२ कोरि 2
2
1मेनखान इञ ला़गित् नोवाञ निटआना, जेमोन मोन दुकतापे दो आपे ठेन आरहों आलोञ चालाक्। 2एनते आपेञ मोन दुक ओचोलेपे खान, आदो ओकोय कानाय इञ रा़सका़ ओक्चोयिच् दो, इञ होतेते मोन दुकोक्इच छाडा दो? 3आर ओनकागेञ ओलकेदा, जेमोन इञ सेनलेनरे ओनको इया़ते आलोञ मोनदुकोक् ओकोयको इया़तेञ रा़सका़कोक्, आपे सानामको रेयाक् इञ भोरसा आकानते, बाङमा, इञाक् रा़सका़ दो आपे सानामकोवाक् रा़सका़ कानगेया। 4एनते मोन आ़डि दुक आर जोञजालतेञ ओलात्पेया, मेंत्दाक् जोरो जोरोते, आपेपे मोन दुकोक्आ मेनते दो बाङ, मेनखान जेमोन ओना दुला़ड़पे बाडाय, ओकाटाक् आ़डि आसामभेड़गे आपे सेच् मेनाक्तिञ।
बा़ड़िच् आकात्को चेतानरे इका़
5मेनखान जाहाँय मोन दुक ए जानाम ओचोवाकात् खान, इञ एसकार दो बाङ, मेनखान आ़डि आँटते बा़ञ मेनलेरे हों, तारा तारा दो आपे सानामकोय मोन दुक ओचोवाकात् पेया।#गालातिको 4:12 6नोनकानिच् ला़गित् दो इना़ सा़जा़इगे ढेरा, ओकाटाक् आयमाको होतेते होयेनताय। 7ओना बोदोलते बिचकोमपे इका़काताय आर जिविपे राड़ेजताय लेक तापेया, जेमोन नोनकानिच् दो बा़ड़ति मोन दुकते आलोय उनुमोक्।#एफेसिको 4:32 8ओनातेञ नेहोंरापेकाना, उनि सेच् दुला़ड़ रेयाक् सा़बुत उदुगपे। 9एनते नोवा ला़गित् होंञ ओलकेत्आ, जेमोन आपेयाक् बिडा़उ टारहावक् इञ बाडाय, सा़रि से नासे, सानामाक्रे हुकुम बाक्तावको कानापे से बाङ। 10मेनखान जाहाँयाक् जाहानाक्पे इका़येत्ताय खान, इञ होंञ इका़येत्ताया, आर ओकाटाक् इञ इका़ आकादा, जाहानाक् इञ इका़ आकात् खान, ओना दो आपे इया़तेञ इका़ आकात्आ मा़सि सामाङरे 11जेमोन सायतान आबोरे दाव आलोय ञाम, एनते उनियाक् हुदिस बुनदिस बिन बाडायको मा बोन बाङ कान।
त्रोआसरे पावलाक् चिन्ता़
12मा़सियाक् भागे सोमबात ला़गित् तरोआसरेञ सेटेरेन खान, आर प्रोभुरे दुवा़र झिच् आकावादिञ ताहेंकानरे,#आपोस का़मि 20:1 13इञाक् जिउ ला़गित् जिरा़उ दो बा़ञ ञामलाक्आ, आलेरेन बोयहा तितुस बा़ञ ञामलेदेते मेनखान ओनको ठेन खोन बिदा़येनते माकेदोनिया़तेञ ओडोक चालावेना।
मा़सि होतेते जित
14मेनखान इसोरे सारहावकोक्मा, ओने उनि दो मा़सिरे जिता़उक् ला़गित् जावगेये लाहा ओचोयेत् बोन, आर आच् आकेल रेयाक् मोहोंक आले होतेते सानाम ठा़ँइरेये माहकावेत्। 15एनते इसोर ला़गित् मा़सि रेयाक् मित्टेच् मोज सो कानाले, बाञचावक् कानकोरे हों आर नोसटोक् कानकोरे हों। 16नोको ला़गित् दो मोरोन खोन मोरोन ला़गित् सो, आर हानको ला़गित् दो जियोन खोन जियोन ला़गित् बास। आर नोवाको ला़गित् दो ओकोये लेकआ? 17एनते आले दो ओनको आयमा होड़ लेकानको दोले बाङ काना, ओकोय इसोराक् काथाको किरिञ आ़खरिञेत् मेनखान सोड़ाते इसोरसेच् खोनाक् लेका इसोर सामाङरे मा़सिरेन गुतिको लेकाले रोड़ेदा।
Currently Selected:
२ कोरि 2: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
