Terr 28
28
1Ngeðamajal a ãi kanj kad de tuþa goa, na de kïdenesew i kï kam kïmisïmisï tit tubo be.
2Kïtø ðagootal lo ngéndï døningt mad mbaiþeg kïkamt în koosïg, na kïtakul de kï ngegoosï kï ngegernya la kõþe a ða loðant bijir þalg ngãibe.
3De kï ngendo kï ða ta kõ kï ngéndog a ne, i tit ndï kï la dø mu kï tuj nyako be.
4Deg kï ngénya ta lo Luwah kø ye, ndï øsïn gøn ngéðamajalg; na ngéngom go ta lo Luwah ndï taand ðøø.
5Takïgang kïgoðobat, ngéðamajalg gerïn gira al; na ngésah Bïraþe gerïn girra køikøi.
6Ngendo kï ngendïa kï kam kïro i soot got kï ngemaj kï ðobg loa ðug gøligøli.
7De kï ngengom go ta lo Luwah i ngon kï ngegoosï na de kï ngehø nam kï kaya deg ndï la rosøl dø bøwïnt.
8De kï ngengah nya ngãi kïtakul nyatîna kï ta mana døt, ndï mbon nyag kïnat kïta de kï ngekokumtondo lo ngéndog.
9Îla de un mbin kø dø koo dø ta lo Luwah a ne, ke kelta in el kï Luwah ka i nya kïyerr.
10De'n ad deg kïdenesew udïn mut a ne, î kïdøn tø a so hoolþet in ur, na deg kï ta goto dødt, a õn nduba kïmaj.
11De kï ngemaj oo ron ngeterrt, na de kï ngendo kï aw kï goosï a nder girra ad nja ndøa tee.
12Lon deg kïdenesew tetïn ðøø a ne, deg a ða ronel ngãi; na lon ngéðamajalg tan tøg a ne, deg a yan rod.
13De'n ut dø tøidøtag lon a ne, maj a ura al, na de'n tøø tan døt, na nyàgo kø a ne, a ngah kookumtondo.
14Ngeronel la i de kï ngeþool Bïraþe kïndøgndøg, na de'n ndï ad kamïn kongkong a so kam nya kï tot.
15Ngeðamajal kï õþe dø ngéndogt i tit tubo kï ndï ja ðøø ke dã urs kï þoo ðaa.
16Ngekõþe kï nal terrkam a ne, a ða deg ta kõ ngãibe; na ngembet nyangahdøt kïgoðobatal, a lan ndøag kïdøt.
17De'n ta mosï kï küg ko i døat, a ãi mbã kï hoolþe koit. Ot kad de oga dø.
18De kï ngendïa kï kam kïro a aj, na de'n ðob loa i jo a ne, a so kam kïkïðat kudt.
19De kï ngendør døning lon a ngah nyasa kï to mbuj, na de kï ngetuþa go nyag kipãhe, a so ndot.
20De kïro, maj a ura ngãi; na de kï ngeða kanang kad n'ngah nyamajg a ne, a nal køjkum al.
21Kør de dene i goðobat al na de a ða majal kad ngah'n nyasa kïtëbe.
22De kï ngekumnda ndï sah ðob tel ngemaj kanangbe, na ger kad ndo a so dønt al.
23De kï ngendang de a ngah maj takumat, got kï ngetoa pehpeh kï tan.
24De kï ngeþoog bøwïn ke kõn na el an: i majal al, a ne, i nam de kï ngetujnya.
25Ngedøngang a ad gak þai, na ngeþakul Bïraþe, maj a ura.
26De kï ngeþakul takøj kï kamïnt î kïþe a ne, i þood; na de kï ngendïa kïgo teert a ne, a aj.
27De kï ngekad nya ngéndog a nal nya al, na de kï ngekun kumïn kø a ne, ndol kïdangdang i døat.
28Lon ngéðamajalg tan tøg a ne, deg a yan rod; na lon nujïn kø a ne, deg kïdenesew bïlan kïdøtdøt.
BIBLE MBAÏ © 1980 Alliance Biblique du Tchad.