Rut 4
4
Boaj taa Rut nënt
1Boaj al dø pong gangtat na ndït. Oo de kï asï badø nyanduba'n Boaj elta loa kete ndï tøi, na Boaj ela an: I diba nëbe. De'n non dibat na ndï ber. 2Boaj køt deg kïlah ku kïbogt kïkam þet na eld an: I ndïn ber nëbe. Ndïn ber. 3Kamla el de kï asï badø nyanduba an: Naomi in þai døning Moabt tel kï þe la ndig ndugo gaj døning lo Elimelek kï ngonkõji kø ye. 4M'øj kammt kï m'ørri hoia na m'eli: Maj kad i ndugo sia nõ degt'n ndïn kï kïnõ kïbogt lo deg. Îla i ndig badøa a ne, i badø, na îla i ndig badøa al a ne, elïm to wakïsï kad m'ger. Kïtø de kïðang kï j'asï badø døning'n ðan goto, na î tã, na mî la mî goit ye. Tur an: M'a m'badø. 5Boaj el an: Kam ndøt'n þet a ndugo ndøø ji Naomit a ne, i ndugo nat kï Rut dekïdë kï Moab, në ngekoi, kïtakad tø ngekoi ko dø nyandubat lon. 6Na de kï asï kad badø nyanduba ye, tur an: M'asï ndugo kïlomt al, na þeta m'tuj nyanduba lom. Maj kad i badø i gan gootïm kïta m'asï kad m'badø al.
7Nyabelþe lo Israelag maði i titbe nyabadø ke nya kïmbelna, kad nyag tube ton kï ðubagt ye, de kïða a ørr sa njant ad madþen'n non la, i nyamanaj ku Israelagt. 8De kï asï badø nyanduba el Boaj an: Î kïþe i ndugo. De'n non ørr sa kï njant.
9Kamla Boaj el kïbog kï deg tube an: Þone în ngémanaj dø nyagt tube kï m'ndugo ji Naomit'n i lo Elimelek kï Kïljon kï Maklon tu. 10Titbe tø m'ndugo Rut dekïdë kï Moab nëmt, in maði i në Maklon kïtakad tø ngekoi kon dø nyandubat lon kad tø ngekoi goto ku ngankõngt al, ke kam þe koojat al tø. În ngémanaj døt þone. 11Deg tube'n ndïn ta pong gangtat kï kïbog elïn anan: Jî ngémanaj døt, kï Bïraþe ad dekïdë kï a ðe kuju loi i tit Rasel kï Lea în tujoo oojïn ngan'gn telïn girrdeg lo Israela, kad maj urri kam Epratat kï tøi ko kam Betlehemt. 12Kï ngakai'n Bïraþe a adi kïtakul ngon kï mand'n ðan adïn ngékïþe loi taan na kï ngékïþe lo Peres'n Tamar ooja ad Juda.
13Titbe la Boaj taan Rut nënt, aw roat. Bïraþe ada ndan ngon, na ooj kïdïngã. 14Dekïdëg elïn Naomi anan: Køsïgon kïdø Bïraþet'n øgi ngebadø al. Ad tøa ko kam Israelt. 15Ngon'n non a søl kami, a i ngengomi dø bïgait kïta mumi kïdë kï ngetari la ooja ye. Maj tøi ngan kïdïngãg tanãimïta kï tøi. 16Naomi un ngon nda kadïnt, na ngoma. 17Madþeag kïdë ndan tøa anan: Ooj ngon kïdïngã ad Naomi. Kunïn tøa Obed, îla i bøw Jese kï bøw Dabid.
18Îgïn non la în ngaka Peres ye.
Peres ooj Hesron, 19Hesron ooj Ram, Ram ooj Aminadab. 20Aminadab ooj Nahason, Nahason ooj Salmon 21Salmon ooj Boaj, Boaj ooj Obed, 22Obed ooj Jese, na Jese ooj Dabid.
BIBLE MBAÏ © 1980 Alliance Biblique du Tchad.