Popular Bible Verses from Ɔzhɔnu 15

Share

<<Imi mi yi mate utu uwu uwɛyi tayi, lunyi ba lu yi mate ende tayi. Akwiyi gba onzu e yi mami akwɛyi Imi ba mi yi ma wu, onzu awu aa wa la imuma; moo gba akwu mbala mi mo, lu do kiya ikpikpɛnyi te iwomo mo.

Lunyi la lu ŋɔ mami, Imi ba mii yi ma yi. Kwonde ungwu kwu wa la imuma lɛngwu kwu yi mo, akwu mɛga te kwu bɔ mu uwɛyi mafyi ngwu. Tatayi, lunyi lu yi mami mɛga gba luu wa la imuma le.

Akwiyi gba lu yi ma mi akwɛyi lu shi iso mi mu egbo yi, la lu nda kiya ingyinangyina, akwɛyi Ukpo ba ee shi yi ngyi.

Akwu lunyi gba lu ŋa mi le mo, akwu mi gba mi ŋa yi le akwɛyi mii shi yi ɛduma iyi ka la lu wo ka la lu wa la imuma gyɔɔ kyamate ɛwɛyi tayi, imuma iyi bɔkɔ akwu iyɔkpɔɔ. Akwɛyi Ada mi ee shi yi ingyinangyina ingyi lu nda mu ɛnyi mi.

Idɛnyi iyi i ka ɛlɛ ma i yi mo, tee onzu ee shi kwunyɔ wu kwuwongu umɛza wu.

Kwuwɛyi ungwunanguna ungwu bɔkɔ kwu wa la imuma mo, Ada e kpolo ngwu mo. Kwonde ungwu bɔkɔ kwu wa la imuma ba, aa vyɛ ngwu ma kaa lakwu muma gyɔɔ lakwu kyo.

Ɔkpa mi gba e yi te: la lu gyesu mate bɔkɔ mi gyi yi awu.

Adami aa fya inzumbɛku ma gba lu wa la imuma iyɛku, iyi bɔkɔ i zɔ te lu kwu Wavɔngɔkiya mi.

Akwɛyi Ɔzhizɔsi a za mba tee, <<Imi gba mi kwu uwɛyi uwu ovanyi ureyi le, Adami gba akwu ɔnɛgba le.

Akwiyi gba onzu e yi mami mo, oo masa wu mbala kwonde ungwu o ta ngwa pyo akwɛyi kwu shirima; akwɛyi enzu ɔ kwu ende ɛnyi ma akwɛyi oo fu yi mɔyi akwɛyi ipwumo.

Imi mi so yi ɛlɛ le te kaa ɔnyɛ yi le yi mate uwami, akwɛyi ɔnyɛ yi a nyɔlɔma.

Gba lu lomo la ɔkpa mi, luu ŋɔ mu idɛnyi mi, mate bɔkɔ mi mi lomo la ɔkpa uwu Ada mi akwɛyi mi yi mu idɛnyi wu awu.

Ɔkpa mi gba akwu tee: la lu gyesu.

Gba la lu kwu umba kwudu kwɔlɛ, enzu umba kwudu kwɔlɛ o bo gyi yi kwuwongu lu kwu umba mba. Lunyi lu kwu umba kwudu kwɔlɛ fo, imi ba mi ŋa yi mu kwudu kwɔlɛ ka la lu kwu umba mi. Akwu mu kuyi kwɔlɛ gba kwudu kwɔlɛ kwu towo yi mo le.