Ɔkɔrɔti uwu kwonze 5
5
Onzu U To Kaya Lɔ Zɔ Wu Rɛnu
1Enzu umbafo o ka mi la iso tee, kaya itomo ke kpo fyɛɛ mekeka yi, iyi bɔkɔ wa byi eshi lala o wo ɛlɛ mo. Mi pwa tee onzu a ŋɔ mbala oko uwu etewu kyamate oko wu tayi! 2Lunyi ba lu bɔma mu ɛlɛ? Ifate la lu wo ubwu ugyi akwɛyi onzu ele te lu wawuma mu igyirima yi mo? 3Imi mi yi mbala yi mɔmɔ mo, tetete mi yi mbala yi mu kwundu. Mu ɛnyi iyi Ɔkwu nzu Ɔzhizɔsi, onzu uwu bɔkɔ e wo kiya ingyira ngyɛlɛ te awu, mi shi wu ombu uwoyi-e kyamate mi yi mɔmɔ mbala yi tayi. 4Kwuye ungwu bɔkɔ lu kpala ɛlu mu ekpasu iyi Ɔkwu nzu Ɔzhizɔsi, Imi mi yi mɔmɔ mbala yi mu kwundu, 5lunyi la lu ra laa onzu ele te lu shi onzu uwoyi kaa la ngbɛ ɛnwu iyi ingbomo wu ma akwɛyi o sa kwunyɔ wu ma ɔnuwu Kwɔfyi ungwu Ɔkwu.
6I shoshi tee la lu kwɛnwu mu ɛlɛ mo! Lunyi lu yi kwoba ngwɔlɛ tee, <<Otutu owuna o kɛkyi e fye mu umbwu lɛɛbi akwɛyi u ye fuu.>> 7La lu to otutu owuna uwekyi uwu ingbomo mo meka yi kaa la lu kwu enzu umbepo, kyamate bɔkɔ lu yi tayi-e awu. Kekelele kiya ingyinangyina ingyi Odumudumu uwu Ikalama nzu ki yi mɛzhi-e, moo o wo isabɔ mu Okrasi, umɛ uwu ilɔ uwu Odumudumu uwu Ikalama nzu-o. 8Kwuwo kwɔlɛ la ki wo Odumudumu uwu Ikalama nzu, mbala kwoburedi ungwu bɔkɔ kwu yi otutu owuna uwekyi uwu bɔkɔ akwu ingbomo mbala i ra laa onzu makɔ awu mo, la ki wo mu kwoburedi ungwu bɔkɔ kwu yi otutu owuna mo, kwoburedi ungwu egbo sɛsɛ mbala ongbulolo.
9Imi mi kakwupu mi ka yi dɛ-ɛ te la lu kpa ɛnwu mbala enzu wa to kaya mo. 10Mi so le akwu meka yi enzu umba kwudu kwɔlɛ wa to kaya, naa wa wo ekweyi, naa awɛlɔ, naa wa byeshi mo. Moo lakwu tayi de ba lu lafya la kwudu kwɔlɛ dɛ lo. 11Iyi mi ye yi mu isomo gba i yi tee, la lu kpa ɛnwu mbala onzu uwunawuna uwu bɔkɔ a ya ɛnwu wu te akwu u mbwalu Ɔzhizɔsi ba a yama naa e wo ekweyi iyi apula iyira naa a byeshi naa e tutu enzu mo, naa akwu onzu uwu bɔkɔ e to ɛnwu e shi atɛ naa akwu uwɛlɔ. Enzu mbɔlɛ te la lu ri kiya mbala mba mo.
12Kimbe ki ta mi bɔkɔ mi zɔ ombu uwu enzu umba bɔkɔ akwu wa mbwalu mo. La lu zɔ ombu uwu enzu umba bɔkɔ o yi mu ɔshɔshi mbala yi awu. 13Ukpo gba aa zɔ ombu uwu enzu umba bɔkɔ o yi mu ɔshɔshi mo awu. Kyamate iso iyi Ukpo i so, <<La lu lu ra laa onzu uwura awu ma meka yi.>>
Currently Selected:
Ɔkɔrɔti uwu kwonze 5: ETP
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Nigeria
