ᔪᐊᓇᓯ ᓯᕗᓪᓖᑦ 3

ᒎᑎᐅᑉ ᕿᑐᕐᖓᖏᑦ

1 # ᔪᐊᓇᓯ 1:12. ᖃᐅᔨᒋᑦᓯ ᖃᓄᐃᑦᑐᒥᒃ ᓇᒡᓕᖕᓂᕐᒥᒃ ᐊᑕᑖᐅᑉ ᑐᓂᓯᕕᒋᖕᒪᖔᑎᒍᑦ, ᒎᑎᐅᑉ ᕿᑐᕐᖓᖏᓐᓂᒃ ᑍᔭᐅᔪᓐᓇᕐᓯᖁᓪᓗᑕ; ᑕᕝᕙ ᕿᑐᕐᖓᐅᓕᕐᐳᒍᑦ! ᑍᒤᒻᒪᑦ ᓯᓚᕐᔪᐊᕐᒥᐅᑦ ᐃᓕᑕᕆᓐᖏᓛᑎᒍᑦ ᑖᓐᓇ ᐃᓕᑕᕆᖏᓐᓇᒥᑦᔪᒃ. 2ᓇᒡᓕᒋᔭᒃᑲ, ᒫᓐᓇ ᒎᑎᐅᑉ ᕿᑐᕐᖓᕆᖕᒫᑎᒍᑦ, ᓱᓕᓕ ᖃᐅᔨᒪᖏᒃᑲᓗᐊᕐᐳᒍᑦ ᖃᓄᐃᑦᑐᓐᖑᓛᕐᒪᖔᑦᑕ ᑖᓐᓇ ᓴᖅᑭᑉᐸᑦ. ᖃᐅᔨᒪᕗᒍᓪᓕ ᑖᓐᓇ ᓴᖅᑭᑉᐸᑦ, ᐊᑦᔨᒋᔪᒫᕋᑦᑎᒍ, ᑕᑯᔪᒫᕋᑦᑎᒍ ᖃᓄᐃᑦᑑᓂᖓ. 3ᑭᓇᒃᑯᓕᒫᑦ ᑍᒤᑦᑐᒥᒃ ᓂᕆᐅᒋᔭᖃᕐᑐᑦ ᑖᑦᓱᒥᖓ ᐃᒻᒥᖕᓂᒃ ᐃᑦᔪᕐᓁᑎᓐᓂᐊᕐᐳᑦ, ᓲᕐᓗ ᑖᓐᓇ ᐃᑦᔪᕐᓁᒻᒪᑦ.

4ᑕᒪᕐᒥᒃ ᐊᔪᕐᑐᓕᓂᕐᒥ ᐃᓅᔪᑦ ᐱᖁᔭᖃᖏᓐᓂᕐᒥᒃᑕᐅᖅ ᐃᓕᖅᑯᓯᖃᕆᕗᑦ, ᐊᔪᕐᓂᖅ ᐱᖁᔭᖃᖏᓐᓂᐅᖕᒪᑦ. 5#ᔪᐊᓇᓯ 1:29.ᖃᐅᔨᒪᕗᓯ ᑖᓐᓇ ᓴᖅᑭᑎᑕᐅᓚᐅᕐᒪᑦ ᐊᔪᕐᓂᕗᑦ ᐲᔭᕆᐊᕐᑐᕐᓗᒋᑦ. ᑖᑦᓱᒪᓂᓗ ᐊᔪᕐᓂᕐᑕᖃᓐᖏᓚᖅ. 6ᓇᓪᓕᐊᑦ ᑖᑦᓱᒪᓃᑦᑐᖅ ᐊᔪᕐᑐᓖᓐᓇᕈᓐᓇᖏᓚᖅ; ᐊᔪᕐᑐᓕᓂᕐᒦᖏᓇᕐᑐᕐᓕ ᑕᑦᓱᒥᖓ ᑕᑯᓚᐅᕐᓯᒪᒃᖏᓚᖅ ᖃᐅᔨᒪᓇᒍᓗ.

7ᕿᑐᕐᖓᑯᓗᒃᑲ, ᑭᓇᒧᓪᓘᓐᓃᑦ ᑕᒻᒪᕐᑎᑕᐅᑦᑍᓕᒋᑦᓯ. ᓇᓪᓕᐊᑦ ᓈᒻᒪᒃᑐᒥᒃ ᐱᓇᓱᐊᕐᑐᖅ ᑖᓐᓇ ᐃᓗᐊᕐᑑᕗᖅ, ᓲᕐᓗ ᑖᓐᓇ ᐃᓗᐊᕐᑑᖕᒪᑦ. 8ᓇᓪᓕᐊᑦ ᐊᔪᕐᑐᓕᔪᖅ ᑖᓐᓇ ᓵᑖᓇᓯᒥᑦ ᑍᒤᑎᑕᐅᕗᖅ, ᐱᒋᐊᕐᓂᖓᓂᑦ ᓵᑖᓇᓯ ᐊᔪᕐᑐᓕᖕᒪᑦ. ᑕᒪᓐᓇ ᐱᑦᔪᑎᒋᓪᓗᒍ ᒎᑎᐅᑉ ᐃᕐᓂᖓ ᓴᖅᑭᓯᒪᕗᖅ ᐊᓯᕈᐃᔭᕐᑐᕐᓗᓂ ᓵᑖᓇᓯᐅᑉ ᐱᓇᓱᐊᕐᓂᖏᓐᓂᒃ.

9ᓇᓪᓕᐊᑦ ᒎᑎᒧᑦ ᕿᑐᕐᖓᐅᔪᖅ ᐊᔪᕐᑐᓖᓐᓇᕈᓐᓃᕐᐳᖅ, ᒎᑎᐅᑉ ᐱᕈᕐᓯᐊᖓ ᑖᑦᓱᒪ ᐃᓗᐊᓃᒻᒪᑦ; ᐊᔪᕐᑐᓖᓐᓇᕈᓐᓇᓐᖏᓚᖅ, ᒎᑎᒥᑦ ᐃᕐᓂᐊᖑᓯᒪᒐᒥ. 10ᑕᒪᑐᒨᓇ ᓇᓗᓇᓐᖏᓚᖅ ᑭᓇᒃᑯᑦ ᒎᑎᐅᑉ ᕿᑐᕐᖓᕆᖕᒪᖔᒋᑦ, ᑭᓇᑯᓪᓗ ᓵᑖᓇᓯᐅᑉ ᕿᑐᕐᖓᕆᖕᒪᖔᒋᑦ: ᓇᓪᓕᐊᑦ ᓇᓛᒎᕐᑐᒥᒃ ᐱᓇᓱᐊᖏᑦᑐᖅ ᒎᑎᒥᑦ ᐱᓐᖏᓚᖅ; ᐅᕝᕙᓗ ᐃᓅᖃᑎᒥᓂᒃ ᓇᒡᓕᒍᓱᖏᑦᑐᖅ.

ᓇᒡᓕᒃᑎᒌᖕᓂᖅ

11 # ᔪᐊᓇᓯ 13:34. ᑕᒪᑦᔭ ᐱᒋᐊᕐᓂᖓᓂᑦ ᑐᓴᐅᒪᔭᓯ, ᓇᒡᓕᒋᖃᑦᑕᐅᑎᔪᒃᓴᐅᒐᑦᑕ. 12#ᒨᓯᓯ ᓯᕗᓪᓖᑦ 4:8.ᑬᓂᑐᑦ ᑍᒤᑦᑐᒃᓴᐅᓐᖏᓚᓯ, ᑖᓐᓇ ᓵᑖᓇᓯᒥᑦ ᐱᒐᒥ ᓄᑲᓂ ᑐᖁᓚᐅᕐᐹ. ᓱᖕᒪᓪᓗ ᓄᑲᓂ ᑐᖁᓚᐅᕐᐸᐅᒃ? ᐱᓂᐊᕐᓂᖏᑦ ᐱᐅᖏᒻᒪᑕ ᓄᑲᖓᓗ ᐃᓗᐊᕐᑑᖕᒪᑦ.

13ᐅᒃᐱᕐᑑᖃᑎᒃᑲ, ᑯᐊᕐᓵᖓᓂᐊᕋᓯ, ᓯᓚᕐᔪᐊᕐᒥᐅᑦ ᐆᒥᒋᐸᓯ. 14#ᔪᐊᓇᓯ 5:24.ᖃᐅᔨᒪᕗᒍᑦ ᑐᖁᒥᑦ ᓄᒃᑎᕐᓯᒪᒐᑦᑕ ᐃᓅᓯᕐᒧᑦ, ᐅᒃᐱᕐᑑᖃᑎᕗᑦ ᓇᒡᓕᒋᒐᑦᑎᒋᒃ. ᓇᓪᓕᐊᑦ ᓇᒡᓕᒍᓱᖏᑦᑐᖅ ᑖᓐᓇ ᓱᓕ ᑐᖁᒦᑉᐳᖅ. 15ᓇᓪᓕᐊᑦ ᐅᒃᐱᕐᑑᖃᑎᒥᓂᒃ ᐆᒥᓱᒃᑐᖅ ᑖᓐᓇ ᐃᓄᐊᕐᑎᐅᕗᖅ, ᖃᐅᔨᒪᕗᓯᓗ ᐃᓄᐊᕐᑎ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐃᓗᒥᐅᑕᖃᖏᒻᒪᑦ. 16ᑍᒫᒃ ᓇᒡᓕᖕᓂᖅ ᖃᓄᐃᑦᑑᖕᒪᖔᑦ ᖃᐅᔨᑦᔪᑎᖃᕐᐳᒍᑦ: ᑖᓐᓇ ᐃᓅᓯᕐᒥᓂᒃ ᑐᓂᓯᓚᐅᕐᒪᑦ ᐅᕙᑦᑎᓐᓄᑦ. ᐅᕙᒍᑦᑕᐅᖅ ᑍᒫᑦᓮᓐᓇᖅ ᐃᓅᓯᑦᑎᓐᓂᒃ ᑐᓂᓯᔪᒃᓴᐅᒋᕗᒍᑦ ᐅᒃᐱᕐᑑᖃᑎᕗᑦ ᐱᑦᔪᑎᒋᓗᒋᑦ. 17ᓯᓚᕐᔪᐊᑉ ᐱᖏᓐᓂᒃ ᐱᖃᕐᑐᖅ ᐃᓅᖃᑎᒥᓂᒃ ᐊᔪᕐᓴᕐᑐᒥᒃ ᑕᑯᓗᓂ ᐃᑲᔪᕈᒪᓐᖏᑯᓂᐅᒃ, ᖃᓄᖅ ᑕᕝᕙ ᒎᑎᐅᑉ ᓇᒡᓕᖕᓂᖓᓂᒃ ᐃᓗᒥᐅᑕᖃᕋᔭᕐᐸ? 18ᕿᑐᕐᖓᑯᓗᒃᑲ, ᓇᒡᓕᖕᓂᖅ ᐅᖃᐅᓯᑐᐃᓐᓇᒃᑯᑦ ᓂᓪᓕᐊᓂᑐᐃᓐᓇᑯᓪᓘᓪᓃ ᓇᓪᓕᒍᓱᖕᓂᕋᓐᖏᓚᐅᕐᑕ ᐱᓂᐊᕐᓂᒃᑯᓪᓕ ᓱᓕᔪᒃᑯᓪᓗ.

ᓴᐱᖏᑦᔪᑎᒃᓴᖅ ᒎᑎᐅᑉ ᓵᖓᓂ

19ᑍᒫᒃ ᖃᐅᔨᒪᑦᔪᑎᖃᕈᓐᓇᕐᐳᒍᑦ ᓱᓕᔪᒥᐅᑕᐅᓂᑦᑎᓐᓂᒃ, ᐆᒻᒪᑎᑦᑎᓐᓂ ᓇᓗᖏᑦᓯᐊᕐᓗᑕ ᓵᖓᓂ. 20ᐆᒻᒪᑎᑦᑎᒍᑦ ᐸᓯᔭᐅᒍᑦᑕ, ᒎᑎ ᐊᖏᓂᕐᓴᐅᕗᖅ ᐆᒻᒪᑎᑦᑎᓐᓂᑦ, ᑕᒤᓐᓂᑎᐊᕐᓗ ᖃᐅᔨᒪᕗᖅ. 21ᓇᒡᓕᒋᔭᒃᑲ, ᐆᒻᒪᑎᑦᑎᒍᑦ ᐃᖅᑲᕐᑐᕐᑕᐅᖏᒃᑯᑦᑕ, ᑕᕝᕙ ᖁᓚᖏᑦᔪᑎᒃᓴᖃᕐᐳᒍᑦ ᒎᑎᐅᑉ ᓵᖓᓂ. 22ᑖᑦᓱᒪᖓᑦ ᑐᓂᓯᕕᐅᕙᒃᑲᑦᑕ ᑕᒤᓐᓂᒃ ᑐᒃᓯᐊᕈᑎᒋᔭᑦᑎᓐᓂᒃ, ᐱᖁᔭᖏᓐᓂᒃ ᒪᓕᒃᑲᑦᑕ ᖁᕕᐊᒋᔭᖓᓂᒡᓗ ᐱᓇᓱᐊᕐᓗᑕ. 23#ᔪᐊᓇᓯ 13:34; 15:12,17.ᑖᑦᓱᒪᓗ ᐱᖁᔭᖓ ᐃᒤᑦᑑᕗᖅ: ᐃᕐᓂᖓᑕ ᐊᑎᖓᓄᑦ ᔩᓱᓯ ᙭ᔅᑑᓯᒧᑦ ᐅᒃᐱᖁᓪᓗᑕ, ᐅᕙᑦᑎᓐᓄᓪᓗ ᓇᒡᓕᒋᖃᑦᑕᐅᑎᓪᓗᑕ ᑖᑦᓱᒪ ᑍᒫᒃ ᐱᖁᓚᐅᕐᒪᑎᒍᑦ. 24ᓇᓪᓕᐊᑦ ᑖᑦᓱᒪ ᐱᖁᔭᖏᓐᓂᒃ ᒪᓕᒃᑐᖅ ᑖᓐᓇ ᑖᑦᓱᒪᓃᑉᐳᖅ, ᑖᓐᓇᓗ ᑖᑦᓱᒪᓃᓪᓗᓂ. ᐃᒫᒡᓗ ᖃᐅᔨᒪᔪᓐᓇᕐᐳᒍᑦ ᐅᕙᑦᑎᓐᓃᓐᓂᓐᖓᓂᒃ; ᐊᓂᕐᓂᕐᒧᑦ ᑐᓂᕐᕈᓯᐊᑦᑎᓐᓄᑦ ᑖᑦᓱᒧᖓ ᖃᐅᔨᑎᑕᐅᓗᑕ.

Currently Selected:

ᔪᐊᓇᓯ ᓯᕗᓪᓖᑦ 3: EAIB

Highlight

Copy