Ɔkɔrɔti uwu kwonze 8
8
Kwuyo Mɛka Iyi Abwa Iyi Eshi
1Mu kwupu ungwu lu ka meka iyi ivye iyi bɔkɔ o ngbɛ mu eshi, kinzu ki yitu tee, <<Ki yi iyitu kpɛkpɛnzu.>> Iyitu iyi kiya ba i bo la ibɔma; idɛnyi gba ba i mbo enzu ma le. 2Onzu uwu bɔkɔ a mate uwu e yitu iyi kiya, e do yitu ngyi mo bɛnɛ. 3Onzu uwu bɔkɔ a gyi Ukpo ba, Ukpo e yitu wu.
4Iso iyi abwa iyi eshi irimo: Ki yitu tee eshi akwu kiya kinyinyi mu kwudu kwɔlɛ mo, Ukpo ba akwu ukpɛnyi moo uwufo e yimo. 5Moo ananga iyi bɔkɔ enzu o ra yi o wo apula kyamate <<ukpo>> uwoshi mbala ɛzhi awu i yi mɔmɔ gyɔɔ. Ongbulolo gba e yi te, umba bɔkɔ o yi kyamate <<ukpo>> mbala <<akwu>> o yi riba, 6tetete Ukpo akwu ukpɛnyi meka nzu, uwu gba akwu Ada uwu bɔkɔ kiya ingyinangyina ki wɔ munyi wu bɔkɔ kinzu ki ŋa wu le; Ɔkwu ba akwu ukpɛnyi, uwu gba akwu Ɔzhizɔsi Okrasi, uwu bɔkɔ e wo kiya ingyinangyina le bɔkɔ ki gba ki ŋɔ la wu le.
7Akwu onzu uwunawuna gba ba e yi iyitu iyi ongbulolo ele mo. Enzu umbafo ba eshi i kyamba ɛnwu maa, akwɛyi gba o ri abwa ɛlɛ te, o ma kyamate umba o byi eshi tayi, kwuwongu bɔkɔ egbo mbo i di kɔma mo, akwɛyi o mate umba o ngbomo tayi. 8Kiya ingyirimo ba ki re nzu kɛlɛ mbaa Ukpo mo; akwiyi gba ki ri, ki koshi mo, gba ki ri mo, ki koshi mo tete.
9Lunyi ba la lu ngbɛndu, kaa lunyi umba bɔkɔ lu mate lu yi kapa unga kiya ingyinangyina iwomo awu lu shi umba bɔkɔ ikwu idu lu fulo mbo i kɔma mo lo ngbomo mo. 10Moo akwiyi gba onzu uwu bɔkɔ ikwu idu lu fulo wu i kɔma mo a ma yi lunyi umba bɔkɔ lu yi <<iyitu>> tee lu yi mu kiya irimo mu kwunu ungweshi; ɛlɛ i kawu ɛnwu ma kaa le ri abwa iyi eshi mo? 11Akwɛyi umɛnɛ uwu bɔkɔ Okrasi e kpomo kwuwo wu ele, e kpɛdɔma kwuwongu <<iyitu >> iyayi! 12Akwiyi gba lu ngbo la umanyi yi uwu bɔkɔ egbo wu i kɔma mo awu mu ɛlɛ te iwomo, de ba Okrasi gba lu ngbo wu mo le. 13Kwuwongwu ngwɔlɛ, akwiyi gba kiya ingyi bɔkɔ mi ri ki shi umɛnɛ mi e ngbomo, de ba mi lafya la ivye ikumo, kaa la mi shi umɛnɛ mi u mbwalu la kpa mɛzhi mo.
Currently Selected:
Ɔkɔrɔti uwu kwonze 8: ETP
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Nigeria
