Terr 29
29
1De'n ndangïna kï nja natnatbe na ngïra kï gon a ne, tentenbe a dudïna rumrum kïkanj yoot.
2Lon deg kïdenesew bïlan kïdøtdøt a ne, deg a ðan ronel; na lon deg kïmajal õnþe a ne, deg a ton ðusïðusï.
3De'n ndig terr a ne, ndï ad ronel bøwïn; na de'n hø nam kï kaya dekïdëg a ne, ndï tîn nyag lon kø.
4Kïtakul takïgang kïgoðobat la, ngar a adïn døning lon to lom; na ngar kï ngeta kadkarig a tuj døning lon.
5De kï ngeto madþen pehpeh ndï ya gum naat.
6Gum i kam tøidøtat lo ngeðamajal, na de kïdenesew ndï øsï pa, ndï ða ronel.
7De kïdenesew ger go ta lo ngéndog, na ngeðamajal ger girr ta lod al.
8Ngégo deg a sokin deg ad wong þai kam þet, na ngéteerg a adïn wong kïtïngabil tel søl.
9Îla de mad kï ngeterr a majïna ta kï þood de a ne, þood a þawong, a go koon; lotaakò goto.
10Deg kï ngéküg mosï kø ndï øsïn ta de kïro, na deg kïdenesew ndï ngomïn roa maj.
11Þood tee kï wong kï kamïnt tube, na ngeterr ndï badø wongt lon.
12Lon ngekõþe ndï nel mbin kïdø tat kïngom a ne, ngan ngékïlag loa tube a în ngéðamajalg.
13De kï ngendo kï de kï ngeda kum deg ndo ndødïn na, na Bïraþe ad kunj unj kum dekïðen kudt.
14Ngar kï ngegangta lo ngéndog goðobat a ne, pong kõþe loa a ða loðant bijir mbãkïnõt.
15Ndeh ndakøj kï ndang adïn de terr, na ngon kï de øja al ye, a la rosøl dø kõnt.
16Lon ngéðamajalg bïlan ngãi a ne, tøidøta bïla kïdøtdøt tø; na deg kïdenesew a oon so lod.
17I nda øj ngoni a ne, kamla ngoni a adi kam kï so kïber a adi ronel kamit tø.
18Lon ta kï tee ta Luwaht gotot a ne, deg a awïn kïnõbe; na ngeronel la i ngengom go ta lo Luwah ye.
19A ndangïn þer kïtakul ta kï tat koon al, ke neni ger maj ka a ne, a tel ron got al.
20I oo de kï ngekelta kanangkanang ale? Tel de'n non ngeterrt oon toi tel þood ngeterrt.
21De'n ndïdøt kï þer lon kïdua mbanmbã kï tøi loa, ndø mad þer'n non a ndig tel ngekõnduba.
22Ngekøsï wong ruk a ad gak bai, na ngewong kïtalsøkïr a tøi dø ta kïdøtdøt.
23Døngang lo de a la døa kïber, na de'n aw kï hal kïsøl a ngah køsïgon.
24De'n hø nam kï ngeþoog a ne, ndï øsï ta ron; oo ta yokïnda lo ngegangta þet, na elta dø boogt al.
25Þool kum de i gum kï ya, na de'n ndï þakul Bïraþe a ne, ndï lom.
26Deg ngãibe ndï sahn maj takum ngekõþet, na Bïraþe i ngegangta lo de goðobat.
27De kideneal i nya kïyerr ro degt kïdenesew, na de'n ðob loa i dene i nya kïyerr ro ngéðamajalgt.
BIBLE MBAÏ © 1980 Alliance Biblique du Tchad.