ᐊᑕᓃᑦ ᓯᕗᓪᓖᑦ 2
2
ᑍᕕᑎᐅᑉ ᑭᖑᓪᓕᕐᐹᒥᒃ ᓲᓗᒨᓂᒥᒃ ᐅᖃᐅᑦᔪᐃᓂᖓ
1ᑍᕕᑎᐅᑉ ᑐᖁᕕᒃᓴᖓ ᖃᓂᑦᑑᓕᕐᒪᑦ, ᐃᕐᓂᓂ ᓲᓗᒨᓂ ᒪᓕᒐᒃᓴᖏᓐᓂᒃ ᐅᖃᐅᑎᕚ, ᐅᖃᐅᑎᓪᓗᒍ: 2“ᓄᓇᒥᐅᑍᑦ ᐱᐅᓯᖏᑎᑐᑦ ᑐᖁᔭᕆᐊᑭᒡᓕᒐᒪ. ᓴᓐᖏᔫᓕᕆᑦ, ᐊᖑᑎᒻᒪᕆᐅᓂᕐᓂᒃ ᑕᑯᒃᓴᐅᑎᑦᓯᓗᑎᑦ. 3ᒪᓕᑦᓯᐊᕐᓗᑎᓪᓗ ᐊᑕᓂᐅᑉ ᒎᑎᕕᑦ ᐱᖁᔨᓂᖓᓂᒃ, ᑖᑦᓱᒪ ᐊᑐᕐᑕᐅᖁᔭᖓᓂᒃ ᐃᓅᓗᑎᑦ ᒪᓕᒐᒃᓴᐅᖁᔭᖏᓪᓗ ᓈᓚᑦᓯᐊᕐᓗᒋᑦ, ᐱᖁᔭᓕᐊᕆᓯᒪᔪᓪᓗ, ᐊᑐᕐᑕᐅᖁᔭᖏᓪᓗ, ᐅᖃᐅᓯᕆᓯᒪᔭᖏᓪᓗ ᑎᑎᕋᕐᓯᒪᔪᑦ ᒨᓯᓯᐅᑉ ᐱᖁᔭᖏᓐᓂ, ᑍᒤᒃᑯᕕᑦ ᑕᕝᕙ ᐱᓇᓱᐊᕐᑕᓕᒫᕐᓂ ᐱᔪᓐᓇᑦᓯᐊᕐᓂᐊᕐᐳᑎᑦ ᓇᒧᓐᖓᕋᓗᐊᕈᕕᑦ. 4ᐊᑕᓂᐅᑉ ᑕᕝᕙ ᑲᔪᓯᑎᓐᓂᐊᕐᐹ ᐅᖃᐅᓯᓂ ᐅᖃᐅᓯᕆᓚᐅᕐᑕᓂ ᐅᕙᓐᓄᑦ, ᐅᖃᓚᐅᕐᒪᑦ, ‘ᑭᖑᕚᑎᑦ ᐱᐅᓯᕐᒥᖕᓂᒃ ᑲᒪᑦᓯᐊᕐᐸᑕ, ᐅᕙᓐᓄᓪᓗ ᓱᖁᓯᔪᐃᑦᑐᒥᒃ ᐃᓅᓗᑎᒃ ᐆᒻᒪᑎᒥᖕᓄᑦ ᐃᓗᐃᑦᑐᒧᑦ ᑕᕐᓂᕐᒥᖕᓄᓪᓗ ᐃᓗᐃᑦᑐᒧᑦ, ᑕᕝᕙ ᐃᓕᖕᓂᒃ ᓇᓪᓕᐊᑦ ᑕᒪᐅᖎᓐᓈᕐᑎᑦᓯᓂᐊᓐᖏᓚᖅ ᑭᖑᕝᕕᐅᑎᓗᓂ ᐃᓴᕆᐊᓕᒥᐅᑦ ᐃᒃᓯᕙᐅᑕᕐᔪᐊᖓᓂ.’
5 #
ᓴᒧᐃᓕ ᐂᑉᐸᖏᑦ 3:27;
ᓴᒧᐃᓕ ᐂᑉᐸᖏᑦ 20:10. “ᓱᓕ ᐊᓯᐊᒍᑦ ᖃᐅᔨᒪᕗᑎᑦ ᔪᐊᐱ ᔨᕈᐃᐊᐅᑉ ᐃᕐᓂᖓ ᐅᕙᓐᓄᑦ ᖃᓄᐃᓕᐅᕐᓯᒪᖕᒪᖔᑦ, ᐱᓂᐊᕐᓂᖃᓚᐅᕐᒪᑦ ᒪᕐᕉᖕᓂᒃ ᐃᓴᕆᐊᓕᑎᑦ ᐅᓇᑕᕐᑐᒃᓴᖏᑕ ᐊᖓᔪᖅᑳᖏᖕᓂᒃ, ᐋᑉᓄᒥᒃ ᓂᕆᐅᑉ ᐃᕐᓂᖓᓂᒃ, ᐊᒪᓴᒥᒡᓗ ᔨᑎᕆᐅᑉ ᐃᕐᓂᖓᓂᒃ; ᑖᒃᑯᓂᖓ ᑐᖁᑦᓯᓚᐅᕐᒪᑦ ᐊᑭᓂᐊᕐᓱᓂ ᐅᓇᑕᕐᓂᕐᑕᖃᓐᖏᑎᓪᓗᒍ, ᑐᖁᓚᐅᕐᑕᖏᖕᓄᑦ ᐅᓇᑕᕐᑎᓪᓗᒋᒃ, ᐅᓇᑕᕐᑐᑎᑐᑦ ᕿᑎᓂ ᐃᑎᒐᓂᓗ ᐊᐅᒃᑎᓚᐅᕐᒪᒋᑦ; ᑕᒪᓐᓇ ᐅᕙᓐᓄᑦ ᐅᖁᒤᑦᑑᕗᖅ. 6ᖃᓄᐃᓕᐅᕆᐊᒃᓴᖅ ᖃᐅᔨᒪᑦᓯᐊᕐᐳᑎᑦ ᓯᓚᑐᓃᑦ ᒪᓕᒡᓗᒍ; ᑖᓐᓇ ᐃᓄᑐᖃᐅᓂᕐᒧᑦ ᑐᖁᑐᐃᓐᓇᕐᓗᓂ ᑐᖁᑦᓯᐊᕆᔭᒃᓴᕆᖏᓐᓇᕕᐅᒃ.
7 #
ᓴᒧᐃᓕ ᐂᑉᐸᖏᑦ 17:27-29. “ᐱᑦᓯᐊᖁᕙᒋᑦ ᐸᕐᔨᓔᑉ ᒋᓕᐊᑎᒥᐅᑕᐅᑉ ᐃᕐᓂᖏᓐᓄᑦ, ᓂᕐᕆᕕᖕᓂ ᓂᕆᖃᑕᐅᕙᒃᑐᓄᑦ ᐃᓚᒋᔭᐅᓗᑎᒃ, ᐅᕙᓐᓂᒃ ᐃᓚᓕᐅᕆᓂᕐᒥᖕᓄᑦ ᑲᑎᓚᐅᕐᒪᖓ ᕿᒫᑎᓪᓗᖓ ᐊᖓᔪᖕᓂᒃ ᐋᑉᓴᓚᒻᒥᒃ. 8#ᓴᒧᐃᓕ ᐂᑉᐸᖏᑦ 16:5-13; 19:16-23.ᓯᒥ-ᐂᑦᑕᐅᖅ ᒋᕋᐅᑉ ᐃᕐᓂᖓ, ᐱᓐᔭᒥᓂᐅᑉ ᑭᖑᕚᖓ ᐸᕼᐅᕆᒻᒥᐅᖅ. ᑖᑦᓱᒪ ᓯᕗᓂᓗᖁᓚᐅᕐᐹᖓ ᕿᒃᓵᖕᓇᕐᑐᒥᒃ ᑍᑦᓱᒪᓂ ᒪᕼᐊᓁᒧᑦ ᐂᑎᓪᓗᖓ; ᑲᑎᒐᓐᓄᒡᓕ ᑰᖕᒥ ᔪᐊᕐᑕᓂᒥ, ᐅᖃᕕᒡᓗᖓ ᐊᖏᒻᒪᕆᒃᕕᒋᓚᐅᕐᐸᕋ ᐊᑕᓂᐅᑉ ᐊᑎᖓ ᑍᓪᓗᒍ ᐅᖃᐅᑎᓪᓗᒍ ‘ᑐᖁᑕᐅᑎᑦᔮᓐᖏᓚᒋᑦ’. 9ᑍᒤᒻᒪᑦ ᐸᓯᔭᒃᓴᐅᖏᓐᓂᖓᓂᒃ ᐃᓱᒪᒋᑦᑍᓕᒍᒃ, ᓯᓚᑐᔫᒐᕕᑦ; ᖃᓄᐃᓕᒋᐊᖃᕐᓂᕐᓂᒃ ᑖᑦᓱᒧᖓ ᖃᐅᔨᒪᕗᑎᑦ, ᐃᑦᑑᓕᕐᒪᑦ ᓂᐊᖁᖓ ᖀᖑᓕᕐᑐᖅ ᑐᖁᔪᒃᓴᐅᕗᖅ ᐊᐅᓈᕐᓗᓂ.”
ᑍᕕᑎᐅᑉ ᑐᖁᓂᖓ
10ᑕᕝᕙ ᑍᕕᑎ ᑐᖁᕗᖅ, ᐃᓗᕕᕐᑕᐅᓪᓗᓂᓗ ᑍᕕᑎᐅᑉ ᐃᒡᓗᒐᓴᖏᓐᓂ. 11#ᓴᒧᐃᓕ ᐂᑉᐸᖏᑦ 5:4,5; ᑯᕉᓂᑲ ᓯᕗᓪᓖᑦ 3:4.ᑍᕕᑎᓗ ᐊᖓᔪᖅᑳᕐᔪᐊᖑᓚᐅᕐᐳᖅ ᐃᓴᕆᐊᓕᓄᑦ ᐊᕐᕌᒍᓂᒃ 40ᓂᒃ, ᐊᐅᓚᑦᓯᓚᐅᕐᐳᖅ ᐊᕐᕌᒍᓂᒃ 7ᓂᒃ ᕼᐃᐸᕋᓐᒥ, ᔨᕉᓴᓕᒥᓗ ᐊᐅᓚᑦᓯᓚᐅᕆᓪᓗᓂ ᐊᕐᕌᒍᓂᒃ 33ᓂᒃ. 12#ᑯᕉᓂᑲ ᓯᕗᓪᓖᑦ 29:23.ᓲᓗᒨᓂᐅᑉ ᐊᑖᑕᓂ ᑍᕕᑎ ᐃᓇᖏᕐᐹ ᐊᖓᔪᖅᑳᕐᔪᐊᓐᖑᕐᓗᓂ, ᐊᖓᔪᖅᑳᕐᔪᐊᖑᓂᖓᑕᓗ ᐱᔪᓐᓇᕐᓂᖓ ᑲᔪᓯᑦᓯᐊᓕᕐᓗᓂ.
ᐊᑐᓁᔭᐅᑉ ᑐᖁᓂᖓ
13ᐊᑐᓁᔭ, ᐊᓈᓇᖃᕐᑐᖅ ᕼᐊᒋᑎᒥᒃ, ᐹᓯᐸᒧᐊᕐᐳᖅ ᓲᓗᒨᓂᐅᑉ ᐊᓈᓇᖓᓄᑦ. ᐹᓯᐸᐅᑉ ᐊᐱᕆᕚ, “ᑕᒪᓐᓇ ᕾᓂᕆᔧᑦ ᖁᕕᐊᓇᕐᑐᒥᒃ ᐱᑦᔪᑎᖃᕐᐹ?”
ᐊᑐᓁᐊ ᑭᐅᕗᖅ, “ᓱᓕᕗᑎᑦ.” 14ᐅᖃᓕᕐᓗᓂᓗ, “ᐃᓕᖕᓄᑦ ᐅᖃᐅᓯᒃᓴᖃᕋᒪ.”
ᐊᕐᓇᐅᑉ ᑭᐅᕚ, “ᐅᖃᑐᐃᓐᓇᕆᑦ.”
15ᐊᑐᓁᐊ ᐅᖃᕐᐳᖅ, “ᖃᐅᔨᒪᔪᑎᑦ ᐊᖓᔪᖅᑳᕐᔪᐊᓐᖑᕐᑐᒃᓴᐅᓚᐅᕋᓗᐊᕋᒪ, ᐃᓴᕆᐊᓕᒥᐅᓕᒫᓪᓗ ᑕᒪᑐᒥᖓ ᓂᕆᐅᒋᔭᖃᓚᐅᕐᓱᑎᒃ, ᑕᒪᓐᓇ ᑭᓯᐊᓂ ᑍᒤᓯᒪᖏᒻᒪᑦ, ᓄᑲᕋ ᐊᖓᔪᖅᑳᕐᔪᐊᓐᖑᖔᕐᓯᒪᖕᒪᑦ ᐊᑕᓂᐅᑉ ᐱᔪᒪᔭᖓ ᒪᓕᒡᓗᒍ. 16ᒫᓐᓇᓕ ᐊᑕᐅᓯᕐᒥᒃ ᕿᓄᑦᔪᑎᖃᕈᒪᕗᖓ; ᑕᒪᓐᓇᓗ ᐊᖏᕐᑕᐅᖁᓪᓗᒍ ᐃᓕᖕᓄᑦ.” ᐹᓯᐸ ᑭᐅᕗᖅ, “ᓱᓇᐅᖕᒪᑦ ᐱᔪᒪᔧᑦ?”
17 #
ᐊᑕᓃᑦ ᓯᕗᓪᓖᑦ 1:3,4. ᐊᑐᓁᐊᐅᑉ ᑭᐅᕚ ᐅᖃᕐᓗᓂᓗ, “ᐊᖓᔪᖅᑳᕐᔪᐊᖅ ᓲᓗᒨᓂ ᐊᐱᕆᔭᐅᖁᕙᕋ, ᖃᐅᔨᒪᒐᒪ ᐃᓕᖕᓂᒃ ᕿᐱᓗᑦᔮᖏᑦᑐᖅ, ᐊᐱᓵᒡ ᓲᓇᒤᑎᒥᐅᑕᖅ ᓄᓕᐊᕐᑖᕆᔪᒪᒐᒃᑯ.”
18ᐹᓯᐸ ᑭᐅᕗᖅ, “ᐊᖓᔪᖅᑳᕐᔪᐊᖅ ᐊᐱᕆᓂᐊᓕᕐᐸᕋ ᐱᔪᑎᒋᓗᑎᑦ.”
19ᑕᕝᕙ ᐹᓯᐸ ᐊᖓᔪᖅᑳᕐᔪᐊᒧᐊᕐᐳᖅ ᓲᓗᒨᓂᒧᑦ, ᐊᑐᓁᔭ ᐅᖃᕆᐊᕐᑑᑎᓪᓗᒍ. ᐊᖓᔪᖅᑳᕐᔪᐊᖅ ᓂᑯᕕᑉᐳᖅ ᐊᓈᓇᓂ ᐸᕐᕆᐊᕐᓱᒍ ᐅᑯᕝᕕᒋᕚ; ᐃᖏᓪᓗᓂᓗ ᐃᒃᓯᕙᐅᑕᕐᔪᐊᒥᓄᑦ, ᐊᓯᐊᓂᒃᑕᐅᖅ ᐃᒃᓯᕙᐅᑕᕐᒥᒃ ᐃᓕᓯᖁᔨᕗᖅ ᐊᓈᓇᖓᑕ ᐃᒃᓯᕚᕐᕕᒋᓂᐊᕐᑕᖓᓂᒃ, ᑕᓕᕐᐱᐊᓄᓪᓗ ᐃᖏᑉᐳᖅ ᓴᓂᐊᓄᑦ. 20ᐹᓯᐸᐅᑉ ᐅᖃᐅᑎᕚ, “ᐱᔭᒃᓴᒥᒃ ᐊᖏᔫᖏᑦᑐᒥᒃ ᕿᓄᑦᔪᑎᒃᓴᖃᕋᒪ, ᕿᐱᓗᒃᑕᐅᔪᒪᓐᖏᓚᖓ ᐃᓕᖕᓄᑦ.”
ᓲᓗᒨᓂ ᐅᖃᕐᐳᖅ, “ᐊᓈᓈᒃ ᐱᔪᒪᔭᕐᓂᒃ ᐅᖃᓕᕆᑦ, ᕿᐱᓗᑦᔮᓐᖏᓚᒋᑦ.”
21ᐹᓯᐸᐅᑉ ᑭᐅᕚ, “ᐊᖓᔪᐃᑦ ᐊᑐᓁᔭ ᓄᓕᐊᕐᑖᕐᑎᓚᐅᕈᒃ ᐊᐱᓵᒡᒥᒃ ᓲᓇᒤᑎᒥᐅᑕᕐᒥᒃ.”
22ᐊᖓᔪᖅᑳᕐᔪᐊᖅ ᓲᓗᒨᓂ ᐅᖃᕐᐳᖅ ᑖᑦᓱᒧᖓ, “ᓱᖕᒪᑦ? ᕿᓄᕕᒋᕕᖓ ᑐᓂᓯᖁᓪᓗᖓ ᐊᐱᓵᒡᒥᒃ ᓲᓇᒤᑎᒥᐅᑕᕐᒥᒃ ᐊᑐᓁᔭᒧᑦ? ᑕᒪᑐᒥᖓ ᕿᓄᕕᒋᓂᐊᕈᕕᖓ ᐊᖓᔪᖅᑳᕐᔪᐊᖑᓂᓐᓂᒃᑕᐅᖅ ᑖᑦᓱᒧᖓ ᕿᓄᑦᔪᑎᖃᑐᐃᓐᓇᓕᕆᑦ ᑐᓂᔭᐅᖁᓪᓗᒍ. ᐅᐱᓐᓇᕋᓂ ᑖᓐᓇ ᐊᖓᔪᒋᒐᒃᑯ ᑖᒃᑯᐊᑦᑕᐅᖅ ᐊᐰᐊᑕ ᑐᓂᕐᕈᓯᕐᑎᑦᓯᔨ ᔪᐊᐱᓗ ᔨᕈᐃᐊᐅᑉ ᐃᕐᓂᖓ ᑖᑦᓱᒥᖓ ᐃᑲᔪᕐᑐᕐᒪᑎᒃ.” 23ᓲᓗᒨᓂ ᐅᖃᕕᒡᓗᓂ ᐊᖏᒻᒪᕆᒃᐳᖅ ᐊᑕᓂᐅᑉ ᐊᑎᖓ ᑍᓪᓗᓂᐅᒃ, ᐅᖃᕐᓗᓂᓗ, “ᒎᑎᐅᑉ ᓱᒋᐊᕐᓂᐊᕐᐹᖓ ᑐᖁᓪᓗᓂᖓ, ᐊᑐᓁᔭ ᑐᖁᑎᖏᒃᑯᒃᑯ ᑕᒪᓐᓇ ᕿᓄᓂᕆᔭᖓ ᐱᔪᑎᒋᓗᒍ! 24ᐊᑕᓂᐅᑉ ᐃᓅᔫᑉ, ᐃᓂᓪᓚᑦᓯᐊᕐᑎᓯᒪᖕᒪᖓ ᐱᖏᖕᓇᕈᓐᓁᕐᑎᓪᓗᓂᖓ ᐊᑖᑕᒪ ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓄᑦ; ᐊᖏᒻᒪᕆᖕᓂᓂ ᑲᔪᓯᑎᓯᒪᖕᒪᒍ ᑕᒪᓐᓇ ᐊᖓᔪᖅᑳᕐᔪᐊᖑᓂᖅ ᐅᕙᓐᓄᑦ ᑭᖑᕚᒃᓴᒃᑲᓄᓪᓗ. ᐅᖃᕕᒃᐳᖓ ᐊᑕᓂᐅᑉ ᐊᑎᖓ ᑍᓪᓗᒍ ᐅᓪᓗᒥ ᑕᒪᑐᒪᓂ ᐊᑐᓁᔭ ᑐᖁᓂᐊᕐᐳᖅ!” 25ᑕᒪᓐᓇ ᐱᓪᓗᒍ ᐊᖓᔪᖅᑳᕐᔪᐊᖅ ᓲᓗᒨᓂ ᑎᓕᓯᕗᖅ ᐱᓁᐊᒥᒃ ᔨᕼᐅᐃᐊᑕᐅᑉ ᐃᕐᓂᖓᓂᒃ; ᑖᑦᓱᒪᓗ ᑐᖁᑦᓴᕐᑐᕐᐹ, ᐊᑐᓁᐊᓗ ᑐᖁᕗᖅ.
ᐊᐰᐊᑕᐅᑉ ᕿᒫᑎᑕᐅᓂᖓ ᔪᐊᐱᐅᓪᓗ ᑐᖁᑕᐅᓂᖓ
26 #
ᓴᒧᐃᓕ ᐂᑉᐸᖏᑦ 15:24;
ᓴᒧᐃᓕ ᓯᕗᓪᓖᑦ 22:20-23. ᐊᖓᔪᖅᑳᕐᔪᐊᖅ ᓲᓗᒨᓂ ᐅᖃᕐᐳᖅ ᐊᐰᐊᑕᒧᑦ ᑐᓂᕐᕈᓯᕐᑎᑦᓯᔨᒧᑦ, “ᐊᖏᕐᕋᖁᕙᒋᑦ ᓄᓇᒋᔭᕐᓄᑦ ᐊᓇᑑᑎᒧᑦ. ᑐᖁᔪᒃᓴᑐᐃᓐᓇᐅᓕᕋᕕᑦ; ᒫᓐᓇᓕ ᑐᖁᑕᐅᑎᑦᔮᓐᖏᓚᒋᑦ. ᐊᒡᔭᕐᓯᔨᐅᖃᑕᐅᖃᑦᑕᓚᐅᕋᕕᑦ ᐊᑕᓂᐅᑉ ᒎᑎᐅᑉ ᐃᒃᓯᕐᕕᖓᓂᒃ ᐊᑖᑕᒪ ᑍᕕᑎᐅᑉ ᓯᕗᓂᖓᓂ, ᐊᑖᑕᒐᓗ ᐅᖁᒤᑦᑐᒦᖃᑎᒋᕙᓚᐅᕋᕕᐅᒃ.” 27#ᓴᒧᐃᓕ ᓯᕗᓪᓖᑦ 2:27-36.ᑕᕝᕙ ᓲᓗᒨᓂᐅᑉ ᓄᖅᑲᕐᑎᑕᐅᖁᕚ ᐊᐰᐊᑕ ᐊᑕᓂᕐᒧᑦ ᑐᓂᕐᕈᓯᕐᑎᑦᓯᔨᐅᓂᕐᒥᒃ, ᓇᓚᐅᑦᓯᓕᕐᓱᓂ ᐊᑕᓂᐅᑉ ᐅᖃᐅᓯᖓ ᐅᖃᐅᓯᕆᓚᐅᕐᑕᖓ ᐃᓔ ᐱᓪᓗᒍ ᓮᓗᐊᒥ.
28ᔪᐊᐱ ᑕᒪᑐᒥᖓ ᑐᓴᕋᒥ ᐃᑲᔪᕐᑐᐃᓚᐅᕋᒥ ᐊᑐᓁᔭᒥᒃ ᐋᑉᓴᓚᒻᒥᒃ ᐃᑲᔪᕐᑐᐃᓚᐅᖏᒃᑲᓗᐊᕐᓗᓂ. ᕿᒪᒃᓯᕗᖅ ᑲᑎᒪᕕᖕᒧᑦ ᐊᑕᓂᐅᑉ ᑐᐱᕐᔪᐊᖓᓄᑦ, ᑐᓂᕐᕈᓯᕐᕕᐅᑉ ᑎᕆᖅᑯᐊᑕ ᓇᒡᔪᓐᖑᐊᖏᓐᓂᒃ ᑎᒍᒥᐊᓕᕐᓗᓂ. 29ᑕᒪᓐᓇ ᐅᖃᐅᓯᐅᖕᒪᑦ ᐊᖓᔪᖅᑳᕐᔪᐊᕐᒧᑦ ᓲᓗᒨᓂᒧᑦ, “ᔪᐊᐱ ᕿᒫᓯᒪᓕᕐᐳᖅ ᐊᑕᓂᐅᑉ ᑐᐱᕐᔪᐊᖓᓄᑦ, ᑕᑯᒋᓪᓗ, ᑐᓂᕐᕈᓯᕐᕕᐅᑉ ᓴᓂᐊᓃᑉᐳᖅ,” ᓲᓗᒨᓂ ᑎᓕᓯᕗᖅ ᐱᓁᐊᒥᒃ ᔨᕼᐅᐃᐊᑕᐅᑉ ᐃᕐᓂᖓᓂᒃ ᐅᖃᐅᑎᓪᓗᒍᓗ, “ᔪᐊᐱ ᑐᖁᒋᐊᕐᑐᓕᕈᒃ.” 30ᑕᕝᕙ ᐱᓁᐊ ᐊᑕᓂᐅᑉ ᑐᐱᕐᔪᐊᖓᓄᐊᕋᒥ ᔪᐊᐱᒧᑦ ᐅᖃᕐᐳᖅ, “ᐊᖓᔪᖅᑳᕐᔪᐊᑉ ᐊᓂᑎᑕᐅᔭᕐᑐᖁᕚᑎᑦ ᑕᕝᕙᓐᖓᑦ.”
ᔪᐊᐱ ᕿᐱᓗᒃᐳᖅ ᐅᖃᕐᓗᓂᓗ, “ᐅᕙᓂ ᑐᖁᓂᐊᕐᐳᖓ.”
ᐱᓁᐊ ᐅᑎᕋᒥ ᐊᖓᔪᖅᑳᕐᔪᐊᖅ ᐅᖃᐅᑎᕚ ᔪᐊᐱᐅᑉ ᐅᖃᐅᓯᕆᔭᖓᓂᒃ, ᐅᖃᕐᓱᓂ, “ᑍᒫᒃ ᔪᐊᐱᐅᑉ ᑭᐅᕚᖓ.”
31ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᐅᖃᐅᓯᖓ ᐊᑐᓕᕈᒃ, ᑐᖁᓕᕈᒃ ᐃᓗᕕᕐᓗᒍᓗ; ᑕᒪᓐᓇ ᐅᕙᓐᓄᑦ ᑍᕕᑎᐅᓪᓗ ᑭᖑᕚᖏᓐᓄᑦ ᐸᓯᔭᒃᓴᐅᔪᓐᓁᕈᑕᐅᓂᐊᕐᒪᑦ, ᔪᐊᐱᐅᑉ ᑐᖁᑦᓯᓂᕆᓚᐅᕐᑕᖓᓄᑦ ᐸᓯᔭᒃᓴᐅᖏᑦᑐᓂᒃ ᐊᖑᑎᓂᒃ. 32ᐊᑕᓂᖅ ᓱᒋᐊᕐᓯᓂᐊᕐᐳᖅ ᔪᐊᐱᒥᒃ ᐸᓯᔭᒃᓴᐅᖏᑦᑐᓂᒃ ᐃᓄᐊᕐᓯᓂᕆᓚᐅᕐᑕᖓ ᐱᑦᔪᑎᒋᓗᒍ, ᐃᓄᐊᕐᓯᓚᐅᕐᒪᑦ ᐊᑖᑕᒐ ᑍᕕᑎ ᖃᐅᔨᓐᖏᑎᓪᓗᒍ, ᑖᑦᓱᒪᓐᖓᑦ ᑍᒃᑯᐊ ᐃᓄᑦᓯᐊᕙᐅᓂᕐᓴᐅᓚᐅᕐᒪᑕ: ᐋᑉᓄ ᓂᕆᐅᑉ ᐃᕐᓂᖓ, ᐃᓴᕆᐊᓕᒃᑯᑦ ᐅᓇᑕᕐᑐᒃᓴᖏᑕ ᐊᖓᔪᖅᑳᖓᑦ, ᐊᒪᓴᓗ ᔨᑎᕆᐅᑉ ᐃᕐᓂᖓ ᔫᑕᒃᑯᑦ ᐅᓇᑕᕐᑐᒃᓴᖏᓐᓄᑦ ᐊᖓᔪᖅᑳᖅ. 33ᑖᒃᑯᐊᒃ ᑐᖁᑕᐅᓂᖏᒃ ᔪᐊᐱᒧᐊᕐᓂᐊᕐᒪᑎᒃ ᑭᖑᕚᖏᓐᓄᓪᓗ ᐃᓱᖃᖏᑦᑐᒧᑦ; ᑍᕕᑎᒧᓪᓕ ᑭᖑᕚᖏᓐᓄᓪᓗ, ᓇᖕᒥᓂᖏᓐᓄᓪᓗ, ᐃᒃᓯᕙᐅᑕᕐᔪᐊᖓᓃᑦᑐᓄᓪᓗ, ᓮᒪᓇᕐᑐᖃᕐᓂᐊᕐᐳᖅ ᐊᑕᓂᕐᒥᑦ ᐱᔪᒥᒃ ᐃᓱᖃᖏᑦᑐᒧᑦ.”
34ᑕᕝᕙ ᐱᓁᐊ ᔨᕼᐅᐃᐊᑕᐅᑉ ᐃᕐᓂᖓ ᑐᐱᕐᔪᐊᕐᒧᐊᕋᒥ, ᔪᐊᐱ ᑐᖁᑉᐹ; ᐃᓗᕕᕐᓗᓂᐅᒡᓗ ᓄᓇᖓᓄᑦ ᐃᓄᖃᖏᑦᑐᒦᑦᑐᒧᑦ. 35ᐊᖓᔪᖅᑳᕐᔪᐊᑉ ᐱᓁᐊ ᔨᕼᐅᐃᐊᑕᐅᑉ ᐃᕐᓂᖓ ᐊᖓᔪᖅᑳᕈᕐᑎᑉᐹ ᐅᓇᑕᕐᑐᒃᓴᓄᑦ ᔪᐊᐱᒥᒃ ᐃᓇᖐᓪᓗᓂ, ᔭᑑᒡᓗ ᑐᓂᕐᕈᓯᕐᑎᑦᓯᔨᓐᖑᕐᑎᓪᓗᒍ ᐊᐰᐊᑕᒥᒃ ᐃᓇᖐᑎᓪᓗᒍ.
ᓯᒥᐂᑉ ᑐᖁᓂᖓ
36ᐊᖓᔪᖅᑳᕐᔪᐊᑉ ᓯᒥᐂ ᕾᖁᓪᓗᒍ, ᐅᖃᐅᑎᕚ, “ᐃᓕᖕᓂᒃ ᐃᒡᓗᓕᐅᓚᐅᕆᑦ ᐅᕙᓂ ᔨᕉᓴᓕᒥ, ᓇᔪᕐᓂᐊᕐᑕᕐᓂᒃ ᑕᕝᕙᓐᖓᑦ ᐃᒡᓗᒐᓴᖕᓂᑦ ᐊᐅᓪᓚᕐᑍᓕᓗᑎᑦ ᖃᖓᑐᐃᓐᓇᐅᒐᓗᐊᕐᐸᑦ. 37ᐊᐅᓪᓚᕐᑐᕕᓂᐅᒍᕕᑦ ᑭᑐᕌᓂᐅᑉ ᑰᒐᓛᖓ ᖄᖏᕐᓗᒍ, ᑕᕝᕙ ᑐᖁᑕᐅᓪᓚᕆᒍᒫᕐᐳᑎᑦ ᐊᓯᖕᓂᒡᓗ ᐸᓯᔭᒃᓴᐅᔪᖃᑦᔮᓇᓂ.”
38ᓯᒥᐂ ᑭᐅᕗᖅ ᐊᖓᔪᖅᑳᕐᔪᐊᒧᑦ, “ᓈᒻᒪᒃᑐᒥᒃ ᐅᖃᕐᐳᑎᑦ; ᐊᑕᓂᕋ ᐊᖓᔪᖅᑳᕐᔪᐊᖅ ᐅᖃᕐᑍᑦ, ᐱᔩᑦ ᑍᒤᓕᐅᕐᓂᐊᕐᐳᖅ.” ᑍᒤᒻᒪᑦ ᓯᒥᐂ ᐊᑯᓂᐊᓗᒃ ᔨᕉᓴᓕᒥ ᓄᓇᖃᓕᓚᐅᕐᐳᖅ.
39ᐊᕐᕌᒍᑦ ᐱᖓᓱᑦ ᖄᖏᕐᑎᓪᓗᒋᑦ, ᒪᕐᕉᒃ ᓯᒥᐂᑉ ᐱᔨᖏᒃ ᕿᒫᕗᒃ ᐊᑭᔅᒧᑦ, ᒑᑎᐅᑉ ᐊᖓᔪᖅᑳᕐᔪᐊᖓᓄᑦ, ᒫᑲᐅᑉ ᐃᕐᓂᖓᓄᑦ. ᓯᒥᐂᓪᓕ ᑕᒪᑐᒥᖓ ᐅᖃᐅᑦᔭᐅᕗᖅ, “ᑕᑯᒋᑦ ᐱᔩᒃᑭᒃ ᒑᑕᒦᑉᐴᒃ.” 40ᓯᒥᐂ ᐸᕐᓇᒃᑲᒥ ᓯᐅᑎᖅᑯᕐᑐᔪᖁᑎᓂ ᐃᑭᒪᕕᖓ ᐋᖅᑭᒃᑲᒥᐅᒃ ᐊᖓᔪᖅᑳᕐᔪᐊᒧᑦ ᐊᑭᔅᒧᑦ ᐂᕗᖅ ᒑᑎᒦᑦᑐᒧᑦ, ᓇᓂᒐᒥᒋᒃ ᐱᔩᖕᓂ, ᐅᑎᕈᑎᕚᒃ ᐊᖏᕐᕋᒥᓄᑦ. 41ᓲᓗᒨᓂ ᑕᒪᑐᒥᖓ ᐅᖃᐅᑎᔭᐅᒐᒥ ᓯᒥᐂᑉ ᔨᕉᓴᓕᒥᑦ ᒑᑎᒨᓚᐅᕐᓱᓂ ᐅᑎᕐᓂᖓᓂᒃ, 42ᐊᖓᔪᖅᑳᕐᔪᐊᑉ ᓯᒥᐂ ᕾᑎᑕᐅᖁᕚ ᐅᖃᐅᑎᓪᓗᒍᓗ, “ᐅᖃᕕᒡᓗᑎᑦ ᐊᖏᒻᒪᕆᒃᑎᓚᐅᓐᖏᓚᒌᑦ ᐊᑕᓂᐅᑉ ᐊᑎᖓ ᑍᓪᓗᒍ, ᐱᕕᒃᓱᖓ ᐃᓂᕐᑎᓚᐅᕐᐸᒋᑦ, ᐅᖃᕐᓱᖓ, ‘ᖃᐅᔨᒪᑦᓯᐊᕆᑦ, ᐃᒡᓗᒐᓴᖕᓂᑦ ᐊᓂᓗᑎᑦ ᓇᒧᑐᐃᓐᓇᖅ ᐊᐅᓪᓚᕈᕕᑦ, ᑐᖁᑕᐅᓪᓚᕆᓛᕐᐳᑎᑦ ᑕᒪᑐᒥᖓ ᐊᖏᓚᐅᓐᖏᓚᑏᑦ? ᓈᓚᖕᓂᐊᕐᓂᕋᕐᓗᑎᑦ?’ 43ᓱᖕᒪᑦ ᐊᖏᒻᒪᕆᖕᓃᑦ ᐊᑕᓂᕐᒧᑦ ᓱᓕᑎᖏᑉᐱᐅᑉ ᐱᖁᔭᖓᓗ ᓈᓚᖕᓇᒍ? ᐃᓕᖕᓄᑦ ᒪᓕᒃᑕᐅᖁᓚᐅᕐᑕᕋ?” 44ᐊᖓᔪᖅᑳᕐᔪᐊᕐᓗ ᐅᖃᕆᕗᖅ ᓯᒥᐂᒧᑦ, “ᐆᒻᒪᑎᖕᓂ ᖃᐅᔨᒪᑦᓯᐊᕐᐳᑎᑦ ᐱᐅᖏᑦᑐᐊᓗᖕᒥᒃ ᐱᓂᐊᕐᓂᖃᓚᐅᕐᓯᒪᓂᕐᓂᒃ ᐊᑖᑕᓐᓄᑦ ᑍᕕᑎᒧᑦ; ᐊᑕᓂᐅᑉ ᓱᒋᐊᕐᓂᐊᕐᐹᑎᑦ ᑕᒪᓐᓇ ᐱᓪᓗᒍ. 45ᐊᖓᔪᖅᑳᕐᔪᐊᕐᓕ ᓲᓗᒨᓂ ᓮᒻᒪᕐᑎᑕᐅᓂᐊᕐᐳᖅ, ᑍᕕᑎᐅᓪᓗ ᐃᒃᓯᕙᐅᑕᕐᔪᐊᖓ ᐃᓂᖃᕐᓗᓂ ᐊᑕᓂᐅᑉ ᓵᖓᓂ ᐃᓱᖃᖏᑦᑐᒧᑦ.”
46ᑍᒤᒻᒪᒃ ᐊᖓᔪᖅᑳᕐᔪᐊᖅ ᐱᖁᔨᕗᖅ ᐱᓁᐊᒥᒃ ᔨᕼᐅᐃᐊᑕᐅᑉ ᐃᕐᓂᖓᓂᒃ; ᑖᑦᓱᒪᓗ ᓯᒥᐂ ᐅᐸᒃᑲᒥᐅᒃ ᑐᖁᑉᐹ, ᑖᓐᓇᓗ ᑐᖁᕗᖅ.
ᑕᕝᕙ ᓲᓗᒨᓂ ᑕᒪᒃᑯᐊ ᐱᔭᕇᕐᒪᑕ ᑕᒤᓐᓂᒃ ᐊᐅᓚᑦᓯᓪᓚᕆᓕᕐᐳᖅ.
Currently Selected:
ᐊᑕᓃᑦ ᓯᕗᓪᓖᑦ 2: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
