Matta 23
23
Yesu e Tonu ene Hamarumi a Ataura Na haparisiya A swai
1Ta ato amatarage dinya na aswabo a bune eb Yesu nyange naba, 2<<Hamarumi ataura na parisiyawa a yinsa maimako ma musa. 3Zwam nani, gahi , gahi shi kuchi ene ya̱ ba maizwa ma, ama ban na enke ab. zwa ab raga zwammagaa ama ashi ba. 4Yek a shagu a para hazunga tuchan, ene ezumiya jhangi, ab tunge ato na shitutu. Ab hato haba a banga yek ko ne ebobwa ba.
5Kuchi enk ab regashi zwam yish ato. Yek raga paraga rahe a tuwaga na kare ka shapo shaba henda har haru. 6A kudage rihuga rishiya̱ rituwaga bando bigenje, na ahuga ai shiya a tuwaga na egenga 7A kudage a zwane yek na kasuwa, a raga henda zwane naba <Umarumi.> 8Ama gahi henda, a ta zwamana gahi <Hamarumi>, zwama Umarumi nuhi ushi unka, gahi kuchi ish ato inka̱ 9Eta ogaga ko ga na tonge <Buchi> Na tonge, zwam buchi boik bob bushi na buhi, bone bo yo na turwana. 10A te ogagiwa koga<Umarumi,> zwam Umarumi oinka o gahi zha, Botʻbwakimga. 11Ama bone bo henge tuwaga wo gahi bob bushi bo no wogahi. 12Bone bwazhangu reto rebob, a rengyatom boik nesa̱. Bone bwamaringyatomo nesa, bob bwaba edanduwa boik.
13Tir nuhi, Hamarumi ataura na parisiyawa, uramahuta̱! E gunda eso tugwama to turwana. Gahi hato nahi e eso ba, gahi raga yasaga ato ne a kodage a esh a eso. 14Tir nuhi hamarumi ataura na parisiyawa uramahuta! E ragare hazunga aʻa ane ari sha ugu, e shagu menga ma geso zwam e pwatumi ato mai. Zwam nani ai shagiu hadoba a tuzuma.
15Tir nuhi, hamarumi ataura na parisiyawa, uramahuta̱! Ekachaago rwaga, e watago tunge to tomere. Zwam a hi bot boik bone bwa maginjigeu.Ama shi hiu, gahi ringyatumeka ato yabe ora tu shamagahi karyagya.
16Tir nuhi, gahi ruba ato e kakadu ya̱to, gahi ato gahi raga zwammagaa, <Kuchi bone bwamaton ne genga, oza koya̱, Ama kuchi bone bwamaton na zinariya o Egenga, dole bushi ene bob bo matone ha̱ bwashi.> 17Gahi hawawa aruba̱ owana o zake tuwa, azinariya, ko Egenga ene e guzhi zinariya? 18E shagu henda ezwame, < Kuchi bone bwa maton nebaro, o za komi, ama henda bone bwamaton na uhanchi one owabushi ne baro, dole buchi ene bob bo matone bwashi.> 19Gahi haruba! Ya̱ nai ehyange tuwaga̱ uhanchi, on ba de ebaro e uhanchi, one owa guzu uhachi? 20Zwam nani kuchi bone bwa matono ne baro uhachi, bu maton kuchi nene yo na reto rebob. 21Kuchi bone bo maton ne genga, bo maton na eb, henda bu maton na bone bo shani na so eb. 22Koga henda bo maton naturwana, bo maton na Egenga e Onhon, na bone bo shani pa eb.
23<<Tir nuhi hamarumi ataura na parisiyawa, uramahuta̱! E shiratumago zaka nuhi o naʻanaʻa, na anise, na lapsur, ama e paso iyimahinda e ataura, wato, mahinda, na yam, na eyado eni ne e sambari ishi, ba taba na e paso e mai ba. 24Haruba̱ ana on tuka̱ka̱du, e raga yachigaga mahenhe mano, ama e on twaraga harakumi! 25<<Tir nuhi hamarumi ataura na parisiyawa, uramahuta̱! E on guzagaga yisa a boba, na geto, ama na so osambariba. 26Gab buruba̱ bo parasiye! Rwaga kimaga e bob na ageto na so zwam yinsa yaba ma ekimaga.
27<<Tir nuhi, hamarumi ataura na Parisiyawa, uramahuta̱! Ta auya ne ab sukutage yek tunge to chen ana sambari na reʻeb, na so henda haʻupa ana owagi na udamuna ko owana. 28Nani henda naishato gashi ato bura̱ ama na so uramahuta na enke a mugu.
29<<Tir nuhi, hamarumi ataura na parisiyawa, uramahuta̱ e raga tago moyaba na uya hatuma, e on kimaga uyato bura̱ 30Gahi zwammagaa,<Da̱ tuka shanu na azamane a shikaka nashiti, tu ka banga a kwangi a mahya ma hatuma ba?> 31Nanani gahi chibaga gahi shi awa ana a hunago hatuma. 32To shindagi enke hane a shikaka na shihi shirwage: 33Gahi shahwa̱, inga gahi ya̱ kachigeu hadoba a yabe ora. 34Zwamnani na tumane na hatuma a Onhon, na ato turenge, na hamarumi ai chibagano e musa e hunago yek, e gendaga yinka, e supagi yinka shiduga na mugenga na muhi, gahi swabaga yek shep-shep gahi panga yek tuzuma. 35Zwam ketope ke mahya ma ato bura̱ ane ab hunago na tunge a marige wo gahi, tun mahya̱ ma Habila bot bura̱ koro ma Zakariya buyu bo Berekiya, bone bo gahi hone kusa ne huga̱i bura̱ ne baro. 36Tamahinda na on kamai zwammagaa, kuchi ene ya paro na ato zamani o niya >>.
37<<Gahi ato Urushalima, Gahi ato Urushalima! Ato e honnago e hatuma na ato e tagago e hane ab tumane wo gahi! Kana gyam kudage na mai tarage ta aruma a tatarage awo ab na hagab ab ama e wondo! 38Bana a mai gage yaba nihi nate! 39Na on kamai zwammagaa, ya̱ na ha̱na̱ka̱ ba sai oho gahi zwam, <Iyi bura̱ e yo wo bone bo on kore na reze re Botʻbutuwaga >>.
Currently Selected:
Matta 23: UAA
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The word for the World Nigeria
