२ कोरि 5
5
1एनते बोन बाडायगेया, धा़रतिरेबो ताहेकान नोवा होड़मो ओड़ाक् रा़पुत्लेनरे इसोर ठेन खोनाक् ताहेन ओड़ाक् मेनाक्गेताबोना, तिते बाङ बेनावक् सेरमारे जायजुगाक् ओड़ाक्गे।#इबरिको 9:11; जोब 4:19 2नोवारे दो एनतेबो कुहरा़वेत् काना, आर सेरमा रेयाक् होड़मोवानते, सेरमा रेयाक् आबोवाक् ताहेन ओड़ाक् ञाम ला़गित् बोन मोनेजोङ काना। 3एनते सेरमा ओड़ाक् बोन ञाम लेखान सेरमा रेयाक् होड़मोवानते ओंडे बोन ताहेना। 4एनते नोवा होड़मोरे मेनाक्बोनको दो तेन आकानते बोन कुहरा़वेदा, नोवा दो बाङ काना जे नोवा होड़मोरे बाञचाव ञाम ला़गित् बोन मोनेजोङ काना, मेनखान सेरमा रेयाक् होड़मो ञाम जोङ ला़गित् बोन मोनेयाक् काना, जेमोन गुजुक्आक् होड़मो दो जियोनरे फेरावक्। 5आर नोवा ला़गित् ए तेयारकेत्बोनिच् दो इसोरगे, ओने उनि बायना लेकाते सोनोत जिउ ए एमात्बोन। 6ओनाते जावगे खा़तिरजोमा बोन ताहेनकाना, आर नोवाबोन बाडायेत्आ, जे होड़मो कुमबा़रेबो ताहेन कानरे दो प्रोभु खोन बेगाररे बोन ताहेन काना। 7एनते बिसवा़सतेगे बोन दाड़ान काना, ञेलोक्आक्कोते दो बाङ। 8आदो खा़तिरजोमागेबोन ताहेनकाना, बिचकोम होड़मो खोन बेगारकाते प्रोभु साँवते ताहेन बोन मोनेजोङ काना। 9जाहाँलेका कानगे, उनि कुसि ओचोये लेक होयोक् बोन कुरुमुटुयेत् काना, चाहे नोवा होड़मोरे बोन ताहेन से प्रोभु साँवते बोन ताहेन। 10एनते आबो सानामकोगे मा़सियाक् बिक्चा़र दुड़ुप्आक् सामाङरे हा़जिरोक् होयोक् ताबोना, जेमोन मिमित् होड़ होड़मोरे का़मिआकात् लेका कुड़ा़इ बोन ञाम, चाहे बोगे चाहे बा़ड़िच्।#एफेसिको 6:8; माथाय 16:27; का़हतुक 12:14
मा़सि होतेते इसोर तुलुच् सामगेक् रेयाक साप्दाप्
11आदो प्रोभु रेयाक् बोतोरले बाडायेत्ते होड़कोले रा़मजा़वेत्कोवा, मेनखान इसोर सामाङरे दोले सोदोरगेया, आरिञ भोरसाक् काना, आपेयाक् साँवबाक्डायाक्रे होंले सोदोरगेया। 12आले दो आरहों लेक मेनते आपे ठेन आपनार बाले सारहावक् काना, मेनखान आले ञुतुमते सारहावक् रेयाक् दावले एमापे काना, जेमोन ओनकोपे रोड़ रुवा़ड़ दाड़ेयाको, ओकोय बाहरे रेयाक्कोरेको बा़क्डा़इ कान, आर ओनतोर रेयाक् दो बाङ। 13एनते बा़उला़हाले ताहेनकान, ओना दो इसोर ला़गित्गे आर बोगे बुदानकोले ताहेनकान, ओना दो आपे ला़गित्गे। 14एनते मा़सियाक् दुला़ड़ दोए उदगा़वेत्लेया, नोनकाले निट आकावानते, बाङमा, मित् होड़गे सानामको ञुतुमतेये गोच्लेना, ओनाते सानामकोगेको गोच्एना। 15आर सानामको ञुतुमतेये गोच्लेना जेमोन जिवेत् मेनाक्को दो आपनार ला़गित् आरदो जिवेत् आलोको ताहेन, मेनखान ओनको ञुतुमतेये गोच्लेनिच् आर जिवेत् बेरेत्एनिच् ला़गित्गे। 16आदो नित खोन मानवा लेकाते दो ओकोय हों बाले बाडायेत्कोवा, हें, मानवा लेकाते मित् ओकते मा़सिले बाडाय आकादेरे हों नितोक् ओनका आरदो बाले बाडायेदेया। 17ओनाते मा़सिरे जाहाँय मेनाय खान उनि दो नावाँ सिरजोनगे, मारेयाक्को दो पारोम चालावेना, ञेलपे सानामाक् दो नावाँ आकाना।#जेसाया 43:18-19 18आर सानामाक् दो इसोर सेच् खोनगे, ओकोय मा़सि होतेते आच् तुलुच्ए सामगेकेत्बोन, आर सासामगे रेयाक् साप्दाप् हुदा़ये एमात्ले। 19एनते इसोर दो मा़सिरे धा़रतिरेनको आच् तुलुच् ए सामगेयेत्कोवा, ओनकोवाक् घा़ट बाय लेखायेत् ताकोते, आर आले ठेन नोवा सासामगे रेयाक् काथाय जिमा़ आकावात्लेया। 20ओनाते मा़सि ञुतुमते राज पाठावनाको कानाले, आर इसोरगे आले होतेतेये का़ँवा़ँरिक् काना, मा़सि ञुतुमतेले नेहोंरोक् काना इसोर तुलुच् दे सामगेक्पे।#एफेसिको 6:10; मालाकि 2:7 21मा़सिरे जाहान का़इ बाङ ताहेंकाना, मेनखान उनिगे इसोर दो आबो ञुतुमते का़ये होय ओचोकेदेया, जेमोन आबो दो इसोराक् सा़रियाक् बोन होयोक्।
Currently Selected:
२ कोरि 5: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
