Romanos 14

Jesucristore wedewõrã came wedepasʉtiherimocãña

1Jesucristore õjoro wedewõtutuaherare ñurõ ĩcãrõpe ĩñaña. Cʉ̃jãmenarẽ apeyenorẽ queoro wãcũhera icãta cʉ̃jãmena came ñañarõ ĩ wederucũpãmaherimocãña.#2Co 8:9-11. 2Anorã abiro bi: Merẽ ĩcãrã Jesucristore wedewõtutuawʉmʉãrãrã “marĩcã nipetirere yañerõcã ñujo” ĩwã. Buri Jesucristore õjoro wedewõtutuaherape “marĩrẽ ote dica wadorena yañerõcã ñu, waibʉcʉradipʉpʉa ñuheri tiere yara marĩ Manigʉ̃cã dotirere cametʉanʉcãrã tiboga” ĩwã.#1Tm 4:4; Tit 1:15. 3Tairo tira nipetirere yarano ĩcãwãmerĩno wadorena yarapere sẽñorõ ĩñaherimocãña; tairora ĩcãwãmerĩ wadorena yaracã nipetirere yaranopere ñañarõ wedepasʉtiherimocãña merẽ cʉ̃jãcã Manigʉ̃cã yarara ñawã ĩyoriarapʉra ñawã.#Col 2:16. 4Marĩ ãpĩrẽ padedecoteribasocʉpʉre “mʉ ñañarõ ya” ĩmasĩheriga. Cʉ̃ nirũpʉ̃ wadora cʉ̃rẽ “mʉ ñañarõ ya o ñurõ ya” ĩmasĩwĩ. Marĩrẽ Jesucristore wedewõrãcãrẽ atiera abirora bi. Tairo tira marĩ ãpẽrã Jesucristore wedewõrãrẽ “mʉjã ñañarõ ya” ĩmasĩheriga. Merẽ Manigʉ̃rã cʉ̃jã nirũpʉ̃ ñawĩ. Cʉ̃ doca cʉ̃jãrẽ “mʉjã ñañarõ ya o ñurõ ya” ĩmasĩwĩ. Cʉ̃ wadora cʉ̃ye tutuaremena cʉ̃jãrẽ cʉ̃cã padededotirere queoro tira eañerõcã timasĩwĩ.#Stg 4:12. 5Tairora apeyecãrẽ ãpẽrã “ĩcãbʉrecorena apebʉrecorisotoape Manigʉ̃rẽ wedewõrõ bo” ĩ wãcũwã. Ãpẽrãpe “nipetiribʉrecoripʉra ĩcãrõpera Manigʉ̃ye wadora ña” ĩ wãcũwã. Buri mʉjã nipetiracãrõ “Manigʉ̃ abirope tiñerõcã bowi” ĩ mʉjãcã wedewõrĩwãmerã queoro tiya.#Ga 4:10; Col 2:16-17. 6“Ĩcãbʉrecorena apebʉrecorisotoape Manigʉ̃rẽ wedewõrõ bo” ĩ wãcũrãno cʉ̃jãcã wãcũrõrã abirora tira tibʉrecomenarã Manigʉ̃rẽ ñurõ wedewõrãrã yawa. Tiwãmerã nipetirere yaranocã Manigʉ̃rẽ “atie yarigue nipetire mʉcã ʉ̃sãrẽ nʉnirẽrã ña” ĩnirãrã cʉ̃rẽ ʉseare nʉni yaracã cʉ̃jãcã tairo tiremena Manigʉ̃rẽ ñurõ wedewõrãrã yawa. Tairora ĩcãwãmerĩrã yaracã ĩcãyere yaherara cʉ̃jãcã yare wadorena Manigʉ̃rẽ “atie yarigue mʉcã ʉ̃sãrẽ nʉnirẽ ña” ĩnirãrã cʉ̃rẽ ʉseare nʉni yaracã cʉ̃jãcã tairo tiremena Manigʉ̃rẽ ñurõ wedewõrãrã yawa.#1Co 10:31; Ga 4:10; 1Tm 4:3. 7Merẽ marĩye catire, marĩcã cõwõãtecã marĩyemerã ña.#2Co 5:15; Ga 2:20; Flp 1:20-21. 8Marĩ catira, marĩye catiremena marĩ Nirũpʉ̃ Jesucristoyere ñurõ tirucũ cʉ̃rẽ wedewõrucũrãdarara cati. Marĩ cõwõãrãcã tairora cʉ̃rẽ wedewõrucũrãdarara cõwõãrõãcu. Tairo tira marĩ marĩcã anorẽ catiremena nirĩwatoacãrẽ o marĩcã cõwõãriasiropʉcãrẽ marĩ Nirũpʉ̃ Jesucristoyarara nirã ya.#Flp 1:20. 9Merẽ tiemaquẽ niãterena tigʉ Cristo cõwõã upatuti masãrigʉ niwĩ nipetira cõwõãriarare, catirare nirũpʉ̃ nigʉ̃dagʉra.#Hch 10:36; 2Co 5:15. 10Topʉare tora abiro nicapetacã ¿dairo tira mʉjã mʉjãyara Jesucristore wedewõrãrẽ “ñañarõ yawa” ĩ wedepasʉtiri o mʉjã dairo tira mʉjãyararena sẽñorõ ĩñarĩ? Marĩ nipetirare Manigʉ̃ cʉ̃cã basocare ĩñabeseribʉreco eañerõcã marĩcã tiriguecãrõrẽ cʉ̃ ĩñabesegʉagawi. Tairo tira mʉjã Jesucristore wedewõrã marĩyarare wedepasʉtiherimocãña.#2Co 5:10. 11Merẽ Manigʉ̃ye wederucũrẽrẽ ojayoriapũpʉre abiro ĩ:

«Yʉ mʉjã Nirũpʉ̃ catirucũgʉ̃rã nigʉ̃ ya.

Yʉcã wederucũrẽ diamacã maquẽrã nirõ ya.

Tairo tigʉ nipetira basocare yʉ diamacã cʉ̃jãya ãsʉ̃rʉ̃poperimena eacumuwa

“mʉrã ʉ̃sã Nirũpʉ̃ ñugʉ̃, tutuagʉ ña” ĩ basapeoroagawa» ĩ#Is 45:23; Flp 2:10-11.

ĩ ojayore ña. 12Tairo tiro marĩ basoca nipetirare cʉ̃ Manigʉ̃ cʉtiropʉra earo nirõãcu nipetire marĩcã tiriguecãrõrẽ cʉ̃rẽ wederadara.#Mt 12:36; 1Pe 4:5.

Ãpẽrã mʉjãyarare mʉjãcã tiremena posoherimocãña

13Tairo tira marĩ marĩbasurupera came wedepasʉtiherimocãrãda. Buripe tora abiro tirono tira apeyenomena Jesúre wedewõrãrẽ ñañarẽ tiñerõcã tibuiyeherimocãrãda cʉ̃jãcã Jesúre wedewõrẽ cʉorere posori ĩrã.#Mt 7:1; 1Co 8:13. 14Yʉpepʉare marĩ Nirũpʉ̃ Jesúre wedewõgʉ̃rẽ nipetire yarigue yʉcã yare yʉre ñurẽ wadora ña. Buri ãpĩpere ĩcãye yarigue cʉ̃rẽ ñañarẽ niñerõcã cʉ̃pepʉare tie ñañarẽ ña. Tairo tigʉ cʉ̃ tiere yamasĩherigawi.#Mc 7:14-19; Hch 10:15; 1Co 8:7-8; Tit 1:15. 15Tora abiro niñerõcã mʉjã mʉjãyarare cʉ̃jãcã yahererena cʉ̃jãrẽ yaẽñonirã cʉ̃jãrẽ yañerõcã tinirã ñañarõ tiatiwʉ ĩ tʉoiñañerõcã tira, mʉjãcã maĩrẽmena nirẽrẽ cʉ̃jãrẽ eñorãmerã tiroacu. Tairo tira mʉjãcã yaremena ãpẽrã Cristore wedewõrãrẽ ñañarõ tibuiyeherimocãña. Merẽ cʉ̃jãcã Cristocã cõwõãbosayoriarara ñawã.#1Co 8:9-13; 10:23-24; Ef 5:2. 16Mʉjãpere mʉjãcã tairo tire ñurẽ nicapetacãrã mʉjãrẽ ãpẽrã “cʉ̃jã ñañarõ yawa” ĩ wedepasʉtiri ĩrã mʉjã tiere tiẽñoherimocãña.#14:16 Aperore anorẽ buripe ñurõ tira “ñañarõ yawa” ĩyoboheriwãmepe tiya ĩrugaro ya (1Co 10:30-33). 17Manigʉ̃cã cʉ̃yarare dotire marĩpʉre nirẽ: ya, sĩni tire maquẽmerã ña. Buripe diamacã maquẽ tiremena nirucũrẽpe, ãpẽrãmena ñurõ nirẽcʉtirepe, ʉsearemena nirẽcʉtire maquẽpe ña. Atie nipetirere Espíritu Santocã titamurẽmenarã timasĩyo.#15:13; 1Co 8:8; Ga 5:22-23. 18Anorã abirope Cristoyere ñurõ tigʉnorẽ Manigʉ̃ cʉ̃rẽ ñurõ ʉsearemena ĩñawĩ. Ĩñerõcã basocacã cʉ̃rẽ “ñurõ tigʉ ñawĩ” ĩ ĩñawã.#2Co 8:21. 19Tairo tira ĩcãrõmena ñurõ came wejepeorere, ñurõ came nirẽcʉtirere amarãda. Ĩñerõcã marĩcã Cristomena mama nirẽcʉtiriwãmerẽ õpemena marĩbasurupe came titamuwʉmʉãrãda.#Sal 34:14; Ro 15:2; Heb 12:14. 20Mʉjã mʉjãcã yaremena mʉjãyarare cʉ̃jãcã Jesucristore wedewõrẽ cʉorere posoherimocãña. Queorojoropʉare nipetire yarigue ñurẽ wadora ña nirõpʉa. Buri tairo nicapetacã cʉ̃jãcã yahererena mʉjãpe cʉ̃jãrẽ yabuiye ñañarõ tirara abiro pʉtʉañerõcã tinirã cʉ̃jãcã wedewõrẽrẽ pitiñerõcã tirepe ñuheri.#14:15; 1Co 8:9, 12. 21Ãpẽrãrẽ Jesucristore õjoro wedewõtutuaherare marĩcã tiremena cʉ̃jãrẽ ñañarõ tiñerõcã tiri ĩrã abirope tiro bo. Cʉ̃jãcã waibʉcʉradire yaheriñerõcã ĩñarã marĩcãrẽ tiere yaherimocãrõ bo. Cʉ̃jãcã ʉse ococãrẽ sĩniheriñerõcã ĩñarã marĩcãrẽ tiere sĩniherimocãrõ bo. Ĩñerõcã tairora cʉ̃jãrẽ Jesúre wedewõduñerõcã tiborenocãrẽ tibuiyeherimocãrõ bo.#1Co 8:8-13. 22Nipetire mʉjãcã tirere ñurẽ wado ña ĩ tʉoiñarã mʉjãbasurupe Manigʉ̃mena wadora came wede tʉoiñamocãña. Ãpẽrãcã wedewõrẽrẽ posohegʉno Manigʉ̃cã ĩñacorore “yʉ wapa cʉohegʉ ña” ĩ tʉoiñagʉ̃no ʉseagʉ niãro.#1Jn 3:21. 23Buri ĩcʉ̃no atiere yʉre yañerõcã ñuboga o ñuheriboga ĩmasĩhericapeicã yagʉ wapa cʉogʉ pʉtʉagawi cʉ̃ cʉ̃cã wedewõrĩwãmerã abiro tiepere yañerõcã ñurõãcu ĩmasĩherinigʉ̃. Merẽ nipetirere marĩcã wedewõrĩwãmepe tierena tiro boga ĩmasĩcaperacãrã merĩãwãmepe tire earera ñañarẽrẽ tire ña.

Currently Selected:

Romanos 14: yui

Highlight

Copy