Terr 15
15
1Ta kïtur kïsøl a ad de nyàgo wong, na ta kïkõkõ a søkï wong. 2Ndõ ngéteerg ndï øj nyager kïmaj, na ta þoodg ndï øj nyaða kï lo þoodt kïdøtdøt.
3Kum Bïraþe ndï oo log tube, ndï oo deg kïmajalg kï kïmajg. 4Ndõ ngekelta kïsøllomlom i kag kumkajir, na ndõ kï ngekøjta kïgo ða ndangt i nya kï tuj kam de.
5Þood ndï kid nyandoo lo bøwïn, na de'n tur go takøj a ne, i ngekumtøg.
6Nyamajg kïngãi i kam kujt lo de kïdenesew na nyangah døt lo ngéðarrajalg a ðe kï jarobãi.
7Ta ngéteerg ndï la mber nyager, na kam þoodg i titbe al.
8Kadkari kijakø lo ngéðamajalg i nya kïyerr kïro Bïraþet, na kø lo deg kïdenesew i nya kï nela.
9Ðob lo ngeðamajal i nya kïyerr kïro Bïraþet, na Bïraþe ndï tar de'n ndï sah go ða denesew kï rotîn.
10Ndakoj kïngang i kïta de'n nya ðob kidene, na de'n mbet ndang a ne, a oi.
11Lo kï Koo kï londï ngénujkøg ton tïga wakïsï nõ Bïraþet, yela kam deg tan.
12Ngego deg a ndig kad ndangïna al, a aw ro ngeterrt al tø.
13Kamnda lo de a ad takuma unj kï ronel, na kamkil lo de a ad roa oi siw.
14Kam de kï ngegoosï ndï sah go nyager, na ta þoodg nyasa lod i þood.
15Ndøg tube lo de kïdangt i majal, na kamnda i tit mburnam kïndøgbe.
16Nya kïtëbe nat kï þool Bïraþe i soot tøi nyamajg kïngãi nat kï kamkøl.
17Sa mbikám nat kï leg kï ngétarna i soot tøi sa dã mang kï to mbulmbul nat kï deg kï ngekøsïna ta.
18Ngekøsï wong ruk a ad gakna þai, na ngendï dø wongt a søl kam ngékølna.
19Køn'g þa utïn ðob lo ngengë, na ðob lo dekïdenesew i kï ða ad asïna jerer.
20Ngon kï ngeterr ndï ad ronel bøwïn, na þood de ndï kid kõn.
21Þood i nyaronel lo de'n goosï loa goto, na de kï ngeterrkam ndia goðobat.
22Ndahkamt kïkanj køjtaða a tølkon nya al; na lon ngékøjtag'n ngãi, nyag son go nat maj.
23Ta kïtur kïmaj a ad ronel ngekela na ta kïkel kï sumba dø kadat maj dum.
24Ðob lo ngeterr i ðob kaw dõ kï kumkajirt, øga lo kaw kam lot kï Koo kïber.
25Bïraþe ndï teet kuj lo ngedøngang kïber, na nda ndog lo ngengawkoi ad ða bijir.
26Tara ngéðamajalg i nya kïyerr kïro Bïraþet, na ta kïjaþat i nya kï nela.
27De'n nyur ngahnya kïgoðobatal õa a ne, ndï ad kõ ngékïþe lon; na de'n mbet ta kadkari tuj taa ne, a ndï kï døn dõ kari.
28Kam de kïdenesew ndï gah dø tat kï sumba tur, na ta ngeðamajal ndï el nyag kïmajal kïdøtdøt.
29Bïraþe i sãi kï ngéðamajalg, na oo dø ko lo deg kïdenesew. 30Takum kï kunjðang ad de kamnda, na hoita kïmaj ad dãro de mbuj gosir.
31De'n nel mbin dø køjtat kïjaraw a ne, a ndï ku ngéteergt.
32De'n mbet takøj a ne, ndï kid ron; na de'n nel mbin kïdø ndangt a ne, a ngah goosï.
33Þool Bïraþe ndï ndoo de terr, na soldø i kete kamla tøko a ðe ye.
BIBLE MBAÏ © 1980 Alliance Biblique du Tchad.