1 YÁ̰A̰ GƏ̄ 24

Gír ɓūtə̄ gə̄ yā ngé tun̄ yá̰a̰ gə̄

1Gángə̄n̄ de kə́ gír kaa yā Aaro̰ tə́ gə̄ kə ɓūtə̄də́ gēé. Ngán Aaro̰ gə̄ i Nadab ō, Abihu ō, Eleajar ō, Itamar ō. Nin̄ i deē sɔ́. 2Nadab nin̄ kə Abihu oyn̄ kété no bɔbə̄də́ tə́ kanjə̄ kojə ngán gə̄. Adə̄ kəla tun̄ yá̰á̰ ní adə̄n̄ i Eleajar nin̄ kə Itamar. 3Dabid gán̄g ngán Aaro̰ gə̄ tə́ndādə́ kə ɓūtə̄də́ gēé tām̄ yā kəla ń kadə̄ rāān̄ tə́ ní. Ni un Sadok ń i de kə́ gír kaa yā Eleajar tə́ ní ō, Ahimelek ń i de kə́ gír kaa yā Itamar tə́ ní ō seneé n gángəńdə́ kə ɓūtə̄də́ gēé ní. 4De kə́ gír kaa yā Eleajar tə́ gə̄ i ngá̰ý tɔȳ kə́ gír yā Itamar tə́ gə̄. Adə̄ tə́ndān̄ ɓūtə̄ de kə́ gír kaa yā Eleajar tə́ gə̄ gír i kutə gidə i mehḛ́, banī yā de kə́ gír kaa yā Itamar tə́ gə̄ gír i sɔ́sɔ́ kə ngār dɔdə́ gēé. 5Túgə̄n̄ i wə̄lā n tə́ndān̄neé ɓūtə̄ gə̄ ní, tām̄ de kə́ bo gə̄ kə́ loo kə́ táĺ tə́ gə̄ i dan de kə́ gír kaa yā Eleajar gə̄ tə́ ō, dan ngé kə́ gír yā Itamar tə́ gə̄ ō, de kə́ bo gə̄ yā Nə́ɓā i dan de kə́ gír kaa yā Eleajar tə́ gə̄ ō, dan ngé kə́ gír yā Itamar tə́ gə̄ ō.

6Semaya nge ndang makətūbə̄ kə́ ngōn̄ Netanel ń i de kə́ gír ɓē yā Lebi tə́ ní ndang rīdə́ makətūbūú ta kum mban̄g tə́ ō, ngār gə̄ tə́ ō, ta kum Sadok nge tun̄ yá̰á̰ tə́ ō, Ahimelek kə́ ngōn̄ Abiatar tə́ ō, ta kum ngār gə̄ kə́ dɔ gír kojə yā ngé tun̄ yá̰a̰ gə̄ tə́ ō, kə́ dɔ gír kojə yā gotə ngán Lebi gə̄ tə́ ō. Kə́ tām̄ yā de kə́ gír kaa yā Eleajar tə́ gə̄ ɓáa túgə̄n̄ wə̄lā nja i jōó, ba kə́ tām̄ yā de kə́ gír kaa yā Itamar tə́ gə̄ ɓáa túgə̄n̄ nja i kógə̄ḿ beē.

7Wə̄lā kə́ ta kəga dɔ ɔjə i dɔ Yoyarib. Kə́ nge ko̰ jōó ɔjə i dɔ Yedaya. 8Kə́ nge ko̰ mətá ɔjə i dɔ Harim, kə́ nge ko̰ sɔ́ ɔjə i dɔ Seorim, 9kə́ nge ko̰ mí ɔjə i dɔ Malkia, kə́ nge ko̰ mehḛ́ ɔjə i dɔ Miamin, 10kə́ nge ko̰ sīrí ɔjə i dɔ Hakos, kə́ nge ko̰ sɔ́sɔ́ ɔjə i dɔ Abia, 11kə́ nge ko̰ ndōhó ɔjə i dɔ Yesua, kə́ nge ko̰ kutə ɔjə i dɔ Sekania, 12kə́ nge ko̰ kutə gidə i kógə̄ḿ ɔjə i dɔ Eliasib, kə́ nge ko̰ kutə gidə i jōó ɔjə i dɔ Yakim, 13kə́ nge ko̰ kutə gidə i mətá ɔjə i dɔ Hupa, kə́ nge ko̰ kutə gidə i sɔ́ ɔjə i dɔ Yesebab, 14kə́ nge ko̰ kutə gidə i mí ɔjə i dɔ Bilga, kə́ nge ko̰ kutə gidə i mehḛ́ ɔjə i dɔ Imer, 15kə́ nge ko̰ kutə gidə i sīrí ɔjə i dɔ Hejir, kə́ nge ko̰ kutə gidə i sɔ́sɔ́ ɔjə i dɔ Hapises, 16kə́ nge kutə gidə i ndōhó ɔjə i dɔ Petahia, kə́ nge ko̰ kutə jōó ɔjə i dɔ Ejekiel, 17kə́ nge ko̰ kutə jōó gidə i kógə̄ḿ ɔjə i dɔ Yakin, kə́ nge ko̰ kutə jōó gidə i jōó ɔjə i dɔ Gamul, 18kə́ nge ko̰ kutə jōó gidə i mətá ɔjə i dɔ Delaya, kə́ nge ko̰ kutə jōó gidə i sɔ́ ɔjə i dɔ Maajia. 19Gír ɓūtə̄ gə̄ ní a aw̄n̄ kem kújə yā Kɔ́ɔ̄ɓē tə́ rāā kəla yādə́ tə́ i kə gō naā kə gō n ndangən̄neé toō. Nin̄ a rāān̄ kəla yādə́ i tītə̄ ń kaadə́ Aaro̰ ɔjəńdə́ ní. I Kɔ́ɔ̄ɓē Nə́ɓā yā Israel nəkɔ́ n ɔjə kaadə́ Aaro̰ loo rāā yá̰a̰ gə̄ ní ní.

Gotə ngán Lebi kə́ rang gə̄

20Gotə ngán Lebi kə́ rang gə̄ n toó: Subael i dan de kə́ gír kaa yā Amram tə́ gə̄ ō, Yedia i dan de kə́ gír kaa yā Subael tə́ gə̄ ō. 21Isia i dan de kə́ gír kaa yā Rehabia tə́ gə̄ ō. Ni i ngār. 22Selomot i dan de kə́ gír kaa yā Isar tə́ gə̄, ba Yahat i dan de kə́ gír kaa yā Selomot tə́ gə̄. 23Ngán Hebron gə̄ n toó: Ngōnən kə́ ta kəga dɔ i Yeria. Rī nge kə́ ko̰ jōó na i Amaria, nge kə́ ko̰ mətá i Yajiel, nge kə́ ko̰ sɔ́ i Yekamam. 24Mika i ngōn̄ Ujiel. Samir i dan de kə́ gír kaa yā Mika tə́ gə̄. 25Jakari i dan de kə́ gír kaa yā Isia kə́ ngōkó̰o̰ Mika tə́ gə̄. 26Ngán Merari gə̄ i Mali ō, Musi ō, Yajia ō. 27Ngán Yajia kə́ ngōn̄ Merari i Soham ō, Jakur ō, Ibəri ō. 28Ngán Mali gə̄ i Eleajar ń ojə ngōn̄ alé ní ō, 29Kis ń ngōnən i Yerameel ní ō. 30Ngán Musi gə̄ i Mali ō, Eder ō, Yerimot ō.

I rī ngán Lebi gə̄ n noó kə gō gír kojə yādə́ gēé. 31Nin̄-túgə̄n̄ i wə̄lā tītə̄ yā ngákó̰ó̰də́ kə́ ngán Aaro̰ gə̄ n gerə̄n̄neé loo rāā kəla yādə́ kə gō naá ní. Túgə̄n̄ wə̄lā ní i ta kum mban̄g Dabid tə́ ō, Sadok tə́ ō, Ahimelek tə́ ō, ta kum ngār gə̄ kə́ dɔ gír kojə yā ngé tun̄ yá̰a̰ gə̄ tə́ adə̄ i ngán Lebi gə̄ tə́ ō. Adə̄ yá̰á̰ ń rāān̄ kə de gə̄ kə́ kem kojə yā ngōn̄ kə́ nga tɔ́gə tə́ ní, rāān̄ kə de gə̄ kə́ kem kojə yā gidən kə́ dūú tə́ ō.

Currently Selected:

1 YÁ̰A̰ GƏ̄ 24: SARDC

Highlight

Copy

Compare