Terr 27
27
1Ot ga buro kïta loti, kïta i ger nya kï a ðe kam ndøt kïkïða al.
2Ad de mad kïðang øsïgonai, na tai in kïþe al; ad mbah øsïgoni, na ndartai in kïþe al.
3Mbal oi ngãi, ngarr oi ngãi tø; na wong lo þood oi ngãi tøid tujoo.
4Wong kïtalsøkïr lo de a ada ða nya kï to, wong a tøi dø de tit mankõþe; na nõ asï ða loðant nõ jàngt a?
5Ndang de kï tïga wang i soot toi tar kiyadø.
6Do kï de ngah dø takøjt lo namïn i nya kïjaraw, na lapia njuta lo madngétaa i ndokum.
7De'n kama ndan, ke mbãr tej ka a þa kï njan: na de'n þo ðaa a ne, oo nyag kï at tube ad în kïnel.
8De'n nya kuj lon, na aw la ta þeg i tit yel kï nya kujn, na aw lot kïsãi.
9Yib wur, kï yib kïkootmbî ad ronel kam de, Titbe tø takøjg lo nam de în kïnel dum.
10Ot nya nami ke nam bøwi kø. Ot kaw kam kujt lo ngonkõi do ndo kamkølt loi. Madþei kï ndï roit nderrbe i soot toi ngonkõi kï ndï sãi.
11Ngonïm, kï i ngeterr kad i adïm ronel kammt. Kamla m'a m'ger turta de'n ndï tajïm.
12Ngekumtøg oo tuj kï ndï ðe døat, a yaron na ngékïboralg awïn kamt, a ngahn kõ.
13I ta kub lo de kï ngekad nyatîna'n nya kïta mbah. I ndïje nyatîna'n nya ji det'n un kon ad mbah tîna'n nya.
14De kï ngenjang dø madþen kïsî ritit kï ndin kïbo a ne, deg a ona tit ngenda ndol døat be.
15Ndii kï nyom njuknjuk kïkanj taakò ndø ked ndit kï dekïdë kï ngekelta së în ðana. 16De'n ndig kog dekïdë kïtitbe do keltat a ne, ndig kog nel la, na ndig ho yib jint tø.
17Hand ol ta hand mad, titbe tø la takum de maj ke majal kïgo kot kï n'o takum namïn.
18Ngengom kag mbaiþood a sa kanda, titbe tø ngekoogo ngen maj a ngah køsïgon.
19De a oo þakumta takumïn kam mant titbe tø la tagah de i tit tagah namïn be.
20Lo kï Koo kï londï ngénujkøg a ðoosïn al, titbe tø kum de a ndan al tø.
21Hor kï girr jo kodt i kïta kot sî l'arjã kø, pur tø i kïta kor sî I'ør kø, titbe tø a gerïn ne de kïgo tøat kï kø.
22Ke neni i nda þood nat kï nyako, i soa kï goi kam birt ka a ne, þood loa a ja al.
23I ger go þut batg loi maj. Oo go þut nyakulg loi tø. 24Kïtø nyamajg a ton kïnõt al, jog ngar a i dø det mbã kïinõt al tø. 25Lon muro a goto, na mu a þa kij, lon a kawïn nyasa kïta nyakulg kïnat dø doorlogt a ne, 26kamla bî ngan batg a i nya jo kubg adsïn, bal binyag a în nya ndugo ndøø tø. 27Mba binyag loi a asï kïta nyasai kï kïta nyasa lo ngékïþe loi, kï kïta koo go þerg loi kïdë. Tag lo deg kï ngéðamajalg kï deg kïdenesew.
BIBLE MBAÏ © 1980 Alliance Biblique du Tchad.