Matta 25
25
Egagau Mukangaza Rikwape
1<< Na pab ab gagau tugwama to turwana na mukangaza rikwape mune mu zhangi bichera a kore a tariya̱ bot bo wushinyana upo. 2Ta wo ab aza toringe ta henda̱ azhe toringe. 3Gagu hane aza turenge azhangi chere yaba azhangu manebe zwam ekesana ba. 4Ane turenge a zhangu hakwalba maneb taba̱ na so chere. 5Ene shi ushiyano upo e kurwa maʻinta, sarai owaba a kumbe murab har murab mo jhangi yek.
6<<Wari na ushe ageta paba hoge ogo, a be zwammagaa, <Ini ishi ushiyana ino! Shirinji e gichi ek >.
7Pa mokangaza muni rekwape moshirage ko ga bo kemaga bere re bob. 8Pane aza turenge azwame na ato turenge,<Etokashiya maneb na mahi chim-chimu naye.chere niti e nya owagi >.
9Ama ane azhe turenge ange naba, <manebe matodama gatu na gahi ba. Ekore wo ato esango e senyana mahi >.
10Ta ba kore zwam a senya̱ manebe kape a giya ene shi ushinyana e wuto. Ane a makimaga a esh wo rago na eb, pa a ba gunda eso.
11<< Ab pab mokangaza mone moeyata mo kore, mwange.<Butuwaga,Butuwaga a,tugonjigage >.
12Na bone bushi ushiyana bwange naba, tamahinda na oikamai zwammagaa, na mai dakiwa̱ >.
13Zwam nani Yesu nyange sai shani na tudaka̱, zwam e dakiwa̱ oho ko na morwam mwana bwa bot bwa kore ba >>.
Egagau Zwam Ihumga̱ A mana.
14<<Henda tugwama to Onhon twaya̱ ta bot bone bwashi tuhano, bob bo ogagya agyam a bob, na bob bo tuta yek iyi bob. 15Bo pa boik zinariya o ta,boik henda zinariya a rya, emai henda zinariya unka̱, ko ga ta mahoren mabob.Pa eb e karige. 16Bone bo che zinariya dubu uta uni ka paba na eb eshe gembo na kurubi ni, na eb hi umai dubu ota. 17Nani ma ene e che zinariya dubu baragya, bo hi umai dubu barya̠gya̠. 18Ama bone bo che zinariya dubu u ka bo kore bo gabe hambi bo wumba kuru bi buchi bo ryabe bob.
19<<Taba warage, pa buchi bo yaba bwa gyamani bo gi zwam bo rotage ene ya̱bashi na kurubi ni. 20Pa bone bo che zinariya ota bu re tusha bo shibkana a mai zinariya o ta bwange, buchi bo yaba, bona pa zinariya ota.Gyamwabona na shiu gembo ota >.
21Na buchi bo yaba bob bwange na eb, <Ushiu honjhe, bugyam bura̱, bwa yaje! Bushiu ayaje ne iyi no, nabo pa emai ane a hyange ene. korya shi so chen taba na buchi bo yaba nebe >.
22<<Pa bone bo che zinariya dubu uragya henda bo kore tusha, bwange,<Buchi bo yaba, bona pa zinariya dubu uragya. Gem ama wabona na shiu gem o zinariya dubu uragya >>.
23Na buchi bo yabe bob bwange na bob,< Ushiu honjhe, bugyam bura̱ bwa yaje; Bushiu iya yaje ne iyi no. Na bo pa enk ana henge ane kurya shi so chen taba na gyamu!>.
24<<Pa bone bo che zinariya unka̱ bo kore bishina̱ be eb bwange,<Buchi bo yaba̱ na daku gab zhe gago shaʻane, bo shagu biguba̱ wo gab beragewa ga henda bu kudage iyi suba̱. 25Obo osa na hoge ryansa na kore na gabe hombe na wumba̱ kurubi nebe. cha iyi nebe >.
26Na buchi bo yaba eb bo chane ek bwange,Gab mugu o bugyam bo renda! Ashe budaki na on biguba̱ wo gem biragiwa ba, na on henda zuranga wo gem bazhiwa bero ba? 27Ai, oyo honzhe otane kurubi nimi wo tuira̱, shi nagiwa̱ gyam che kurubi nimi na har ne kisano.
28<< <Sai e che zinariya dubu uka ote wo eb e pa bot bwa jika kwape ta buni 29Zwam bone bo zhe iyi, a kisano boik har bu hi dinya.bone bo za iya, chimu ne bob bozhe, a cheu wo bob. 30Etage henda bugyam buto bowo na so tunshi.Pa pabashi tudaro na ma haka maira >.
Hadoba a Kunda gani
31Gagu o bwa bot bwa kore na so adandiya bob taba na a tumana hagamba kuchi, na paba eb ya̱ shanu ne runru tuwaga e tugwam to eb. 32A tarage kuchi ato tunge na bishina̱ be eb, ya habsagu yab zagu-zagu, ta bot bo rihuba bo raga habsagu temi na haro 33Ya̱ tano tami na wa katuga e be tano haro na wa kagura. 34Napab bugwam bwa zwam na ane a yo na wa katuga, <kuryanji, gahi ane buch na bumi bo shegi yek iyi bura̱! E che tugwama tone to Onhon o mai shagi tun na Jigu o tonge. 35Zwam gagu o gyem hoge rimyano ene pa kurago.Na gem hoge touware, ena pa mani na so gem. Bot bo kanya ina cheu. 36Na za anpo, ena pa anpo na rumagi, na gahi nayingyane. Gyamushi tudaro, e korwa na zwano? 37<< Gaguni ne ato bura̱ a chano ek a zwame,<Botʻbutuwaga,hwane gatu bu ha̱ na gato pa mani buso,ko hoge remyaro to pa kuryago? 38Henda hwane gatu ha̱ gab bot bo kanya na gato bo dinya? ko henda bo za a po na gato bo pa anpo? 39Henda hwane gato bo ha̱ burumagi na gato kore wo gab ko henda gab na zharo na gato kore wo ga ba >>.
40Bugwam bu chane yek bwange, <Tamahinda na o kamai zwammagaa,ta gahi shagiu bot binka̱ wo ato nami bone buhunba̱, ai, enashageu gem >.
41Na pab nya zwama ane ayo na kakura ka eb,< E na ge, gahi ana ab tani yinu yewo, e esh ora̱ one o usa̱gagiwa dududu, one owaba shagi bugwam muphar na tumana hagamba bob. 42Gagu gyam hoge remyaro, ina pa kuryago ba.Na hoge tu'oware tumana, ina pa mani na suba. 43Gem bot bokanya,ina cheu ba.Na za a po, ina pa a po ba. Na rumagu, henda nayo na zharo, ekurwa̱ wo gem ba >.
44<<Ab ma a chano a zwamo,<Botʻbutuwaga,hwane gato buha̱ gato hoge remyaro, ko tu'oware tumani, ko gab bot bo kanya̱, ko gab na jharo tubuyingyano ba?> 45Na bugwam bwachano yek bwangya, < Tamahinda na raga ke zwammagaa, ta gahi shagiwa bot boink wo ane a humba ba, ai, ena shagiu gemba ba un.> 46Ane a eso tuzuma tone twa hwagu ba, ato bura̱ henda a esh muhundo mu dududu >>.
Currently Selected:
Matta 25: UAA
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The word for the World Nigeria
