Matta 24
24
Yesu Ishiu Taje Zwam e Huzagu Egenga
1Ta Yesu e sher so Egenga e be shi tuhano, pa aswabo a bune eb a chibaga ek kuchi mamagi-mage ma mogenga 2Pa eb e chane yek nyange, <<E hya kuchi mamagi-magi mateya? Tamahinda narega ke zwammagaa, aza te ko oimka owaba gewa zaat omaya a huzhagu ek kuchi >>.
3Ta Yesu e shani zaat o mushama mo zaitun, pa swabo a bune eb a kore wo eb aba ba ange, <<Tuzwama, ene ya̱ rwago kore? nya̱ ya chibano alama a gabwa giu henda ne hwagu e a zamane >>.
4Yesu e chane yek nyange, <<Ishihonzhe, zwam koga bota maiwa̱ta̱. 5Ato dinya a koro na reze narimi, a zwam, Gemshi botʻbwakimga, har ek wa̱ra̱sumi ato dinya. 6Ya̱ hogo alabare a bitaga na mahogehoge maba. Itahuga ryasa, zwam nani owaparo, ama a kunda̱ga̱ a kurwa ba. 7Ibenchi ya̱shi bitaga na ibenchi e mai, Tugwama twash bitaga na tumai tugwama. Henda ashi remyaro na idumta̱ e tonge ko pa. 8Ama uni ushi e rwago etuzuma.
9<<Gagu uni a mai tuta a mai pa tuzuma, henda a mai hunago. Tonge kuchi ato mai a mai wundo zwam reze na rimi. 10Na gaguni ato dinya ashi odubuta,ama ryago-amana amawunje. 11Tumana tak amashinji dinya a pwatum ato dinya. 12Zwam udubu o mugu enk owaba, tukudago tu ato twashi tudaʻu. 13Ama bone bo ma ippaga̱ koro nesa, bwa gegiu. 14Henda a pa alabare a tusungo a tugwama to turwana zwam ato kuchi a daki, wari pab agundagari a kurya.
15<<Shi hya iyi damuna ene nya shibke kipwatum, ene hatuma Daniyel bo zwame, e be yesani na rihug ribura̱. Ga bone bo oin zazaba bo gane. 16To, ane ayo bando o yahodiya a some wo hate emakimga swe. 17Bone bo yo zaat che na ubana, bota kazhagiwa wai bwa zhangu ene yo na so yaba. 18Bone bo yo na sanga henda bo ta giya̱ wai bwa zhangu a po a bob ba. 19Tir, aʻa mukabu, na ne a zhe awo nesa na gaguni 20Shaji menga zwam somoni ota korya wo gahi na gagu tudaʻu ko oho hengano o mugeta motandare 21Zwam na gaguni ashi tuzum to mai to tuwaga iritone twaba taboshi toik ba tuni na Jigu tonge har nare, a henda shaka iri tub ba. 22Ba zwama ab enbe muget muni ba, a ka za bumbotuhinja bone bwa gegiu. Ama zwam ane ab yinga a embo moget.
23<<Na gaguni, ko ga bwange na gahi, <Yingyana, Botʻbwakimga a bun!> Ko, < A bura̱! > Eta yada. 24Zwam Botʻbwakimga bu tak na Tumana tak a shirage, a chibane alama a iyachibane e tuwaga na iyahyani zwam yeka wanrya̱tumi ato, har na ane ab ringa taba shi owashi. 25To, ne zwama tuni maʻinta.
26<<Zwam nani sha zwama nagahi, ba era̱ no zanga, eta shirewa. sha zwama nagahi, <Ba ira̱ na so ubana emakimga swe>, Ita yada. 27Zwam ta tumai-mai to oin yitaga na zaat koro reto, nani giu bwa bot owashi.
28<<Wo riʻu reyo, ai, pab hunku ayo.
29<<Kapaba kate ne kore moget mo te,
<< Onhwaho owashi tushi,
Pyana henda owashi tubanga ba.
Ringwane nya henagage na turwana,
A dumta̱ henda mahore ma turwana >.
30<< Na gagu ni ne alama a bwa Bot a chibano na zaat o turwana. kuchi kabila a tonge ashi tudaro zwam ryansa. a hya̱ bwa Bot bobe kore na so urana na mahore na e dan edanduwa dinya. 31Nya̱ tuma na tumana hagamba eb a hura̱ oreba one ozhe erema dinya, henda a tarage ane ab yinga na zaat na retowa na wa-katuga na wa-kagura, wato, inyaka e tunge toni koro turiya̱ >>.
32<<Idaki emai bando eʻo etu. shi shebob shi hinu kama sakaga, shibe putagi huma haba, shiu oya̱ wutagi ba on. 33Nani henda shi ha̱ ene gem raga ke zwammagaa, gahi daki ne zwama gagu wutagu, oyo kane eso. 34Tamahinda na raga kamai zwammagaa,zamani one sai a shiu irini kuchi. 35Turwana na tonge twa hwagu, ama taaje nuni owa hogu ko chino ba >>.
Aza Bone Bo Daki Oho Marigeu Bot-bwakimga
36<<Ama aza bone bo daki oho ko gagu oniya̱, ko tumana hagamba ane ayo na turwana, ko bwa, sai buchi bob buba. 37Ta ba shi na muget mo nuhu, nanani giu o bwa bot owashi na maringya a bwa bot. 38Ta gagu uni na upopo umani utuwaga, a be re, a be su, ato tware a be shi ushiyana, a be panga ushiyana, har koro oho Nuhu o esh o ugu mani. 39Kape yek a gane ene yo naso, opopo oni o mani utuwaga okorya usaga ato kuchi. Nani henda giu bwa bot owayaa. 40Gagu uni, ato barya̠gya̠ a nya na sanga, a zhangi buinka̱, a ge buink. 41Aʻa barya̠gya̠ a nya shi tunama tare a zhangi buink, a ge boik 42<< Zwamnaniya ko ga bu nya na tudaku, zwam e daki oho Botʻbutuwaga na buhi bwa maringeu ba. 43Ama gahi de idaki, a ka sha buchi bo yaba bwa daku gagu owana buhi bwa kore na get, buka rabto ba, henda bwa geu a eshe boik yaba ba. 44Zwam nani henda sai e shani na tudaku, zwam na gagu o gahi dakiwa̱ ba obane bwa bot bwa kore >>.
45<<Ga bone bushi bugyam bwaba yaje na bob, bo turenge, bone buchi bo yabe bob bo sape boik bo yingyane yabe eb, henda bo on panga hagyama mai kuryago kwaba hozhe? 46<Iyi bura̱ eyo wo bugyem bone bo buchi bo yabe bob bwakore bo bangya boik bobeshi enke a bob? 47Tamahinda na rega ke zwammagaa, ya̱ sa bugyam boni bo iyingyane kuchi hazunga a eb. 48Ama sha bangi, bugyam bone bushi mugu, ya̱ mazwama, <Buchi bo yaba nami bwa gi maintaba,> 49Na nani e be ya supaga a chagiya enke eb, e be re, e be so taba na ne a wa̱ra. 50Shibu shiu nani, buchi bo yabe bob bwa kore oho e be shiu samani ba, ko henda gagu eb e dakiwa̱ ba, 51Buchi boyab bwa shagiu ek risupu etuwaga, henda bo shere ek hadoba nato uramahuta̱. Pab a shagu tudaro na tura tuhera̱ >>.
Currently Selected:
Matta 24: UAA
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The word for the World Nigeria
