Popular Bible Verses from २ कोरि 5

Share

ओनाते मा़सिरे जाहाँय मेनाय खान उनि दो नावाँ सिरजोनगे, मारेयाक्‌को दो पारोम चालावेना, ञेलपे सानामाक्‌ दो नावाँ आकाना।

मा़सिरे जाहान का़इ बाङ ताहेंकाना, मेनखान उनिगे इसोर दो आबो ञुतुमते का़ये होय ओचोकेदेया, जेमोन आबो दो इसोराक्‌ सा़रियाक्‌ बोन होयोक्‌।

एनते बिसवा़सतेगे बोन दाड़ान काना, ञेलोक्‌आक्‌कोते दो बाङ।

आर सानामाक्‌ दो इसोर सेच्‌ खोनगे, ओकोय मा़सि होतेते आच्‌ तुलुच्‌ए सामगेकेत्‌बोन, आर सासामगे रेयाक्‌ साप्‌दाप्‌ हुदा़ये एमात्‌ले। एनते इसोर दो मा़सिरे धा़रतिरेनको आच्‌ तुलुच्‌ ए सामगेयेत्‌कोवा, ओनकोवाक्‌ घा़ट बाय लेखायेत्‌ ताकोते, आर आले ठेन नोवा सासामगे रेयाक्‌ काथाय जिमा़ आकावात्‌लेया।

ओनाते मा़सि ञुतुमते राज पाठावनाको कानाले, आर इसोरगे आले होतेतेये का़ँवा़ँरिक्‌ काना, मा़सि ञुतुमतेले नेहोंरोक्‌ काना इसोर तुलुच्‌ दे सामगेक्‌पे।

आर सानामको ञुतुमतेये गोच्‌लेना जेमोन जिवेत्‌ मेनाक्‌को दो आपनार ला़गित्‌ आरदो जिवेत्‌ आलोको ताहेन, मेनखान ओनको ञुतुमतेये गोच्‌लेनिच्‌ आर जिवेत्‌ बेरेत्‌एनिच्‌ ला़गित्‌गे। आदो नित खोन मानवा लेकाते दो ओकोय हों बाले बाडायेत्‌कोवा, हें, मानवा लेकाते मित् ओकते मा़सिले बाडाय आकादेरे हों नितोक्‌ ओनका आरदो बाले बाडायेदेया।

एनते मा़सियाक्‌ दुला़ड़ दोए उदगा़वेत्‌लेया, नोनकाले निट आकावानते, बाङमा, मित्‌ होड़गे सानामको ञुतुमतेये गोच्‌लेना, ओनाते सानामकोगेको गोच्‌एना।