Tetkempet 38
38
Keru reca Recabam
1Cipaucai Bezalel acacia tsingle keru ratak ziemne recabam teilu. Cide petie cubit mengei nah pedi cubit mengei, petie pedi nsam, nah pehu cubit kecum.#38:1 cubit mengei: 2.3 metre, cubit kecum: 1.4 metre 2Pa kimiak mdai de teimdi pwa ketumseu kii rehi nzwa teilu. Ketumseu kii de recabam de ngngwa ket teilu, nah pa cide hetageu le kemailu. 3Pa cipau recabam ziemne maniadung pelane teilu, mimüt ziemne libung, hepeidung, likiemdung, teihzamtiadung nah mikwakdung. Pa mania aidung pelane hetageu le teilu. 4Pa hegeurak ge recabam ziemne teilu, hetageu le dak kelu pe mung ngkang gage kai kerane, recabam mpie ga nghang canglu. 5Pa ringgoi mdai ge teilu hetageu rak kimiak mdai de ziemne, hetsia cikage kailu kerane. 6Bezalel acacia tsing tsia teilu nah cide hetageu le kemailu. 7Pa recabam tudung ga kebam ringgoi gage hetsia dungde zalu, cide punglu kerane. Pa recabam de pelung mrwa eh teilu, tsingkwak dungle.
Makwak kehui
8Bezalel hetageu likiem kedi ge hetageu pi de kai eh teilu. Pa kengkwa paiki dwaga hegwa ketei mipuidung gu miakpiebung le likiem teilu.
Kigu
9Pa kigu de teilu. Kehezupaidung kigu tingbangle tu kebamde linen pai keyidung le kaipwa bam, petie cubit haige.#38:9 cubit haige: 46 metre 10Kehezupaidung de tsia ngkai bam, nah hetageu singkam de ngkai. Cipau tsia dungde gage pe gwak kaincüt pwabam, rangkanggeu tie desi. 11Cinzwa tingpeule tu liede, kehezupaidung petie cubit haige#38:11 cubit haige: 46 metre bam hetsia ngkai sumlwe, hetageu singkam ngkai, hetsiadung de pe gwak ncüt eh, nah rangkanggeu tie de. 12Kenlütle tu kehezupaidung decai petie cubit riakngei, hetsia kerei nah singkam kerei si eh. Hetsia gwakdung nah pe tiedung rangkanggeule teilu. 13Kigu kepetle tu kebam de de petie cubit riakngei#38:13 cubit riakngei: 23 metre. 14Kehezupaidung kimui tu ge lam ziemne petie cubit kereimengei.#38:14 cubit kereimengei: 6.9 metre Cide hetsia kecum bam singkam kecum si. 15Kigu kimui kedale tude kehezupaidung bam petie cubit kereimengei, hetsia kecum nah singkam kecum si. 16Kigu twagwa kebam kehezupaidung pelane linen pai keyibele tei pwabam. 17Hetsiadung ziemne singkamdung au hetageu le tei. Hetsiadung ziemne ma gwakdung nah petiedung au rangkanggeule tei, nah hetsiadung peu gum kerade de rangkanggeule teilu. Kigu hetsiadung pelane rangkanggeule gum pwabam. 18Kigu herieki ga kehezuipai de au petie cubit ngkai. Kehezuipai de kemhei, gieremang nah langcim gierei, langcim dakkelu keyi gele teilu, nah pe tie cubit ngkai. Cide petie cubit ngkai nah pehu cubit mengei, kigu kehezuipaidung nzwa.#38:18 cubit ngkai: 9.2 metre, cubit mengei: 2.3 metre 19Cide hetageu singkamdung mdai bam nah rangkanggeu gwakdung. Petün cumdung nah pe tiedung rangkanggeule teilu. 20Paiki nah kigu ziemne paiki gwakdung pelane hetageu le teilu.
Mania teu kerabe
21Aide recapaiki netdung da, samkakkelu hezaidung recapaiki, Moses ne saulia kebeude mzui eh keulu dilu. Cide cingkupei Aaron napei Ithamar ne saulia kegai gade Levime ne teilu. 22Bezalel Uri napei Hur napei, Judah leuhme ge, RAMPAUBE Moses dage aja kai kebeu ma pelane teilu. 23Ahisamak napei Oholiab, Dan leuhme ge, Bezalel de ngngwa matei keraube tei eh, matei kecime tei eh, nah ma dak kecume tei eh kemhei, gieremang, nah mamai gierei, nah langcimpai keyi le.
24Kecak mata ziemne teu kedi pelane, kemci bam ketei ta leune ga, kecak kezit reca gade, cai talent ngkaiehekui nah 730 shekel,#38:24 talent ngkaiehekui nah 730 shekel: 994 kilogram kemci shekel rehi gade mdetkelu. 25Rangkanggeu minadung ne ha kecu ndet kelu talent haige nah 1,775 shekel,#38:25 talent haige nah 1,775 shekel: 3420 kilogram kemci shekel rehi gade, 26mede mi hangge beka ket#38:26 Beka ket: 5.7 gram kenzwa ge., cide shekel pempie ge, kemci shekel gade mdet kelu. Aipau riak de minapum kepei ga mina pelane de peikelume rehi gade hangcanglu, mmi ngkai nah penreu lebie medung de, mina 603,550 pelane ge. 27Rangkanggeu talent haige#38:27 Talent haige: 3.4 tonne kenzwa ge. kemci ni singkam nah kehezupai singkam ziemne kailu, singkam haige, talent ket#38:27 Talent ket 34 kilogram kenzwa ge. singkam ket ket ziemne. 28Rangkanggeu kebangbe 1,775 shekel#38:28 1,775 shekel: 20.2 kilogram le, Bezalel hetsiadung ziemne pe gwakdung teilu, nah hetsiadung tün gumdi, nah cidung ziemne petie teilu. 29Hetageu reca kepeu gade mdetlu talent riakhena nah 2,400 shekel.#38:29 talent riakhena nah 2,400 shekel: 2407 kilogram. 30Aipaude keulwe kengkwaki paiki kimui ziemne pa singkam teilu, hetageu recabam, hetageu geurak, recabam ziemne netdung pelane, 31kigu ziemne singkamdung, kigu kenlüt kimui ziemne singkamdung, recapaiki gwakdung pelane, nah kigu ziemne paiki gwakdung pelane.
Currently Selected:
Tetkempet 38: NorthernZeme
Highlight
Copy
Compare
Share
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
