Tetkempet 39
39
Cingkume paini
1Mata teikeci kedame mamai gie kecu, kemhei, gieremang kecu si eh kemci ni ga teu kera pai heni keyidung teilu. Penui Rampaube Moses de rangkebeu nzwa eh, Aaron ziemne painidung kemci ni ga pa peta tei kecudau teu kera teilu.
Hekeutupai
2Bezalel hekeutupai kecak le teilu, kemhei, gieremang, mamai kegiedung, nah langcimpai keyidung herikelu le pwa teilu. 3Ma tei kecime bata ria gade penui kecak kwakdung kedeu mpetlu delwe dang pwa pe riadung teilu, cidungde langcimpai keyi nah kemhei, gieremang nah mamai kegiedung gade dakncüt kera tei mpetlu. 4Penui cingkupei hekeutupai ziemne hekeutu nia teilu, cide nreube tu kena ga kang ncütlu eh. 5Dak hemisüt kelu kiakangde cingkupei hekeutupai nzwa; cide cingkupei hekeutupai gage tei ncütlwe ket teilu, penui langcimpai herikelu keyidung le teikelu kecak, kemhei, gieremang, nah kegiedung, RAMPAUBE Moses dage rangkebeu nzwa.
6Penui onyx tsudung de teleilu, kecak tei takkelu gage kailu, hegeu gage giak gailu kaugiak gage nzwa, nah cika ge Israel namedung kereiekena zi rau sütlu. 7Bezalel cidungde pwa cingkupei hekeutupai hekeutu cum gage kailu, RAMPAUBE depeu Israel namedung kereiekena de nsunglu kera tsukang, RAMPAUBE Moses dage rangkebeu nzwa.
Hekarak pai
8Pa hekakrakcum teilu, mata tei kecime bata, cingkupei hekeutupai nzwa tei hezu yilu. Cide pa kecak, kemhei, gieremang nah helang kegiedung nah langcimpai keyile teu teilu. 9Cide petie pedi nsam. Penui hekakrakcum hedip kena teilu. Cide petie span ket#39:9 Span ket: centimetre ngkaiekena nah pedi span ket. 10Penui cipau reu gage tangtsu pemi kehungbe ria mdai kop gailu. Pe ria keraibe gage ruby, topaz nah garnet ge kop gailu. 11Pe kenabe ria gage emerald, sapphire nah diamond. 12Pe kecumbe ria gage jacinth, agate, nah amethyst ge. 13Ria pe mdaibe gage beryl ge, onyx ge nah jasper ge. Tangtsu aidungde pwa kecak gage koplu. 14Tangtsu aidungde Israel napeimedung kereiekena zi rehi gade mteilu, ketket zi rehi gade. Kaugiak bakap gage keraunzwa cidungde, hezi ketket kecu heleuh kereiekena ket mding tei eh. 15Hekakrakcum de gage penui kecak kemci keukelu ta de, hegeuria mleikelu nzwa teigai. 16Penui kecak pwa kebam kena, nah kecak ringgoi de kena teilu delwe penui ringgoi kenade pwa hekakrakcum nreule tu kena gage keulu. 17Penui kecak ria pwakelu ringgoi kena hekakrakcum petu gage kailu. 18Penui peria tün keda kenade pebam kena gage keulu. Penui ainzwa eh aidungde cingkupei hekeutupai dwa gage keulu. 19Penui kecak ringgoi kena teilu delwe cide hekakrakcum petu keda kena gage kailu, ncwa pelungle tu gage. 20Penui kecak ringgoi kena teisi lwe cingkupei hekeutupai hekeutu cum kenade dwale ngkangle leu ge keulu, cingkupei hekeutupai pe herui taiga nah kiakang dak hemisüt kelu peu gage. 21Aide Rampaube Moses dage pe sam kai kebeunzwa teilu. Penui hekakrakcum ringgoidung de cingkupei hekeutupai ringgoidung gage heria kemheile pwa keulu, iciu eh pe herui taiga cingkupei hekeutupai dak hemisüt pwa kebam kiakang reu gage cide keulu kerane. Iciu eh hekakrakcum aide cingkupei hekeutupai gage keugailwe mlaidi mene bamlu kerane.
Cingku paini kedadung
22Bezalel ne cingkupei hekeutupai kang gage keteube pai de kemhei le teiciak lu, helangpata keteime bata.#39:22 Tet. 28:31 23Pe peu mpetlu kerane sum ga teikap dima. Pe ngwangki de peu hakdi melu kerane paidak le herui twagwadi. 24Pairi ngkangle langcimpai keyi be kemhei, gieremang nah kegiedungle kuraletsi mie penui giak gailu. 25Penui kecak keyibe le hebamdung teilu, nah penui hebamdung cide kuraletsi kakga cwatie pe sing petu gage kai twagwalu, kuraletsidung kakga, 26hebam ge nah kuraletsi, hebam ge nah kuraletsi, cwatie tu gage Aaron depeu heta tei kerane. Aide RAMPAUBE Moses dage rangkebeu nzwa.
27Penui Aaron nah pe napeidung ziemne ncwadung langcimpai keyidungle teilu. 28Penui peuzuidung, peurwadung pai kedui langcimpai keyibe, nah helung painiadung langcimpai dakkelu keyibe le teilu, 29nah kiakang langcimpai keyi nah mamai kemhei, gieremang, nah kegiedung, dak kecime bata. Aide Moses dage RAMPAUBE sam kaikebeu nzwa.
30Penui kemci peurwa kwak de kecakle teilu, kaugiak gage gaik kegai nzwa eh, penui cipau reu gage, “Kemci RAMPAUBE dage”#39:30 “Kemci Rampaube.” RAMPAUBE dage teimcigai. de raulu. 31Penui heria kemheile cide peuzui peureu gage keulu. Aide Rampaube Moses dage rangkebeu nzwa.
Moses mie paiki kepie
32Cine recapaiki, kengkwa paiki mata tei kebam, tei canglu. RAMPAUBE Moses dage penuide rangkebeu nzwa ma pelane mzailu eh Israel minadung ma pelane teilu. 33Penui recapaiki cide Moses da keu gwang, paiki nah pe net pelane, pe gwakdung, pe radung, pe langkapdung, pe ciadung nah pe singkamdung; 34hemeuseu geudung swagie kelu, teigeu keyi gum kecude nah kehezupai teikap kecude, 35zierang samkakbung de, nah pe ciadung nah pegum desi eh. 36Penui table de nah cika kebam maniadung pelane nah Rampaube de reca kebeu tangku keugwang lu; 37kecak kemci mitaubung bam nah pe mitaubung niadung pelane, nah pe mitaubungdung ziemne maca; 38kecak reca bam, keheniak ca nah marim kehengui recapaiki kimui kehezupai ziemne; 39hetageu recabam nah hetageu le teikelu mikwak de si eh nah pe tsiadung nah pe netdung nah batiakkwak kedi ge nah pe singkam desi eh. 40Penui kigu ziemne kehezupaidung nah pe tsiadung nah pe singkamdung desi eh, nah kigu kimui ziemne kehezupai; pe riadung nah paiki gwakdung desi eh; recapaiki ga mania teumai kesia pelane, kengkwaki paiki ta ketei zeimne keu gwanglu. 41Penui cingkume kemci ni ga teu kera pai dakkelu keyidung cingkupei Aaron nah pe name ziemne pai kemcidung keu gwanglu, penui cingku ta tei kecudau teukera zeimne. 42RAMPAUBE Moses dage rangkebeu nzwa eh Israelme bata pelane teilu. 43Moses heta pelane penui tei kedide piegai, nah, ainie, penui cinzwa teilu. Penui RAMPAUBE aja kai kebeude nzwa teipwa kebamde ngaulu. Cidau Moses penuide samlam beu.
Currently Selected:
Tetkempet 39: NorthernZeme
Highlight
Copy
Compare
Share
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
