२ कोरि 3
3
नावाँ बोनदोबोस रेन गुतिको
1चेत्, आर हों लेक मेनकाते आपनार सारहावक्ले एहोप्केदा? से आदोम आदोमको लेका चिनहा़प चिठिको जा़रुड़ाले काना, आपे ला़गित् से आपे ठेन खोन? 2आलेयाक् चिठि दो आपेगे, आलेयाक् ओनतोररे ओल आकान, सानाम होड़को ठेन बाडाय आकानाक् आर पाड़हाव आकानाक्गे। 3ओने आपेरे सोदोर आकान, बाङमा, आलेयाक् साप्दाप् होते तेयाक् मा़सियाक् चिठि कानापे, सिहा़इते दो बाङ, मेनखान जिवेत् इसोररेन जिउ होतेते ओल आकानाक्गे, धिरि पाटाकोरे दो बाङ, मेनखान मानवा ओनतोर पाटाकोरेगे।#एकसोडस 24:12; जिरिमिया़ 31:33; जेहेसकेल 11:19-20; 36:26
4आर मा़सि होतेते इसोर ठेन नोनकान भोरसा मेनाक्तालेया मेनतेले रोड़ दाड़ेयाक् काना। 5जाहान काथाकोगे आले खोन हेच् आकाना मेनते दा़बि रेयाक् लेकआनको दोले बाङ काना, एनते आलेयाक् लेकतेत् दो इसोर ठेन खोन काना। 6ओने ओकोय नावाँ बोनदोबोसरेन साप्दाप्कोले होयोक्आ मेनते लेक होंए लेक ओचोकेत्ले, आखोररे दो बाङ, मेनखान जिउरेगे, एनते आखोर दोए गोगोच्आ, मेनखान जिउ दोए जिवेत् ओक्चोआ।#जिरिमिया़ 31:31; 32:40; एकसोडस 24:8
7आदो मोरोन रेयाक् आ़न ओने आखोरकोते धिरिरे रोक्आकान ताहेंकान ठोनोक सालाक् होयेन खान, ओका इया़ते इसराएल होपोनको दो मोसेयाक् मेंत्हाँ सेच् बाको बेङगेत् उरिच् दाड़ेयात्, उनियाक् मेंत्हाँ रेयाक् ठोनोक इया़ते, ओका चाबा इदिक्आक् ताहेंकान।#एकसोडस 34:29 8चेकाते एनडेखान जिउ रेयाक् साप्दाप् का़मि दो आरतेत् ठोनोक सालाक् बाङ झालकावक्आ? 9एनते बिचा़र दुसिक् रेयाक आ़न ठोनोक आनाक् कानगे खान, आरतेत् बाड़तिगे सा़रियाक् रेयाक् साप्दाप् का़मि दो ठोनोकते सारेड़ोक्काना। 10एनते ओका मित् धाव ठोनोक आनाक् ताहेंकान, नितोक् ओना जिता़उ रेयाक् ठोनोक इया़ते ओना ठोनोक दो बाङ ताहें टारहाव लेना।#एकसोडस 34:29-30 11एनते चाबाक्आक् जुदि ठोनोकानाक् ताहेंकान खान, ताहेंआकान ताहेनाक् दो आरतेत् बाड़तिगे ठोनोकानाक् ताहेना।
12आदो नोनकान आस मेनाक्तालेते आ़डि दिलगा़रिया़ सालाक्ले रोड़ेदा। 13आर मोसे लेकानको दोले बाङ काना, ओने उनि आयाक् मेंत्हाँरे टुटुरिये लागावेत् ताहेंकान, जेमोन इसराएल होपोन ओना चाबाक्आक् रेयाक् मुचा़दोक् सेच् आलोको बेङगेत्आक्। 14मेनखान ओनकोवाक् मोन दो केटेच् आकानताकोवा, एनते तेहेञ दिन हा़बिच् मारे बोनदोबोस पाड़हावरे इना़ टुटुरि दो बिन ओटाक्गे ताहेंआकान ताहेनकाना, चेदाक्जे ओना टुटुरि दो मा़सिरेगे चाबाक् काना। 15मेनखान तेहेञ हा़बिच् मोसे रेयाक् आ़न पाड़हावक् पिछा़ मित्टेच् टुटुरियाक् दो ओनकोवाक् ओनतोररे दोहो आकान ताहेनकाना। 16मेनखान प्रोभु ठेन मोन आ़चुर रुवा़ड़लेनताकोरे, ओना टुटुरियाक् दो ओचोगोक्आ।#एकसोडस 34:34; जेसाया 25:7 17आदो प्रोभु कानगेयाय जिउ दो, आर ओकारे प्रोभुरेन जिउ मेनाय ओंडेगे सा़धिनतेत् दो मेनाक्आ। 18मेनखान आबो जोतोको बिन बेत् मेंत्हाँते आ़रसिरे लेका प्रोभुवाक् ठोनोकबोन बेङगेत्आक्कानते मित् ठोनोक खोन एटाक् ठोनोक ला़गित् उनियाक् मुठा़नरे बोन फेराव इदिक् काना। नोवा दो प्रोभु ठेन खोन हिजुक् काना, ओकोय दोए जिउ कान।
Currently Selected:
२ कोरि 3: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
