Ɔzhɔnu 15
15
Ɔzhizɔsi Gba Akwu Uwɛyi Uwu Ovanyi Shɛ Le
1Akwɛyi Ɔzhizɔsi a za mba tee, <<Imi gba mi kwu uwɛyi uwu ovanyi ureyi le, Adami gba akwu ɔnɛgba le. 2Kwuwɛyi ungwunanguna ungwu bɔkɔ kwu wa la imuma mo, Ada e kpolo ngwu mo. Kwonde ungwu bɔkɔ kwu wa la imuma ba, aa vyɛ ngwu ma kaa lakwu muma gyɔɔ lakwu kyo. 3Lunyi lu wuluma kwuwongu iso iyi bɔkɔ mi so yi. 4Lunyi la lu ŋɔ mami, Imi ba mii yi ma yi. Kwonde ungwu kwu wa la imuma lɛngwu kwu yi mo, akwu mɛga te kwu bɔ mu uwɛyi mafyi ngwu. Tatayi, lunyi lu yi mami mɛga gba luu wa la imuma le.
5<<Imi mi yi mate utu uwu uwɛyi tayi, lunyi ba lu yi mate ende tayi. Akwiyi gba onzu e yi mami akwɛyi Imi ba mi yi ma wu, onzu awu aa wa la imuma; moo gba akwu mbala mi mo, lu do kiya ikpikpɛnyi te iwomo mo. 6Akwiyi gba onzu e yi mami mo, oo masa wu mbala kwonde ungwu o ta ngwa pyo akwɛyi kwu shirima; akwɛyi enzu ɔ kwu ende ɛnyi ma akwɛyi oo fu yi mɔyi akwɛyi ipwumo. 7Akwiyi gba lu yi ma mi akwɛyi lu shi iso mi mu egbo yi, la lu nda kiya ingyinangyina, akwɛyi Ukpo ba ee shi yi ngyi. 8Adami aa fya inzumbɛku ma gba lu wa la imuma iyɛku, iyi bɔkɔ i zɔ te lu kwu Wavɔngɔkiya mi. 9<<Kyamate bɔkɔ Ada mi a gyi mi awu, tatayi gba Imi mi gyi yi le tete. Kwuwo kwɔlɛ, la lu rima mu idɛnyi. 10Gba lu lomo la ɔkpa mi, luu ŋɔ mu idɛnyi mi, mate bɔkɔ mi mi lomo la ɔkpa uwu Ada mi akwɛyi mi yi mu idɛnyi wu awu.
11Imi mi so yi ɛlɛ le te kaa ɔnyɛ yi le yi mate uwami, akwɛyi ɔnyɛ yi a nyɔlɔma. 12Ɔkpa mi gba e yi te: la lu gyesu mate bɔkɔ mi gyi yi awu. 13Idɛnyi iyi i ka ɛlɛ ma i yi mo, tee onzu ee shi kwunyɔ wu kwuwongu umɛza wu. 14Gba lu wo iyi bɔkɔ mi za yi te la lu wo, de ba lu kwu ɛmɛza mi. 15Imi mii ya yi te enye fo, moo enye o yi kiya ingyi bɔkɔ ada kwogba mba e yi mu iwomo mo. Imi ba mi ya yi te ɛmɛza mi ŋa, kwuwongu mi so yi kiya ingyinangyina ingyi bɔkɔ Ada mi e so mi. 16Akwu lunyi gba lu ŋa mi le mo, akwu mi gba mi ŋa yi le akwɛyi mii shi yi ɛduma iyi ka la lu wo ka la lu wa la imuma gyɔɔ kyamate ɛwɛyi tayi, imuma iyi bɔkɔ akwu iyɔkpɔɔ. Akwɛyi Ada mi ee shi yi ingyinangyina ingyi lu nda mu ɛnyi mi. 17Ɔkpa mi gba akwu tee: la lu gyesu.
Enzu Umba Kwudu Kwɔlɛ O Wo Anya Iyi Wambwalu
18<<Akwiyi gba enzu umba kwudu kwɔlɛ o wo anya yi, la lu yitu te o wo anya mi keyi dɛ. 19Gba la lu kwu umba kwudu kwɔlɛ, enzu umba kwudu kwɔlɛ o bo gyi yi kwuwongu lu kwu umba mba. Lunyi lu kwu umba kwudu kwɔlɛ fo, imi ba mi ŋa yi mu kwudu kwɔlɛ ka la lu kwu umba mi. Akwu mu kuyi kwɔlɛ gba kwudu kwɔlɛ kwu towo yi mo le. 20la lu lolo mu iso iyi bɔkɔ mi so yi te: <Umɛgba a ka adakwogba wu ma mo.> Akwiyi gba o lo mi inyashi, umba o lo yi inyashi tete. Akwiyi gba o lomo la iso mi, umba o lomo la iso yi tete. 21Umba oo wo yi ɛlɛ te kwuwongu lu nyama la mi, moo umba o yi onzu uwu bɔkɔ a lɔ mi le mo. 22Gba la mi bo kaa la mi so mbo iso iyi Ukpo mo, Ukpo le bo yi mbo ombu uwu ingbomo mo. Ta i yi kekelele te, o yi kwuyi ungwu ngbomo mbo fo. 23Onzu uwu e towo mi mo, e towo Adami ma tete. 24Gba la mi wo apula iyi amɛ mekeka mba iyi bɔkɔ onzu e do wo yi dɛ mo mo, Ukpo le bo yi mbo ombu uwu ingbomo mo. Umba ba o ma mi mu ɛlɛ iwomo lɛɛbi, umba ba o towo mi mo mbala Ada mi tete. 25Ɛlɛ i wo te kaa iso iyi Ukpo iyi bɔkɔ o ka yi ma awu li nyɔlɔma te: <Umba o yi kuyi ungwu bɔkɔ o wo anya mi mo ndii.>
26<<Imi mii ka yi la U mbwama uwu bɔkɔ Ada a lɔ, uwu akwu Kwundu u so yi ongbulolo uwu bɔkɔ e ngyi mbaa Ada, uwu a zɔ yi ongbulolo meka mi. 27Lunyi tete luu ba eza iyami iyi bɔkɔ lu yitu, kwuwongu lu yi mbala mi ngbaa mu iyemo.
Currently Selected:
Ɔzhɔnu 15: ETP
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Nigeria
