ESTER KƏ TA GƏREK 8
8
37 Ī-tə́ndāī makətūbə̄ gə̄ ń toō ndágə lo gə̄ malang kə́ kem ɓēé tə́, yā kadə̄ Jipə gə̄ malang ndinə̄ń dɔ rɔ̄də́ tə́ yā rɔ̄ɔ̄ madə̄ ba̰ā̰də́ gə̄ ndɔ̄ ń ɔjən̄ tə́ ní.
38 Lo ń nuū tə́ ngé kal̄ sə́nda gə̄ teēn̄ kə ngɔ̄dɔ̄ɔ́ yā kaw̄ rāā yá̰á̰ ń mban̄g əda ní. Ənīn̄ mbēr̄ yá̰á̰ ń mban̄g əda kadə̄ yā rāā ní kem ɓē kə́ Sujə tə́ ō.
39 Mardose teē ndogó mbangaá kə kūbə̄ yā mban̄g rɔ̄n tə́. Ni ṵṵ̄ kūbə̄ mbang kə́ rāā kə lɔ́rɔ́ ō, ṵṵ̄ yá̰á̰ súū rɔ̄ kə́ rāān̄ kə lḛ́ḛ́ kə́ kərē píŕ píŕ ō. Dan ń de kə́ kem ɓē kə́ Sujə tə́ gə̄ a̰a̰nən̄ anī, rɔ̄də́ nel̄də́. 40 Tām̄ yā Jipə gə̄ tə́ ɓáa i rɔ̄nel̄ kə́ to ɓōĺ ngá̰ý. 41 Kem ɓē bo gə̄ tə́ kógə̄ḿ kógə̄ḿ ō, kem ngán ɓē gə̄ tə́ kógə̄ḿ kógə̄ḿ ō, lo ń ənīn̄ mbēr̄ yá̰á̰ ń mban̄g əda kadə̄ yā rāā ní tū tə́ ō, lo ń əndān̄ makətūbə̄ ndū najə̄ yā mban̄g ndágə loó tū tə́ ō ní, Jipə kə́ gō lo gə̄ ń nuū tə́ a ndāmə̄n̄ i ndām̄ rɔ̄nel̄ ō, a rāān̄ i kasə rāā ō, rɔ̄də́ nel̄də́ ngá̰ý ō. Ngé taā kem Nə́ɓā aĺ gə̄ ngá̰ý əlan̄ dɔdə́ gír kəja mɔtə tə́ ō, adə̄ əjan̄ mɔtədə́ yā téləń Jipə ō, tām̄ nin̄ ɓōlə́n̄ Jipə gə̄.
Currently Selected:
ESTER KƏ TA GƏREK 8: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.