Mawalanga 26
26
Waisraeli wankuwalanguwa mala ya pili
1Pa makomangu galii, Mtuwa Mlungu kawagambiriti Musa na Eleazari mwana gwa mtambika Aruni, 2“Muwalangi shikundi shoseri sha Waisraeli, kila muntu kalavii handa ntambu yakawera yakafiriti kugenderana na kaya zawu. Muwawalangi wantu woseri wana vinja malongu mawili na kwendeleya wawafaa kugenda kungondu.” 3Musa na mtambika Eleazari wayowera na wantu kuisi lalanda za Mowabu, kumwambu kulushemba Yoridani, pakwegera na Yeriko, wawagambira, 4“Muwawalangi wantu kwanjira na wana vinja malongu mawili na kongereka, handa Mtuwa ntambu yakamlagaliti Musi.
Waisraeli wawawukiti Misri ndo awa.”
5Kulawa mulikabila lya Rubeni yakaweriti shipanta njira gwa Yakubu, kuweriti na lukolu lwa Hanoki na lukolu lwa Palu 6na lukolu lwa Hezironi na lukolu lwa Karimi. 7Avi ndo vileri vya likabila lya Rubeni. Walanga ya wapalu yawawalangitwi waweriti elufu malongu msheshi na tatu miya saba na malongu matatu. 8Lukolu lwa Palu waweriti Eliyabu, 9na wana wakuyi Nemueli na Datani na Abiramu. Wana awa wawili ndo yawasyagulitwi pakati pa shipinga sha Waisraeli, kumbiti wamlemiti Musa na Aruni, kulikolerana na wantu wa Kora shaka shilii pawamlemiti Mtuwa Mlungu. 10Shaka shilii isi paivugukiti kuwamira, wahowiti pamuhera na Kora na motu guwalunguziyiti wantu wakuyi miya mbili na malongu muhanu. Ali liweriti liberiziwu kwa wantu wa Israeli. 11Pamuhera na aga wana wa Kora wahowiti ndiri.
12Likabila lya Simiyoni, kaweriti na lukolu lwa Nemueli na Yamini na Yakini, 13Zera na Shauli. 14Azi ndo kolu za likabila lya Simiyoni, walanga yoseri ya wapalu waweriti elufu malongu mawili na mbili na miya mbili.
15Likabila lya Gadi, wantu yawawalangitwi waweriti wa lukolu lwa Sefoni na Hagi na Shuni, 16Ozini na Eri, 17na Arodi na Areli. 18Azi ndo kolu za likabila lya Gadi, walanga yoseri ya wapalu woseri yawawalangitwi waweriti elufu malongu msheshi na miya muhanu.
19Likabila lya Yuda, wapalu yawawalangitwi waweriti wa lukolu lwa Yuda na Eri na Onani. Wapalu awa wahowiti muisi ya Kanaani. 20Likabila lya Yuda liweriti na kaya ya Shela na Pelesi na Zera. 21Kulawa kwa Pelesi, kuweriti na shileri sha Hosironi na Hamuli. 22Azi ndo kolu za Yuda, wapalu woseri yawawalangitwi waweriti elufu malongu saba na sita na miya muhanu.
23Likabila lya Isakari liweriti na lukolu lwa Tola na Puva, 24na Yushubu na Shimironi. 25Azi ndo kolu za Isakari, wapalu woseri yawawalangitwi waweriti elufu malongu sita na msheshi na miya tatu.
26Likabila lya Zebuluni kuweriti na lukolu lwa Seredi na Eloni na Yaleeli. 27Azi ndo kolu za Zebuluni, wapalu woseri yawawalangitwi waweriti elufu malongu sita na miya muhanu.
28Yusufu kaweriti na wana wapalu wawili, Manasi na Efraimu wiziti kuwera makabila.
29Manasi kaweriti na mwana yakashemitwi Makiri, Makiri kaweriti na mwana yakashemitwi Gileyadi. 30Kulawa kwa Gileyadi kuweriti na nkolu za Yezeri na Heleki 31na Asirieli na Shekemu, 32na Shemida na Heferi. 33Selofehadi mwana gwa Heferi kapatiti ndiri wana wapalu kumbiti wadala hera, wana wadala awa waweriti Mala na Noa na Hogula na Milika na Tiriza. 34Azi ndo kolu za Manasi, wapalu woseri yawawalangitwi waweriti elufu malongu muhanu na mbili na miya saba.
35Likabila lya Efraimu liweriti na lukolu lwa Shutihela na Bekeri na Tahani. 36Kulawa kwa Shutihela kuweriti na shileri sha Erani. 37Azi ndo kolu za Efraimu, wapalu woseri yawawalangitwi waweriti elufu malongu matatu na mbili na miya muhanu.
Kolu zoseri azi za makabila aga mawili galawiti kwa Yusufu.
38Likabila lya Benjamini liweriti na lukolu lwa Bela na Ashibeli na Ahiramu 39na Shufamu na Hufamu. 40Kulawa kwa Bela kuweriti na shileri sha Aridi na Naamani. 41Azi ndo kolu za Benjamini, wapalu woseri yawawalangitwi waweriti elufu malongu msheshi na muhanu na miya sita.
42Likabila lya Dani liweriti na kolu lwa Shahamu, 43lukolu alu luweriti na wapalu elufu malongu sita na msheshi na miya msheshi.
44Likabila lya Asheri liweriti na lukolu lwa Imina na Ishivi na Beria. 45Kulawa kwa Beria kuweriti na shileri sha Heberi na Malikieli. 46Asheri kaweriti na muhinga yakashemituwituwi Sera. 47Azi ndo kolu za likabila lya Asheri, wapalu woseri yawawalangitwi waweriti elufu malongu muhanu na tatu na miya msheshi.
48Likabila lya Nafutali liweriti na lukolu lwa Yaseeli na Guni, 49Yeseri na Shilemu. 50Azi ndo kolu za likabila lya Nafutali, wapalu woseri yawawalangitwi waweriti elufu malongu msheshi na muhanu na miya msheshi.
51Walanga ya wapalu wa Israeli yawawalangitwi waweriti laki sita na elufu yimu na miya saba na malongu matatu.
52Shakapanu Mtuwa Mlungu kamgambiriti Musa, 53“Makabila aga hagapananwi isi iweri yawu, kulawirana na walanga ya matawu gawu. 54Likabila likulu halipananwi pahala pawu pakulu paweri pawu na likabila lididini halipananwi pahala padidini paweri pawu. Kila likabila halipananwi pahala pawu kulinganira na walanga ya wantu wakuyi. 55Pamuhera na ubagula wa isi hawutendewi kwa kugalambula simbi. Kila likabila halipananwi semu yawu kulawirana na ukulu ama udidini wakuyi. 56Ubagula wa isi kwa kila likabila hauweri kwa njira ya kugalambuziya simbi, kila likabila halipati kulinganira na ukulu ama udidini wakuyi.”
57Azi ndo kolu za wantu wa Lawi zyazilembitwi na kolu zawu. Kolu azi ziweriti za Gerishoni na Kohati na Merari 58pamuhera na shileri sha Libini na Hebroni na Mahili na Mushi na Kora. Kohatihi tati gwakuyi kaweriti Amiramu. 59Mdala gwa Amiramu wamshemiti Yokebedi, muhinga gwakuyi Lawi, ulii yakayiwukiti Misri. Ayu kamwiwuliriti Amiramu wana wawili wapalu, Aruni na Musa na muhinga yumu, Miriamu. 60Aruni kaweriti na wana wapalu wamsheshi, Nadabu na Abihu na Eliyazari na Itihamari. 61Nadabu na Abihu wahowiti pawamlaviliriti Mtuwa Mlungu tambika ya motu gufaa ndiri. 62Walanga ya wantu wa Lawi, wapalu yawawera na umuli wa mwezi gumu na kwendeleya, waweriti elufu malongu mawili na tatu. Awa wawalangitwi ndiri pamuhera na Waisraeli wamonga toziya wapananitwiti ndiri kuhala isi pakati pa Waisraeli.
63Awa ndo wapalu wa Israeli yawalembitwi na Musa na mtambika Eleazari muisi yaiwera lularanda za Mowabu, kumwambu mwa lushemba Yoridani pakwegera na Yeriku. 64Pakati pawu paweriti ndiri ata muntu yumu yakasigaliti pakati pa walii yawawalangitwi na Musa na mtambika Aruni, walii yawawalangitwi walanga ya kwanja kushiwala sha Sinayi. 65Mtuwa Mlungu kalongiti kuwera wantu woseri hawahowi kushiwala, nakaka kwahera ata yumu gwawu yakasigaliti mkomu, kumbiti Karebu mwana gwa Yefune na Yoshuwa mwana gwa Nuni ndo yawasigaliti.
Currently Selected:
Mawalanga 26: PBV
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.