Rut 3
3
Boaj un køn ad Rut
1Kamla ndø mad Naomi el mumïn kïdë an: Ngonïm, sumba kad m'sah lo kïmaj m'ad i ndït kï kamkï sokïber kï ronel. 2I ger kad Boaj'n nyài adi i þur nyako kam ndøøt lon sed ngékïlaþerg lon kïdëg ye, i nooj'j ale? Kam ndøt'n ðan þet a to nyako lon kï dø gar ndah nyakot. 3I tugo roi, i wur roi kï yib, i la kub loi kïmaj, na aw ta gar ndah nyakot. Ad de'n non geri al, mbã ad sa ho, ãin ho kamtã. 4Lon a þai aw kad'n to ber a ne, oo lon a tot nõ maj, kamla i ndøt kïroat, un kub kï dø njaat kïdõ i tot. Î kïþe kïdøn a øji nya'n sumba kad i ða. 5Rut tura an: Nyag tube'n elïm taa m'a m'ða.
6Þai, aw ta gar ndah nyakot, na ða nyag tube'n muma kïdë ela kad ða. 7Lon Boaj sa ho, ãi ho ye, kama nela ad aw to ber lot'n mbõn nyako tit. Rut tøi yereng, un kub kø dø njaat, na to ber. 8Danlot taa ne, lon Boaj tel ron ye, ur yiuyiu, kïta ngah dekïdë mad to njant. 9Ndïjea an: Î nõ a? Tura an: Mî Rut, þer loi kïdë, kïta 'nten i la kub loi dø þert loi kïdë kïta î kïkïða ku ngébadøt ho. 10Boaj el an: Ngonïm, kï Bïraþe njang døi, nyaðakïro loi kïdøboit mãi naj tøi kïlaðai kïdasa kïta i sah go basag kï ngéndog, ke basag kï ngémajg al, na i ðe romt mi kï bïga tã. 11Tajigla ngonïm, i þool al, m'a m'ða nyag tube'n eltaa m'adi, kïta deg kïbog tube kam þet lom geri'n î, dekïdë kïro. 12Rota, m'asï kad m'badø nyanduba, na de mad kïbo tøim ndï nõ þaitø. 13I þi nëbe ndø la 'nten. Loti kïsî, îla kama ndig ða sei kïgo nyandubat loi a ne, maj kad ða ho, îla ndig ða sei titbe al a ne, rota tit'n Bïraþe ndïn kïdøn dõ, mî kïdøm m'a m'ða sei, I þi nëbe mbã loti.
14To ningt nja Boajt mbã loti, na þai kï girr log lon lo tïja roi asï kad de oo de gera al þaitø, kïta Boaj el an: Maj kad deg gerïn ta ðe dekïdë nëbe ta gar ndah nyakot al. 15Ela ta þaitø an: Adïm ta kub kïbo kï i la døit, na i hø taa nõ maj. Î tø hø ta kub ho, na Boaj mbøj nyako ørj kilo kïlah gidaimi kam ada, ndah døat na aw be.
16Rut tel kï ro mumïnt, na muma ndïjea an: I î a ngonïm? Rut ørra go nyag tube kï de'n non ða kïtatøa. 17Ela an: Mbøj nyako ørj kilo kïlah gidaimi adïm kïta elïm an: A i tel kï ji kari kï ro mumit al. 18Kamla Naomi el an: Ngonïm, i ndï labe, ngoo kad kï ger go ðob kï titbãi nya 'nten a nya. De'n non a taakò al mbã tølkon nya 'nten þone.
BIBLE MBAÏ © 1980 Alliance Biblique du Tchad.