Popular Bible Verses from Romanos 15

Share

Manigʉ̃ cʉ̃cã ñurõ tiatere marĩrẽ ʉsearemena yuerucũñerõcã tigʉra mʉjãrẽ cʉ̃rẽ wedewõrãrẽ ʉseare, yerisãrẽ nʉninemoãro. Ĩñerõcã tairora mʉjãrẽ Espíritu Santoye tutuaremenarã nemorõ ʉsearemena yuerucũñerõcã tiaro.

Nipetire sʉgueropʉ Manigʉ̃ye wederucũrẽrẽ ojayoriapũpʉ nirẽ marĩrẽ bueate niãro ĩ ojayorigue wadora ña. Tipũcã marĩrẽ buerera marĩrẽ ñañarõ cametʉañerõcã tirere nʉcãrucũñerõcã wãcũtutuañerõcã ya. Ĩñerõcã “marĩcã wedewõrẽ cʉorora abirora queoro waroacu” ĩ yuerucũñerõcã ya.

Merẽ cʉ̃ Manigʉ̃rã marĩrẽ merĩã warere nʉcãñerõcã wãcũtutuañerõcã yawí. Tairo tigʉ cʉ̃rẽ “cʉ̃jãrẽ ĩcãrõmena came ñurõ nirẽcʉtiñerõcã tiya” ĩ sãĩbosa mʉjãrẽ Jesucristocã tiriawãmerã abirora queoro tiquetatuwʉmʉãrãrã nirã earo ĩgʉ̃. Tairo tira mʉjã nipetira mʉjãcã tairo tiremena ĩcãrõmena Manigʉ̃rẽ marĩ Nirũpʉ̃ Jesucristo Pacʉre “ñucametʉasu mʉ” ĩ ʉseare nʉni basapeoroacu.

Tiere tirara mʉjã mʉjãbasurupe came ñurõ ñeña Jesucristocã mʉjãrẽ ñurõ ñeriarora abirora. Mʉjãcã tairo tiremenarã ãpẽrãrẽ Manigʉ̃rẽ “cʉ̃ ñucametʉasugʉ ñawĩ” ĩñerõcã tiroacu.

Marĩ nipetirare cʉ̃jãcã peñarepere wãcũ cʉ̃jãye maquẽ niãtere cʉ̃jãrẽ titamurõ bo cʉ̃jãcãrẽ Jesucristore wedewõnemowʉmʉãro ĩrã.