२ कोरि 4
4
हासा भाजानरे जिउतेनाक् धोन
1ओना इया़ते इसोरे माँयाँवात्ले लेका, नोवा साप्दाप् का़मि मेनाक्तालेते बाले आस छुटा़उक् काना। 2बिचकोम लाजाव रेयाक् ओको दानाङाक् का़मिकोले छि बाङ आकात्आ, बाङ दो फोरफुनदितेले चालचोलोनेदा आर बाङ दो इसोराक् काथारे जाहानाक्ले मेसालेत् काना। मेनखान सा़रियाक्तेत् सोदोर ओचोय तुलुच् सानाम होड़कोवाक् साँवबाक्डायाक्रे लेक मेनते आपनारले चिनहा़पोक् काना, इसोर सामाङरे। 3मेनखान आलेयाक् भागे सोमबात, दापाल आकानगे खान, नोसटोक् कानको ला़गित्गे दापाल आकाना। 4ओने ओनकोरेगे नोवा धा़रतिरेन देब दो बेपा़तिया़उकोवाक् आ़किले काँड़ाँआकात्ताको, जेमोन इसोररेन मुठा़न, मेताक्मे, मा़सियाक् ठोनोक रेयाक् भागे सोमबात रेयाक् मारसाल आलो मालकावाको। 5एनते आपनार दो बाले पोरचारोक्काना, मेनखान मा़सि जिसुगे प्रोभु मेनकाते, आर आपनार दो जिसु ञुतुमते आपेरेन गोलामको मेनकाते पोरचारेत् काना। 6चेदाक्जे इसोर, ओने उनिये मेनकेत्, ञुत खोन मारसाल बामबेरोक्मा, उनिगे आबोवाक् ओनतोररेये बामबेर एना, जेमोन इसोराक् ठोनोक रेयाक् मारसाल जिसु मा़सियाक् मेंत्हाँरे बामबेरोक्।#जेसाया 9:2; जेनेसिस 1:3
7मेनखान नोवा जिउतेनाक् धोन दो हासा भाजानकोरे आले ठेन मेनाक्आ, जेमोन आसामभेड़ दाड़ेतेत् दो इसोराक् कानगेया, आर नोवा दो आले खोनाक् दो बाङ। 8सानाम सेच्तेले चिपा़ ओचोक् काना, एनरेहों बाले चिरित् आकाना, आँदमांदाव आकानाले, एनरेहों बाले आस छुटा़उ आकाना। 9खेद ओचोक् कानाले, एनरेहों बाले आड़ाक् गिडि ओचोआकाना, काड़गो भिनदा़ड़ ओचोआकानाले, एनरेहों बाले नासाव आकाना। 10जावगे जिसुवाक् गुजुक्तेत् होड़मोरेले आसेन बाड़ाएदा, जेमोन जिसुवाक् जियोन हों आलेयाक् होड़मोरे सोदोरोक्। 11चेदाक् जे आले जिवेत्ले ताहेन कानको दो जावगे जिसु खा़तिरते मोरोन ठेनले सोपरोत ओचोक्काना, जेमोन जिसुवाक् जियोन हों आलेयाक् गुजुक् होड़मोरे सोदोरोक्। 12नोनकाते मोरोन दो आलेरेये का़मिकाना, मेनखान जियोन दो आपेरेये का़मिएदा।
13“समेनखान बिसवा़स रेयाक् इना़ जिउगे मेनाक्तालेते सोसतोररे ओल आकान लेका इञ पा़तिया़वेना, ओना इया़तेञ रोड़केदा” आले होंले पा़तिया़उ आकाना, ओना इया़ते रोड़ होंले रोड़ेदा।#सेरेञको 116:10 14नोवा बाडायकाते, बाङमा, प्रोभु जिसु जिवेत् बेरेत्केदेयिच् दो आले हों जिसु साँवतेये जिवेत् बेरेत्लेया आर आपे साँवते आच् सामाङरेये तेङगोलेया। 15एनते सानामाक् दो आपे ला़गित्गे जेमोन आयमाको होतेते दाया ढेरोक्ते गुनमानाव जोहारतेत्ए सारेड़ ओचोय इसोराक् ठोनोक ला़गित्।
पा़तिया़उ होतेते जियोन
16ओना इया़ते बाले आस छुटा़उक् काना, बिचकोम आलेयाक् बाहरे होड़तेत्ए नासाव इदिक्कानरे हों आलेयाक् भितरि होड़तेत् दो दिनके दिन नावाँ आरोक्कानतालेया। 17एनते आलेयाक् मित् घा़ड़ि रेयाक् रावाल दुक दो आले ला़गित् जायजुग भा़रि ठोनोक आ़डि आसामभेड़े होय ओचोयेदा। 18ञेलोक् कानाक्को सेच् मा बाङ, मेनखान बाङ ञेलोक् कानाक्को सेच्गेले बेङगेत्एत्ते, एनते ञेलोक् कानाक्को दो आ़रसिञ बा़रसिञ रेयाक्गे, मेनखान बाङ ञेलोक् कानाक्को दो जायजुगाक् काना।
Currently Selected:
२ कोरि 4: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
