Romanos 15

Jesucristocã tiriawãmerã tiquetatuya

1Marĩ Jesúre bʉtoro wedewõtutuarape õjoro Jesúre wedewõtutuaherare marĩcʉ̃ cʉ̃jãrẽ queoro niherere titamurõ bo. Marĩye maquẽpe wadorena wãcũherimocãrõ bo. #14:1; Ga 6:1-2. 2Marĩ nipetirare cʉ̃jãcã peñarepere wãcũ cʉ̃jãye maquẽ niãtere cʉ̃jãrẽ titamurõ bo cʉ̃jãcãrẽ Jesucristore wedewõnemowʉmʉãro ĩrã.#14:19; 1Co 10:24, 33. 3Merẽ Jesucristobasurupera atiditapʉ nigʉ̃ cʉ̃ye niãte maquẽ wadorena tiheririgʉ niwĩ. Manigʉ̃cã borepere tirigʉ niwĩ Manigʉ̃ye wederucũrẽ ojayoriapũpʉ ĩrẽ cʉ̃menarã queoro wariarora abirora. Tie maquẽrã abiro ojayore ña: «Mʉrẽ ĩñatutira, mʉrẽ ñañarõ wederucũrã yʉpere ñañarõ tidocatura yawa» #Sal 69:9-10. ĩ ojayore ña.#2Co 8:9. 4Nipetire sʉgueropʉ Manigʉ̃ye wederucũrẽrẽ ojayoriapũpʉ nirẽ marĩrẽ bueate niãro ĩ ojayorigue wadora ña. Tipũcã marĩrẽ buerera marĩrẽ ñañarõ cametʉañerõcã tirere nʉcãrucũñerõcã wãcũtutuañerõcã ya. Ĩñerõcã “marĩcã wedewõrẽ cʉorora abirora queoro waroacu” ĩ yuerucũñerõcã ya.#4:23-24; 1Co 10:11; 2Tm 3:16-17. 5Merẽ cʉ̃ Manigʉ̃rã marĩrẽ merĩã warere nʉcãñerõcã wãcũtutuañerõcã yawí. Tairo tigʉ cʉ̃rẽ “cʉ̃jãrẽ ĩcãrõmena came ñurõ nirẽcʉtiñerõcã tiya” ĩ sãĩbosa mʉjãrẽ Jesucristocã tiriawãmerã abirora queoro tiquetatuwʉmʉãrãrã nirã earo ĩgʉ̃.#12:16; 1Co 1:10. 6Tairo tira mʉjã nipetira mʉjãcã tairo tiremena ĩcãrõmena Manigʉ̃rẽ marĩ Nirũpʉ̃ Jesucristo Pacʉre “ñucametʉasu mʉ” ĩ ʉseare nʉni basapeoroacu.#Ap 1:6.

Ñurẽ queti nipetiraye ña

7Tiere tirara mʉjã mʉjãbasurupe came ñurõ ñeña Jesucristocã mʉjãrẽ ñurõ ñeriarora abirora. Mʉjãcã tairo tiremenarã ãpẽrãrẽ Manigʉ̃rẽ “cʉ̃ ñucametʉasugʉ ñawĩ” ĩñerõcã tiroacu.#14:1. 8Mʉjãrẽ atiere wede. Merẽ Manigʉ̃ ʉ̃sã ñecʉ̃sʉmʉãrẽ cʉ̃cã “mʉjãrẽ abiro tigʉda” ĩriguere queoro tirigʉ niwĩ. Tairo tigʉ Jesucristo atiditapʉre wati judío basocare titamurigʉ niwĩ cʉ̃cã tairo tiremenarã Manigʉ̃ cʉ̃cã “tairo tigʉda” ĩrẽrẽ queorora tigʉ ñawĩ ĩ eñogʉ̃.#Mt 15:24; Jn 1:11; Hch 3:25-26; Ro 3:3; 2Co 1:20. 9Ĩñerõcã tairora judío basoca niheracãrẽ “Manigʉ̃ ñucametʉaro tigʉ ʉ̃sãcãrẽ bopacaĩñawĩ” ĩ cʉ̃rẽ ʉseapeoaro ĩgʉ̃ watirigʉ niwĩ Manigʉ̃ye wederucũrẽrẽ ojayoriapũpʉ tiemaquẽrẽ ĩrõrã abirora. Abiro ĩ:

«Tairo tigʉ judío basoca nihera watoapʉ mʉrẽ basapeogʉda.

Mʉrẽ “mʉ tutuacametʉagʉ ña” ĩ basapeogʉda»#2Sa 22:50; Sal 18:49.

ĩ ojayore ña.#Jn 10:16; Ro 9:23-24. 10Aperopere Manigʉ̃ye wederucũrẽrẽ ojayoriapũpʉre abiro ĩ:

«Mʉjã judío basoca niheracã

Manigʉ̃yamacã macãrãmenarã Manigʉ̃rẽ ʉseapeoya»#Dt 32:43.

ĩ ojayore ña. 11Aperopecãrẽ abiro ĩ ojayore ña:

«Nipetira mʉjã judío basoca nihera Manigʉ̃rẽ “mʉ ñucametʉagʉ ña” ĩ basapeoya.

Nipetira toquẽburimacãrãpʉcã Manigʉ̃rẽ “ñucametʉagʉ ña” ĩ basapeoaro»#Sal 117:1.

ĩ ojayore ña.

12Tairora Isaíacã abiro ĩ ojayi:

«Jesé#15:12 Jesé o Isaías David pacʉ nirigʉ niwĩ. David Jesucristo pacʉ nirigʉ niwĩ. pãrãmi nitutiagʉ watigʉagawi.

Cʉ̃ watigʉ judío basoca nihera Nirũpʉ̃ nigʉagawi.

Cʉ̃jãpecã cʉ̃rẽ “ʉ̃sãrẽ cametʉoacʉ ñawĩ” ĩ wedewõrãgawa»#Is 11:10.

ĩ ojayore ña.#Mt 12:21; Ap 5:5; 22:16.

13Manigʉ̃ cʉ̃cã ñurõ tiatere marĩrẽ ʉsearemena yuerucũñerõcã tigʉra mʉjãrẽ cʉ̃rẽ wedewõrãrẽ ʉseare, yerisãrẽ nʉninemoãro. Ĩñerõcã tairora mʉjãrẽ Espíritu Santoye tutuaremenarã nemorõ ʉsearemena yuerucũñerõcã tiaro.#14:17; 1Ts 1:5.

Wedetuwanʉcõrẽ 15:14–16:27

Pablocã “judío basoca niherare ñurẽ quetire wederibasocʉ ña” ĩ wedere

14Yara mʉjãrẽ Jesucristore wedewõrãrẽ queorora ãpẽrãrẽ ñurõ ĩñamaĩrẽmena, Jesucristoyere ñurõ masĩrẽmena nirã ñawã ĩ tʉoiña. Ĩñerõcã tairora tiere cʉ̃jãbasurupe ãpẽrãrẽ came ñurõ “abirope tiya” ĩ wedemasĩrẽmena ñawã ĩ.#1Co 7:10; 8:1; 2Pe 1:12. 15Mʉjãcã tairo timasĩrã nicapetacãrã yʉpe atipũpʉre ĩcãyere cuiro manirõ mʉjãrẽ wede ojaco mʉjãcã tʉoriguepʉrena mʉjãrẽ acõboherimocãro ĩgʉ̃. Mʉjãrẽ tairo ya merẽ Manigʉ̃ cʉ̃ye ĩñamaĩrẽmenarã yʉre ñurõ tigʉ#12:13; Ef 3:7, 8. 16judío basoca niherarena Jesucristoyere buedotigʉ cũrĩgʉ niwĩ. Tairo tigʉ cʉ̃cã yʉre tairo cũyoriasiro niñerõcã yʉ Jesucristoye quetire wede yʉcã tairo wederemena paiacã apeyenorẽ Manigʉ̃rẽ nʉnirẽrẽ cʉ̃cã ñeyorera abiro judío basoca niherare Manigʉ̃cã ñeyorara nirã eañerõcã tiruga, Espíritu Santocã cʉ̃jãrẽ ñañarẽ cʉohera nirã eañerõcã tiyoremenarã.#Hch 9:15; Ro 8:13; Flp 2:17. 17Manigʉ̃yere yʉcã padederere Jesucristocã yʉre titamurẽmenarã yʉ queorora ya ĩmasĩbogʉra nigʉ̃ ya.#Flp 3:3; Heb 2:17; 5:1. 18Tairo tigʉ apeyenopepʉare mʉjãrẽ wede pãmaheriga; Jesucristocã yʉmenarẽ tirigue wadorena mʉjãrẽ wedegʉda. Cʉ̃ Jesucristora yʉmena judío basoca niherare Manigʉ̃rẽ queoro yʉra eañerõcã tiwí. Yʉcã wederemena wadora cʉ̃jãrẽ Manigʉ̃rẽ wedewõrã eañerõcã tiheriwi, yʉcã tiremenacãrẽ cʉ̃jãrẽ Manigʉ̃rẽ wedewõrã eañerõcã tiwí.#Hch 15:12; 21:19; Ro 1:5; 16:26. 19Apeyecãrẽ yʉ Espíritu Santocã tutuaremenarã tiẽñorẽrẽ, ĩñañamanirẽrẽ tiẽñowʉ̃. Tairo tigʉ atiwãmerã abiro Jerusalénmena pʉ Iliria dita wãmecʉtiropʉ Jesucristocã basocare cametʉore quetire wedetʉocogʉ eawʉ.#Hch 19:11; 2Co 12:12. 20Yʉre yʉcã tirugare ãpẽrãcã Jesucristoye ñurẽ quetire wedeyoya manirõpʉ cʉ̃ye quetire wederugare niwʉ̃ ãpẽrãcã wedeyoriarapʉrena wedesotoapeoyoboga ĩgʉ̃.#2Co 10:15-16. 21Tora abiro buegʉ Manigʉ̃ye wederucũrẽrẽ ojayoriapũpʉ ojayoriarora abiro tiwʉ. Abiro ĩ ojayoriaro niwʉ̃ Cristore masĩherimiriaracã masĩãtere: «Cʉ̃ye quetire icãta masĩheririara wedeyoragawa. Cʉ̃yere icãta tʉoiñaheririara tʉomasĩrõãgawa» ĩ ojayorigue ña.#Is 52:15.

Pablocã Romapʉ warugarigue

22Anorã abiro yʉ apemacãrĩ macãrãrẽ buewononigʉ̃ pajeripʉra mʉjãrẽ ĩñagʉ̃ warugacapeicã wamasĩherigatiwʉ marĩcʉ̃.#1:13. 23Buri marĩcʉoro docare atiditaripʉre ya padederere peotisianigʉ̃ sʉgueropʉra mʉjãrẽ ĩñagʉ̃ warugarigʉ ninigʉ̃,#Hch 19:21; Ro 1:11. 24Españapʉ wagʉra mʉjãrẽ ĩñatʉaro boga ĩ. Buri mʉjãmenarẽ yoariwatoa niheriga nigʉ̃pʉa bicapeicã mʉjãmenarẽ bapu, mʉjãmenarẽ ʉsea tigʉacu. Yʉcã tairo tirosiro mʉjãrẽ yʉcã Españapʉ tʉañerõcã yʉre titamurõãgawa ĩ.#15:28; Hch 15:3. 25Buri marĩcʉoropere marĩcʉ̃ Jerusalénpʉ wagʉdagʉya tomacãrã Jesúre wedewõrãrẽ titamugʉ̃ niyeru neãgʉ̃.#Hch 19:21; 24:27. 26Merẽ tie niyeru Jesúre wedewõrĩbumacãrã Macedonia dita macãrãrã ĩñerõcã Acaya dita macãrãrã cʉ̃jãcã boro neõyoariguera ña Jesúre wedewõrã Jerusalén macãrã bopacarare titamurã ticoradara.#2Co 8:1; 9:2; 1Ts 1:7-8. 27Cʉ̃jã cʉ̃jãcã boro tie niyerure neõriara niwã neõrãpʉa queorojoropʉare cʉ̃jãcã tora abiro tiheriñerõcãnocãrẽ cʉ̃jãrẽ tairo tiboariawãmerã nicapetacã. Merẽ cʉ̃jã judío basoca Jesúre wedewõrãrã judío basoca niherare Jesúye maquẽrẽ wederemenarã titamuriara niwã. Tairo tiro tora abiro tiriasiro niñerõcãrã tiwãmerã judío basoca niheracãrẽ cʉ̃jãcã apeyeno cʉoremenape judío basocare Jesúre wedewõrã bopacarere titamurõ niboro nirõ ya.#1Co 9:11. 28Tairo tigʉ Jerusalén macãrãrẽ tie niyerure yʉcã nʉniãriasirope España wagʉpʉ mʉjãrẽ ĩñatʉawʉmʉãgʉ̃da. 29Atie docare yʉ mʉjã cʉtiropʉ wagʉ nipetire Jesucristocã paca ñucametʉaro tiremenarã mʉjã cʉtiropʉre yʉ eamasĩgʉacu ĩ. 30Yara mʉjãcã marĩ Nirũpʉ̃ Jesucristore wedewõrẽmenarã ĩñerõcã Espíritu Santocã marĩrẽ came maĩñerõcã tiriwãmemenarã yʉre titamurã yʉcãrẽ mʉjã ñubuetamu, yaye maquẽcãrẽ Manigʉ̃rẽ ñubue yʉcãrẽ bʉtoro sãĩbosaya.#2Co 1:11; Ga 5:22-23; Col 4:12. 31Manigʉ̃rẽ ñubue yʉre sãĩbosara “Judea dita macãrã Jesúre wedewõheracã cʉ̃rẽ ñañarõ tiborere cʉ̃rẽ acuta cametʉoya” ĩ sãĩbosaya. Ĩñerõcã Jerusalén macãrã Jesúre wedewõrãcã “cʉ̃cã cʉ̃jãrẽ niyeru neãrẽrẽ ñurõ ʉsearemena boca ñeãro” ĩ sãĩbosaya.#Hch 21:17. 32Mʉjãcã tairo tiñerõcã yʉ mʉjã cʉtiropʉ wagʉ mʉjãrẽ ʉsearemena ĩñagʉ̃ eawaboga. Topʉ mʉjãmena ñurõ ni mʉjã watoapʉ pẽrõ yerisã tiboga Manigʉ̃pʉra tairiwãmerã boroĩ niñerõcã.#Hch 18:21; Ro 1:10; 1Co 16:18; Flm 1:7, 20; Stg 4:15. 33Manigʉ̃ marĩrẽ yerisãrẽmena niñerõcã tigʉ mʉjã nipetiramena niãro. Tairora tiaro.#16:20; 2Co 13:11; Flp 4:9; Heb 13:20.

Currently Selected:

Romanos 15: yui

Highlight

Copy