२ कोरि 6
6
1आर उनिरेन साँव का़क्मिको कानतेले नेहोंरापेकाना, इसोराक् दाया आलोपे आ़उड़ियाक् ओचोयताया। 2एनते इसोरे मेनेदा,
“दाया रेयाक् दिनरे आमाक् होहोञ आँजोमकेत्तामा,
आर बाञचावक् रेयाक् दिनरेञ गोड़ोंवात्मेया।
ञेलमे, आताङोक् ओकते दो नित कानगेया,
बाञचावक् रेयाक् दिन हों नित कानगेया।”#जेसाया 49:8
3आले दो चेत्रे हों ओकोयगे बाले ता़किच् ओक्चोयेत्कोवा, जेमोन आलेयाक् साप्दाप् का़मि आलो दुसा़उ ओचोक्। 4मेनखान सानामाक् सेच्ते इसोररेन साप्दाप्को मेनकाते आपनारले चिनहा़पोक् काना, आ़डि सोबोरिते, सानतावकोरे, मुसकिल जोञजालकोरे, 5दाल जोमरे, हाजोतकोरे, हुलमालकोरे, मेहनोतरे, जागवाररे, उपा़सकोरे, 6निरा़ते, आ़किलते, जिवि हाताड़ते, सोसटोबते, सोनोत जिउते, बिन फा़सिया़रा दुला़ड़ते, 7सा़रियाक् रेयाक् काथाते, इसोराक् दाड़ेते, एतोम आर कोयें सेनाक् सा़रि सानाफानाते, 8मानोत आर बेमानोतते, बा़ड़िच् ञुतुमानते आर भागे ञुतुमानते, एक्ड़ेको लेकाले ञुमोगोक् काना, एनरेहों सा़रियाक्गेले रोड़ेदा, 9बे ओपोरोमको लेकारे हों, एनहों ले बाडाय ओरोम आकाना। गुजुक्कानको लेका, एनरेहों, जिवेत्गेयाले। सा़जा़इ आकानको मेनखान बाले गोच् ओक्चो आकाना।#१ कोरिन्थिको 4:9; सेरेञको 118:18
10हिरदा़उक्कानको लेका एनरेहों जावगे रा़सका़क् कानकोगे रेङगेच् ओरेच्को लेका, एनरेहों आ़डि उता़र होड़ किसा़ँड़ ओक्चोकानकोगे, चेत् हों बा़नुक्आनको लेका, एनरेहों सानामाक् मेनाक्आनकोगे।
11ए कोरिन्थिरेन गातेको, साफातेले मेतापेकाना, आलेयाक् ओनतोर दो आपे ला़गित् झिच्गेया। 12आलेयाक् ओनतोररे आपे ला़गित् दुला़ड़ दो बाङ कोमाव आकाना बिचकोम आपेयाक् ओनतोररे आले ला़गित् दुलाड़पे कोमावाकादा। 13आदो हाला हा़लि मेनते दो गिदरा़को लेकाञ गालमारावापे काना, आपे हों आले लेका बाड़े होयोक्ते आपेयाक् ओनतोर झिजतापे।
बेपा़तिया़उक्कोवाक् चालचोलोन उपा़रेते चेहावना
14बेपा़तिया़उको तुलुच् दो मित्टेच् आराँड़रे आलोपे जोड़ाव मिदुक्आ, एनते सा़रियाक् आर बे सा़रियाक् रेयाक् दो चेत् सा़झिया़ मेनाक्आ? से ञुत आर मारसाल दो चेत्लेकाते सोंगेतेकिन ताहें दाड़ेकोक्आ? 15बा़ड़िच् जिउ तुलुच् मा़सियाक् दो चेत् रे रा़जिक्आ? से पा़तिया़उक्इच् तुलुच् बेपा़तिया़उक्इच् रेयाक् दो चेत् बाखरा? 16आर बोङगा मुरहुत्को आर इसोराक् कोयजोङ ओड़ाक् तालारे दो चेत् मिदुक् मेनाक्आ? एनते आबो दो जिवेत् इसोराक् कोयजोङ ओड़ाक् काना बोन, इसोरे मेनेत् लेका,
“ओनको तालारेञ ताहेना, आर ओनको तालारेञ दाड़ाना,
आर ओनकोरेन इसोरिञ होयोक्आ,
आर ओनको दो इञरेन पोरजाको होयोक्आ।#लेबितिकुस 26:11,12; जिरिमिया़ 32:38; जेहेसकेल 37:27
17ओना इया़ते, प्रोभुइ मेनेदा, ओनको ताला खोन ओडोक हिजुक्पे,
आर बेगारोक्पे,
आर बेसाफावाक् दो आलोपे जोटेदा।
आदो इञगेञ आताङ दारामपेया।#जेसाया 52:11; जिरिमिया़ 51:45
18आर बाबाञ होयोक्तापेया,
आर आपे दो होपोन आर होपोनेराकोपे होयोक्तिञा,
प्रोभु सानाम दाड़ेयिच् ए मेनेदा।”#जेसाया 43:6; २ सामुएल 7:14; होसिया़ 1:10
Currently Selected:
२ कोरि 6: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
