ, ᑖᒃᑯᐊᓗ ᓂᕆᕗᑦ. ᒪᑭᓐᓇᒥᓗ ᐃᓔᑦᔭᒥᒃ ᒪᓕᒃᓴᕐᐳᖅ, ᐃᑲᔪᕐᑎᒋᓕᕐᐹᓗ.
Currently Selected:
ᐊᑕᓃᑦ ᓯᕗᓪᓖᑦ 19: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
